फागुन ६ गते

 सञ्चार कर्मी तुलसिंह सिर्पालीको उपचारको क्रममा निधन भएको छ । विगत एक वर्षदेखि अस्वास्थ्य रहेका सिर्पालीको विभिन्न अस्पतालमा उपचार गराइए पनि उपचार हुन नसकेपछि शनिबार राति उपचारकै क्रममा निधन भएको परिवारले जनाएको छ । 

तमानखोला गाउँपालिका ५ घर भई विगत केही वर्षदेखि बुर्तिबाङमा बस्दै आउनुभएका सिर्पाली सामुदायिक रेडियो ढोरपाटनमा २०७१ सालदेखि २०७८ सालसम्म कार्यक्रम प्रस्तोता र प्राविधिकको रुपमा काम गर्नुभएको थियो ।

 इमानदार र कुशल प्रस्तोता समेत रहेका सिर्पाली ले लगत्तै रेडियो परिवर्तनमा करिब एक वर्षसम्म कार्यरत रहनुभएको थियो । 

अन्दाजी ३० बर्षिया सिर्पाली का परिवारले नेपाल र भारतका विभिन्न अस्पतालमा उपचारका निम्ति प्रयास गरेपनि रोग पत्ता लाग्न नसक्दा उपचार हुन सकेको थियन एकबर्ष सम्म उपचारका निम्ति प्रयास गरिएपनि उपचारले पूर्णता नपाउँदा छोराको निधन भएको मृतक सिर्पाली का बुबा पृथिमान सिर्पाली ले बताउनु भयो ।

फाल्गुन ४ गते बुर्तिबाङ
बागलुङको ढोरपाटन नगरपालिका १ बुर्तिबाङमा आजदेखि प्रथम जिल्ला स्तरीय सितोरियो कराते प्रतियोगिता सुरु भएको छ ।
सितोरियो कराते बुर्तिबाङ शाखाको आयोजनामा सुरु भएको प्रतियोगितामा १६ बर्ष मुनिको जुनियर प्रतियोगितामा विभिन्न ४ पालिकाका दुई सय बढि खेलाडीले सहभागिता जनाएका छन ।
विभिन्न १७ इभेन्टमा सुरु भएको प्रतियोगिताको शुक्रबार एक औपचारिक कार्यक्रम सहित खेल अगाडी बढाइएको हो ।

सितोरियो कराते बुर्तिबाङ शाखाका प्रशिक्षक चित्र बहादुर पुनको अध्यक्षतामा आयोजित कार्यक्रमलाई ढोरपाटन नगरपालिका कार्यवाहक मेयर धन बहादुर कायतले प्रमुख अतिथीको रुपमा उद्घाटन गर्नुभयो ।

आयोजित कार्यक्रमलाई सम्वोधन गर्दे मेयर कायतले खेलकुद क्षेत्रको विकास र खेलाडीको प्रतिभाको विकास गर्नका निम्ती यस्ता कार्यक्रमले महत्वपूर्ण भुमिका निर्वाह गर्ने बताउँदै ढोरपाटन नगरपालिकाले आवस्यक सहयोग गर्ने बताउनु भयो ।

मेयर कायतले भन्नुभयो “खेलाडी देशका गहना भएको र पछिल्लो समय विभिन्न खेल क्षेत्रको माध्यमबाट खेलाडीले नै देशको पहिचान बढाएको बताउँदै खेलकुदले स्वास्थ्य, अनुसासन संगै प्रतिभा पहिचानको अवसर दिने बताउँदै यस्ता महत्वपूर्ण कार्यमलाई सबैले साथ दिनुपर्ने बताउँदै ढोरपाटन नगरपालिकाको तर्फदेखि दुई लाख रुपैयाँ विनीयोजन गरिने बताउनु भयो ।”

कार्यक्रमका अवसरमा ढोरपाटन नगरपालिका वडा नं. १ का अध्यक्ष वान बहादुर छन्त्याल, नेपाल कराते महासंघ गण्डकी प्रदेशका अध्यक्ष मनिराज थापा मगर , नेपाल कराते महासंघ गण्डकी प्रदेशका रेफ्री संयोजक सुरेन्द्र कुमार गुरुङ, नेपाल सितोरियो कराते संग गण्डकी प्रदेश अध्यक्ष धन लामा, सचिव कष्ण प्रसाद कँडेल, प्रशिक्षक धनदाश मर्हजन उद्योग वाणिज्य संघ बुर्तिबाङका महासचिब ज्ञान प्रसाद कँडेल, इलाका प्रहरी कार्यालय बुर्तिबाङका प्रमुख प्रहरी निरीक्षक राजकुमार बिक, लगाएतको आतिथ्यता रहेको थियो ।

जनता इङलिस सेकेन्डरी बोर्डिङ स्कुलको खेलमैदानमा सुरु भएको प्रतियोगितामा ढोरपाटन नगरपालिका, वडिगाड गाउँपालिका , काठेखोला गाउँपालिका र बागलुङ नगरपालिका अन्र्तगत शाखामा रहेका खेलाडीले सहभागिता जनाएका छन ।
प्रतियोगितामा टिम प्रथम , द्विर्तीय र तिर्तिय हुने समुहले क्रमश २० हजार, १५ हजार १० हजार ट्रफी र प्रमाणपत्र प्राप्त गर्ने छन ।
त्यस्तै महिला ÷पुरुष उत्कृष्ट टिमलाई ट्रफी, उत्कृष्ट खेलाडीलाई ट्रफी सहित सम्मान गरिने सितेरियो कराते बुर्तिबाङ शाखाका प्रशिक्षक चित्र बहादुर पुनले पत्रकार सम्मेलन मार्फत जानकारी गराउनु भयो । खेलाडीले विभिन्न १७ इभेन्टमा प्रतिस्पर्धा भइरहेको सितोरियो कराते बुर्तिबाङ शाखाका प्रशिक्षक चित्र बहादुर पुनले बताउनु भयो ।

 फाल्गुन २ गते  बागलुङको ढोरपाटन नगरपालिकाले बुधबार छड्के बजार अनुगमन गर्दे विभिन्न पसलबाट भेटिएका अखाद्य बस्तु जफत गरेको छ । गत कात्तिक महिनामा केही पसल अनुगमन गरेको नगरपालिकाले बुधबार विभिन्न २३ वटा पसलको अनुगमन गर्दे म्याद गुज्रिएका खाद्य पदार्थ, चिसो प्य पदार्थ, कस्मेटिक सामान लगायतका सामाग्री जफत गरेर नस्ट गरेको हो ।  

नगरपालिका निमित्त प्रमुख प्रशासकीय अधिकृत चण्डी राज पौडेलको नेतृत्वमा खटिएको अनुगमन टोलीले बजारका गल्ला किराना पसल दाना पसल, कस्मेटिक पसल , पाउरोटी उद्योग लगायत २३ वटा पसलमा अनुगमन गर्दा बढिमात्रामा चिसो प्य पदार्थ, प्याकिङ गरिएका खाध्यान्ह सामाग्री फेला पारेसँगै जफत गरिएको र व्यवसायीलाई सचेत समेत गराइएको चण्डीराज पौडेलले बताउनु भयो ।

  अनुगमनमा पसल नै दर्ता नगरी लामो समय देखि सञ्चालन गरेको एक उद्देश्य लिइ व्यवसाय दर्ता गराएकोमा अन्य वस्तु समेत बिक्रीका लागी राख्ने गरेको, सडक पेटी भन्दा बाहिर अव्यवस्थित सामान राख्ने गरेको पाइएको कारण पहिलो पटक सचेत गराइएको र आगामी दिनमा पनि अनुगमनका क्रममा यस्तै अवस्था देखिए कारवाही पकृया अगाडि बढाउने पौडेलले बताउनु भयो । 

नगरपालिकाले निरन्तर व्यवसायीलाई सचेत बनाउने, पालिकामा दर्ता प्रकृयाका निम्ति आव्हान गर्ने र उनीहरू लाई समय समयमा सचेतना मुलक कार्यक्रम समेत गराउने गरि अगाडि बढिएको कार्यवाहक मेयर धन बहादुर कायतले बताउनु भयो । 

 उहाँले भन्नु भयो नगरपालिकाको उद्देश्य व्यवसायीलाई दुःख दिने नियत नभई  सचेत बनाउने र उपभोग योग्य नभएका खाद्य बस्तु बिक्री नगर्न सचेत गराउने, सेवा ग्राहीलाई समेत सचेत गराउने र स्थानीय तहमा  व्यवसाय दर्ता गरि जिम्मेवार नागरिकको भूमिका निर्वाह गराउने उद्देश्य सहित अभियान अगाडि बढाइएको बताउनु भयो ।

  टोलीले समय समयमा बजार अनुगमन गर्ने भएको छ ।  बुधबार अनुगमनका क्रममा जफत गरिएको सामाग्री ढोरपाटन नगरपालिका कार्यवाहक मेयर धन बहादुर कायत, इलाका प्रशासन कार्यालय बुर्तिबाङका प्रमुख लोक बहादुर कुवँर निमित्त प्रमुख प्रशासकीय अधिकृत चण्डी राज पौडेल, जनप्रतिनिधि, प्रहरी, पत्रकार, नगरपालिका कर्मचारी लगायतको रहो भरमा नस्ट गरिएको हो । 

फाल्गुन २ गते 

बागलुङको ढोरपाटन नगरपालिका वडा नं. ६ स्थित पुरानो गाउँमा पहिलो पटक मोटर पुग्दा स्थानीय नागरिक खुसी भएका छन ।

सोमबार गाउँमा सडक सञ्जाल जोडिएर सिधा सवारीका साधन घर छेउमै पुगेपछि स्थानीय नागरिकले खुसी मनाउँदै अब घरबाटै मोटर चढेर सहर बजार पुग्न सकिने र बिरामी पर्दा समेत सवारीका साधनमा चढेर अस्पताल पुग्न पाउने भएपछि स्थानीय २६ घरधुरीका नागरिकले खुसी व्यक्त गरेका हुन । 

गाउँ नजिक बाटो पुगेको थियो यस आर्थिक वर्षको पाँच लाख बजेट बिनियोजन गरेर गाउँसम्म सडक सञ्जाल जोडिएको वडा अध्यक्ष उमेश बुढाले बताउनु भयो । भौगोलिक रूपले दुर्गम रहेको वडा नं. ६ मा धेरै बस्ती हुँदै गर्दा अब प्राय सबै बस्तीमा सडक सञ्जाल जोडिएको बुढाले बताउनु भयो । 

वडाकै अर्को गाउँ भित्रिवनमा समेत गत मंसिर महिनामा सडक सञ्जालले जोडिएको हो । दुई लाख बजेट मार्फत सडक विस्तार गरिएपछि गाउँमा सडक पुगेको छ अव यहाँका नागरिकलाई ढोरपाटन जोड्ने सडक नबनेकै कारण समस्या भएको हो ।

 करिब ११ किलोमिटर सडक कालोपत्रे हुने तयारीमा छ तर ढोरपाटन जोड्न ६ किलोमिटर हुँदै गर्दा ढोरपाटन सिकार आरक्षको कारणले सडक विस्तारमा समस्या भइरहेको वडा अध्यक्ष बुढाले बताउनु भयो । 

सिकार आरक्षमा सडक ट्याक खोल्न नपाइने भएपछि बिच बाटोसम्म कालोपत्रे सडक हुने भएपनि ढोरपाटन उपत्यकामा जोडिन समस्या भइरहेको हो । ढोरपाटन नगरपालिका प्रदेश सांसद लगायतको पहलमा सडक खोल्ने प्रयास गरेपनि सिकार आरक्षको मापदण्डका कारण समस्या सृजना भइरहेको बताइएको हो ।

 फाल्गुन १ गते 

सिटिजन लाइफ इन्स्योरेन्स कम्पनीले बागलुङको ढोरपाटन नगरपालिका २ का होम बहादुर पुनको परिवारलाई मृत्यु दावी भुक्तानी उपलब्ध गराएको छ ।
गत कात्तिक २० गते सवारी दुर्घटनामा ज्यान गुमाउनु भएका पुनको परिवारलाई सिटिजन लाइफ इन्स्योरेन्स कम्पनीको तर्फदेखि दश लाख ७० हजार रुपैयाँ उपलब्ध गराइएको हो ।
२०७८ सालमा बुर्तिबाङ शाखाबाट पाँच लाख बिमाङ्कमा १५ वर्ष अवधिको सिटिजन शुभारम्भ बीमा योजना खरिद गर्नुभएका पुनले दुई किस्ता प्रिमियम तिर्नुभएको थियो ।

३० वर्षको उमेरमा दुर्घटनाबाट ज्यान गुमाउनु भएका पुनकी आमा कुन्ती बुढालाई कम्पनीले बीमांकको दोब्बर दश लाख, काजकिरिया खर्च र बोनस सहित एकमुष्ठ दश लाख ७० हजार रुपैयाँ हस्तान्तरण गरेको र पुन बीमा अवधि समाप्ति पश्चात कम्पनीले बीमाङ्क बराबरको पाँच लाख रुपैयाँ हस्तान्तरण गर्ने शाखा प्रबन्धक छविलाल पाण्डेले बताउनु भयो । कम्पनीले होम बहादुर पुनकी आमा कुन्ती बुढालाई रकम हस्तान्तरण गरिसकेको हो ।

बीमाले बचत र मानिसको जीवनमा हुन सक्ने विभिन्न जोखिमलाई आर्थिक रूपबाट हस्तान्तरण गर्ने माध्यम रहेको बताउँदै बुर्तिबाङ क्षेत्रबाट घातकरोग, अशक्तता, कालगति मृत्यु, दुर्घटना मृत्युबाट धेरै नागरिकका परिवारले सेवा लिइसकेको बताउनु भयो ।

स्वर्गीय होम बहादुर पुनकी आमा कुन्ती बुढाले बोल्दै आफ्नो छोराको अकल्पनिय घटनामा मृत्यु हुँदा घरपरिवार पीडामा रहेको अवस्थामा सिटिजन लाफले आर्थिक रुपमा मल्हम लगाएको बताउनु भयो । कम्पनीले आफुहरुले कागजात दिँदै गर्दा तत्काल दाबी भुक्तानी गरेको बताउनु भयो ।

घरमा छोराको बीमा छ भन्ने पनि थाहा थिएन तर सिटिजन लाईफले घरमै पुगेर यसरी सेवा दिँदै गर्दा बीमा सबैका लागी आवश्यक रहेको बताउनु भयो ।

ढोरपाटन नगरपालिका वडा नं. २ का अध्यक्ष भेक बहादुर खत्रीको विशेष उपस्थिति रहेको कार्यक्रममा अध्यक्ष खत्रीले बोल्दै बीमाले भौतिक शरीर रहँदा पनि नरहँदा पनि महत्वपूर्ण सहयोग गर्ने बताउँदै यसले बचत गर्ने बानीको विकास र जीवनमा आइपर्ने विभिन्न जोखिमको सुरक्षा गर्ने भएका कारण बीमा सबै उमेर समुहका लागी आवश्यक रहेको बताउनु भयो ।

आफू रहँदा आफूलाई र आफू नरहँदा पनि आश्रित परिवारलाई बीमाले साथ दिने उहाँको भनाई थियो । कार्यक्रममा कम्पनीका एजेन्सी म्यानेजर शिवलाल पाण्डेले पनि आफ्नो मन्तव्य राख्नु भएको हो । एजेन्सी म्यानेजर, एजेन्सी, स्थानीय नागरिक सहितको उपश्थितीमा आयोजित कार्यक्रम एजेन्सी म्यानेजर अमर बहादुर क्षेत्री –ओम ले सञ्चालन गर्नुभएको थियो ।

माघ २९ गते जुग्जाखोला

बागलुङको निसीखोला गाउँपालिकामा १३ औँ गाउँ सभा सोमबार सम्पन्न भएको छ । गाउँपालिका उपाध्यक्ष प्रेम बहादुर घर्तिको अध्यक्षतामा आयोजित कार्यक्रमका अवसरमा गाउँपालिकाले सभा मार्फत विभिन्न १० बुँदामा निती तथा कार्यक्रम ल्याएको हो ।

अध्यक्ष सूर्य बहादुर घर्तीद्वारा प्रस्तुत नीति कार्यक्रममा स्थानीय मदिरालाई ब्रान्डिङ गर्ने देखि मुख्य सार्वजनिक क्षेत्रमा सिसि क्यामेरा जडान गर्ने सम्मका लक्ष्य गाउँपालिकाले अगाडि बढाएको पाइएको छ ।

गाउँपालिकाले गण्डकी प्रदेशले लिएको नीति कार्यक्रमलाई प्राथमिकता दिँदै बाहिरबाट आउने विदेशी मदिरालाई कम गर्दे स्थानीय स्तरमा उत्पादित लोकल मदिरालाई ब्रान्डिङ गर्ने लक्ष्य लिएको हो । मुख्य मुख्य सार्वजनिक स्थानमा चोरी डकैती लगायत अनियमित कार्यको निगरानीका निम्ति सिसि क्यामेरा जडानलाई समेत प्राथमिकता दिइएको छ ।

गाउँपालिकाले पालिका तथा वडा तहबाट हुने सेवा प्रवाहलाई थप चुस्त दुस्त र छिटो छरितो बनाउने, वडाको सीमाङ्कनमा विगतमा भएको त्रुटिका कारण समस्या भएको भन्दै त्यसलाई समाधान गर्न सम्बन्ध निकाय सँग सम्मोन्य गरि अगाडि बढ्ने, भु उपयोग ऐन तथा नियमावली अनुसार जग्गाको वर्गीकरण गर्ने कार्यलाई अन्तिम रूप दिने, औपचारिक अनौपचारिक क्षेत्रका श्रमिक तथा स्वरोजगारमा रहेका व्यक्तिलाई योगदानमा आधारित सामाजिक सुरक्षा योजनामा आबद्ध गराउने, तथा दुर्गम बस्तीमा स्वास्थ्य इकाई स्थापना एवं पालिकाले गत वर्ष  ल्याएको स्वास्थ्य बीमा कार्यक्रमलाई निरन्तरता दिन छुट भएका सबै नागरिकको स्वास्थ्य बीमा गरिदिने लगायतका नीति कार्यक्रम प्रस्तुत गरिएको हो ।

त्यस्तै गाउँसभाको बन्द सत्रबाट ३ करोड ५० लाख बजेट बराबरको संशोधित तथा थप बजेट पारित गरिएको छ । विभिन्न ६१ योजना छनौट गर्दे उक्त बजेट विनियोजन गरिएको जनाइएको हो ।

आयोजित औपचारिक कार्यक्रममा गण्डकी प्रदेश सभा पूर्व सदस्य खिम विक्रम शाही, निसीखोला गाउँपालिका पूर्व अध्यक्ष तारानाथ पौडेल नेपाली कांग्रेस निसीखोला गाउँपालिका सचिव राजमान बूढा, नेकपा एमाले गाउँपालिका अध्यक्ष भूमिराज घर्ति, नेकपा माओवादी केन्द्र निसीखोला गाउँपालिका सचिव भीम घर्ती, राजमो निसीखोला गाउँपालिका अध्यक्ष थमन घर्तिले शुभकामना मन्तव्य व्यक्त गर्दे गाउँपालिकालाई समृद बनाउन पालिकाले लिएका नीति कार्यक्रमलाई प्राथमिकतामा राख्दै अगाडि बढ्न सुझाब दिएका छन ।

गाउँपालिकाले नीति कार्यक्रम ल्याउने तर कार्यान्वयनको पाटो कमजोर हुने गरि काम गर्न नहुने बताउँदै कृषि, रोजगार उत्पादन सँगै बजारीकरणमा समेत ध्यान दिन आवश्यक रहेको बताएका छन । वनजंगल, खानी, जल तथा कृषि क्षेत्रबाट निसीखोला गाउँपालिकाको समृद्धिको आधार रहेका कारण त्यसलाई प्राथमिकता दिँदै अगाडि बढ्न आग्रह गरिएको छ ।

 कार्यक्रम गाउँपालिका उपाध्यक्ष प्रेम बहादुर घर्तिको अध्यक्षता, गाउँपालिका अध्यक्ष सूर्य बहादुर घर्तिको प्रमुख आतिथ्यता रहेको कार्यक्रम निमित्त प्रमुख प्रशासकीय अधिकृत दिलिप कुमार चन्दको स्वागत, प्रशासन शाखा प्रमुख पुरुषोत्तम गौतमको सञ्चालनमा सम्पन्न भएको हो । कार्यक्रममा वडा अध्यक्ष , कार्यपालिका सदस्य, वडा सदस्य, कर्मचारी, राजनैतिक दलका प्रतिनिधी, प्रहरी, पत्रकार लगायतको आतिथ्यता एव्म उपश्थिती रहेको थियो ।

माघ २६ ,२०८०
ग्लोबल आइएमई बैंक लिमिटेड बुर्तिबाड. शाखा द्वारा एकदिने बैंक तथा बित्तिय साक्षारता एवम् डिजिटल बैंकिड. सम्बन्धी कार्यक्रम बुर्तिबाड. मा सम्पन्न भएको छ।

बैंक को सामाजिक उत्तरदायित्व अन्तर्गत सेवाग्राहि नागरिक लाई बित्तिय क्षेत्र एवम् डिजिटल बैंकिड. सम्बन्धि जानकारी दिने र उनिहरु लाई बित्तिय साक्षरता बाट हुनसक्ने आर्थिक जोखिम बाट बचाउने उद्देश्य ले यो कार्यक्रम आयोजना गरिएको ग्लोबल आइएमई बैंक लिमिटेड गण्डकी प्रदेश उपप्रमुख नारायण प्रसाद पौड्यल ले जानकारी दिनु भयो।
अझैपनि नागरिक हरु बित्तिय साक्षरता आवश्यक रहेको र डिजिटल बैंकिड. कसरी प्रयोग गर्ने र त्यसबाट हुने सक्ने जोखिम बाट कसरी बच्न सकिन्छ भन्ने बिषय मा आम नागरिक संग अन्तरक्रिया गरिएको हो।
८० जना सहभागिता रहेको कार्यक्रम को सन्चालन ग्लोबल आईएमई बैंक लिमिटेड बुर्तिबाड. शाखा प्रबन्धक श्री ईश्वर राजभण्डारी ले गर्नुभएको थियो भने कार्यक्रम का विषय मा ग्लोबल आइएमई बैक लिमिटेड बुर्तिबाड. शाखा का कर्मचारी श्री समिर आचार्य ले थप प्रस्ट पार्नुभएको थियो।
कार्यक्रम मा सहभागि आम नागरिक ले आफ्नो मन मा लागेका जिज्ञासा हरु राखेका थिए। बैंक ले सामाजिक उत्तरदायित्व अन्तर्गत प्रत्यक बर्ष यस्तै सामाजिक एवम् जनचेतना मुलक कार्यक्रम गर्दै आईरहेको छ।