कात्तिक १२ गते बुर्तिबाङ
बागलुङको पर्यटकीय एवम् धार्मिक स्थल पुग्ने सालझण्डी ढोरपाटन सडक खण्ड अन्र्तगतको बुर्तिबाङ ढोरपाटन सडक निर्माणमा निर्माण कम्पनीले ढिलासुस्ती गरिरहँदा यहाँका नागरिक निर्माण कम्पनी, आयोजना र राज्यका निकायसँग आक्रोशित बन्दै गएका छन ।
उनीहरूले सालझण्डी ढोरपाटन नामको सडक आयोजना बुर्तिबाङ देखि ढोरपाटन सम्म कतौटी गरेर छुट्टै निकायबाट काम गर्ने गरी प्रकृया बढाउन आयोजना कार्यालयको ध्यानाकर्षण गराएका हुन ।
सडक निर्माणका निम्ती पटक पटक ताकेता गर्दा समेत सडकको अवस्था झनै जीर्ण हुँदै जान थालेको र स्थानीय नागरिक संगै ढोरपाटन पुग्ने पर्यटकले खेपिरहेको सास्तिको अवस्थालाई अवहेलना गरिएको भन्दै स्थानीय नागरिक आक्रोशित बनेका हुन ।
गत शनिबार ढोरपाटन नगरपालिका ८ मा आम भेला गरेर सङ्घर्ष समिति गठन गरेका स्थानीयले सोमबार ढोरपाटन नगरपालिका कार्यालयमा सालझण्डी ढोरपाटन सडक आयोजना कार्यालयका परियोजना प्रमुख गागल बहादुर भण्डारी सँगको भेटमा कि तत्काल सडक निर्माणको कामले गति लिनुपर्ने अन्यथा ठेक्का तोडेर भएपनि नयाँ प्रकृयामा जानका लागी आग्रह गर्दे पटक पटक ताकेता गर्दा समेत स्थानीयको माग सुनुवाइ नभएमा चरणबद्ध शसक्त कार्यक्रम अगाडि बढाउने स्थानीय जनप्रतिनिधि र नागरिकले धारणा राखेका हुन ।
बुर्तिबाङ देखि फल्लेघर सम्म २२ किलोमिटर सडक खण्ड ३० महिनामा ग्राभेलिङ सम्पन्न गर्ने गरी २०७७ मा जिम्मा पाएको स्वच्छन्द निर्माण कम्पनीले ओम बुद्ध जेवी लाई निर्माणको जिम्मा दिएको थियो । ३० महिना सम्म पनी ३० प्रतिशत काम गर्न नसकेको उक्त निर्माण कम्पनीले समय सकिएपछि पनि पुनह यहि पौष मसान्त सम्मका लागी म्याद थप गर्दे काम सक्ने प्रतिबद्धता जनाएको पाइएको छ ।
तर गत चैत्र महिनादेखि निर्माणको काम रोकेको ओम बुद्ध निर्माण कम्पनीका सञ्चालक पछिल्लो समय सम्पर्क विहीन रहेको सालझण्डी ढोरपाटन सडक आयोजना कार्यालयका परियोजना प्रमुख गागल बहादुर भण्डारीले बताए ।
पटक पटक ताकेता गर्दा समेत निर्माण कम्पनी सम्पर्कमा नआएको र ओम बुद्धले काम नगरेपछि स्वच्छन्द निर्माण कम्पनीले कात्तिक मसान्त देखि आफुहरुले नै काम अगाडी बढाउने प्रतिबद्धता जनाएका कारण उक्त समय सम्म धैर्य गर्न आग्रह गर्दे त्यस पश्चात पनी काम नभएको खण्डमा आवश्यक थप प्रकृया अगाडि बढाउन सकिने बताएका हुन ।
ढोरपाटन नगरपालिकाले आयोजना गरेको आयोजना कार्यालय जनप्रतिनिधि र स्थानीय नागरिक विचको छलफलका क्रममा स्थानीय नागरिक र जनप्रतिनिधिले बोल्दै आफूहरूले धेरै सास्ती खेप्दै आइरहेको र जनप्रतिनिधिले समेत बाहिरबाट आउने प्रर्यटकको गुनासो सुन्ने काम मात्रै भएका कारण तत्काल निर्माणको कामलाई अगाडि बढाउन आग्रह गर्दे काम नहुने भए ठेक्का सम्झौता टोडे्र बुर्तिबाङ —ढोरपाटन खण्डलाइ सालझण्डी सडक आयोजनाबाट हटाउने प्रकृयामा सहयोग गरिदिन आयोजना प्रमुखलाई ध्यानाकर्षण गराइएको हो ।
छलफलका क्रममा सहभागिले अझैपनी समयमा काम नभएको खण्डमा बुर्तिबाङ देखि ढोरपाटन सम्मको खण्डलाई सालझण्डी आयोजनाबाट टुक्राएर स्थानीय तह, प्रदेश र संघ सरकार समक्ष पहल गर्दे निर्माणमा अगाडि बड्ने प्रकृया अगाडि बढाउन पहल गर्ने विषयमा समेत छलफल भएको हो ।
ढोरपाटन नगरपालिका कार्यवाहक मेयर धन बहादुर कायतले बोल्दै आफूहरूले पटक पटक सडक निर्माणका सन्दर्भमा ध्यानाकर्षण गराइरहे पनि निर्माण कम्पनीको व्यववास्तका कारण समयमा सडक निर्माणले गति नलिएका कारण अब जनप्रतिनिधि र यहाँका नागरिक चुप लागेर नबस्ने बताउँदै आयोजना कार्यालयले समेत निर्माण कम्पनीलाई समयमै ध्यानाकर्षण गराउन आग्रह काम नगरे ठेक्का टोड्ने र सालझण्डी आयोजनाबाट खण्डीत गर्न सहयोग गर्न आयोजना प्रमुखलाई आग्रह गर्नुभयो ।
त्यस्तै गण्डकी प्रदेश सभा सदस्य माननिय दिलमाया पौवीले बोल्दै आफु सहित माननिय दोर्ण कुवँर, जित बहादुर शेरचन तिनैजना प्रदेश सभा सभा सांसदले आयोजना कार्यालय, मन्त्रालय लगाएतका निकायमा पटक पटक ध्यानाकर्षण गराइएको बताउँदै निर्माण कम्पनीकै कमजोरीका कारण यस्तो अवस्था आएको बताउनु भयो ।
अबपनी काम सुरु नभए ठेक्का तोडेर अर्काे विकल्प नखोजे सडकले गति नलिने बताउनु भयो । कात्तिक मशान्त सम्म कम्पनीको विषयमा पर्ख र हेरको अवस्थामा रहने र त्यस समय सम्म पनी काम नगरे ढोरपाट नगरपालिका र स्थानीय संघर्ष समिती पुनह डेलिगेशन लगाएत संघर्षका कार्यक्रममा अगाडी बढ्ने जनाइएको हो ।
कार्यक्रममा विभिन्न राजनैतिक दलका प्रतिनिधी, संघर्ष समितीका पदाधिकारी, निर्माण व्यवसायी लगाएतको उपश्थिती र धारणा रहेको हो । कार्यक्रमको सहजिकरण ढोरपाटन नगरपालिकाले गरेको थियो ।
सालझण्डी ढोरपाटन सडक निर्माणका निम्ती यसबर्ष ४५ करोड बजेट विनीयोजन भएको छ । जसमध्ये गतबर्षको भुक्तान गर्नुपर्ने १७ करोड बजेट भुक्तानी भएको र जम्मा २८ करोडको काम यसबर्ष हुने भएको हो । पाल्पा, अर्घाखाँची, गुल्मी र बागलुङ खण्डमा काम हुँदै गर्दा बागलुङ र पाल्पा खण्ड अलपत्र अवस्थामा रहेको छ ।
सडक निर्माण समयमा नभएपछि गण्डकी प्रदेश सभा सदस्य दोर्णकुमार कुवँर, दिलमाया पौवी, जित बहादुर शेरचन सहित ढोरपाटन नगरपालिकाले पटक पटक आयोजना कार्यालय, निर्माण कम्पपनी र मन्त्रालय समक्ष ध्यानाकर्षण गराउँदै आएको पाइएको छ ।
