निर्वाचन बिरोधी गतिबिधि गरेको आरोपमा बागलुङको कुश्मीशेरा बजारबाट प्रहरीले १४ जनालाई पक्राउ गरेको छ । जैमिनी नगरपालिका–१ कुश्मीशेरा बजारमा कोणसभा गरिरहेका नेकपा मशालका १४ जना नेता कार्यकर्तालाई प्रहरीले पक्राउ गरेको हो । निर्वाचन बहिस्कारका लागि आयोजना भएको कोणसभामा प्रहरी चौकी कुश्मीशेराबाट पुगेको प्रहरी टोलिले नेकपा मशालका पोलिट व्युरो सदस्य कृष्णराज पौडेलसहितका नेता तथा कार्यकर्ता पक्राउ गरेको हो ।

पक्राऊ पर्नेहरुमा नेकपा ९मशाल०का पोलिटब्युरो सदस्य कृष्णराज पौडेल, अखिल भारत नेपाली एकता समाजका अध्यक्ष देब बहादुर लामिछाने, नेकपा ९मशाल० बागलुङका सचिब नारायण सापकोटा, प्रवक्ता रेशम गिरि, रक्तिम सास्कृतिक अभियानका केन्द्रिय उपाध्यक्ष दल बहादुर बिक, अखिल भारत नेपाली एकता समाजका युवा नेता सुर्य थापा, नेकपा ९मशाल० कास्कीका प्रवक्ता बिक्रम थापा, युवा वाम नेताहरु सागर कुवर, आकाश गौतम, बिनोद बिष्ट, रमाकान्त शर्मा र नेकपा ९मशाल ० काठमाडौंका नेता यम प्रसाद शर्मा लगायत रहेका छन् ।उनीहरुलाई प्रहरी चौकी कुश्मिशेरामा राखिएको छ । ‘निर्वाचन बिरोधी गतिबिधि गरेको सूचना आधारमा पक्राउ गरिएको हो, कुन पार्टीका हुन भन्ने हामिलाई जानकारी छैन्’ जिल्ला प्रहरी प्रमुख दयानिधी ज्ञवालीले भने‘प्रचार सामग्री सहित फेला परेकाले अनुसन्धान भैरहेको छ, मुद्धा चलाउने वा कागज गरेर छोड्ने अनुसन्धान पछि थाहा हुन्छ, घटनाको प्रकृति र उनिहरुको कृयाकलापको बिषयमा हामिले पहिले जानकारी लिन्छौं ।’

कोणसभाका मुख्य वक्ता पोलिटब्युरो सदस्य कृष्णराज पौडेलले सम्बोधन गरिरहेका बेला प्रहरिले सबैलाई पक्राउ गरेको थियो । मशालका नेता कार्यकर्ता र प्रहरी बीच केहिबेर घम्साघम्सी भएको प्रतक्षदर्शीले बताए । प्रहरीले उनीहरुसँगै माइक र पर्चा लगायतका प्रचार सामाग्रीहरु पनि जफत गरेको छ ।

कात्तिक २८
नेपाली कांग्रेसका नेता तथा बागलुङ क्षेत्र नं. २ प्रदेश सभा (ख) तर्फ गठवन्धनका उमेद्वार दोर्ण कुमार कुवंरले ढोरपाटन नगरपालिका ३ विसमोर देखि घोसा जोड्ने झोलुङगे पुलको सिलन्यास गर्नुभएको छ ।
नेता कुवँरको पहलमा संघिय सरकारबाट पुल बन्ने योजना परेसंगै २४३ मिटर लामो झोलुङगे पुलको सोमबार सिलन्यास गर्नुभएको हो ।
आगामी चार महिनामा निर्माण सम्पन्न गर्ने गरी निर्माण सुरु भएको उक्त पुल दुई करोड २० लाख लागतमा थानी निर्माण सेवा काठमान्डौले ठेक्का लिएको हो । तमानखोला देखि ६० मिटर उचाइमा रहेको उक्त पुल निर्माण सम्पन्न भएमा ढोरपाटन नगरपालिका ३ पुर्काट र घोसा सामा गाउँका स्थानियलाई वारपार गर्न ३० मिनेटको समय छोटिने भएको हो ।

उमेद्वार दोर्ण कुमार कुवंर सहित नेपाली कांग्रेसका समानुपातीक उमेद्वार दिलमाया पौवी, नेकपा माओबादी केन्द्रका वैकल्पिक केन्द्रिय सदस्य निल बहादुर पुन, नेपाली कांग्रेस जिल्ला कार्यवाहक सभापती सागर छन्त्याल, महाधिवेशन प्रतिनिधी सिँह बहादुर राना, दिपेन्द्र श्रेष्ठ, नेकपा माओबादी केन्द्रका हेमेन्द्र घर्ति लगाएतको उपश्थिती रहेको थियो ।

बुर्तिबाङ कात्तिक २५
बागलुङ क्षेत्र नं. २ प्रदेश सभा (ख) तर्फ गठवन्धनका उमेद्वार दोर्ण कुमार कुवंरले जनताको समस्यामा आफु पाँच वर्षसम्म सारथी वनेर उभिने प्रतिबद्धता जनाएका छन ।
शुक्रबार बुर्तिबाङ बजारमा आयोजित चुनावी घरदैलो पश्चात कोण सभालाई सम्बोधन गर्दे जनताको आवस्यकता र समस्यामा संधै हातेमालो गरेर अगाडी बढ्ने बताए ।
आफुले यस क्षेत्रको विकास र समृद्धिका निम्ती धेरै सपना देखेका कारण ति सपना पुरा गर्नका निम्ती आफनो र गठवन्धनका उमेद्वारको जित आवस्यक रहेको बताए ।
“कुवंरले वोल्दै भने म सरकारको कुनै पदमा नहरँदा पनी यहाँका नागरीक संग सहकार्य गरेर धेरै विकास निर्माणका काम गरेको छु अवको पाँच बर्षमा जनतालाई दिएका प्रतिबद्धता पुरा गरेर छोड्ने छु ”
प्रर्यटकिय सम्भावना वोकेको ढोरपाटन क्षेत्रको विकास गर्न, ढोरपाट उत्तरगंगा जालशय आयोजना स्थानीय समुदाय संग सम्मोन्य गरेर प्रकृया अगाडी बढाउन, सालझण्डी ढोरपाटन सडक खण्ड अन्र्तगत बुर्तिबाङ–ढोरपाटन सडक कालोपत्रे गर्न, निसीखोला मध्यपहाडी लोकमार्ग बैकल्पीक सडक मार्ग कालोपत्रे गर्न ,बुर्तिबाङ–तमान– म्याग्दी सडक कालोपत्रे गर्न, झलुङगे पुल निर्माण, मोटरेवल पुल निर्माण लगाएत यहाँको कृर्षि, प्रर्यटन, शिक्षा र भौतिक पूर्वाधारका कामलाई पहिलो प्राथमिकता दिएर प्रदेश र संघ सरकार मार्फत काम गरीने बताए ।
स्वास्थ्य तर्फ जनताको आवस्यकताको रुपमा रहेको बुर्तिबाङ प्राथमिक स्वास्थ्य केन्द्रलाई १०० शैयाको अस्पत्ताल बनाउने, निसीभुजी जनता क्याम्पसलाई आंगिक क्याम्पसको रुपमा स्तरउन्नती गर्ने, सबै गाउँ वस्तिमा केन्द्रिय विधुतको पहुँच पु¥याउने बताउँदै जनताको हक अधिकार स्थापित हुने गरी काम गर्ने प्रतिबद्धता जनाए । प्रशासनिक समस्याको समाधान गर्न पश्चिम बागलुङलाई छुट्टै जिल्ला बनाउनका निम्ती आफनो महत्वपूर्ण उदेश्य रहने प्रतिबद्धता जनाउनु भयो । अर्नाकोट एर्यरपोर्ट निर्माण लगाएत यहाँका तमान समस्या र आवस्यकता र सम्भावना पनी छन जनताको आशालाई नमर्ने गरी आफुले काम गर्ने बताए ।
आफुले गरेको कर्म र लक्ष्यमा जनताले समेत साथ दिने बताउँदै निर्वाचनमा आफनो र प्रतिनिधी सभा उमेद्वार देवेन्द्र पौडेलको जित सुनिश्चत भइसकेका कारण भारी मतान्तरले प्रति पक्षलाई पराजय गर्ने गरी निर्वाचनमा खटिन नेता कार्यक्रतालाई अपिल समेत गरे ।
आयोजित कार्यक्रममा नेपाली कांग्रेस जिल्ला कार्यावाहक सभापती सागर छन्त्याल, जिल्ला उपसभापती तारानाथ पौडेल, राष्ट्रिय जनमोर्चा केन्द्रिय सदस्य गौरीश्वर पाण्डे, नेकपा माओबादी केन्द्र प्रदेश उपाध्यक्ष ज्ञामनाथ गैरे, नेपाल समाजवादी पार्टीका चित्र सापकोटा, राजमो जिल्ला सचिव भिमलाल पोख्रेल, नेकपा समाजवादी पार्टी जिल्ला उपाध्यक्ष तथा समानुपातीक उमेद्वार केशर छन्त्याल लगाएतले वोल्दै गणतन्त्रको रक्षा, संविधानको रक्षा गर्नका निम्ती गठवन्धन भएको बताए ।
राजालाई व्युताउने राजाबादी तत्वसंग साँठगाठँ गर्ने प्रतिगमनकारी तत्व नेकपा एमालेका विरुद्धमा गठवन्धन भएको बताउँदै गठवन्धनका साझा उमेद्वारलाई भारी मतले विजयी गराउने अभियानमा सबै नेता कार्यक्रता खटिनुपर्ने बताए । कार्यक्रम नेकपा माओबादी केन्द्र जिल्ला अध्यक्ष राजिव घिमिरेको अध्यक्षता, नेपाली कांग्रेस प्रदेश सभापती जोकलाल बुढाको सञ्चालनमा सम्पन्न भएको हो ।

बुर्तिबाङ कात्तिक २५
देशलाई सुशासनको दिशामा अघि लैजान र जनताको हक अधिकार स्थापित गर्न पाँच दलिय गठवन्धन सरकारको आवस्यकता रहेको क्षेत्र नं. २ बागलुङका प्रतिनिधी सभा उमेद्वार देवेन्द्र पौडेलले बताउनु भयो ।
शुक्रबार ढोरपाटन नगर पालिकाको बुर्तिबाङ बजारमा आयोजित घरदैलो अभियान पश्चात कोण सभालाई सम्बोधन गर्दे शिक्षा विज्ञान तथा प्रविधी मन्त्री समेत रहेको पौडेलले देशलाई बचाउन र प्रतिगमनकारी तत्वलाई परास्त गर्न साझा बाम÷लोकतान्त्रीक गठवन्धनको जित आवस्यक रहेको प्रस्ट पार्नुभयो ।
नेकपा एमाले अध्यक्ष खड्ग प्रसाद ओलीले आफनो स्वार्थमा संविधान मिचेर करिव दुई तिहाइको सरकारलाई थिचोमिचो पारेर पश्चगमनको दिशा रोज्ने काम गरेको प्रस्ट पार्दे गठवन्धनको सरकारले देशलाई प्रतिगमनको दिशामा जानबाट बचाएको बताउनु भयो ।
अहिले नेकपा एमाले राजाबादी तत्वसंग लागेर देशमा बहुदलीय व्यवस्था, जनताको बलिदानीबाट प्राप्त उपलब्धी गुमाउने गरी लागि परेका कारण जनता समयमा सचेत हुनुपर्ने बताउनु भयो ।
फरक प्रसंगमा वोल्दै उमेद्वार पौडेलले बागलुङमा गठवन्धनको जित सुनिश्चत भइसकेको बताउँदै आफु यसै जिल्लाको नागरीक भएको र पहिलो पटक संसदमा पुग्दै गर्दा धेरै विकासका काम गरीसकेको बताउनु भयो ।
अवको पाँच बर्षमा प्रदेश सभा तर्फ गठवन्धनका उमेद्वार प्रदेश सभा (क) तर्फ जित शेरचन र (ख) तर्फ दोर्ण कुमार कुवंर र प्रतिनिधी सभामा मैले सम्मोन्य गर्दे यहाँको विकास निर्माण र समृद्धिका निम्ती अगाडी बढ्ने बताउनु भयो ।
मध्यपहाडी लोकमार्ग निर्माण पुरा नभएको ठाउँमा कालोपत्रेका लागी पहल ,केन्द्रिय विधुत प्रसारण लाईन गाउँगाउँमा पु¥याउने, शिक्षा, सडक, स्वास्थ्य लगाएत धेरै विकास निर्माण मध्ये केही काम भइसकेको र अवको पाँच बर्षमा मध्यपहाडी लोकमार्ग सडक कालोपत्रे, सालझण्डी ढोरपाटन सडक खण्ड कालोपत्रे, ढोरपाटन क्षेत्रको प्रर्यटनकीय सम्भावनाको विकास, सवै क्षेत्रमा केन्द्रिय विधुतको पहुँच बृद्धि, कृर्षि सडक कालोपत्रे लगाएत दर्जनौँ विकास निर्माणमा आफुहरु होमीने प्रतिबद्धता जनाउनु भयो ।

आगामी मङ्सिर ४ गते हुने प्रदेशसभा तथा प्रतिनिधिसभा निर्वाचनमा बागलुङ-२ लाई विशेष चासोका रूपमा हेरिएको छ । यस क्षेत्रबाट शिक्षा, विज्ञान तथा प्रविधिमन्त्री देवेन्द्र पौडेल चुनावमा होमिनुभएको छ । पौडेलको प्रतिस्पर्धीका रूपमा नेकपा (एमाले) का उम्मेदवार मञ्जु शर्मा चालिसेलाई लिइएको छ । मन्त्री पौडेलले विसं २०७४ को निर्वाचनमा यही क्षेत्रमा विजयी भएका थिए । त्यसबेला उनी वाम गठबन्धनबाट निर्वाचित भएका थिए ।

अहिले पौडेललाई नेपाली कांग्रेस र राष्ट्रिय जनमोर्चाको साथ छ भने एमाले एक्लै चुनावी मैदानमा छ । अघिल्लो निर्वाचनमा पौडेलले नेपाली कांग्रेसका नरबहादुर पुनलाई आठ हजार नौ सय २२ मतान्तरले पराजित गरेमा थिए । पौडेलले २८ हजार आठ सय २७ मत प्राप्त गर्दा पुनले १९ हजार नौ सय पाँच मत ल्याएका थिए।

यस क्षेत्रमा छ पालिकाका ४८ वडा पर्छन् । गत स्थानीय तहको निर्वाचन मत परिणामलाई हेर्दा ढोरपाटन नगरपालिकाका पाँच, बडिगाड गाउँपालिकाका चार र गलकोट नगरपालिकाको एउटा वडामा मात्र एमालेले वडाध्यक्ष जितेको थियो । त्यसबाहेक ढोरपाटन-४ मा जनमोर्चाको विद्रोही समूह र अन्य सबै वडामा कांग्रेस, माओवादी र जनमोर्चाका उम्मेदवार विजयी बनेका थिए ।

पौडेलको गृहक्षेत्र निर्वाचन क्षेत्र नं १ भए पनि उनी २ नं क्षेत्रबाट चुनाव लडिरहेका छन्। अघिल्लो पटक यहाँबाट निर्वाचित भएर मन्त्रीसमेत बनेका माओवादी केन्द्रका सचिवसमेत रहेका पौडेललाई आफ्नै पार्टीका नेताको बागी उम्मेदवारीले चुनौती थपेको छ ।

पश्चिम बागलुङमा राम्रै प्रभाव राख्ने माओवादी केन्द्रका नेता तुल्सीराम अर्यालले पनि यस क्षेत्रबाट स्वतन्त्र उम्मेदवारी दिएर चुनावी प्रचारमा छन् । गत स्थानीय तह निर्वाचनको मत परिणाम हेर्दा गठबन्धन नौ हजार नौ सय ३० मतले अगाडि देखिन्छ । स्थानीय निर्वाचनमा गठबन्धनले २८ हजार चार सय ३८ मत प्राप्त गरेको थियो भने एमालेले १८ हजार पाँच सय आठ पाएको थियो ।

स्थानीय तहको निर्वाचनमा गलकोट नगरपालिकाको प्रमुखमा टिकट नपाएपछि एमाले उम्मेदवार चालिसे बागी उम्मेदवार बनेका थिए । चुनाव सकिएपछि उनी एमालेमा प्रवेश गरेका थिए । उनले एमालेमा प्रवेश गरेको केही समयमै टिकट पाएका थिए ।

यस क्षेत्रमा पौडेल र चालिसेसहित राष्ट्रिय जनमुक्ति पार्टीका चित्रप्रसाद गुरुङ, राष्ट्रिय स्वतन्त्र पार्टीका तिला खत्री, सामाजिक एकता पार्टीका टेकप्रसाद कामी, स्वतन्त्र उम्मेदवार अर्याल र डिलबहादुर कार्की गरी सात जना चुनावी मैदानमा छन् ।

साभार

इकागज |

बागलुङ कात्तिक २४ गते
आगामी मंसिर ४ गते हुने प्रदेश सभा र प्रतिनिधी सभा निर्वाचनलाई सफल पार्न बागलुङ जिल्लामा निर्वाचन कार्यालयले आवस्यक तयारी पुरा गर्दे आएको छ ।
निर्वाचन आउन १० दिन बाँकी रहँदा कर्मचारी व्यवस्थापन , सुरक्षा व्यवस्था, मतपत्र ढुवानी लगाएतका गतिविधी जारी रहेको निर्वाचन अधिकृत बावुराम पाण्डेले बताउनु भयो ।
विहिबार ढोरपाटन नगरपालिकामा मतदाता शिक्षा कार्यक्रम र नमुना मतदान गरीएको छ अन्य पालिकामा समेत नमुना मतदान कार्यक्रम सुरु गरीएको निर्वाचन अधिकृत बावुराम पाण्डेले बताउनु भयो ।
बागलुङ १० वटै पालिकामा मतदाता शिक्षा कार्यक्रम सञ्चालन गरीएको छ त्यसैगरी नमुना मतदान कार्यक्रम समेत सुरु गरीएको निर्वाचन कार्यालय बागलुङका निर्वाचन गोकुल सर्माले बताउनु भयो ।

ढोरपाटन नगरपालिकामा आयोजित नमुना मतदान कार्यक्रम निर्वाचन अधिकृत बावुराम पाण्डेको अध्यक्षता ढोरपाटन नगरपालिका मेयर देवकुमार नेपालीको प्रमुख आतिथ्यतामा भएको हो ।
१० पालिका रहेको बागलुङमा यसपटकको निर्वाचनमा पाँच दलिय वाम÷लोकतान्त्रीक गठवन्धन र नेकपा एमाले विच प्रतिस्प्रर्धा हुने भएको छ । दुई निर्वाचन क्षेत्र रहेको जिल्लामा प्रतिनिधी सभा तर्फ क्षेत्र नंं १ मा गठवन्धनबाट राष्ट्रिय जनमोर्चाका अध्यक्ष चित्र बहादुर के.सी . र नेकपा एमालेका सुर्य पाठक विच बढि प्रतिस्प्रर्धा हुने देखिएको छ । क्षेत्र नं. २ तर्फ नेकपा माओबादी केन्द्रका सचिव शिक्षा ,विज्ञान तथा प्रविधी मन्त्री देवेन्द्र पौडेल र नेकपा एमालेका मन्जु सर्मा चालिसे वीच प्रतिस्वप्रर्धा हुने देखिएको हो ।