साउन २५ ढोरपाटन

गण्डकी प्रदेश सभा सदस्य माननीय दोर्ण कुमार कुवँरले बागलुङको पर्यटकीय एवम् धार्मिक गन्तव्य ढोरपाटन पुग्ने सडक खण्ड अन्तरगत रहेको ढोरपाटन नगरपालिका ९ फल्लेघर देखि ढोरपाटन उपत्यका सम्मको १४ किलोमिटर सडक स्तरोन्नति एवम् कालोपत्रेका निम्ती सरकार सँग बजेट माग गर्नुभएको छ ।

सालझण्डी ढोरपाटन सडक खण्ड अन्तरगत  पर्ने उक्त क्षेत्रमा हालसम्म कुनै निकायबाट बजेट विनियोजन हुन सकेको छैन । बुर्तिबाङ देखि फल्लेघर सम्म २२ किलोमिटर सडकका निम्ती सालझण्डी ढोरपाटन सडक आयोजनाले ठेक्का सम्झौता गरेर काम गर्दे आएपनि माथिल्लो १४ किलोमिटर खण्डमा काम हुन सकेको थिएन ।

उकालो र अति जोखिम रहेको उक्त क्षेत्रमा सडक स्तरोन्नति र कालोपत्रे गर्नका निम्ती भौतिक पूर्वाधार तथा यातायात मन्त्रालय सिंहदरबार काठमाण्डौमा अनुमानित ९५ करोड लागतको श्रोत सहमति प्रदानका निम्ती अनुरोध गर्नुभएको हो ।

माननीयको अनुरोध संगै मन्त्रालयबाट आवश्यक कार्यार्थ सहितको अगाडि बढाउन निर्देशन दिइएको पाइएको छ । उक्त आयोजना आर्थिक बर्ष २०८२÷०८३ को बजेटमा सुनिश्चितता भएसँगै काम अगाडि बढ्ने छ । त्यस्तै सालझण्डी सडक खण्ड अन्र्तगत बुर्तिबाङ– फल्लेघर २२ किलोमिटर सडक अलपत्र अवस्थामा रहेको छ ।

निर्माण कम्पनीले सम्झौता अवधिमा काम सम्पन्न नगरेपछि आयोजनाले गति लिन नसकेको हो । २०७८ कात्तिकमा सम्झौता भई २०८१ बैशाख ४ गतेसम्म स्टान्डर्ड ग्राभेलिङ सहितको जिम्मा पाएको ओम बुद्ध निर्माण कम्पनी र स्वच्छन्द निर्माण कम्पनीले जिम्मा पाएकोमा सम्झौता अवधिमा जम्मा ३० प्रतिशत हाराहारीमा काम गरेर सम्पर्क बिहिन जस्तै भएको पाइएको छ । सालझण्डी ढोरपाटन सडक आयोजना कार्यालयका प्रमुख अन्जु नेपालीका अनुसार गत बैशाख सम्म कम्पनीले काम सम्पन्न नगरेपछि आगामी पौष मसान्त सम्म सोही निर्माण कम्पनीले काम सम्पन्न गर्ने गरी म्याद थप गरिएको छ । म्याद थप भइसकेपनि हालसम्म निर्माण कम्पनीले काम सुरु गरेको छैन ।

काम सुरु गर्न पटक पटक ताकेता गरिएको छ तर पछिल्लो समय पटक पटक सम्पर्क गर्न खोज्दा समेत कार्यालयको सम्पर्कमा निर्माण कम्पनीका प्रमुख नरहेको नेपालीले बताउनु भयो । निर्माण कम्पनीको लापरबाहीले गर्दा यसपटक पनी समयका काम सक्ने अवस्था नरहेको स्थानीयको गुनासो छ ।

पौष मसान्त सम्मको समय सिमा भित्र पनि काम सम्पादन नगरे कारवाही प्रकृया अगाडि बढ्ने र नयाँ टेन्डरको विकल्प नभएको कार्यालय प्रमुख अन्जु नेपालीले बताउनु भयो । २२ किलोमिटर सडक खण्ड अन्र्तगत पर्ने क्षेत्रमा रहेका बस्ती हटाउने र मुआब्जाको विषयमा समेत अझैसम्म प्रकृया अगाडि बढ्न सकेको छैन । 

साउन २६ गते बुर्तिबाङ
गण्डकी प्रदेश सभा सदस्य माननिय दोर्ण कुमार कुवँरले बागलुङको प्रर्यटकिय एवम् धार्मिक गन्तव्य ढोरपाटन पुग्ने सडक खण्ड अन्र्तगत रहेको ढोरपाटन नगरपालिका ९ फल्लेघर देखि ढोरपाटन उपत्यका सम्मको १४ किलोमिटर सडक स्तरोन्ती एवम् कालोपत्रेका निम्ती सरकार संग बजेट माग गर्नुभएको छ ।

सालझण्डी ढोरपाटन सडक खण्ड अन्र्तगत पर्ने उक्त क्षेत्रमा हालसम्म कुनै निकायबाट बजेट विनीयोजन हुन सकेको छैन । बुर्तिबाङ देखि फल्लेघर सम्म २२ किलोमिटर सडकका निम्ती सालझण्डी ढोरपाटन सडक आयोजनाले ठेक्का सम्झौता गरेर काम गर्दे आएपनी माथिल्लो १४ किलोमिटर खण्डमा काम हुन सकेको थिएन ।

उकालो र अति जोखिम रहेको उक्त क्षेत्रमा सडक स्तरोन्ती र कालोपत्रे गर्नका निम्ती भौतिक पूर्वाधार तथा यातायात मन्त्रालय सिंहदरबार काठमान्डौमा अनुमानीत ९५ करोड लागतको श्रोत सहमती प्रदानका निम्ती अनुरोध गर्नुभएको हो ।
माननियको अनुरोध संगै भौतिक पूर्वाधार तथा यातायात मन्त्री देवेन्द्र दाहालको तोक आदेश संगै मन्त्रालयबाट आवस्यक कार्यार्थ सहितको अगाडी बढाउन निर्देशन दिइएको पाइएको छ ।

बागलुङ  जिल्लाको बडिगाड गाउँपालिका १० आरुपाटामा मंगलबार खसेको पहिरोमा मृत्यु हुनेको संख्या ११ पुगेको छ । पहिरोमा बेपत्ता भएका २ बालबालिकाको शव घटनास्थलबाट बिहीबार निकालिएसँगै उक्त घटनामा मृत्यु हुनेको संख्या ११ पुगेको हो ।

मध्याह्न १२ बजेतिर ७ वर्षीय मधु बुढाको शव र अपराह्न पौने ५ बजे १० वर्षीय मनोज बुढाको शव घटनास्थलबाट निकालिएको प्रहरी उपरीक्षक ऋषिराम कँडेलले जानकारी दिए । तीन दिनदेखि घटनास्थलमा खोजीकार्य जारी छ । घटनामा अझै ११ वर्षका सुमन थापा हराइरहेका छन् ।

मंगलबार बडिगाड १० आरुपाटामा खसेको पहिरोमा स्थानीय जोगबहादुर बुढाको घर पुरिएको थियो । उक्त घटनामा घरधनी बुढासहित उनका परिवारको पनि मृत्यु भएको हो । मंगलबार गएको टोलीले खोजी गर्न नसकेपछि बुधबार नेपाली सेनाको श्रीमेहर गण, सशस्त्र प्रहरी बल र प्रहरीको थप टोली घटनास्थलमा परिचालन भैरहेको छ । पहिरोमा गम्भीर घाइतेमध्ये ३ जनालाई उपचारका लागि काठमाडौं पठाइएको छ । एकजनालाई पोखरास्थित मणिपाल अस्पताल र बाँकी घाइते ९ जनाको बुर्तिवाङस्थित प्राथमिक स्वास्थ्य केन्द्रमा उपचार भएको हो ।

मृतकहरुको बुधबार र बिहीबार घटनास्थलमै पुगेर पोस्टमार्टम गरिएको छ । धौलागिरि अस्पतालबाट मेडिकल अफिसर डा. छितिज रिजाल नेतृत्व टोलीले पोस्टमार्टम गरेको हो ।

अबिरल वर्षापछिको पहिरोले बागलुङको बडिगाडमा एक जनाको ज्यान गएको छ ।

मंगलबार बिहान जिल्लाको बडिगाड गाउँपालिका–९ नयाबस्ती बलघासमा पहिरोले पुर्दा १५ वर्षका विधान परियारको मृत्यु भएको बागलुङका सहायक प्रमुख जिल्ला अधिकारी चित्राङ्गत बरालले जानकारी दिनुभयो ।

घर जोगाउनका लागि भल पन्छाउने क्रममा पहिरो खसेर परियारलाई पुरेको बरालको भनाई छ । परियारको शव निकालेर पोष्र्टमार्टका लागि बुर्तिवाङ स्वास्थ्य केन्द्रमा पठाइएको छ ।

साउन १८ ढोरपाटन
ढोरपाटन नगरपालिकाका कार्यवाहक मेयर धन बहादुर कायत ढोरपाटन जाने सडक मर्मतमा जुटेका छन । 

प्रर्यटकिय गन्तब्य ढोरपाटन जाने सडक निर्माण कम्पनीले निरन्तर निर्माणको काम नगर्दा अस्तव्यस्त बन्दै गइरहेको अवस्थामा ढोरपाटन नगरपालिका मेयर धन बहादुर कायत गत तिनदिन देखि दैनिक रुपमा गैति बेल्चा सहित नगरपालिकामा कार्यरत नगर प्रहरी, कर्मचारी सहितको टोलि लिएर सडक मर्मतमा जुटेका हुन । 

सालझण्डी ढोरपाटन सडक खण्ड अन्तरगत रहेको बुर्तिबाङ –ढोरपाटन ३२ किलोमिटर सडक निर्माणको कम्पनीले काम नगर्दा स्थानीय नागरिक र सयौँ ढोरपाटन पुग्ने पर्यटकले निरन्तर सडक सास्ती खेप्दै आइरहेका छन । 

बर्सातको समयमा सडक झनै जीर्ण बन्दै गएपछि कार्यवाहक मेयर सहितको टोलीले बुर्तिबाङ बजार नजिकै देखि सुरु गरेर यतिबेला वडा नम्बर ७ को   बोबाङ गाउँसम्म सडक मर्मत गर्दे गएको हो ।
बिहान देखि साँझ सम्म निरन्तर खटिएको टोलीले जोखिम रहेको स्थानमा सडक सम्म पार्ने, खाल्डाखुल्टी पुर्ने काम गर्दे आएको हो । गौरवको आयोजना भएका कारण संघ सरकारबाट प्रत्यक बर्ष बजेट विनियोजन हुँदै गर्दा उक्त सडकमा नगरपालिकाले बजेट विनियोजन गर्न नमिल्ने भएपछि जनता र पर्यटकको पीडालाई मध्यनजर राख्दै मेयर आफै सडक मर्मतमा जुटेका हुन 

ढोरपाटन नगरपालिका ५,६,७,८ र ९ का नागरिक उक्त सडक सास्तिबाट पिडित छन भने आन्तरिक पर्यटकले समेत सास्ती खेप्ने गरेका हुन । आज चौठो दिन हुन्छ ढोरपाटन उपत्यका सम्म पुग्ने गरि काम भइरहेको छ । माटो र ढुँगा उठाउन नगरपालिकाबाट ट्याक्टर र जेसिभी लिएर काम सुरु गरिएको हो । सडक मर्मतले स्थानीय नागरिक संगै ढोरपाटनमा जनै पूर्णिमाको अवसरमा पुग्ने तिर्थालु भक्तजनलाई सहजता हुने अपेक्षा गरिएको छ । 

बुर्तिबाङ लक्ष्मीकुण्ड मोटरबल पुल देखि ढोरपाटन क्षेत्रतर्फ २२ किलोमिटर सडक स्टान्डर्ड ग्राभेलिङको जिम्मा पाएको स्वच्छन्द ओम बुद्ध जेभी कम्पनीले  जिम्मा पाएको ३ बर्षमा जम्मा ३० प्रतिशत हाराहारीमा मात्रै काम गर्दा सडक निर्माणले गति लिन नसकेको हो । 

उक्त निर्माण कम्पनीले पाएको जिम्मा गत बैशाख ४ गते सकिएको छ । कुल २५ करोड ६१ लाख लागतमा ३० महिनामा ग्राभेलिङ सक्ने गरि २०७८ कात्तिक ५ गते निर्माणको जिम्मा पाएको थियो ।   सडक निर्माणको सन्दर्भमा ढोरपाटन नगरपालिका जनप्रतिनिधि आयोजना कार्याललाई ध्यानाकर्षण गराउनुका साथै आयोजना कार्यालय र संघिय सरकार समक्ष पटक पटक सडक निर्माणमा तदारुकता दिन  पुगेका थिए ।

स्थानीय जनप्रतिनिधि, प्रदेश सभाका सांसद लगायतले पटक पटक आयोजना कार्यालयलाई ध्यानाकर्षण गराएपनी कामले गति लिन नसेकेको हो ।  बाग्लुङको बुर्तिवाङ्ग देखि फल्लेघर सम्मको २२ किलोमिटर बहुवर्षे ठेक्का रहेको थियो । २०६६ सालदेखि निर्माण सुरु भएको उक्त सडक आयोजनाको काम सुस्त गतिमा भइरहेको छ ।

  कुल एक सय ९१ किलोमिटरमध्ये बागलुङ खण्डमा मात्रै ६१ किलोमिटर सडक पर्छ । त्यसमध्ये चार किलोमिटर सडक राष्ट्रिय गौरवको आयोजना मध्यपहाडी लोकमार्ग पर्ने हुँदा कालोपत्र भइसकेको छ ।

त्यसबाहेक ५७ किलोमिटर सडक निकै साँघुरो र जोखिमपूर्ण छ । गुल्मी, अर्घाखाँची, पाल्पा र कपिलवस्तु खण्डमा कामले गति लिए पनि बागलुङ खण्डमा खासै काम हुन सकेको छैन । सडकको ट्रयाक आर्थिक वर्ष २०७२÷०७३ मा खुलेको थियो । 

बुर्तिबाङ साउन १८

बागलुङको निसीखोला गाउँपालिका ३ मा रहेको प्रभा माध्यमिक विद्यालयले विद्यालय व्यवस्थापन समिति र शिक्षक अभिभावक समितिले पूर्णता पाएको छ । 

गत चैत्र महिना देखि विद्यालय व्यवस्थापन समितिको गठन प्रकृया अगाडि बढाइएपछि सहमति हुन नसक्दा ५ महिना पछि सरेको समिति गठन प्रकृयाले विहीबार टिका बहादुर चन्दको अध्यक्षतामा विद्यालय व्यवस्थापन समिति र ईश्वरी कँडेल शिक्षक अभिभावक समिति अध्यक्ष रहेको सर्वसम्मतिको समिति गठन भएको हो । चैत्र महिनामा अभिभावकको वृहत भेला मार्फत समिति गठन प्रकृया अगाडि बढाइएको थियो ।

अभिभावक बाट समितिमा चुनिने ४ सदस्यमा २८ जना आकाँँक्षी देखिएपछि  सहमति हुन सकेन त्यस पश्चात दोश्रो र तेश्रो पटक सम्म राजनैतिक सहमतिबाट समितिको गठन प्रकृयाको प्रयास गरिएपनि सहमति हुन नसकेपछि बिहीबार पहिलो पटकको अभिभावक भेलालाई आधार मान्दै सर्बसहमतीबाट समितिको गठन गरिएको विद्यालयका प्रधानाध्यापक नवराज आर्चायले बताउनु भयो । 

टिका बहादुर चन्द अध्यक्ष रहेको ९ सदस्य विद्यालय व्यवस्थापन समितिको गठन गरिएको छ । जसमध्ये १ जना शिक्षक प्रतिनिधि छनौट हुन बाँकी रहेको बताइएको हो । त्यस्तै ईश्वरी कँडेल अध्यक्ष रहेको ११ सदस्य शिक्षक अभिभावक समितिको गठन गरिएको हो । 

 ढोरपाटन साउन १८

बागलुङको ढोरपाटनका दुई युवा सामूहिक स्याउ खेती तर्फ आर्कषित बन्दै गएका छन । परापूर्व कालदेखि ढोरपाटन उपत्यका तथा आसपासको क्षेत्रमा रैथाने स्याउ खेती हुने भएपनि व्यवसायिक रुपमा स्याउ खेतीतर्फ आर्कषित भएका स्थानीय चिरण घर्ति मगर र होमलाल भुसालले ६० रोपनी क्षेत्रफल जग्गालाई चक्लाबन्दी गर्दे स्याउ खेतीतर्फ आर्कषित भएका हुन ।

२०६८ सालदेखि कृषि पेशामा सामूहिक लक्ष्य लिएर होमिएका दुई युवाले विगत १० वर्षसम्म व्यवसायिक आलु उत्पादन, आलुको बजारीकरण र ढोरपाटन क्षेत्रमा आलु खेतीको व्यवसायिक सम्भावनाका विषयमा सचेतना जगाउँदै आएका थिए । पछिल्लो समय आलु खेती सँगै स्याउ खेतीमा होमिएका उनीहरूले ढोरपाटन नगरपालिका ९ को भुजी क्षेत्रमा पहिलो चरणमा १६ रोपनी क्षेत्रफलमा १ हजार ३ सय स्याउका बिरुवा रोपेर अगाडि बढेका हुन ।

युवा जनशक्तिको बढ्दो वैदेशिक पलायन, र कृषि व्यवसाय तर्फ युवाको आर्कषण कम हुँदै जाँदा आफूहरूले विगत १२ वर्षदेखि निरन्तर रुपमा कृषि पेशालाई पहिलो प्राथमिकता दिएर अगाडि बढिएको र आफूहरू अब सफलता तर्फ अगाडि बढेको कृषक चिरण घर्तिले बताउनु भयो ।

राज्यले समेत कृषि र पर्यटनलाई प्राथमिकता दिइरहेको अवस्था छ । राज्यले लिएको अवधारणालाई टेकेर आफूहरूले व्यवसायिक र सामूहिक कृषिबाट अगाडि बढिएको बताउँदै २०८० सालमा रोपिएका स्याउका बिरुवाले यस बर्षदेखि उत्पादन दिन थालेसँगै उनीहरू मख्ख देखिन्छन ।

इटालीबाट ल्याइएको फुजी, गाला, गोल्डेन र रेडवाइन प्रजातिका स्याउका बिरुवा लगाएका उनीहरूले २५ लाख बढि लगानी स्याउ खेतीमा गरिसकेका छन । गण्डकी प्रदेश कृषि निर्देशनालयबाट ७५ प्रतिशत अनुदान र कृषि ज्ञान केन्द्रबाट स्याउलाई अट्याउने टेका तारबार समेत पचास प्रतिशत अनुदानमा प्राप्त गरेका उनीहरूले यो व्यवसायलाई विस्तार गर्दे ६० रोपनी क्षेत्रफल जग्गालाई चक्लाबन्दी गर्दे स्याउको विस्तार गर्ने लक्ष्य लिएका हुन ।

आफूहरू दुई सहित अन्य ४ जना युवालाई समेत सामेल गरेर अगाडि बढ्दै गरेका उनीहरूको उद्देश्य आफ्नै देशमा पौरख गर्ने र युवा रोजगारीको सृजना गर्ने रहेको होमलाल भुसालको भनाई छ । उत्तरगङ्गा अर्गानिक एग्रो फार्म स्थापना गरेर कृषि गर्दे आएका उनिहरुलाई प्रधानमन्त्री कृषि आधुनिकीकारण परियोजना, ढोरपाटन नगरपालिकाबाट समेत सहयोग हुँदै आएको छ । गत बर्ष रोपिएका स्याउका बिरुवाले एकवर्षदेखि उत्पादन दिन थालेपछी अब आफूहरूको मिहिनेतको मुल्याँकन हुने कृषक चिरण घर्तिको भनाई छ । उनीहरूले सयौँ रोपनी क्षेत्रफलमा सामूहिक आलु खेती समेत गरेका हुन ।

ढोरपाटन उपत्यकामा आलु पर्याप्त हुने भएका कारण उनीहरूले स्थानीय जातको विउलाई नै मध्यनजर राख्दै सयौँ रोपनी क्षेत्रफलमा आलु उत्पादन गरेका हुन । बाँझो रहेको खाली जग्गालाई भाडामा लिएर आलु उत्पादनमा लागेका उनीहरूले व्यवसायिक र व्यवस्थित रुपले उत्पादन सुरु गरेका हुन । आलुको पर्याप्त बजार माग रहेका कारण ढोरपाटन क्षेत्रमा सयौँ कृषकले आलु खेतिको उत्पादन गर्ने गरेका हुन । प्रधानमन्त्री कृषि परियोजनाले समेत बाँझो रहेका जग्गामा ६० रोपनी सम्म क्षेत्रफल भएको जग्गा छनौट गरेर चक्लाबन्दी गरेर स्याउका बिरुवा लगाएको हो ।  

आलु र स्याउ दुबैको राम्रो बजार सम्भावना रहेका कारण आफूहरूले उक्त व्यवसायलाई प्राथमिकता दिएको उनीहरूको भनाई छ ।

गतबर्ष २४ सय स्याउका बिरुवा बागलुङको ढोरपाटन नगरपालिका र निसीखोला गाउँपालिकामा कृषकलाई अनुदानमा उपलब्ध गराएकोमा यो कार्यक्रमलाई निरन्तरता दिँदै जाने कृषि ज्ञान केन्द्र बागलुङ बागबानी अधिकृत कुमार पुनले बताउनु भयो । 

 बुर्तिबाङ साउन १४ गते

सोमबार बागलुङको पश्चिम क्षेत्रका तीनवटा पालिकामा एकैदिन प्रभु बैँकका चार वटा शाखा विस्तार गरिएको छ । जिल्लाको बडिगाड गाउँपालिका २ स्थित खर्बाङ, वडा नम्बर ७ को भिमगिठे, ढोरपाटन नगरपालिका ७ स्थित बोबाङ र निसीखोला गाउँपालिका ५ निसीमा शाखा विस्तार गरिएको हो ।

दुर्गम गाउँ बस्तीका नागरिकलाई सहज बैङ्किङ सेवाको प्रयोग गर्नका निम्ती बैँकले शाखा विस्तार गरिरहेको बताउँदै घर नजिकैको शाखाबाट सहज रुपमा आर्थिक कारोबार गर्न बैँकका अध्यक्ष देवी प्रकाश भट्टचनले आग्रह गर्नुभयो ।

३ करोड पुँजीबाट सुरु भएको बैँक आज बैँकको चुक्का पुँजी २३ अर्ब ५४ करोड रहेको र पुँजीको हिसाबले निकै अब्बल रहेको बताउँदै शाखा सञ्जालमा समेत धेरै शाखा रहेको बताउँदै यहाँका नागरिकले बैङ्किङ कारोबार निर्धक्क गर्न आग्रह गर्नुभयो ।

यो क्षेत्र कृषि, पर्यटन, घरबासका निम्ती लगानी योग्य क्षेत्र रहेका कारण त्यसतर्फ स्थानीय नागरिकले ध्यान दिन आवश्यक रहेको बताउनु भयो । कार्यक्रममा बैँकका कार्यकारी अधिकृत अशोक शेरचन, स्थानीय  जनप्रतिनिधी,स्थानीय बासि लगाएको उपस्थिति रहेको थियो ।

साउन १० गते बागलुङ

सिटिजन लाइफ इन्स्योरेन्स कम्पनी बागलुङ शाखाले स्वर्गीय टिकाराम बिकको परिवारलाई मङ्गलबार घरमै पुगेर मृत्यु दावी बापतको रकम हस्तान्तरण गरेको छ ।

सिटिजन सिटिजन लाइफ इन्स्योरेन्स कम्पनी बागलुङ शाखामा बिमा गर्नुभएका टिका राम बिकको मृत्यु भएसँगै कम्पनीले मृत्यु दावी भुक्तानी वापतको रकम परिवारलाई हस्तान्तरण गरिएको हो ।

बाग्लुङ नगरपालिका वडा नम्बर ७ घर भएका मृतकका परिवारलाई घरमै पुगेर ५ लाख ९५ हजार ५०० रुपैयाँको चेक हस्तान्तरण गरेको शाखा प्रमुख कमला शर्माले बताइन् । बिक ले २०७७ चैत्रमा ५ लाख विमाँकको बीमा गरेका थिए । कम्पनीले हकवाला श्रीमती माया बिक लाई मङ्गलबार दावी रकम हस्तान्तरण गरेको हो ।

सिटिजन लाइफ इन्स्योरेन्स कम्पनी बागलुङ क्षेत्रका क्षेत्रिय प्रमुख दीपेन्द्र शर्मा लम्सालले उक्त रकमको चेक हस्तान्तरण गर्नुभएको हो ।

सिटिजन लाइफ इन्स्योरेन्स कम्पनी बागलुङका एरिया म्यानेजर दिपेन्द्र शर्मा लम्सालले बीमा सुख दुःखको साथी तथा अनिवार्य बचत गर्ने माध्यम रहेको बताउँदै बीमा सबैका लागी अपरिहार्य बन्दै गएको बताउनु भयो ।