बुर्तिबाङ पौष ३
२०७७ साल मंसिर महिनामा स्थापना भएको ढोरपाटन उद्योग वाणिज्य संघ गुमनाम जस्तै वनेको ३ बर्ष पुगिसकेको छ । यहाँका व्यवसाहीको हक अधिकार स्थापित गर्ने व्यवसायिक क्षेत्रलाई प्रोत्सान र नियमन गर्ने र विभिन्न रचनात्मक काम गर्ने जस्ता उदेश्यका साथ स्थापना भएको संस्थाको समितीको लापरवाहीका कारण आजको मिती सम्म न आर्थिक चुस्त दुरुस्त छ नत अडिट छ नत कुनै बैठक भेला ,साधारण सभा ,अधिवेशन केहि छैन कोही जिम्मेवार वन्नै खोज्दैन ।
बुर्तिबाङ्ग बजारका भ्रद, जान्ने, मान्ने सम्मका व्यक्ति समितीमा छन तर तिनै व्यक्ति गैर जिम्मेवार वन्दा संस्थाको यस्तो हालत वनेको छ यस विषयमा व्यसाहीको गुनासो निरन्तर बद्दै गएको छ । उनिहरुले नत आफुले पाएको पद छोड्न खोज्छन नत केही काम नै गर्छन व्यवसाहीले पटक पटक ध्यानाकर्षण गराइरहेका छन तर पछिल्लो समय समिती कानमा तेल हालेर सुतेको छ व्यवसाहीका समस्या सुन्दै सुन्दैन स्थानिय केयरसिंह गुरुङले भने ।
समितीका अध्यक्ष चिन्तामणी कंडेल स्थाई वसोवास सहित काठमान्डौमा छन गत मंसिर ४ को निर्वाचन अगाडी बुर्तिबाङ्गमा देखिएका उनी निर्वाचन सकिए लगत्तै आर्थिक हिसाव पनी मिलाउने र समिती समेत नयां गठन गर्ने आश्वासन व्यवसाहीलाई दिएका थिए तर निर्वाचन सकिए लगत्तै छलफल र बैठक नै नवसी काठमान्डौ फर्किएको र हालसम्म व्यवसाहीको कुनै माग सुनुवाई हुन नसकेको व्यवसाही ढालेन्द्र छन्त्यालले बताए ।
समितीलाई पटक पटक ताकेता दिँदा समेत मौन वस्नु आफैमा गैर जिम्मेवार र कुनै न कुनै तवरले आर्थिकमा समेत अपारदर्सिता रहेको व्यवसाहीको आरोप छ । हाल ढोरपाटन उद्योग वाणिज्य संघमा ६ सय ५० बढि सदस्य रहेको र जसमध्ये ५६ जना आजिवन सदस्य रहेको सँस्थाका कोषाध्यक्ष फारम बहादुर कुवंरले बताए ।
उनका अनुसार सदस्य र आजिवन सदस्यबाट संकलन भएको रकम मध्ये १३ लाख रुपैयाँ बुर्तिबाङ्ग बजारकै त्रिवेणी सहकारीमा राखिएको थियो जसमध्ये दुई लाख रुपैयाँ खर्च भई करिव एघार लाख रुपैयाँ बाँकी रहेको बताउँछन । सँस्थाको नाममा नेपाल बैँक बुर्तिबाङ्ग शाखामा समेत खाता खालिएको छ थोरै मात्र रकम बैँकमा राखेर बाँकी रहेको रकम सहकारीमा राखिएको कोषाध्यक्ष कुवंरको भनाई रहेको हो ।
तर व्यवसाहीले भने समितीको खातामा १७ लाख बढि रकम हुनुपर्ने माग गर्दे समितीले आर्थिक विवरण तत्काल देखाउनु पर्ने माग राख्दै आएका छन । गत कात्तिक १९ गते बजारका व्यवसाही, वस्तुगत समितीका पदादिकारी लगाएतको बैठकले १ हप्ता सम्म आर्थिक हिसाव मिलाएर मार्ग प्रसस्त गर्न अल्टिमेटम समेत दिएको थियो तर समितीले त्यसको वास्तै गरेको पाइएन ।
कोषाध्यक्ष फारम कुवंरका अनुसार समितीका जिम्मेवार व्याक्तिबाटै बाँकी रकम उठ्न बाँकी रहेका कारण सबै रकम संस्थाको खातामा नरहेको बताइएको छ ।
संस्था स्थापना भएको ३ बर्ष वित्दै गर्दा हालसम्म अडिट हुन सकेको छैन पदको लागी मरिहत्ते गर्ने पदलुप्ताहरु काम गर्न प्रस्ट हिसाव राख्न र सँस्थालाई चलायमान वनाउन चाँही किन पछि पर्दे होलान व्यवसाहीको भनाई यस्तै सुनिँदै आएको छ । समितीका केहि सदस्य भने आर्थिक पारदर्सितालाई चुस्त बनाएर हालको समितीले नयाँ टिमलाई जिम्मेवार सुम्पिनु पर्ने बताउँदै आएका छन । हाल सम्म समितीका उपाध्यक्ष निमलाल पाण्डे लगाएतको सक्रियतामा वस्तुगत समिती संग सम्मोन्य गर्दे शनिवार बजार वन्द गर्ने नियम चल्दै व्यवसाही टिकाराम पाण्डेले बताए ।
२०७७ साल मंसिरमा दर्ता भएको उक्त सँस्थाको अधिवेशन गर्ने तयारी रहेपनी कोभिड १९ का कारण भन्दै सारिएको थियो त्यस लगत्तै हालसम्म सँस्था मौन रहेको पाइएको छ ।

बुर्तिबाङ्ग पौष १
सिवाईसी वचत तथा ऋण सहकारी सँस्थाको १३ औँ वार्षिक साधारण सभा शुक्रबारदेखि सुरु भएको छ । आगामीपौष ५ गतेसम्म शाखा स्तरमा कार्यक्रम सम्पन्न गर्ने उदेश्य सहित शुक्रबार बुर्तिबाङ्ग सेवा केन्द्र लगाएत विभिन्न सात सेवा केन्द्रको एकै समयमा उद्धघाटन गर्दे साधारण सभा सम्पन्न गरीएको हो ।
बुर्तिबाङ्गमा आयोजित साधारण सभालाई सिवाईसी वचत तथा ऋण सहकारी सँस्थाका केन्द्रिय अध्यक्ष एवं नेफ्सकुनका केन्द्रिय सदस्य चण्डी प्रसाद सर्माले उद्धघाटन गर्नुभयो सर्माले कार्यक्रममा वोल्दै सहकारी हुने खाने र हुँदा खाने वर्ग विचको खाडल पुर्ने र पुँजिको बृद्धि गर्दे आर्थिक उर्पाजनमा टेवा पु¥याउने माध्यम भएको बताउनु भयो सहकारी संस्थाको माध्यमबाट सेयर सदस्यको हितहुने गरी रचनात्मक काम गर्ने सदस्यलाई आई पर्ने शुख दुःख मा सहकार्य गर्ने माध्यम सहकारी रहेको बताउनु भयो ।
देशभर ३४ हजार ७ सय बढि सहकारी सँस्था हुँदै गर्दा सिवाईसी वचत तथा ऋण सहकारी सँस्थाले १२ बर्षसम्म सेयर सदस्यको सेवाभाव संग रहेर विभिन्न योजना र रचनात्मक कार्यक्रम गर्दे देशकै उत्कृष्ट सहकारीको रुपमा स्थापित भइसकेको बताउँदै देशमा आर्थिक संकट आउँदा होस वा सेवाग्राही लाई छिटो र सहज रुपमा सिवाईसी सहकारीले सेयर धनीको हितलाई पहिलो प्राथमिकतामा राखेर काम गर्ने बताउनु भयो ।
सहकारीम ाहाल २४ हजार ३ सय ४२ सयेर सदस्य, बाल वचतकर्ता ४ हजार १ सय ४० शेयर पुँजी ३९ करोड ६३ लाख७हजार ५ सय रुपैयाँ, वचत रकम १ अर्व ४७ करोड, ८६ लाख, १९ हजार ९७५ रुपैयाँ ऋण लगानी १ अर्व ५४ करोड ५३ लाख, ९४ हजार ४८६ रुपैयाँ रहेको प्रतिवेदन प्रस्तुत गरीएको छ ।
त्यस्तै १० करोड ९१ लाख, ७१ ह्जार ५४६ रुपैयाँ कोषहरु र दायित्व रहित कोष ७ करोड ६० लाख, ५८ हजार ६४४ रुपैयाँ रहेको प्रतिवेदनमा उल्लेख गरीएको छ । कुल २६ शाखाबाट सेवाप्रवाह गरेको सँस्थाले आर्थिक वर्ष २०७९÷०८० मा पोखरा सम्म आफनो सेवा विस्तार गर्ने, ३० हजार सेयर सदस्य, शेयर पुँजी ४५ करोड पु¥याउने लक्ष्यका साथ सहकारी अगाडी बढेको अध्यक्ष चण्डी प्रसाद सर्माले बताउनु भयो । हाल सहकारीको २५ शाखाबाट सेवा प्रवाह भइरहेको हो
आयोजित कार्यक्रमका अवसरमा त्रिवेणी वचत तथा ऋण सहकारी सँस्थाका अध्यक्ष उत्तम बहादुर महतले वोल्दै बागलुङ्गमा सहकारी क्षेत्रको विकास र विस्तार गर्ने सिवाईसी सहकारी रहेको बताउँदै सिवाईसीका अध्यक्ष चण्डीप्रसाद सर्माले सहकारी क्षेत्रमा खेलेको भुमिका अतुलनिय रहेको बताउनु भयो । पछिल्लो समय देशमा आर्थिक सँकट हुँदै गर्दा बैँकले सहकारीलाई विभेद गर्ने गरेको बताउनु भयो बैँकहरु धनी व्यक्तिको मा पुग्ने, बढि पुँजी भएका व्यक्तिलाई मात्र लगानी गर्ने जस्ता परिपाटिका कारण आर्थिक रुपमा पछि परेका व्यक्तिका निम्ती सहकारी सँस्थाले सहजिकरणको रुपमा महत्वपूर्ण भुमिका खेलिरहेको प्रस्ट पार्नुभयो ।
कार्यक्रममा बुर्तिबाङ्ग सेवा केन्द्र सञ्चालन समिती कोषाध्यक्ष केशकुमारी बुढा द्धारा आर्थिक प्रतिवेदन,सँस्थाका प्रमुख गंगा देवी थापा द्धारा प्रगति प्रतिवेदन प्रस्तुत गर्नुभएको छ कार्यक्रमका अवसरमा उत्कृष्ट ऋणी र उत्कृष्ट वचतकर्ता सम्मान समेत गरीएको हो ।
कार्यक्रममा सँस्थाका परामर्सदाता हिरालाल पौडेल, पत्रकार छविलाल पाण्डे, शेयर सदस्य निल बहादुर पुन लगाएतको सुभकामना मन्तव्य रहेको कार्यक्रम बुर्तिबाङ्ग सेवाकेन्द्र सञ्चालन समिती अध्यक्ष कृष्ण के.सीको अध्यक्षता, सञ्चालन समिती सदस्य शान्ता घर्ति थापाको स्वागत सचिव चुणमणी भुषालको सञ्चालनमा सम्पन्नभएको हो । शुक्रबार बुर्तिबाङ सेवाकेन्द्र, भिमगिठे सेवाकेन्द्र, निसीखोला सेवा केन्द्र, हटिया केन्द्र, खर्वाङ केन्द्र , तमानखोला केन्द्र काँडेवास सेवा केन्द्रमा कार्यक्रम सम्पन्न भएको हो ।
त्यसैगरी निसीखोला सेवा केन्द्रमा गण्डकी प्रदेशका निवर्तमान सांसद खिम विक्रम बाहीले प्रमुख अतिथीको रुपमा उद्धघाटन गनुभएको हो । आयोजित कार्यक्रममा सँस्थाका केन्द्रिय उपाध्यक्ष एवं वडिगाड गाउँपालिका अध्यक्ष गण्डकी थापा, निसीखोला गाउँपालिका निवर्तमान अध्यक्ष तारानाथ पौडेल लगाएतको आतिथ्यता एवं शुभकामना मन्तव्य रहेको थियो ।

बुर्तिबाङ मंसिर २९

गत मंसिर ४ गतेको प्रदेश सभा निर्वाचनमा बागलुङ क्षेत्र नं. २ (२) प्रदेश सभाबाट निर्वाचित दोर्ण कुमार कुवंर आफु माननिय भएको केहि दिनदेखि नै यस क्षेत्रका समस्या लिएर विभिन्न मन्त्रालय देखि प्रधानमन्त्री सम्म पुग्नु भएको छ ।
पश्चिम बागलुङका नागरीकले लामो समय देखि समस्या झेल्दै आएको मध्यपहाडी लोकमार्ग बागलुङ–घोँडाबाँडे सडक निर्माण, ढोरपाटन ५ मा अलपत्र वनेको मोटरेवल प्ुल निर्माण , केन्द्रिय विधुत विस्तार लगाएतका योजना र समस्या लिएर मन्त्रालय देखि मन्त्री तथा अधिकृतलाई जानकारी गराउने, दुर्त गतिमा काम हुनुपर्ने माग सहित साँसद कुवँर सहितको टोलीले भेटघाटलाई तिव्रता दिँदै ध्यानाकर्षण गराएको छ ।
मध्यपहाडी लोकमार्ग बागलुङ– बिहुँ घोँडाबाँदे खण्डमा सडक कालोपत्रेको काम लामो समयदेखि अलपत्र रहेको बताउँदै तत्काल पुरानो ठेक्का सम्झौता टोडेर नयाँ ठेक्का सम्झौता गरि काम तिव्र गतिमा गर्न भौतिक पूर्वाधार तथा यातायात मन्त्रालयका सचिव गोपाल प्रसाद सिग्देललाई अनुरोध गरेका छन ।
त्यसैगरी आफनो क्षेत्रमा पर्ने निसीखोला गाउँपालिका, तमानखोला गाउँपालिका र ढोरपाटन नगरपालिकाका २२ वटै वडामा पुग्ने गरी तत्काल केन्द्रिय विधुतको पहुँच पु¥याउन अनुरोध सहित नेपाल विधुत प्राधिकरणका कार्यकारी निर्देशक कुलमान घिसिङसंग छलफल गर्नुभएको छ । हाल पश्चिम बागलुङको ढोरपाटन नगरपालिका १ बुर्तिबाङ बजारमा मात्र विधुत पहुँच पुगेको हो ।
ढोरपाटन नगरपालिका ५ अधिकारीचौर स्थित अस्तु ओडारबोट मोटरेवल पुलको ठेक्का खारेज गरि तत्काल नयाँ ठेक्का प्रकृया सुरु गरेर काम गर्न अनुरोध गरेसंगै गत वुधबार नै उक्त पुलको ठेक्का रद्ध भएको सुचना प्रकाशित भइसकेको हो । उक्त पुल विगत ६ बर्षदेखि निर्माण अलपत्र वनेको थियो ।
त्यसैगरी निसीखोला गाउँपालिका र ढोरपाटन नगरपालिका अन्र्तगत विभिन्न वडामा रहेको खानेपानी समस्याको सम्वोधन गरीदिन माग सहित खानेपानी विभाग र आयोजना प्रमुख रामचन्द्र काफ्ले संग अनुरोध गर्नुभएको छ । ढोरपाटन नगरपालिकाको वडा नंं. २,५ र ७ नम्वर निसीखोला गाउँपालिकाको २,४,५ र ६ नम्वर वडामा खानेपानीको पहुँच पु¥याउनका निम्ती आवस्यक डिपिआरका निम्ती निर्दशन भएका कारण प्रकृया अगाडी बढ्ने सांसद कुवंरले बताउनु भयो ।
सांसद कुवंर सहित गण्डकी प्रदेश सभाका समानुपातीक सांसद दिलमाया पौवी, निसीखोला गाउँपालिका अध्यक्ष सुर्य बहादुर घर्ति, तमानखोला गाउँपालिका अध्यक्ष जोकलाल बुढा लगाएतको टोलिले विभिन्न मन्त्रालय तथा आयोजना कार्यालयमा पुगेर जनताका समस्याको सम्वोधन गर्न ध्यानाकर्षण सहित काम अगाडी बढाउन आग्रह गरेका छन । आफुले जनताका माझमा गरेका प्रतिबद्धता पुरा गर्नकै लागी जनताका समस्या लिएर सम्वन्धीत निकायमा पुगेको सांसद कुवंरले बताए ।

बुर्तिबाङ मंसिर १६
वडिगाड गाउँपालिकामा चौठो राष्ट्रपति रनिङ सिल्ड प्रतियोगिता शनिवार देखि सुरु भएको छ । पालिका भित्र रहेका विभिन्न विद्यालयमा अध्यनरत विद्यार्थीको खेलक्ष्ोत्र मार्फत क्षमता प्रस्फुटन गर्ने उदेश्य स्वरुप सञ्चालित प्रतियोगिता आगामी मंसिर १९ गतेसम्म सञ्चालन हुने जनाइएको छ ।
“स्वास्थ्यका लागी खेलकुद, राष्ट्रका लागी खेलकुद ”भन्ने नारासहित वडिगाड गाउँपालिकाको आयोजना, खार माध्यमिक विद्यालयको व्यवस्थापनमा सञ्चालित प्रतियोगिताको शनिवार गाउँपालिका प्रमुख गण्डकी थापा(अधिकारी) ले प्रमुख अतिथीको रुपमा कार्यक्रमको विधिवत उद्धघाटन गर्दे विद्यार्थीको सिकाईलाई थप विस्तार गर्न र उनिहरुको खेलक्षेत्र प्रतिको आर्कषणलाई पुरा गर्नका निम्ती खेलकुदले महत्वपूर्ण भुमिका निर्वाह गर्ने बताउँदै गाउँपालिकाले शैक्षिक क्षेत्र संगै खेलकुदका क्षेत्रमा समेत विकाश गर्दे जाने प्रतिवद्धता जनाउनु भयो ।
विद्यार्थीको अनुसाशन वृद्धि गर्न, उनिहरुमा रहेको प्रतिभा वाहिर ल्याउन खेलकुद र अतिरिक्त कृयाकलापले थप सहयोग गर्ने वताउनु भयो । उहाँले थप वोल्दै गाउँपालिकाले शैक्षिक क्षेत्रमा धेरै सुधार गरीसकेका कारण खेलकुद तथा विद्यार्थीको प्रतिभा प्रस्फुटन हुने कार्यक्रमलाई प्राथमिकताका साथ कार्यक्रम लिएर अगाडी बढिने बताउनु भयो ।
वडिगाड गाउँपालिका अन्र्तगत विभिन्न १३ वटा विद्यालयको सहभागिता रहेको प्रतियोगितामा छात्र ÷छात्रा भलीवल, कराँते, एथ्लेटिक्स, एक सय, दुई सय, तिन सय र चार सय मिटरको डौड, १ सय गुण ४ सय र ४ सय गुणा ४ सय रिले डौड लगाएतका प्रस्तुती रहने गाउँपालिकाले जनाएको छ । आयोजित उद्घाटन सत्रको कार्यक्रम वडा नं. ५ का अध्यक्ष विष्णु आर्चायको अध्यक्षता, पालिका उपाध्यक्ष भिमशेन वनको विशिष्ठ आतिथ्यता, वडा अध्यक्ष, कार्यपालिका सदस्य, शिक्षक, कर्मचारी लगाएतको आतिथ्यता रहेको थियो ।

बुर्तिबाङ मंसिर १५
गण्डकी प्रदेशका सांसद दोर्ण कुमार कुवंरले जनताका समस्या र गुनासो लाई मध्यनजर राख्दै विभिन्न सरकारी कार्यालयमा पुगेर जनसुनासो  सहित कार्यालयको समस्या बुझ्ने अभियान सुरु गर्नुभएको छ ।
नागरीकलाई दिइने सेवा अन्र्तगत छिटो छरितो र सहज तरिकाले सेवा प्रवाह भए नभइको अवस्था र कार्यालयमा रहेका समस्याका विषयमा बुझन् विहिबार इलाका प्रशासन कार्यालय बुर्तिबाङ पुग्नुभएका साँसद कुवंरले कार्यालय प्रमुख लोक बहादुर कुवंर संग करिव ३० मिनेट छलफल गर्दे जनताका समस्या र सेवा प्रवाहलाई छिटो छरितो र प्रभावकारी बनाउन आग्रह सहित प्रशासनिक समस्यामा आफुहरुले सहयोग गर्ने प्रतिबद्धता जनाउनु भयो ।
उहाँले थप वोल्दै जनताले सेवा प्रवाहको सन्र्दभमा बढि भिँडभाडका कारण सास्ति खेप्नु परेको,समयमा काम नहुने जस्ता गुनासो नागरीकबाट आएका कारण त्यसलाई व्यवस्थापन गरेर जान सुझाव दिनुभयो । हाल १० जना कर्मचारीको दरवन्दी रहेको प्रशासन कार्यालयमा नागरीकता, राष्ट्रिय परिचय पत्र, पासपोर्ट फाँटमा गरी ९ जना कर्मचारी रहेको पाइएको छ । प्रशासन कार्यालयमा रहेको कर्मचारी समस्या र कर्मचारी बुर्तिबाङमा वस्न नखोजी तत्काल सरुवा हुने प्रचलनलाई रोक्ने गरी सम्वोधन गर्न साँसद कुवंरले बागलुङका प्रमुख जिल्ला अधिकारी रमेश ढकाललाई फोन मार्फत जानकारी गराउनु भएको हो ।
इलाका प्रशासन बुर्तिबाङमा हाल ४ जना करार र ५ जना स्थाई कर्मचारी रहेको कार्यालय प्रमुख लोक बहादुर कुवंरले बताउनु भयो । उहाँले कार्यालयबाट प्रवाह हुने काममा नागरीकलाई कुनै सास्ति दिने काम कर्मचारीबाट नभएको बताउँदै आफु स्थानीय नागरीक समेत भएका कारण पनी नागरीकको सेवामा कुनै स्वार्थ नराखी काम गरेको प्रस्ट पार्नुभयो ।
उहाँले दरवन्धी अनुसारको कर्मचारी व्यवस्थापन र निजी प्रशासनिक भवनको समस्या रहेका कारण उक्त समस्याको सम्वोधन गरीदिन साँसद कुवंरलाई अनुरोध गर्नुभयो ।
सांसद कुवंरले विद्यालयको शैक्षिक र भौतिक अवस्थाको विषयमा अनुसन्धान अवलोकन गर्न विभिन्न विद्यालयमा पुग्दै आउनु भएको छ । अन्य सरकारी कार्यालयमा समेत क्रमश पुग्ने र त्यहाँको सेवा प्रवाहको अवस्था, कर्मचारी व्यवस्थापन लगाएतका विषयमा अनुगमन गरीने बताउनु भयो ।

कौरव खत्री गुल्मी ११ मंसिर

गुल्मीका गान्धी प्रसाद भट्टराई अष्ट्रेलियन नेपाली बहुसांस्कृतिक केन्द्र(एएनएमसी)को अध्यक्षमा सर्वसम्मत चयन भएका छन् । अष्ट्रेलियन नेपाली बहुसांस्कृतिक केन्द्र(एएनएमसी)को अध्यक्षमा भट्टराई सर्वसम्मत रुपमा चयन भएका हुन् । त्यस्तै अष्ट्रेलियन नेपाली बहुसांस्कृतिक केन्द्र(एएनएमसी)कार्य समितिको उपाध्यक्ष सुधीर शाक्य,कुसुम पोखरेल,सचिव तिलक पोखरेल,कोषाध्यक्ष अर्जुन ढकाल,सह–कोषाध्यक्ष अनन्त पौडेल चयन भएका छन् ।

त्यस्तै कार्य समिति सदस्यहरुमा मनोज घिमिरे,दिपक आचार्य,भीम न्यौपाने,सुमिता मल्ल भण्डारी,ज्योति सिंखडा चयन भएका छन् । त्यस्तै आइतबार अष्ट्रेलियन नेपाली बहुसांस्कृतिक केन्द्र(एएनएमसी)को साधारण सभापछिको पहिलो कार्य समिति बैठकले सह सचिवमा आत्मा रिजाल र कार्य समितिसदस्यहरुमा कल्पना बस्याल,टोनु घोठाने,नारायण ज्ञवालीलाई मनोनित गरिएको अध्यक्ष भट्टराईले बताउनु भयो । गुल्मीको गुल्मी चन्द्रकोट गाँउपालिका वडा नं. ८ तुराङ्ग स्थायी घर भई हाल अष्ट्रेलियाको मेलबर्नमा विगत पन्ध्र देखि रोजगारीको शिलशिलमा कार्यरत रहेका भट्टराई पछिल्ला केही बर्ष यता निरन्तर सामाजिक कर्ममा सक्रिय रुपमा काम गदै आइरहेका छन् ।

त्सस्तै अध्यक्ष भट्टराईले अष्ट्रेलियामा नेपालीहरुको कला,संस्कृतिको जर्गेना र संरक्षण एंवम् प्रर्वद्धन गदै यसको प्रचार प्रसारमा ठूलो योगदान पु¥याउदै आएका भट्टराई विभिन्न संघ संस्थामा आवद्ध भई विभिन्न पद र नेतृत्व गदै सामाजिक क्षेत्रमा अनुकरणीय कार्य गदै आएका छन् । साथै अध्यक्ष भट्टराईले भने,भावी दिनमा अष्ट्रेलियन नेपाली बहु सांस्कृतिक केन्द्र(एएनएमसी)संस्थाको गर्विलो इतिहासलाई जोगाएर नेपालीको मौलिक पहिचानलाई अझ शसक्त,बलियो बनाउदै एकताबद्ध र अष्ट्रेलियामा रहेका सबै नेपालीहरुले गर्व महसुस गर्ने खालको कर्ममा आफू निरन्तर लागि पर्ने अध्यक्ष भट्टराईले बताउनु भयो ।

साथै यस भन्दा अगाडी नेपाली सामुदायिक केन्द्र प्रालिले सन् २००८ देखि मन्दिर र सामुदायिक केन्द्र निर्माण गर्न एक सय जना व्यक्तिहरु मिलेर मेलबर्नको दक्षिण पूर्वी क्षेत्रमा सामुदायिक केन्द्र र मन्दिरका लागि कोष संकलन गरेर सन् २०१४ मा अष्ट्रेलियन नेपाली बहु सांस्कृतिक केन्द्र(एएनएमसी) स्थापना गरि सन् २०१५ मा नेपाली सामुदायिक केन्द्र प्रालिको पचहत्तर अष्ट्रेलियन डलर हस्तान्तरण गरि सदस्यता प्राप्त लिई हाल अष्ट्रेलियन नेपाली बहु सांस्कृतिक केन्द्र(एएनएमसी)मा आवद्ध भएर निरन्तर सामजिक सेवा विकासमा सहयोग पु¥याउदै आएको छ ।