चैत्र २१ गते
जिल्लाको निसीखोला गाउँपालिकाले पालिकालाई मासुमा आत्मनिर्भर बनाउने उदेश्य सहित व्यवसाहीक बाख्रा पालन गर्दे आएका कृषकलाई तिन दिने व्यवसाहीक बाख्रा पालन र व्यवस्थापन बिषयक तालिम सुरु गरेको छ ।
मंगलबार देखि सुरु भएको तालिममा पालिकाको पशु सेवा साखाको आयोजनामा प्रत्यक वडाबाट पाँच जनाको दरले सातवटै वडाका ३५ जनालाई तिनदिने तालिम दिन सुरु गरिएको जनाइएको छ ।

प्रमुख अतिथी गाउँपालिका अध्यक्ष सुर्य बहादुर घर्तिले वोल्दै निसीखोला गाउँपालिकालाई कृषि र मासुमा आत्मनिर्भर बनाउन सकेमात्र निसीखोला गाउँपालिकाको विकास हुने बताउनु भयो । उहाँले थप बोल्दै इमानदार र मिहिनेती कृषकका निम्ती गाउँपालिकाले सक्दो सहयोग गर्दे जाने प्रतिबद्धता समेत जनाउनु भयो ।

कार्यक्रममा आर्थिक बिकास समिती सम्योजक एव्म वडा नं. २ का अध्यक्ष कुविर विश्वकर्माको अध्यक्षता पशु सेवा साखाका प्रमुख कृष्ण चन्द, पशु सेवा साखाका नायब पशु स्वास्थ्य प्राविधिक दल बहादुर शाहीको प्रशिक्षण रहेको हो ।
पालिकाभर कृषि तथा पशु फार्म दर्ता गरेर अगाडी बढेका कृषकको सँख्या २ सय बढि भइसकेको अवस्थामा सहभागि कृषका निम्ती बाख्रा पालन गर्दा खोर व्यवस्थापन, रोग परजिवी नियन्त्रण, आहारा व्यवस्थापन, पशु वीमा र त्यसको फाईदा, बाख्राको अभिलेख व्यवस्थापन अन्य व्यवस्थापन लागएतका विषयमा तालिम दिइने पशु शेवा साखा नायब पशु स्वास्थ्य प्राविधिक दल बहादुर शाहीले बताउनु भयो

चैत्र १८ बुर्तिबाङ
ढोरपाटन उद्योग वाणिज्य संघको प्रथम अधिवेशनको वन्द सत्रबाट निर्वाचन कार्यतालिका सार्वजनिक गरिएको छ । सहमतीको प्रयास खोजीएपनी हालसम्म सहमती हुन सकेको छैन । दलहरुविच सहमतीको प्रयास जारि रहेको बुझिएको हो ।
नेपाली कांग्रेस, नेकपा एमाले , राष्ट्रिय जनमोर्चा र माओबादी केन्द्र विचको शनिवार साँझ भएको छलफलबाट भाडवण्डा मिल्न नसक्दा सहमती हुन नसकेको नेपाली कांग्रेसका धन बहादुर कायतले बताए । सहमती नभएको खण्डमा निर्वाचनमा जानुपर्ने अवस्था सिर्जना हुन्छ । त्यसका लागी निर्वाचन समितीले निर्वाचन तालिका समेत बाहिर ल्याएको हो ।
जसमा आइतबार बिहान ११ बजेदखि १२ः३० सम्म उमेद्वारको मनोनय दर्ता गर्ने, दिउँसो १ बजे नामावली प्रकाशन गर्ने, दिउँसो १ः१५ देखि २ बजेसम्म उमेद्वारको नामावलीमा दावि विरोध कार्यक्रम सार्वजनिक भएको छ । त्यस्तै दिउसो २ बजे देखि २ः३० सम्म दावि विरोध उपर जाँचवुझ र उमेद्वारको नामावली प्रकाशन गर्ने कार्यतालिका तय गरिएको हो ।

चैत्र २० गते बिहान ७ बजेसम्म उमेद्वारले नमा फिर्ता लिने, विहान ८ बजे अन्तिम नामावली प्रकाशन गर्ने र २१ गते बिहान ७ देखि साँझ ५ बजेसम्म मतदानको कार्यक्रम तय गरिएको हो ।
पहिलो चरणमा सत्ता गठवन्धनका दलहरु नेपाली कांग्रेस, राजमो र नेकपा माओबादी केन्द्र विचको सहमती अनुसार नेकपा एमाले सहित सबै व्यवसाही मिलेर जाने सहमती नभए ३ दल मिलेर निर्वाचनमा जाने सहमती भएको थियो । पछिल्लो छलफलबाट चारदल विच सहमती हुन नसकेको र छलफलको क्रमलाई जारी राखिएको बताइएको छ ।

चैत्र १५ गते
ढोरपाटन उद्योग वाणिज्य संघ बुर्तिबाङको प्रथम अधिवेशन तथा साधारण सभा हुन तिन दिन मात्रै बाँकि हुँदा समितीमा आवद्ध तदर्थ समिती पदादिकारि बिच विहिबार हालसम्म उद्योग वाणिज्य संघले गरेका कामको समिक्षा तथा भावि रणनिती तयारि विषयक छलफल एवं अन्र्तक्रृया कार्यक्रम सम्पन्न भएको छ ।

संस्थाका अध्यक्ष चिन्तामणि सर्मा कंडेलको अध्यक्षतामा आयोजित छलफलबाट संस्थाले बागलुङ उद्योग वाणिज्य संघ इकाई बुर्तिबाङ हुँदा देखि हालसम्म गरेका उपलब्धीका विषयमा छलफल एवं समिक्षा भएको छ ।

जसमा व्यवसाहिक हक हतिलाई प्राथमिकता दिइएको, ढोरपाटन महोत्वस सञ्चालन गरिएको नयां संस्था दर्ता गरि पूर्णता दिइएको, बजार व्यवस्थापन, सरोकार वाला निमाय संग सहकार्य लगाएतका गतिविधीमा उद्योग वाणिज्य संघले महत्वपूर्ण भुमिका निर्वाह गरेको बताउँदै संस्था स्थापना पछि विविध कारणले गर्दा तत्काल नयां नेतृत्व चयन गर्न नसकिएको र आर्थि व्यवस्थापनलाई व्यवस्थित गर्न नसकिएको भन्दै आत्मा आलोचना समेत गरिएको जनाइएको छ ।

त्यस्तै छलफलबाट भावि रणनितीका विषयमा समेत रणनिती तय गरिएको हो जसमा संस्थागत विकास, नेतृत्व विकास, व्यवसाहिक तालिम, उत्पादित वस्तुको प्रमाणिकरण, हाट बजार सञ्चालन, कृषि उत्पादन तथा प्रर्यटन क्षेत्रको विकास, सडक व्यवस्थापन, बजार सुरक्षामा सिसि क्यामेरा जडान लगाएका विषयलाई आगामी निती तथा कार्यक्रममा समावेश गर्ने निर्णय भएको संस्थाका दिर्तिय उपाध्यक्ष उत्तम बहादुर महतले बताए ।

कार्यक्रममा समिती पदादिकारीहरु ढालेन्द्र छन्त्याल, निमलाल पाण्डे, घनस्याम सर्मा, फारम बहादुर कुवंर, ज्ञान प्रसाद कंडेल, सहविन अर्गेजा, हेम प्रसाद वि.क., धुव्र प्रसाद श्रेष्ठ, केयरसिंह गुरु, जित कुमारी माझि, चिन्तामणी सापकोटा, सोम पौवी, धुव्र सुवेदी, तेजिन्द्र खत्री, धनराम पुरी, विर बहादुर गुरु, हरि बहादुर कुवंर लगाएतले आफनो धारणा राखेका हुन । वोल्ने वक्ताहरुले अवको नेतृत्व सर्व सहमतीबाट चयन गरिनु पर्ने बताउँदै आएका छन । यद्धपी सहमती हुने सम्भावना भने कम हुँदै गएको जानकार हरु बताउँछन ।

आजको बैठकमा समेत अध्यक्ष पदमा ढालेन्द्र छन्त्याल, सहविन अर्गजा, धुव्र सुवेदी, चिन्तामणी सापकोटा, निमलाल पाण्डेले अध्यक्ष पदमा आफनो दावेदारि रहने बताउँदै आएका छन । महासचिव पदमा भने जम्म दुई जनाले इच्छा व्यक्त गरेका हुन सोम पौवाी (यामु) र ज्ञान प्रसाद कंडेलले आफनो अपेक्षा व्यक्त गरेका थिए । मंगलबार मात्रै सत्तारुद नेपाली कांग्रेस, राजमो र नेकपा माओबादीको बैठकले पहिलो प्रयास सहमतीको हुने र सहमती हुन नसके ३ दलको प्यानल बनाएर निर्वाचनमा होमिने लिखित सहमती गरिसकका छन । आजको बैठकले समितीका उपाध्यक्ष स्वर्गिय ऋतुवर्ण पौडेलको वार्षिक पुण्य तिथीको अवसरमा सोक सभा समेत गरिएको थियो । कार्यक्रम उपाध्यक्ष उत्तम बहादुर महतको सहजिकरण एवं सञ्चालमा सम्पन्न भएको हो ।

२०७९ चैत १५ गते 

सत्तारुढ गठबन्धनका शीर्ष नेताहरुले मन्त्रालय भागवण्डा लगभग टुंग्याएका छन् ।

बुधबार साँझ बालुवाटारमा बसेको बैठकले कुन दललाई कति मन्त्रालय भन्ने एकसरो समझदारी जुटाएको जनता समाजवादी पार्टी (जसपा)का नेता राजेन्द्र श्रेष्ठले जानकारी दिए ।

‘भोलि बेलुकासम्म मन्त्रिपरिषदलाई पूर्णता दिने भन्नेछ’, उनले भने, ‘सबै पार्टीले आ–आफ्नो भागमा परेको मन्त्रालयमा मन्त्रीहरुको नाम दिनुहुनेछ, त्यसपछि मन्त्रीहरुको शपथ हुन्छ ।’

उनका अनुसार राष्ट्रिय जनमोर्चाबाहेकका सबै दललाई मन्त्रालय भागवण्डा गरिएको छ । कुन दललाई कति भन्ने चाहिँ उनले खुलाएनन् ।