चैत्र २७ बुर्तिबाङ
निसीखोला गाउँपालिका द्धारा दोश्रो गाउँपालिका अध्यक्ष कप सोमबारदेखि जुग्जाखोलामा सञ्चालन भएको छ । खेलकुद विकास समिती निसीखोलाको सम्मोन्यमा आजदेखि सुरु भएको विविध खेलकुद तथा सांस्कृर्तिक कार्यक्रमको निसीखोला गाउँपालिका अध्यक्ष सुर्य बहादुर घर्तिले प्रमुख अतिथीको रुपमा सम्बोधन गर्दे खेलकुदको बिकास र यहाँका युवाको खेल क्षेत्रको क्षमता प्रस्फुटन गर्नका निम्ती दोश्रो पालिका अध्यक्ष कपको आयोजना गरिएको बताउनु भयो ।
उहाँले थप बोल्दै निसीखोला निसीखोला गाउँपालिकाको बिकास र समृद्धिको निम्ती आफुहरुले विभिन्न योजनाका साथ अगाडी बढिरहेको बताउँदै जनप्रतिनिधी, राजनैतिक दल, बौद्धिक व्याक्तित्व सबैले जिम्मेवार पुर्वक निसीखोलाको विकास र समृद्धिमा एक भएर अगाडी बढ्नुपर्ने बताउनु भयो ।
कार्यक्रमका विशिष्ठ अतिथी गाउँपालिका उपाध्यक्ष प्रेम बहादुर घर्तिमगरले बोल्दै खेलाडीको क्षमता विकास गर्न, पालिकामा रहेका खेलाडीको व्याक्तित्व विकास गर्नका साथै युवा पुस्तालाई खेल क्षेत्रको माध्यमबाट अनुसाशित, लगनशिल र मर्यादित बनाउन पनी खेलकुद क्षेत्रले महत्वपूर्ण सहयोग पु¥याउने बताउँदै पालिकाले आयोजना गर्ने कार्यक्रममा सबै जनप्रतिनिधी , कर्मचारी जिम्मेवार हुनुपर्नेमा जोड दिनुभयो ।
कार्यक्रमका अवसरमा गण्डकी प्रदेश पुर्व सांसद खिम विक्रम शाही, निसीखोला गाउँपालिका पुर्व अध्यक्ष तारानाथ पौडेल, राजनैतिक दलको तर्फदेखि नेपाली कांग्रेसका भविन्द्र बहादुर कुवंर, नेकपा एमालेका पालिका अध्यक्ष भुमिराज घर्ति, नेकपा माओबादी केन्द्रका पालिका उपाध्यक्ष भिम रोका, राष्ट्रिय जनमोर्चाका प्रतिनिधी थम्मन घर्ति मगर, वडा अध्यक्षको तर्फदेखि दिपक कुवंर, चन्द्रसिंह रामजाली लगाएतको शुभकामना मन्त्व्य रहेको थियो । कार्यक्रमका अवसरमा जनप्रतिनिधी, पत्रकार, कलाकार, समाजसेवी, लगाएतको आतिथ्यता रहेको हो ।

कलाकार सुष्मा ठकुरी, स्थानीय कलाकार आइटिएफ खेलाडी लगाएतको प्रस्तुती रहेको उद्धघाटन सत्रको कार्यक्रम निसीखोला गाउँपालिका स्तरिय खेलकुद विकास समिती सदस्य राजेन्द्र शाहीको स्वागत, समितीका अध्यक्ष राजमान घर्तिको अध्यक्षता, शिक्षा युवा तथा खेलकुद शाखाका प्रमुख जयराम पुन र गजलकार अञ्चल शाहीको सञ्चालनमा कार्यक्रम सम्पन्न भएको हो । भालीदेखि हुने विविध खेलकुद कार्यक्रम आगामी चैत्र ३० गतेसम्म सञ्चालन हुने जनाइएको छ ।

गाउँपालिका स्तरिय खेलकुद विकास समितीको सहजिकरणमा सञ्चालन हुने कार्यक्रम अन्र्तगत अन्तरपालिका स्तरिय पूरुष भलीवल प्रतियोगिता, खुल्ला महिला भलिवल, लोक दोहोरी प्रतियोगिता, सामुहिक नृत्य, आइटिएफ प्रतियोगिता र ३५ बर्षमाथि उमेर समुहको पुरुष भलीवल प्रतियोगिता सञ्चालन गरिने निसीखोला गाउँपालिका शिक्षा तथा खेलकुद शाखा प्रमुख जयराम पुन मगरले बताउनु भयो। पुरुष भलीवल तर्फ ५ समुह र महिला भलीवल तर्फ ४ समुहको नामदर्ता भएको छ । कार्यक्रम सञ्चालन गर्नका निम्ती पालिकाले १५ लाख रुपैयाँ बजेट विनीयोजन गरेको छ।
प्रतियोगिता तर्फ पूरुष भलीवल मा प्रथम दितिय ,तिर्तिय हुनेले क्रमश १ लाख १५ हजार, ७० हजार र ४५ हजार प्राप्त गर्ने छन महिला भलिवल तर्फ क्रमश ७० हजार, ४५ हजार र २५ हजार रुपैँया पुरस्कार प्राप्त गर्ने आयोजक ले बताएको छ।

चैत्र २५ गते बुर्तिबाङ

नेपालकै एकमात्र शिकार आरक्ष ढोरपाटन शिकार आरक्ष क्षेत्रमा प्याराग्लाइडिङको परीक्षण उडान गरिएको छ ।

ढोरपाटन नगरपालिकाको आर्थिक व्यवस्थापन तथा नेपाल नागरिक उड्डयन प्राधिकरणको स्वीकृतिमा ढोरपाटन नगरपालिकाको वडा नम्बर ९ र ६ मा पर्ने ढोरपाटन उपत्यकामा परीक्षण उडान गरिएको हो ।

ढोरपाटन नगरपालिकाको आर्थिक सहयोगमा ढोरपाटन क्षेत्रमा प्याराग्लाइडिङ परीक्षण पटके उडान अनुमति प्रदान गरिएको नागरिक उड्डन प्राधिकरणका उपप्रबन्धक चुडाबहादुर खड्काले जानकारी दिए । उनका अनुसार ब्लू इस्काई प्याराग्लाइडिङ प्रालि पोखराले चैत २३ देखि २५ गतेसम्म परीक्षण उडानको जिम्मा पाएको थियो। प्रालिले उडान सञ्चालन समाप्त भएपछि सो प्रतिवेदन नेपाल नागरिक उड्डयन प्राधिकरणलाई बुझाउनुपर्नेछ ।शुक्रबार ढोरपाटनको मसिनधाराबाट उडान शुरु गरिएको प्याराग्लाइडिङ तल्लोचौरमा सफल ल्याण्ड गरिएको ढोरपाटन नगरपालिकाका उपप्रमुख कल्याण कायतले जानकारी दिए ।

‘ढोरपाटन नगरपालिकाबाट हामीले परीक्षण उडान भनेर ३ लाख रुपैयाँ रकम विनियोजन गरेको थियौं,’ उपप्रमुख कायतले भने, ‘ वन्यजन्तु संरक्षण विभागको सहमतिपछि आर्मी क्याम बाहिर प्याराग्लाइडिङले परीक्षण उडान गरेको छ ।’उनका अनुसार बिहान ८ बजेदेखि दिउँसो ३ बजेभित्र परीक्षण उडान गरियको थियो ।

दुई दिन गरिएको परिक्षण उडान सफल रहेका कारण प्रतिवेदन आएपछि ढोरपाटनमा प्याराग्लाइडिङको सम्भावना रहनेमा आफु आशाबादी रहेको कायतको भनाई छ । प्याराग्लाइडिङ परिक्षण रिर्पाट सफल भएसंगै थप ढोरापाटनको प्रर्यटन प्रर्वधनमा टेवा पुग्ने स्थानीयको आंकलन रहेको छ ।पक्कि सडक निर्माणमा ढिलाई भइरहेका कारण ढोरपाटन पुग्ने प्रर्यटकलाई असहज भइरहेको अवस्थामा सिधा र सहज सडक सञ्जाल जोडिएमा ढोरपाटनमा आन्तरिक तथा बाह्य प्रर्यटक आवागमनमा बृद्धि हुने उपप्रमुख कायतले बताए ।

चैत्र २३
ढोरपाटन २ सेराका कृषकलाई दिइएको ३ महिने आइपिएम कृषक पाठशाला कार्यक्रम बिहिबार सम्पन्न भएको छ
जिल्ला कृषि ज्ञान केन्द्र बागलुङको आयोजनामा सुरु भएको तालिममा स्थानीय ३० जना कृषकले तालिममा सहभागिता जनाएका हुन ।
बिहिबार आयोजित एक समारोह कार्यक्रमका विच कृषि ज्ञान केन्द्र बागलुङका प्रमुखभानुभक्त भट्टराईले प्रमुख अतिथीको रुपमा बोल्दै कृषि क्षेत्रको बिकास हुन नसकेमा देशको बिकास र समृद्धिको ढोका खुल्न नसक्ने बताउनु भयो ।
बागलुङ जिल्लामा ३५ हजार बढि कृषक कृषि पेशामा आवद्ध रहेपनी कृषि क्षेत्रको परिणाम बाहिर आउन नसकेको बताउनु भयो । पछिल्लो समय २५ सय बढि कृषकले कुनै न कुनै तवरबाट अनुदानका कार्यक्रममा सहभागिता जनाइरहेको बताउँदै मिहिनेती र इमानदारी कृषकका समस्या र अनुदानमा राज्यले सम्वोधन गर्ने बताउनु भयो ।
कार्यक्रममका अवसरमा वडा नं. २ का अध्यक्ष भेक बहादुर खत्री, वडा नं. ३ का अध्यक्ष खिमबहादुर सुनार, प्रशिक्षक तथा ढोरपाटन नगरपालिका कृर्षि शाखा प्रमुख महेन्द्र अधिकारी, लगाएतले शुभकामना मन्तव्य राख्नु भएको थियो ।

कार्यक्रमका अवसरमा स्थानीय कृषकको तर्फदेखि नृत्य, कविता, गित गजल समेत प्रस्तुत गरेका हुन । कृषकलाई ३ महिने तालिममा रोग किरा नियन्त्रण, बाली उत्पादन तरिका, गुणस्तरिय विउको छनौट लगाएतका विषयमा सिकाइएको थियो ।
आलुको उत्पादनका विषयमा दिइएको तालिम व्यवहारिक रहेको कृषकहरुले बताएका थिए । आगामी दिनमा समेत यस्ता कार्यक्रम अवस्यक रहेको उनिहरुको धारणा थियो । कार्यक्रम युवराज पाण्डको अध्यक्षता, सुनिता कुवंरको सञ्चालनमा सम्पन्न भएको थियो ।

चैत्र २३ गते

नेपाली काँग्रेस ढोरपाटन नगरपालिका द्धारा ढोरपाटन उद्योग वाणिज्य संघ बुर्तिबाङ ढोरपाटनमा नेपाली काँग्रेस बाट निर्वाचित भएका पदाधिकारीलाई पार्टीले सम्मान गरेको छ ।
बिहिबार एक कार्यक्रमको आयोजना गरी अध्यक्षमा निर्वाचित ढालेन्द्र छन्त्याल , कोषाध्यक्ष दिपक कुमार अदै सहित १३ सदस्य पदादिकारीलाई सम्मान गरिएको हो ।

नेपाली काँग्रेस ढोरपाटन नगरपालिका वडा नं १ का वडा अध्यक्ष वान बहादुर छन्त्यालको अध्यक्षतामा आयोजित कार्यक्रममा नेपाली काँग्रेस क्षेत्रिय सभापति जोकलाल बुढाको प्रमुख आतिथ्यतामा कार्यक्रम भएको हो । कार्यक्रमलाई सम्बोधन गदै प्रमुख अतिथि बुढाले निर्वाचित टिमलाई बढाई सहित सफल कार्यकालको शुभकामना दिनुभयो उहाँले व्यवसाहीक क्षेत्रको विकास र यस क्षेत्रको विकासमा हातेमालो गर्ने गरी अगाडी बद्न सुझाव समेत दिनुभयो

निर्वाचित पदाधिकारीलाई सम्मानपत्र, खादा र अविर सहित सम्मान गरिएको थियो । कार्यक्रममा
नेपाली काग्रेस प्रदेश सभा (ख) का सभापती मेशलाल शर्मा,नेपाली काँग्रेस ढोरपाटन नगर सभापती धन बहादुर कायत लगाएतको उपस्थिति रहेको थियो । नगर सभापति धन बहादुर कायतको स्वागत र कोषिस जिसीको सञ्चालनमा सम्पन्न भएको थियो ।

चैत्र २३ गते
निसीखोला गाउँपालिकाले व्यवसाहीक बाख्रा पालक कृषकका निम्ती सञ्चालन गरेको ३ दिने तालिम बिहिबार सम्पन्न भएको छ ।
गत मंगलबार निसीखोला गाउँपालिका पशु सेवा शाखाको आयोजनामा भएको तालिममा बाख्राको उत्पादन, बाख्रामा हुने रोग र संक्रमण, त्यसको उपचार र निवारण बाख्राको खाना, खोर व्यवस्थापन, सरसफाई लगाएतका विषयमा कृषकलाई तालिम दिइएको हो । आयोजित तालिममा सहभागि कृषकहरुले आफुहरुलाई यस्तो तालिमले व्यवसाही बाख्रा पालनमा थप उत्प्रेरणा र अनुभव प्राप्त भएको बताउँदै आफुहरु समय समयमा सिप, ज्ञान संगै पालिकाले अनुदान, घाँस, खसि बनाउने मेशिन लगाएतका क्षेत्रमा समेत सहयोग गर्नुपर्नेमा जोड दिएका हुन ।

आयोजित समापन सत्रको कार्यक्रमलाई गाउँपालिका अध्यक्ष सुर्य बहादुर घर्तिले प्रमुख अतिथीको रुपमा बोल्दै निसीखोला गाउँपालिकालाई कृषि र पशुपालनमा आत्मनिर्भर बनाउने बताउनु भयो । पालिकाले निरन्तर सहयोग गर्दे जान्छ तर कृषकहरु व्यवसाही बन्नु प¥यो पुर्खाले सयौँ गाई भैँसी आफनै सिप ज्ञान बाट पाल्दै आएका थिए तर हामीले तालिम अनुदान जस्ता कार्यक्रममा ध्यान दिँदा समेत उत्पादन बद्न नसकेको बताउँदै यहिँ पेशाबाट अगाडी बद्ने लक्ष्य कृषकले लिनुपर्ने बताउनु भयो ।

त्यस्तै कार्यक्रमका विशिष्ठ अतिथी निसीखोला गाउँपालिका उपाध्यक्ष प्रेम बहादुर घर्तिले बोल्दै अर्गनिक र स्थानीय उत्पादनलाई जोड दिनसकेमात्र कृषकले राम्रो परिणाम लिन सक्ने बताउनु भयो । निसीखोला गाउँपालिका बाख्रा पालन क्षेत्रका निम्ती राम्रो सम्भावना भएको ठाउँ रहेको बताउँदै व्यवसाहिक र विस्तारित तवरले बाख्रा पालनमा होमिन कृषकलाई उहाँले अपिल गर्नुभयो । उन्नत जातका बाख्रा खरिद गर्ने निहुँमा त्यसको सहि व्यवस्थापन गर्न नसक्दा कृषकलाई थप मर्का पर्ने बताउँदै स्थानीय जातको उत्पादनलाई जोड्न सके बजार माग र उत्पादनमा समेत सहजता हुने प्रस्ट पार्नुभयो ।
गाउँपालिकाले व्यवसाहीक कृषकलाई अनुदानका कार्यक्रममा समेत सहयोग गर्दे आइहरेको छ ।

कार्यक्रमका अवसरमा गाउँपालिका निमित्त प्रमुख प्रशासकिय अधिकृत दिलिप कुमार चन्द,पशु शाखा प्रमुख कृष्ण चन्द तालिममा सहभागिको तर्फबाट ईद बहादुर रसाईली,प्रेमला बुढा लगाएतले आफ्नो मन्तव्य राखेका थिए । वडा नं. २ का अध्यक्ष तथा गाउँपाकिला आर्थिक समितीका सम्योजक कुविर विश्वकर्माको अध्यक्षतामा आयोजित कार्यक्रममा निसीखोला गाउँपालिका शिक्षा शाखा प्रमुख जयराम पुन ,कृषि शाखा प्रमुख तारा बहादुर परियार,लगाएतको उपस्थिति रहेको कार्यक्रम पशु प्राविधिक दल बहादुर शाहीको सञ्चालनमा सम्पन्न भएको थियो

चैत्र २२
गण्डकी प्रदेश सभा सदस्य द्धय दोर्ण कुमार कुवंर र दिलमाया पौवीद्धारा ढोरपाटन नगरपालिका वडा नं. ३ स्थित फर्साघाट देखि चाचल जोड्ने झलुङगे पुलको बुधबार उद्घाटन गर्नुभएको छ ।

सांसद दोर्ण कुमार कुवंरको पहलमा निर्माण सम्पन्न भएको २४३ मिटर लामो झलुङगे पुल गत पौष महिनादेखि निर्माण सुरु भई दुई महिनामै निर्माण सम्पन्न भएको थियो । निर्माण सम्पन्न पश्चात यतिवेला उक्त पुलले आन्तरिक प्रर्यटक लोभ्याउन थालेको छ । बिशेष गरि ढोरपाटन नगरपालिका वडा नं. ३ को पुर्काट, घोँसा, सामा लगाएतका स्थान्ीयलाई वारपार गर्नका निम्ती सहज हुने गरी बनाईएको उक्त पुल यतिवेला स्थानीयको सहजता संगै आन्तरिक प्रर्यटक पुग्ने र सेल्फि लिने ठाँउ समेत बनेको हो । प्रकृर्ति संग आनन्त लिँदै प्रर्यटकहरु पुल वारपार गर्ने , फोटा खिच्ने, टिकटक बनाउने गर्दे आएका हुन । बुर्तिबाङ बजार तथा आसपासका क्षेत्रमा प्रर्यटकले आनन्द लिने घुम्ने स्थानको अभाव भएका कारण पनी पुलले प्रर्यटन प्रर्वधनमा टेवा पु¥याएको हो ।

ढोरपाटन नगरपालिका वडा नं. ३ का अध्यक्ष खिम बहादुर सुनारको अध्यक्षतामा आयोजित कार्यक्रममा प्रमुख अतिथीका रुपमा रहनु भएका गण्डकी प्रदेशका सांसद दोर्ण कुमार कुवंर र विशिष्ठ अतिथी सांसद दिलमाया पौवीले रिवन काटेर पुलको विधिवत उद्धघाटन गर्नुभयो । आयोजित कार्यक्रममा वोल्दै सांसद कुवंरले आफुले जनताको सास्तिलाई देखेर पुल निर्माणमा पहल थालेको बताउनु भयो । यहाँका नागरिकलाई पुल निर्माणले वारपार गर्न सहज हुनुका साथै समयको हिसावले धेरै समय बचत हुने बताउँदै आफुले चाचलघाट मोटरेवल पुल निर्माणका निम्ती समेत आफु र माननिय दिलमाया

पौवीले निरन्तर सम्वन्धित निकायमा पहल गरिहरको प्रस्ट पार्नुभयो ।मोटरेवल पुल धेरै थाउँमा निर्माण पहल गर्नुभएका सांसद कुवंरले मोटरेवल पुललाई समेत प्राथमिकता साथ पहल अगाडी बढाउँदै आएको बताउनु भयो । कार्यक्रममा विशिष्ठ अतिथी माननिय दिलमाया पौवीले वोल्दै विकास निर्माण मार्फत नागरिकका समस्या सम्वोधन गर्नु आफुहरुको दायित्व भएका कारण जनताको समस्यामा सम्मोन्य गरेर अगाडी बढ्ने बताउनु भयो ।

कार्यक्रममा अवसरमा स्थानीयको तर्फदेखि वडा अध्यक्ष खिम बहादुर वि.क, वडा नं. १ का अध्यक्ष वान बहादुर छन्त्याल, निवर्तमान वडा अध्यक्ष हेमेन्द्र घर्ति मगर, उद्योग वाािज्य संघ बुर्तिबाङका उपाध्यक्ष सोम बहादुर पौवी, समाजसेवी धन बहादुर कुवंर, लोक बहादुर वि.क., गंगा बहादुर घर्ति ,देउराली प्राथमिक विद्यालयका प्रअ स्याम बहादुर वोहोरा लगाएतको आतिथ्यता एवंम मन्तव्य रहेको थियो । कार्यक्रममा वोल्ने वक्ताहरुले आकाशे पुल निर्माणले यहाँको विकासमा टेवा पु¥याउनुका साथै स्थानियलाई सहजता हुनु र प्रर्यटकिय हिसावले समेत महत्वपूर्ण रहेको बताएका हुन । कार्यक्रम रेशम सापकोटाको सञ्चालनमा सम्पन्न भएको थियो ।

चैत्र २२ गते
नमुना शहर बुर्तिबाङ बजारमै दलित वस्तिको बाहुल्यता रहेको घम्चिन टोलमा अझै सम्मपनी सहज खानेपानीको पहुँच र व्यवस्थित सडक निर्माण, ढल निकास नहुँदा स्थानीय समस्यामा पर्दे आएका छन ।
बुधबार बिहान गण्डकी प्रदेश सांसद दोर्ण कुमार कुवंर , दिलमाया पौवी, नयां शहर आयोजना बुर्तिबाङका प्राविधिक प्रमुख अविशेक अधिकारी लगाएत लाई सम्मान गर्दे स्थानीयले आफनो समस्या प्रति ध्यानाकर्षण गराएका हुन ।
उनिहरुले आफुहरु बजारकै एक छेउँमा रहेपनी राज्यले गर्ने विकास निर्माणमा फरक नजरले हेर्ने गरेको गुनासो गरेका हुन ।
खानेपानी छ निकै कम मात्रामा आउँछ सडक छ व्यवस्थित छैन अझैसम्म ढलान हुन सकेको छैन ढल निकासका निम्ती नालि छ तर निकास हुन नसक्दा आफुहरुलाई निकै समस्या परिहरेको स्थानीय हेमराज बिश्वकर्माले सुनाए
आफुहरुले पटक पटक स्थानिय सरकार, नया, शहर आयोजना तथा प्रदेश र संघ सम्म पनीआफुहरुको समस्याका विषयमा ध्यानाकर्षण गराएपनी सुनुवाई हुन नसकेको स्थानीयअमिक श्रेष्ठको भनाई थियो ।
स्थानियको समस्या र गुनासो सुन्न स्थानियकै टोल वस्तिमा पुगेका माननिय दोर्ण कुमार कुवंर र दिलमाया पौवीले स्थानीयको समस्यालाई सम्वोधन गर्नका निम्ती आर्थिक बर्ष २०८०÷०८१ को बजेटमा नयां शहर आयोजनाबाट सडक ढलान गर्ने गरी योजना पार्न आफुले पहल गरिसकेको बताउनु भयो ।
खानेपानीको पनी समस्या छ मैले पहिले सांसद नहुँदै गर्दा पनी खानोपनी व्यवस्थापनका निम्ती बजेट पारेको थियं अव पुनह यहि बैसाख महिनामा पाईप व्यवस्थापनका निम्ती पहल गर्ने र आगामी दिनमा ट्याँकी निर्माण गरि थप खानेपानीको सहज पहुँच पु¥याउने गरि काम गर्ने सांसद द्धय दोर्ण कुमार कुवंर र दिलमाया पौवीले प्रतिबद्धता जनाउनु भयो ।

सांसद दोर्ण कुमार कुवंरले थप वोल्दै आफुहरुले जनताका समस्या राम्रो संग बुझेका कारण आफु र माननिय दिलमाया पौवी, स्थानीय सरकार, संघ सरकार सबैले मिलेर यस क्षेत्रको बिकास निर्माणमा हातेमालो गर्ने बताउनु भयो ।

यसै विच नयां शहर आयोजना कार्यालयका प्रमुख अभिषेक अधिकारीले बोल्दै आगामी बर्षको बजेटमा सडक र ढल निर्माणको काममा आफुहरुले काम अगाडी बढाउने बताउँदै स्थानीयले समेत योजना निर्माणमा समोन्यकारी भुमिका खेल्नुपर्ने बताउनु भयो । आयोजित कार्यक्रमका अवसरमा वडा नं। १ का अध्यक्ष वान बहादुर छन्त्याल, नयां शहर आयोजना कार्यालयका कर्मचारी, स्थानीय वासी लगाएतको उपश्थिती रहेको थियो ।