spot_img

ढोरपाटन १ को अभियान:नागरिकको घर वस्तिमा पुगेर निःशुल्क स्वास्थ्य परिक्षण तथा परामर्स दिँदै

चैत्र १३ गते
ढोरपाटन नगरपालिका वडा नं. १ ले टोल बस्तिमा पुगेर नागरिकको स्वास्थ्य जाँच तथा परामर्स सुरु गरेको छ ।
स्वास्थ्य कर्मी सहितको टोलिद्धारा वडा नं. १ को विभिन्न टोलमा पुगेर घुम्ति अभियान अन्र्तगत निःशुल्क नागरिकको स्वास्थ्य परिक्षण गर्ने, सरसल्लाह तथा औषधि उपचार अभियान सुरु गरिएको वडा अध्यक्ष वान बहादुर छन्त्यालले बताउनु भयो ।


१२ वटा टोल रहेको वडामा प्र्रत्यक दिन दुई टोलमा स्वास्थ्य चेकजाँच तथा परामर्स उपचार अभियान सुरु भइरहेको वडा सचिव देवेन्द्र वस्यालको भनाई छ ।

शिविरमा विशेषगरि दिर्घरोगी, अशक्त, गर्भवती तथा सुत्केरी लाई प्राथमिकता दिएर उनिहरुको स्वास्थ्य अवस्था बुझ्ने, दिर्घ रोगीले नियमित औषधि सेवन गरे वा नगरेको हेर्ने र उचित परामर्स दिनुका साथै ब्लड प्रेसर ,सुगर लगाएतका समस्याका चेकजाँच सहित परामर्स सुरु गरिएको बताइएको छ ।

घरघरमै स्वास्थ्य कर्मी र जनप्रतिनिधी पुगेर आफुहरुको स्वास्थ्य हेरचाह गर्न थालेसंगै स्थानीय खुसि भएका छन । सोमवार देखि सुरु गरिएको अभियान आगामी चैत्र १९ गते सम्पन्न गरिने वडा अध्यक्ष वान बहादुर छन्त्यालको भनाई छ ।

प्रतिक्रिया दिनुहोस

सम्बन्धित