चैत्र १४ गतेआगामी चैत्र १८ गते शनिवार हुन लागेको ढोरपाटन उद्योग वाणिज्य संघ बुर्तिबाङको प्रथम अधिवेशन तथा साधारण सभाको मिति नजिक आउनै लाग्दा बुर्तिबाङ बजारमा सरगमी बढिरहेको छ ।
यसै सन्दर्भमा मंगलबार सत्ता साझेदार तिन दलको बैठक बस्दै अधिवशेनलाई सफल पार्न र व्यवसाहीका हक अधिकार स्थापित गर्न अधिवेशनबाट सर्व सहमतीको प्रयासलाई पहिलो प्राथमिकता दिएर अगाडी बढ्ने निर्णय गरेका छन ।
नेपाली कांग्रेस, नेकपा माओबादी केन्द्र र राष्ट्रिय जनमोर्चा विच भएको छलफलबाट पहिलो प्रयासमा सहमतीबाट व्यवसाहीहरुबाटै सर्वसहमतीको प्रयास खोजिने यदि सहमती हुन नसकेको खण्डमा ३ दलको प्यानल बनाएर निर्वाचनमा होमिने निर्णय भएको नेकपा माओबादी केन्द्रका ढोरपाटन नगर इन्चार्ज चन्द्र अर्यालले बताउनु भयो ।
ढोरपाटन उद्योग वाणिज्य संघमा आजिवन र साधारण गरि कुल ६ सय ४८ सदस्य रहेका छन । हालसम्म निर्वाचनमा अध्यक्ष पदका निम्ती ढालेन्द्र छन्त्याल, निमलाल पाण्डे, चिन्तामणी सापकोटा, धुर्व सुवेदी, सहविन अर्गेजाको नाम चर्चामा रहेको छ विधानमा हाल रहेको तदर्थ समिती भित्रबाटै अध्यक्ष र महासचिव पदमा लड्न पाउने प्रावधान रहेको छ ।
बजारका व्यवसाहीका अनुसार नयाँ संस्था भएका कारण सबैको सहमती र अपनत्व हुने गरि चलायमान बनाउनु पर्ने तर्क छ भने कतिपय व्यवसाहीको निर्वाचनबाट बाट योग्य र सक्षम नेतृत्व आउनु पर्ने धारणा रहेको छ ।
