चैत्र १ गते बुर्तिबाङ
बुर्तिबाङ प्राथमिक स्वास्थ्य केन्द्रमा सोमबार देखि सुरु भएको निः शुल्क आँखा उपचार तथा निःशुल्क मोतिबिन्दुको सल्यक्रिया (अप्रेशन ) शिविर मंगलबार सम्पन्न भएको छ ।
ढोरपाटन नगरपालिकाको आयोजना, बुर्तिबाङ प्राथमिक स्वास्थ्य केन्द्रको सहयोग तथा हिमालयन आँखा अस्पत्ताल तथा धौलागिरी आँखा अस्पत्तालको प्राविधिक सहयोगमा सञ्चालन भएको शिविरबाट ६८ जनाको मोतिया बिन्दुको अप्रेशन सहित कुल ६२८ नागरिकले आँखाको चेकजाँच तथा उपचार गराएका छन । सोमबार ३३ जनाको मोतिबिन्दुको अप्रेशन गरिएकोमा मंगलबार ३५ समेत गरि कुल ६८ जनाको मोतियाबिन्दुको निः शुल्क अप्रेशन गरिएको बुर्तिबाङ स्वास्थ्य केन्द्रका डा. अनिलले बताउनु भयो ।
बागलुङको ढोरपाटन नगरपालिका, वडिगाड गाउँपालिका, निसीखोला गाउँपालिका, तमानखोला गाउँपालिका लगाएत छिमेकी पालिकाका नागरिकले सेवा लिएका हुन ।
डा. आषिश सहितको टोलिद्धारा सिविरमा विरामीको चेकजाँच तथा अप्रेशन भएको हो । प्रत्यक बर्ष विभिन्न संघसँस्थाको सहयोग तथा आयोजनामा हुने शिविरबाट यस क्षेत्रका नागरिकले सहज सेवा लिने गरेका हुन ।

बुर्तिबाङ फाल्गुन ३०
लायन्स क्लब अफ ढोरपाटन बुर्तिबाङद्धारा बुर्तिबाङ प्राथमिक स्वास्थ्य केन्द्रमा सञ्चालन भइरहेको निःशुल्क आँखा उपचार सिविरका निम्ती सहयोग हस्तान्त्रण गरिएको छ ।
क्लबका निवर्तमान अध्यक्ष केशव थापा, अध्यक्ष राम प्रसाद आर्चाय लगाएत क्लबका पदादिकारीद्धारा शिविरमा क्लबको तर्फदेखि सम्मोन्य गर्दे चस्मा, औषधी, मास्क लगाएतका सामाग्रि हस्तान्त्रण गरिएको क्लब अध्यक्ष रामप्रसाद आर्चायले बताउनु भयो ।
सामाजिक सेवा भावसंग जोडिएको संस्था भएका कारण आफुहरुको पनी अपनत्व हुने गरि शिविरमा आफुहरुले सहजिकरण गरिएको क्लबका निवर्तमान अध्यक्ष केशव थापाको भनाई छ । स्वास्थ्य सामाग्रि ढोरपाटन नगरपालिका मेयर देवकुमार नेपाली , डा. आषिश लगाएतको टिमलाई हस्तान्त्रण गरिएको थियो
त्यस्तै सोमबार क्लबले समितीको पुनर गठन गरेको छ । शन २०२३÷२४ का लागी राम प्रसाद आर्चाय अध्यक्ष रहेको समितीको गठन गरीएको हो । समितीको प्रथम उपाध्यक्ष छविलाल पाण्डे, दितिय उपाध्यक्ष सुमन सुनार, सचिव मुक्तिनाथ लोहनी, कोषाध्यक्ष पुर्ण प्रसाद सापकोटा लगाएत १६ सदस्य समितीको गठन गरिएको हो । विगत ४ बर्षदेखि यस क्षेत्रमा सञ्चालित उक्त क्लबले विभिन्न सामाजिक कार्यक्रम गर्दे आइरहेको छ ।

स्वर्गिय ऋतुवर्ण पौडेल अध्यक्ष रहेको पहिलो समिती गठन भएसंगै क्रमश रामनारायण सुवेदी, केशव थापाले अध्यक्ष पदमा नेतृत्व गरिसक्नु भएको छ ।

फाल्गुन २४
११३ औँ अन्तराष्ट्रिय नारी दिवशको अवसरमा ढोरपाटन नगरपालिका वडा नं. १ द्धारा बालबिवाह, बहुबिवाह, र घरेलु हिँसा सम्वन्धी सचेतना मुलक कार्यक्रम बुर्तिबाङमा सम्पन्न भएको छ ।
वडा कार्यालयको आयोजनामा सञ्चालित कार्यक्रमका अवसरमा १५० बढि स्थानीय महिला, बालबालीका र पुरुषहरुको सहभागिता रहेको थियो । कार्यक्रमको अवसरमा प्रशिक्षकको रुपमा ढोरपाटन नगरपालिका वडा नं. १ का सचिव देवेन्द्र वस्याल, ढोरपाटन नगरपालिका रोजगार सम्योजक हिरालाल खनालले सहभागिलाई बालबिवाह र त्यसको असर, कानुनी व्यवस्था, घरेलु हिँसा र बहुबिवाह का कारण घर तथा समाजमा पर्ने नकारात्मक असर कानुनी प्रकृयाका विषयमा जानकारी गराउँदै समुदाय, टोल र परिवारलाई यस्ता नकारात्मक गतिविधीमा रोक्नका निम्ती सबैको दायित्व उत्तिकै रहने बताइएको थियो ।
कार्यक्रममा प्रमुख अतिथीको रुपमा रहनु भएका ढोरपाटन नगरपालिका प्रमुख प्रशासकिय अधिकृत विष्णु प्रसाद ज्ञवालीले वोल्दै समाज रुपान्तरणका निम्ती आफु परिवर्तन हुनुपर्ने र समाजमा हुने लैँगिक हिँसा, बालबिवाह, बहु बिवाहका कारण परिवारदेखि समाज सम्म असर गर्ने बताउँदै त्यसका निम्ती सबैले सचेतना अपनाउनु पर्नेमा जोड दिनुभयो । वडा अध्यक्ष वान बहादुर छन्त्यालको अध्यक्षतामा आयोजित कार्यक्रम वडा सचिव देवेन्द्र वस्यालले सञ्चालन गर्नुभएको थियो । वडा कार्यालयकै आयोजनामा उत्तरगँगा नमुना माध्यमिक विद्यालयमा समेत सचेतना कार्यक्रम केहि दिन पहिले सम्पन्न गरिएको बताइएको छ ।

तमानखोला गाउँपालिकाद्धारा ११३ औँ अन्तराष्ट्रिय नारी दिवश विभिन्न कार्यक्रमका साथ मनाइएको छ ।
“लैँगिक समानताको बलियो आधार ः सिर्जनात्मक प्रविधिमा महिला पहुँचको विस्तार” भन्ने मुल नाराका साथ बोङगादोभान बजार परिक्रमा गर्दे विभिन्न कार्यक्रम गरी मनाइएको हो ।

आयोजित कार्यक्रमका अवसरमा प्रमुख अतिथीको रुपमा गाउँपालिका अध्यक्ष जोकलाल बुढाले शुभकामना मन्तव्य सहित आफनो धारणा राख्दै मुलुकको परिवर्तनमा महिला सहभागिता अपरिहार्य रहेको बताउनु भयो । राजनैतिक परिवर्तन देखि समाज रुपान्तरणमा महिलाको भुमिका उत्तिकै महत्वपूर्ण रहेको बताउँदै हरेक नेतृत्वमा महिला सहभागिता सक्रिय रहनु पर्ने बताउनु भयो ।

आयोजित कार्यक्रमका अवसरमा गाउँपालिका उपाध्यक्ष हिरा कुमारी छन्त्याल, पूर्व गाउँपालिका उपाध्यक्ष मानशरी शेरचन, वडा अध्यक्ष कार्यपालिका सदस्य लगाएतको आतिथ्यता एवंम शुभकामना मन्तव्य रहेको थियो ।

पालिकाले आयोजना गरिएको कार्यक्रममा हाजिरी जवाफ प्रतियोगिता, बेलुन फुटाउने प्रतियोगिता र वक्तृत्व कला प्रतियोगिता सञ्चालन गरिएको थियो । विभिन्न आमा समुहले सहभागिता जनाएका हुन ।

फाल्गुन २४ गते बुर्तिबाङ
पश्चिम बागलुङकै शैक्षिक धरोहरको रुपमा रहको निसीभुजी जनता क्याम्पसको बुधबार १० औँ अधिवेशन सम्पन्न भएको छ ।
अधिवेशनबाट नयाँ कार्यसमितीमा सर्वसहमतीबाट डा. शान्तराज शर्मा अध्यक्षमा चयन हुनुभएको हो । यहाँ स्थित दलीय प्रतिनिधी, प्रध्यापक, पुर्व क्याम्पस व्यवस्थापन समिती पदाधिकारी लगाएतको विशेष छलफलबाट २१ सदस्य क्याम्पस व्यवस्थापन समितीको गठन गरिएको छ । समितीको उपाध्यक्षमा हरि बहादुर कुवंर, कोषाध्यक्ष कमला अर्याल चयन हुनुभएको हो । सदस्यमा क्रमश तारानाथ पौडेल, टँक प्रसाद पौडेल, जोकलाल बुढा, मेषलाल शर्मा, निल बहादुर पुन, गौमती कुमाल, ज्ञान प्रसाद कंडेल, दिपक थापा, कुलपति सापकोटा, पूर्ण बहादुर वि.क. चयन हुनुभएको छ ।

त्यस्तै पदेन तर्फ सचिव क्याम्पस प्रमुख कृष्ण कान्त आर्चाय, सदस्यमा चन्द्रलाल अर्याल, बान बहादुर छन्त्याल, ऋषिराम शर्मा, ढालेन्द्र छन्त्याल, गुञ्जमान घर्ति र एकजना प्रध्यापक प्रतिनिधी र त्रिवी प्रतिनिधी चयन गर्ने गरि दुई पद रिक्त राखिएको छ ।
त्यस्तै ६ सदस्य सल्लाहकार समिती गठन गरिएको छ । समिती सदस्यमा ढोरपाटन नगरपालिका मेयर देवकुमार नेपाली, पुर्व क्याम्पस व्यवस्थापन समिती अध्यक्ष धिर प्रताप सिँह, तुल्सिराम अर्याल, समाजसेवी हर्कबहादुर गुरुङ, वडिगाड गाउँपालिका अध्यक्ष गण्डकी थापा र निसीखोला गाउँपालिका अध्यक्ष सुर्य बहादुर घर्तिलाई चयन गरिएको हो । नवगठित समितीका अध्यक्ष शान्तराज शर्मा हाल काठमान्डौमा रहेका कारण भर्चुअल बैठकबाट उहाँलाई अध्यक्ष पदमा चयन गरिएको हो । अध्यक्ष र सबै प्रतिनिधीको उपश्थितीमा केहि दिनमै पदभार ग्रहण हुने निर्वाचन समितीले जनाएको छ ।

फाल्गुन २३ गते
तमानखोला गाउँपालिकाले पालिका भित्रका विभिन्न वस्तिका खेति योग्य जमिनलाई पकेट क्षेत्रको रुपमा विस्तार सुरु गरेको छ ।
गाउँपालिकाले वडा नं. ४ को लाम्मेलालाई आलु पकेट क्ष्ोत्रको रुपमा घोषणा गरेर कार्यक्रम अगाडी बढाएको हो । प्रधानमन्त्रि कृषि आधुनिकीकरण परियोजना अन्र्तगत उक्त वडालाई आलु पकेट क्षेत्र घोषण गरेर कृषकका निम्ती यान्त्रीकरण, मेशिनरी सामाग्रि, विउमा अनुदान साना सिंचाई परियोजना लगाएतका कार्यक्रम अगाडी बढाउने गरि प्रत्यक बर्ष बजेट विनीयोजन गर्ने गरिएको कृषि शाखा प्राविधिक शन्देश पराजुलीले बताउनु भयो । तमान गाउँका ३ सय पचास बढि घरका कृषकले आलु उत्पादन गर्दे आएका छन ।
विगत लामो समयदेखि आलु उत्पादन गर्दे आएका त्यहाँका किसानका निम्ती पकेट क्षेत्र घोषणा गर्दे गर्दा कृषकलाई व्यवसाहीक बन्न र उत्पादन बृद्धि गर्न थप सहज हुने वडा अध्यक्ष छ प्रसाद श्रीपालीको भनाई छ । प्रति घर कम्तिमा ५ कुइन्टल देखि माथी ३० कुइन्टल सम्म यहाँका कृषकले सिजनमा आलु उत्पादन गर्दे आएका छन ।
पालिकाले वडा नं. ४ सहित वडा नं. ६ को नर्जाखानी, वडा नं. २ को मुठाचौर, लगाएतका स्थानमा समेत आलु पकेट क्षेत्र विस्तार कार्यक्रम अगाडी बढाएको हो । अन्य वडामा समेत आलु उत्पादन हुँदै आएको क्षेत्रमा यस वर्ष विस्तार कार्यक्रम अगाडी बढाइने कृषि प्राविधिक शन्देश पराजुलीको भनाई छ ।
यसबर्ष नयां कार्यक्रम अन्र्तगत रु १० लाख र पुरानो निरन्तरता अन्र्तगत ६ लाखगरि १६ लाख बजेट विनीयोजन भएको गाउँपालिका प्रमुख प्रशासकिय अधिकृत इश्वर लाल शाक्यको भनाई छ ।
गाउँपालिकाको आर्थिक उर्पाजनको माध्ययम कृषि हो त्यसलाई व्यवसाहीकरण र नयां प्रविधी अनुसार अगाडी बढाउने लक्ष्य पालिकाले लिइएको छ । जहाँ जुन चिज उत्पादन हुन्छ त्यहां थप प्रविधिको प्रयोग गरेर व्यवसाहीक रुपमा कृषकलाई हौसला मिल्ने गरी पालिकाले काम गर्ने गाउँपालिका अध्यक्ष जोकलाल बुढाको भनाई छ ।