बुर्तिबाङ बैसाख १७ गते
तमानखोला गाउँपालिकाद्धारा सामुदायिक विद्यालयको शैक्षिक गुणस्तर बृद्धि गर्ने उदेश्य सहित आइतबार शैक्षिक बैठक तथा अन्र्तक्रिया कार्यक्रम सम्पन्न गरिएको छ ।
विभिन्न २१ वटा सामुदायिक विद्यालयका प्रध्यानाध्यापक, शिक्षक, बिद्यालय ब्यवस्थापन समितीका पदाधिकारी, जनप्रतिनिधी लगाएतको उपश्थितीमा सञ्चालन भएको कार्यक्रममा प्रशिक्षकको रुपमा रहनु भएका डा. प्रमोद ढकालले प्रशिक्षण एवंम अन्र्तक्रिया गर्नुभएको हो ।
शिक्षाको गुणस्तर कसरी बृद्धि गर्ने, सामुदायिक विद्यालयमा शैक्षिक गुणस्तर खस्कनुका अवस्था र कारण, त्यसको न्युनिकरण र समाधानका उपाय लगाएतको विषयमा छलफल एवंम अन्र्तक्रिया गरिएको थियो ।
आयोजित कार्यक्रमबाट बढिमात्रामा सामुदायिक विद्यालयमा अभिभावकको आर्कषण कम भएको, शिक्षकमा सक्रियताको अभाव,दिन काट्ने प्रबृर्ति, प्रविधिसंग सामुदायिक विद्यालयका शिक्षक फड्को मार्न नसकेको शिक्षकहरुबाटै प्रतिक्रिया प्राप्त भएको पाइएको छ । शिक्षा निती समेत पुरानै भएका कारण पनी विद्यार्थि अहिलेपनी घोकन्ते विद्या लिन बाध्य भएको लगाएतका विषय उठान भएका हुन ।

कार्यक्रममा प्रशिक्षकको रुपमा रहनुभएका डा. प्रमोद ढकालले शिक्षा क्षेत्रको गुणस्तर बृद्धि गर्न भौतिक क्षेत्रको विकासले मात्र परिणाम दिन नसक्ने बताउनु भयो । शिक्षकमा सिक्ने र सिकाउने उत्सुक्ता हुन नसक्नु, आफनो पेशालाई परिमार्जन मुखि बनाउन नसक्नु, परिमार्जित समयअनुसार प्रविधिको क्षेत्रमा अगाडी बद्न नसक्नुनै अहिलेको मुख्य समस्या रहेको बताउनु भयो ।
त्यस्तै विद्यालयको शैक्षिक गुणस्तर बृद्धिमा शिक्षक, व्यवस्थापन समिती, अभिभावक र राज्यको समेत उत्तिकै जिम्मेवारी रहने बताउँदै प्रविधिमैत्री, उत्पादन मुखि, सिपमुलक र व्यबहारिक शिक्षा विद्यार्थिलाई सिकाउन सके मात्रै शैक्षिक गुणस्तरमा बृद्धि हुने वक्ताहरुको जोड थियो ।
कार्यक्रममा गाउँपालिका अध्यक्ष जोकलाल बुढाले बोल्दै स्थानीय तहको पुनर संरचना पश्चात तमानखोला गाउँपालिकाले विद्यालयको भौतिक क्षेत्रको विकासमा ६० देखि ७० प्रतिशत सम्म विकास गरिसकेको बताउँदै अबका दिनमा भौतिक संगै शैक्षिक गुणस्तर बृद्धि गर्ने अभियानमा जोडिने बताउनु भयो ।

उहाँले शैक्षिक गुणस्तर बृद्धि गर्नमा सबै जिम्मेवार व्यक्तिले ध्यान दिन जरुरी रहेको प्रस्ट पार्नुभयो शिक्षक आफनो पेशा प्रति जिम्मेवार बन्नुपर्ने, प्रविधिको उच्चतम प्रयोग गर्नुपर्ने बताउँदै पालिकाले शिक्षा क्षेत्रको बिकासका निम्ती शिक्षकलाई बिषयगत तालिम, व्यवस्थापन समितीलाई व्यवस्थापकिय क्षमताको विकास तालिम दिने, अभिभाबकलाई थप जिम्मेवार बोध गराउने, बद्दो बाल विवाह न्युनिकरणमा सबैले सम्मोन्य गरेर अगाडी बढ्ने, बालबालिकालाई कम्तिमा उच्च शिक्षा सम्म अध्ययन गर्ने बानिको बिकास गराउन पहल गर्ने, पाठ्यक्रममा प्रविधिकरण, स्थानिय पाठ्यक्रमलाई थप व्यवस्थित गरी अगाडी बढाउने विषयमा पालिकाले कार्यक्रम र अभियान लिएर अगाडी बद्ने बताउनु भयो । संघ र प्रदेशको भरमा पालिका आर्थिक रुपमा चल्नुपर्दा कतिपय विषयमा पालिकाले लिएको निती अनुरुप चल्न समस्या भइरहेको बताउँदै विभिन्न चुनौतिका बावजुद पनी शिक्षा क्षेत्रको गुणस्तर बृद्धि गर्न सकेमा मात्र पालिकाको बिकास र समृद्धि हुने बताउनु भयो ।

कार्यक्रमका अवसरमा गाउँपालिका उपाध्यक्ष हिरा कुमारी छन्त्याल, वडा नंं. ३ का अध्यक्ष तथा सामाजिक विकास समिती सम्योजक झक बहादुर बुढा, वडा नंं. २ का अध्यक्ष नारायण सुनार, ४ का अध्यक्ष छ प्रसाद श्रीपाली, वडा नंं. ६ का अध्यक्ष चित्र छन्त्याल, विद्यालय व्यवस्थापन समिती अध्यक्षको तर्फदेखि धनगौज्वती माध्यमिक विद्यालय व्यवस्थापन समिती अध्यक्ष गिर बहादुर घर्ति, जनजागृर्ति माध्यमिक विद्यालयका प्रध्यानाध्यापक बेद बहादुर बुढा लगाएतले शुभकामना मन्तव्य राख्नु भएको थियो ।

सबै वडाका वडा अध्यक्ष कार्यपालिका सदस्य, पत्रकार लगाएतको आतिथ्यता रहेको कार्यक्रमका अवसरमा शिक्षक सेवा उर्तिण गरि विभिन्न विद्यालयमा पदस्थापन भएका नव नियूक्त शिक्षकलाई सम्मान गरिएको थियो ।
कार्यक्रम शान्ति माध्यमिक विद्यालयका प्रध्यानाध्यापक सत्यनारायण सिंहले सञ्चालन गर्नुभएको थियो ।

बागलुङ बैसाख १४ गते
विद्या विकास माध्यमिक विद्यालयका प्रअको मनोमानीले त्यस क्षेत्रमा यतिवेला निकै चर्चा पाएको छ । कसैको कुरा नसुन्ने र अभिभावक संगको रिसिबिका कारण कक्षा उतिर्ण भएका विद्यार्थी समेत फेल गराउने देखि मनोमानी रुपमा विद्यार्थीबाट शुल्क असुल्ने सम्मका हर्कत त्यहाँको विद्यालयका प्रअ भिमकुमारी भण्डारी थापा ले गर्दे आएकी हुन ।

गत २०७९ को शैक्षिक सत्र अन्र्तगत बार्षिक परिक्षामा कक्षा २ मा अध्ययनतर विद्यार्थी मौसम थापा र कक्षा ९ मा अध्ययनतर नारायण भण्डारी उत्तर पुस्तिकामा उर्तिण भएपनी नतिजा प्रकाशनमा फेल भएको भनिएपछि विद्यालयमा निकै हँगामा मच्चियो ।
मौसम थापाका बाबा तेजेन्द्र थापाले आफनो बच्चा फेल भएको भन्ने जानकारी पाएपछि बच्चाको उत्तरपुस्तिका आफुलाई देखाउन विद्यालय प्रशासन संग पटक पटक आग्रह गरे तर विद्यालयका प्रध्यानाध्यापकले उत्तरपुस्तिका दिन नमानेपछि गत बैसाख १० गते विद्यालयमा ताला लगाइदिए लगत्तै अभिभावक स्थानीय बासी, जनप्रतिनिधी, प्रहरी प्रशासन बसेर २४ घण्टापछि ११ गते विद्यालय खोल्ने निर्णय पनी भयो ।

बुधबार विद्यालयका शिक्षकहरुको बैठकले दुई जना विद्यार्थीको उत्तर पुस्तिकामा उर्तिण भएपनी उर्तिण गराउनु पर्नेमा त्रुटि भएको भन्दै क्षमा याचना सहित विज्ञप्ती निकालेका छन । उता विद्यालयका प्रअ रहेकी भण्डारीले शैक्षिक सत्र २०७९ मा कक्षा ८ को प्रवेश पत्र बनाउने बहानामा विद्यार्थीसंग ३५ जना संग ३०० रुपैयाँका दरले आर्थिक असुल गरेर विद्यालयको खातामा नराखी आफुले राखेको स्थानीय तेजिन्त्र थापाको भनाई छ ।

यस्तो पटक पटक गल्ति गर्दा विद्यालयको शैक्षिक तथा व्यवस्थापकिय पक्षमा समस्या आएको स्थानियको भनाई छ । बैसाख ११ गते यि दुबै विषयमा छलफल हुँदै गर्दा प्र.अ. भण्डारीले अभिभावक संग माफि समेत मागिन
उता विद्यालयको आर्थिक अनियमितता भएको भन्दै विद्यालयका प्रअ माथि अख्तियार दुरुपयोग अनुसन्धान आयोगमा उजुरी समेत परेको जनाईएको छ विद्यार्थी छात्रबृर्तिमा मनोमानी गरेको लगाएतका नियतबस गतिविधी प्र.अ.बाट विद्यालयमा मौलाएको विद्यालयका एक शिक्षकले बताए । प्रअको मनोमानीका कारण व्यवस्थापन पक्ष फितलो बन्दै गएको उनले बताए ।
विद्यालयमा भएको यो घटना अत्यन्तै दुःखद भएको र उर्तिण भएका विद्यार्थीलाई समेत व्यक्तिगत रिसिविका कारण फेल गराउनु गलत भएकोे ढोरपाटन नगरपालिकाका प्रमुख प्रशासकिय अधिकृत विष्णु प्रसाद ज्ञवालीले बताए ।
उक्त विद्यालयमा २०७५ सालदेखि सामाजिक परिक्षण हुन सकेको छैन ।

२०७९ साल पौष महिनामा नगरपालिकाका प्रतिनिधीकै उपश्थिीतिमा भरत पुन अध्यक्ष रहेको विद्यालय व्यवस्थापन समिती गठन भयो । पुनको उमेर हद नपुगेको भन्दै उक्त समितीलाई अहिले निश्कृय बनाइएको छ । नगरपालिकाले अर्का समिती गठन प्रकृयातिर ध्यान दिन नसक्दा विद्यालयको शैक्षिक, आर्थिक र व्यवस्थापन पक्ष अव्यवस्थित बन्दै गएको बताइएको हो ।

२०८० बैशाख १४ बिहीबार

 गुल्मीमा जिप दुर्घटना हुँदा एक जनाको मृत्यु भएको छ भने अर्का एक जना घाईते भएका छन् ।

गुल्मी जिल्लाको मालिका गाउँपालिका २ दर्लिङ्ग बाट बाग्लुङको भिमगिठे तर्फ आउदै गरेको लु १ च ९९११ को डबल क्याप जिप दर्लिङ्गको दुनाममा गए राती ११:४० बजेको समयमा दुर्घटना भएको हो ।

दुर्घटनामा परि सह चालक बडिगाड गाउँपालिका वडा नं. ९ बल्गासका १८ वर्षीय किशोर केसीको घटना स्थलमै मृत्यु भएको जिल्ला प्रहरी कार्यालय गुल्मीले जानकारी दिएको छ ।

त्यस्तै सोही ठाउँका चालक २१ वर्षीय प्रेम केसी घाइते भएका छन केसीको अवस्था मध्यम रहेको हुदा बुर्तिबाङ प्राथमिक स्वास्थ्य केन्द्रमा प्राथमिक उपचार पछि थप उपचारका लागि अहिले लुम्बिनी मेडिकल कलेज प्रभासमा उपचार भैइरहेको जिल्ला प्रहरी कार्यालय गुल्मीका प्रहरी नायव उपरीक्षक डिल्ली नारायण पाण्डेले बताए ।

जिप सडकदेखि करिब १५० मिटर तल खसेको र घटना बारे थप अनुसन्धान सुरु गरिएको जिल्ला प्रहरी कार्यालय गुल्मीले जनाएको छ ।

बुर्तिबाङ बैसाख १३
बागलुङको ढोरपाटन नगरपालिकामा विगत एक महिना देखि नगरपालिका लेखा शाखा प्रमुख विहिन बनेको छ ।
आर्थिक बर्षको तेश्रो चैमासिक चल्दै गर्दा लेखा शाखामा कर्मचारी नभएपछि योजनाको फरफारकको काम रोकिएको छ ।
नगरपालिकाबाट हुने सबै प्रकारका आर्थिक कारोबार बन्द भएको सुचना अधिकारी चण्डीराज पौडेलले बताए ।

करिब देडसय योजनाको भुक्तानी दिन बाँकी छ फाईल पाँजेर राखिएको छ लेखा प्रमुख नभएका कारण सेवा प्रवाहमा समस्या भएको पौडेलले बताए । लेखा प्रमुख शिव प्रसाद सर्मा गत चैत्र महिनामा यहाँबाट सरुवा भएसंगै नगरपालिकाले एक महिना वित्नै गर्दासमेत हालसम्म लेखा प्रमुख व्यवस्थापन गर्न नसकेको हो ।

अधिकांस योजना सम्पन्न हुने भुक्तानी लिने समय भएका कारण पनी लेखा शाखा प्रमुख नहुँदा सेवा प्रवाहमा समस्या देखिएको नागरिकको गुनासो छ ।