नेपाली कांग्रेस निकट नेपाल लोकतन्त्रवादी आदिवासी जनजाति महासंघको प्रथम अधिवेशन शनिबार
बजारमा सम्पन्न भएको छ।

खिम बहादुर पुनको अध्यक्षता भएको अधिवेशन कार्यक्रममा बोल्दै नेपाली कांग्रेसका केन्द्रीय सदस्य किरण पौड्यालले धर्म आस्था र महासंघ संविधानको रक्षक हो भन्दै अब पार्टीले चित्रफन देखाएर काम गर्नु पर्ने, इमानदारिता देखाउन र क्रियासिल सदस्यहरुलाइ थप बलियो बनाउन र बन्न आग्रह गर्नु भएको थियो।

त्यस्त‌ै नेपाली काग्रेस जिल्ला सभापति जित शेरचनले नेपाली कांग्रेस लोकतन्त्रवादी आदिवासी जनजाति महासंघ मेरुदण्ड रहेको भन्दै अब निरन्तर चलायमान बनाउन जोड् दिदै लोकतान्त्रीकका लागि लखन थापा जस्ता सहित हुनु भएका ग्यात अग्याद प्रति समवेदना पर्कत गर्नु भएको थियो।
पुन खिम पुनको अध्यक्षतामा १५ जना सदस्य रहने गरि जिल्ला कार्य समिति गठन गरिएको छ। कृष्ण शंकर श्रेष्ठको स्वागत संगै सागर घर्तिको सञ्चालनमा कार्यक्रम सम्पन्न भएको थियो।

फागुन १९ गते
ढोरपाटन नगरपालिका वडा नं. १ मा रहेको न्यु रोड लक्ष्मी मार्ग टोल विकास संस्थाले आफ्नो टोलमा रहेका सदस्यहरूलाई फोहोर व्यवस्थापन गर्न डस्टबिन हस्तान्तरण गरेको छ । 

एक सय बाईस सदस्य रहेको टोलमा घरबाट तथा सडक आसपासमा देखिने फोहोरलाई सही ठाउँमा व्यवस्थापन गर्ने उद्देश्य सहित सबै घरलाई डस्टबिन बाल्टी हस्तान्तरण गरिएको टोल विकास संस्थाका अध्यक्ष केयर सिंह गुरुङले बताएका छन । प्रत्यक महिनाको दुई हप्ता शनिबार टोल बजार क्षेत्रमा सरसफाइ कार्यक्रम गर्दे आइरहेको संस्थाले आगामी दिनमा अन्य कार्यक्रमलाई समेत अगाडि बढाइने बताइएको छ । संस्थाको कोषमा संकलन भएको रकम मध्येबाट डस्टबिन खरिद गरिएको जनाइएको छ । 

बुर्तिबाङ तथा आसपासका टोल विकास संस्थाको सक्रियतामा पछिल्लो समय सरसफाइ कार्यक्रमलाई प्राथमिकता दिइएको पाइएको छ । 

फागुन १७ गते बुर्तिबाङ 

बागलुङको तमानखोला गाउँपालिकामा पाँच सय बालबालिकालाई दादुरा रुबेला रोग विरुद्धको खोप कार्यक्रम सञ्चालन गरिने भएको छ ।

 आगामी फागुन २८,२९ र ३० गते गाउँपालिकाको ६ वटै वडा अन्र्तगत रहेका १५ वटा खोप केन्द्रबाट बालबालिकालाई खोप लगाउने कार्यक्रम तय भएको तमानखोला गाउँपालिका स्वास्थ्य संयोजक तिल बहादुर छन्त्यालले बताउनु भयो ।

 ९ महिना देखि ५ बर्ष उमेर समुहका बालबालिकालाई दादुरा रुबेला विरुद्धको खोप लगाउनका निम्ति पालिका स्तरीय खोप समोन्य समितिको बैठक सम्पन्न भइसकेको र वडा खोप समोन्य  समिति, महिला स्वास्थ्य स्वय्मसेवीका, स्वास्थ्य कर्मीलाई समेत तालिम दिएर प्रचार प्रसार सुरु गरिएको स्वास्थ्य संयोजक छन्त्यालले बताउनु भयो । 

नेपाल सरकारले सबै जिल्लामा दादुरा रुबेला विरुद्धको खोप कार्यक्रम सञ्चालन सुरु गरेको छ । शन २०२६ सम्म नेपालबाट दादुरा रुबेला रोग अन्त्य गर्ने उद्देश्य सहित अभियानको शुभारम्भ गरिएको जनाइएको छ ।

फागुन १७ गते बुर्तिबाङ

नेपाली कांग्रेस निकट नेपाल लोकतन्त्रवादी आदिवासी जनजाति महासंघको प्रथम अधिवेशन बिहीबार बुर्तिबाङमा सम्पन्न भएको छ ।

बागलुङ क्षेत्र नं. २ अन्तरगत  क्षेत्र र प्रदेश सभा (क) प्रदेश (ख) को अधिवेशन तथा प्रदेश महाधिवेशन प्रतिनिधि र केन्द्रिय महाधिवेशन प्रतिनिधिको समेत चयन गरिएको छ ।

नेपाल लोकतन्त्रवादी आदिवासी जनजाति महासंघ कार्यवाहक जिल्ला अध्यक्ष खिम बहादुर पुनको अध्यक्षतामा आयोजित कार्यक्रममा गण्डकी प्रदेश सभा सदस्य जित बहादुर शेरचनको प्रमुख आतिथ्यता रहेको थियो ।

कार्यक्रममा प्रमुख अतिथिको रुपमा रहनु भएका माननीय शेरचनले बोल्दै नेपाली कांग्रेस पार्टीको भातृ संगठन निकट नेपाल लोकतन्त्रवादी आदिवासी जनजाति महासंघ को प्रथम अधिवेशनले सक्षम नेतृत्व चयन गर्ने बताउँदै पार्टीलाई चलायमान र क्रियाशील बनाउन अधिवेशनले महत्वपूर्ण भूमिका खेल्ने बताउनु भयो ।

कार्यक्रममा नेपाली कांग्रेस जिल्ला उपसभापति तारानाथ पौडेल, ढोरपाटन नगरपालिका कार्यवाहक मेयर धन बहादुर कायत प्रदेश सभा –क) सभापति तिलक घर्ती लगायतले शुभकामना मन्तव्य राख्दै कार्यक्रम सफलताको कामना व्यक्त गर्नुभएको थियो । वडिगाड गाउँपालिका सभापति कृष्ण गुरुङको स्वागत रहेको कार्यक्रम सागर घर्तिको सञ्चालनमा सम्पन्न भएको हो । अधिवेशनबाट क्षेत्र नं. २ को क्षेत्रीय सभापतिमा झक बहादुर बूढा चयन हुनुभएको छ ।

१७ सदस्य क्षेत्रीय समितिको गठन भएको हो । त्यस्तै प्रदेश सभा (क) तर्फ सिताराम पुन सभापति रहेको १३ सदस्य समिति गठन गरिएको छ । प्रदेश सभा (ख) तर्फ नारायण राना सभापति हुनुभएको हो १३ सदस्य प्रदेश समितिको गठन गरिएको जनाइएको छ । अधिवेशनकै अवसरमा प्रदेश महाधिवेशन प्रतिनिधिको समेत चयन गरिएको छ ।

प्रदेश क बाट लक्ष्मी पाइजा, भीमकला श्रीस, होसियार सिंह थापा, हिरा घर्ती मगर, भीम बहादुर रोका, भीमसेन श्रेष्ठ चयन हुनुभएको छ । प्रदेश सभा ख महाधिवेशन प्रतिनिधीमा ढालेन्द्र छन्त्याल, दोर्ण छन्त्याल, खिम छन्त्याल, हिरा कुमारी छन्त्याल, रमिता रोका सेर्वुजा, रविन्द्र घर्ती चयन हुनुभएको हो ।

त्यस्तै केन्द्रिय महाधिवेशन प्रतिनिधि तर्फ रेनुका काउचा, चन्द्रकली रोका, खिम बहादुर पुन, योगेश भण्डारी, नरजंग घर्तिमगर, खगेन्द्रमान पुन चयन हुनुभएको हो । सहमतीय प्रणालीबाट समिति र पदाधिकारीको चयन गरिएको निर्वाचन समितिले जनाएको हो । आगामी १९ गते जिल्ला समितको अधिवेशन हुने जनाइएको छ ।

फागुन १६ गते बुर्तिबाङ

बडिगाड गाउँपालिकामा फागुन २७ गतेदेखि दादुरा रुबेला विरुद्धको खोप अभियान सञ्चालन गरिने भएको छ ।
राष्ट्रिय अभियान अन्र्तगत पालिकाले बुधबार एक कार्यक्रमको आयोजना गर्दे फागुन २७ गतेदेखि १० वटै वडामा पुगेर नौ महिना उमेर देखि पाँच बर्ष उमेर समुह सम्मका दुई हजार ५६ जना बालबालिकालाई खोप लगाउने कार्यक्रम रहेको स्वास्थ्य शाखाले जनाएको छ ।
जनप्रतिनिधि, सञ्चारकर्मी, महिला स्वास्थ्य स्वयम् सेवीका लगायतको उपश्थिती मा आयोजित कार्यक्रममा पालिका भरका विभिन्न २७ खोप केन्द्रबाट ३५ स्थानमा खोप  कार्यक्रम सञ्चालन गरिने बताउँदै उक्त अभियानमा सबैको सकारात्मक साथ आवश्यक रहेको बताइएको हो ।
दादुरा रुबेला नेपालबाट शन २०२६ सम्म अन्त्य गर्ने उद्देश्य सहित देशभर अभियानको शुभारम्भ भएको बताउँदै अभियानलाई बडिगाड गाउँपालिकाले पनि सक्रिय रुपमा अगाडि बढाइसकेको र आवश्यक सचेतना प्रचार प्रसारका कार्यक्रमलाई समेत अगाडि बढाइएको बताइएको छ ।

फागुन १६ गते बुर्तिबाङ

बडिगाड गाउँपालिकामा नेपाल बीमा प्राधिकरण द्धारा बीमा सम्बन्धी जनचेतना मूलक अन्तरक्रिया तथा छलफल कार्यक्रम बुधबार सम्पन्न भएको छ ।
बीमा सम्बन्धी सचेतना गराउने र बीमाको महत्व र आवश्यकताको विषयमा जानकारी गराउँदै नागरिकका अपेक्षा तथा गुनासो समेत सुन्ने गरि कार्यक्रमको आयोजना गरिएको नेपाल बीमा प्राधिकरण गण्डकी प्रदेश प्रमुख केशव प्रसाद दाहालको उपश्थितीमा कार्यक्रम सम्पन्न गरिएको हो ।
बडिगाड गाउँपालिका अध्यक्ष गण्डकी थापाको प्रमुख आतिथ्यतामा आयोजित कार्यक्रमका अवसरमा जनप्रतिनिधि, कर्मचारी, बीमा कम्पनीका कर्मचारी, स्वास्थ्य स्वयम् सेवीका, पत्रकार लगायतको उपस्थिति रहेको थियो ।
कार्यक्रममा  नेपाल बीमा प्राधिकरण गण्डकी प्रदेश प्रमुख केशव प्रसाद दाहालले बीमा सुरक्षाको भरपर्दा माध्यम रहेको बताउँदै बीमालाई सुगम देखि दुर्गम सम्म जोड्नका निम्ति बीमा कम्पनी सँग सम्मोन्य गर्दे गण्डकी प्रदेशका सबै तहमा प्राधिकरण पुग्ने गरि अगाडि बढेको बताउनु भयो ।

जीवन बीमा, निर्जीवन बीमा, पुनर बीमा र लघु बिमा गरि चार किसिमका बिमा हुँदै गर्दा मानिस सँगै पशुचौपाया, खेतिपाती, भौतिक सम्पत्ति, सवारी साधन सबैको बीमा हुने भएका कारण आफ्नो क्षमता अनुसार बीमामा सबै नागरिक सरिक हुनुपर्नेमा जोड दिनुभयो ।
प्रमुख अतिथिको रुपमा रहनु भएका वडिगाड गाउँपालिका अध्यक्ष गण्डकी थापाले बोल्दै जीवन बीमा बचत र सुरक्षाको भरपर्दा माध्यम रहेका कारण सबै नागरिक बीमामा आवद्ध हुन आवश्यक रहेको बताउँदै नागरिकको स्वास्थ्य उपचारका निम्ति वडिगाड गाउँपालिकाले स्वास्थ्य बीमालाई समेत प्राथमिकता दिइरहेको बताउँदै कृषकलाई राज्यले समेत सहज रुपमा बीमा गरिदिने भएका कारण बीमाको सचेतना वृद्धिमा आफूहरूले समेत साथ दिने बताउनु भयो ।
कार्यक्रममा प्रभु महालक्ष्मी लाइफ इन्स्योरेन्स कम्पनीका प्रदेश प्रमुख अखिल धमलाले बीमा र त्यसको महत्वको विषयमा प्रकाश पार्नुभएको थियो । कार्यक्रम प्रभु महालक्ष्मी लाइफ इन्स्योरेन्सले सहजिकरण गरेको हो ।

 १६ गते बुर्तिबाङ

नेपाल कम्युनिष्ट पार्टी नेकपाको आयोजनमा बुर्तिबाङमा वर्तमान राजनैतिक संकट र नेपाली विशेषताको समाजवाद विषयक अन्तरक्रिया कार्यक्रम बुधबार सम्पन्न भएको छ । 

नेकपा पश्चिम बागलुङको आयोजनमा आयोजित कार्यक्रममा विभिन्न राजनैतिक दलका प्रतिनिधी, राजनितिमा आश्थावान नेता कार्यक्रता लगाएतको सहभागिता रहेको थियो ।

 कार्यक्रममा नेपाल कम्युनिष्ट पार्टी पोलिट ब्युरो सदस्य राजन सी द्धारा तयार पारिएको अवधारणा पत्र र वर्तमान राजनैतिक संकट र नेपाली विशेषताको समाजवाद विषयमाथि छलफल तथा अन्तरक्रिया गरिएको हो ।

 कार्यक्रममा बोल्ने वक्ताहरूले राष्ट्रिय पुँजीवादको विकास र आर्थिक समृद्धि हासिल नभएसम्म समाजवाद ले सार्थकता पाउन नसक्ने बताएका छन । वक्ताहरूले देशमा देखिएको दलाल वाद हावी रहेको तथा राजतन्त्रको अन्त्य भएपनि सामन्तवादको अवशेष अझै बाँकी रहेका कारण देश माथि उठ्न नसकेको बताएका हुन । राष्ट्रिय एकता, देशको स्वाधीनताको रक्षा सँगै हरेक पार्टीमा देखिएका खराब प्रवित्तिको अन्त्यका निम्ति सचेत कार्यकर्ताहरूले खबरदारी नगर्दा सम्म देशको समृद्धि अगाडि नबढ्ने बताएका छन ।

 देशमा राजनीतिक, धार्मिक, जातीय द्धन्दको खतरा रहेको बताउँदै रणनिति गर्ने व्यक्तिमा समेत सुधार नभएसम्म हरेक क्षेत्रको सुधार नहुनेमा जोड दिएका हुन । जात व्यवस्था छुवाछुत समेत विकास र समृद्धिको बाधक भएको बताएका छन । नेपालमा दलहरू आफ्नो एजेन्डाभन्दा बाहिर रहेर अगाडि बढिरहेका कारण सही राजनैतिक कार्यदिशा तय भएपछि मात्र समाजवादमा जान सकिने तर्क व्यक्त गरेका छन । 

कार्यक्रमका अवसरमा सहभागिताबाट उठेका जिज्ञासा, धारणा, सुझाबको विषयमा नेपाल कम्युनिष्ट पार्टी पोलिट ब्युरो  सदस्य राजन सी द्धारा प्रस्ट पार्नुभएको थियो ।

नेकपा केन्द्रिय प्रतिनिधि उत्तम सी को अध्यक्षतामा आयोजित कार्यक्रममा नेकपा माओवादी केन्द्रका नेता चन्द्र अर्याल, निल बहादुर पुन, सुमित घर्ती, नेपाली कांग्रेसबाट नगर सभापति धन बहादुर कायत, राष्ट्रिय जनमोर्चाबाट कुल बहादुर छन्त्याल, जनता समाजवादी पार्टीका गंगा बहादुर घर्ती, नेकपा एकीकृत समाजबादीका बालसम कुवँर, भौतिक बादी समाज नेपालका केन्द्रिय सदस्य अशोक स्मिथले आफ्नो धारणा राख्नु भएको थियो ।

 त्यस्तै दल बहादुर भण्डारी, नन्दराम भुसाल, सहविन अर्गजा, उत्तम बहादुर महत, धन बहादुर कुवँर लगायतले आफ्नो विचार व्यक्त गर्नु भएको हो । कार्यक्रमको अवधारणाको विषयमा नेकपा वैकल्पिक केन्द्रिय सदस्य एवम् बागलुङ जिल्ला इन्चार्ज आकाश सी र सञ्चालन हरि सी ले गर्नुभएको थियो ।

देशैभरका मगर समुदायले आज ४२ औँ राष्ट्रिय मगर एकता दिवस मनाउँदै गर्दा बागलुङको बुर्तिबाङमा बजारमा पनी विविध कार्यक्रमका साथ सभ्य र भब्य रुपमा मगर दिवश मनाइएको छ ।

मगर समुदायको बाहुल्यता रहेको यस क्षेत्रमा विविध सांस्कृतिक झाँकी , भलिवल प्रतियोगिता, विभिन कलाकारको साँगितिक प्रस्तुती प्रदर्शनलगायत कार्यक्रम गरिएको छ ।

लोपोन्मुख रूपमा रहेको मगर समुदायमा प्रचलित लोकसंस्कृतिको जगेर्ना गर्न, नयाँ पुस्तालाई मगर भाषा तथा सांस्कृतिक ऐतिहासिक पक्ष, रीतिरिवाज रहनसहनबारे जानकारी दिलाउन दिवसले महत्वपूर्ण भूमिका खेलेको छ ।
बुर्तिबाङमा औपचारिक कार्यक्रम सहित भब्य रुपमा ४२ औँ राष्ट्रिय मगर एकता दिवस मनाइएको हो ।

फागुन १५ गते बुर्तिबाङ
बागलुङको ढोरपाटन नगरपालिका १ स्थित इलाका प्रहरी कार्यालय बुर्तिबाङमा कार्यरत प्रहरी निरीक्षक राजकुमार बिकको सक्रियतामा आइतबार बागलुङको निसीखोला गाउँपालिका वडा नं. २ बाट लुकाई छिपाई गाडी मार्फत लैजाँदै गरेको अवस्थामा  ६७ केजी गाँजा र ११ किलो चरेस सहित तिन जनालाई पक्राउ गरिएको छ । 

इलाका प्रहरी कार्यालय बुर्तिबाङ र मातहत रहेको जुग्जाखोला प्रहरी चौकीको सक्रियतामा प्रहरीले उक्त परिणाममा गाँजा चरेस सहित निसीखोला गाउँपालिका ६ का ३८ वर्षीय खडक घर्ती मगर सहित रूपन्देही बुटवल उपमहानगरका ३९ वर्षीय नगेन्द्र पुन मगर र सवारी चालक वडिगाड गाउँपालिका वा नं ८ का प्रेम बोहोरालाई पक्राउ गरि जिल्ला प्रहरी कार्यालय बागलुङ लगिएको जिल्ला प्रहरी कार्यालय बागलुङका सूचना अधिकारी प्रहरी नायब उपरीक्षक मदन केसीले बताउनु भयो ।
बडिगाड गाउँपालिकाको वडा नं. ८ रनसिंह किटेनि हुँदै निसीखोला गाउँपालिकाको वडा नं. २ तर्फ गइरहेको अवस्थामा विशेष सुराकीको आधारमा प्रहरीले ध १ च १२६१ नम्बरको बोलेरो जिपबाट गाँजा र चरेस बरामद गरि जिप सहित तिनै जनालाई जिल्ला प्रहरी कार्यालय बागलुङ पठाएको हो ।

घटनाको विषयमा थप अनुसन्धान भइरहेको प्रहरीले जनाएको छ ।  प्रहरी निरीक्षक राजकुमार बिक बुर्तिबाङमा प्रमुखको रुपमा आएसँगै शान्ति सुरक्षा सँगै   लागू पर्दाथ दुब्यसनी रोकथाम सम्बन्धी सचेतना, बालविवाह न्यूनिकरण सम्बन्धी सचेतना, लैंगिक हिंसा न्यूनिकरण सम्बन्धी जनचेतना मूलक कार्यक्रमलाई समेत प्राथमिकता दिँदै आउनु भएको छ ।