बैशाख १९ गते बुर्तिबाङ गत चैत्र महिनामा घरमा आगलागी हुँदा पीडित बनेका ढोरपाटन ३ विसमोरका दुई परिवारलाई समाजसेवी धन बहादुर कुवँरको सक्रियतामा आर्थिक संकलन गरी बुधबार हस्तान्तरण गरिएको छ ।
गत चैत्र ६ गते दिउँसो विधुत सर्ट भई ढोरपाटन नगरपालिका ३ विस्मोर स्थित हेमलाल कुवँर र आत्मराम कुवँरको दुई घर जल्दा घरमा राखिएको अन्नपात, खाध्यान्ह, गरगहना लत्ता कपडा सहित घर सहित सम्पूर्ण सामान जलेर नष्ट भएको थियो ।
पीडित परिवारलाई राहत उपलब्ध गराउने उद्देश्य सहित समाजसेवी ढोरपाटन नगरपालिका ३ विस्मोर हाल बुर्तिबाङ बजारमा बस्दै आउनु भएका समाजसेवी धन बहादुर कुवँरको सक्रियतामा संकलन गरिएको ६९ हजार ८५ रुपैयाँ पीडित परिवारलाई उपलब्ध गराइएको हो ।
आर्थिक संकलन अभियानमा दिलमाया कुवँर र चुडामणि खनालको समेत भूमिका रहेको थियो ।
बुर्तिबाङ बजार तथा आसपासका क्षेत्रबाट संकलन गरिएको रकम पीडितलाई घरमै पुगेर हस्तान्तरण गरिएको आर्थिक संकलन अभियन्ता धन बहादुर कुवँरले बताउनु भयो ।
