साउन १० ।
लायन्स क्लब अफ ढोरपाटनको आयोजनामा आन्तरीक पर्यटन प्रर्वद्धनसँगै पर्यटकीय तथा धार्मिक क्षेत्र नर्सिङकोटको सरसफाई गरिएको छ । विभिन्न सामाजिक, शिक्षा, स्वास्थ्य लगाएतका क्षेत्रमा सक्रिय कार्यक्रम गर्दै आइरहेको क्लवले शनिबार आन्तरीक पर्यटकीय क्षेत्रको प्रचार प्रसारसँगै नर्सिङकोट मन्दिर सरसफाई गरिएको क्लवका अध्यक्ष हेमेन्द्र घर्तिले बताउनु भयो ।
बुर्तिबाङ बजार हुँदै क्लबका पदाधिकारी, पत्रकार स्थानीय नागरिक सहित पदमार्ग मार्फत नर्सिङकोट पुगेको थियो । पर्यटकीय दृष्टिकोणले पर्याप्त सम्भावना हुँदा हुँदै पनि ओझेलमा परेका सम्भावित क्षेत्रको पर्यटन पर्वद्धन गर्ने उद्देश्य स्वरुप करिब एक दर्जन पत्रकार सहितको टोलीले त्यहाँको प्रचार प्रसारमा टेवा पु¥याउने अपेक्षा गरिएको छ । नर्सिङकोटमा रहेका कोट मन्दिर लगाएत विभिन्न ५ मन्दिर तथा आसपासको क्षेत्रमा सरसफाईसँगै पर्यटकीय क्षेत्र टाकुराको समेत अवलोकन भ्रमण गरिएको थियो । यस्ता कार्यक्रमले स्थानीय सम्भावित पर्यटकीय क्षेत्रको प्रर्वद्धनमा टेवा पुग्ने स्थानीय प्रेम बहादुर कुवँरले बताउनु भयो ।
ऐतिहासिक तथा धार्मिक दृष्टीकोणले परिचित नर्सिङकोटमा पर्याप्त भौतिक पूर्वाधार बनिसकेका छन् । यसको प्रचार प्रसारसँगै पर्वद्धन गर्नमा सबैको साथ आवश्य रहेको निसीखोला गाउँपालिका ७ का अध्यक्ष दिपक कुवँरले बताउनु भयो ।
