बैसाख २१गते
बागलुङको निसीखोला गाउँपालिकामा प्रमुख प्रशासकिय अधिकृत सरुवाको विषयमा नेपाली कांग्रेसले विज्ञप्ती मार्फत भ्रत्सना रहेको जनाएको छ ।
गाउँपालिकामा गत बैसाख १२ गते हाजिर भएका प्रमुख प्रशासकिय अधिकृत जीवन पुनको एक हप्तामै भूमि व्यवस्था , सहकारी तथा गरिवी निवारण मन्त्रालयमा सरुवा भएपछि निसीखोला गाउँपालिकामा यसको चर्चा संगै गाउँपालिकाको कार्यालयमा तालावन्दी समेत भएको छ ।
यसै सन्दर्भमा नेपाली कांग्रेसले शुक्रबार विज्ञप्ती मार्फत एक हप्तामा प्रमुख प्रशासकिय अधिकृतको सरुवा भएको प्रति आपत्ती रहेको जनाएको हो । नेपाली कांग्रेस निसीखोला गाउँपालिका सचिव राजमान बुढा द्धारा हस्ताक्षरित विज्ञप्तीमा भनिएको छ ।
“लामो समय देखि प्रमुख प्रशासकिय अधिकृत विहिन रहेको गाउँपालिकामा गत बैसाख १२ गते प्रमुख प्रशासकिय अधिकृतको रुपमा हाजिर हुन आएका जीवन पुनलाई जिम्मेवारी बमोजिम काम गर्न नदिई गैर जिम्मेवार व्यक्तिले पदको दुरुपयोग गरी षड्यन्त्र पूर्ण ढँगले सरुवा गरेको र सेवा गर्न आएको एक राष्ट सेवक कर्मचारीको मान मर्दन तथा सिंगो पालिकाको बदनाम गर्न खोजिएको भन्दै पार्टीको यस विषयमा ध्यानाकर्षण भएको जनाइएको हो । ”
यस विषयमा घटनाको निन्दा गर्दे प्रमुख प्रशासकिय अधिकृत जीवन पुनलाई गरीएको सरुवाको षडयन्त्र पूर्ण ट«टी सच्चाई निजलाई यथावत पालिकामै काम काजमा खटाउन सम्वन्धीत निकायलाई ध्यानाकर्षण गराइएको छ ।
त्यस्तै नेकपा एमालेले पालिकाको सम्पूर्ण सेवा थप्प हुने गरी तालाबन्दी गरेको प्रति समेत ध्यानाकर्षण भएको विज्ञप्तीमा वजनाइएको छ ।
बार्ता र सम्बादको माध्यमबाट समस्याको समाधान खोज्नुपर्नेमा ताला लगाउनु गैर जिम्मेवारी भएको बताउँदै विना सर्त ताला खोल्न विज्ञप्तीमा भनिएको हो ।
निसीखोला गाउँपालिकामा २ बर्षदेखि निमित्त प्रमुख प्रशासकिय अधिकृतको भरमा चल्दै आइरहेको छ ।
यो भन्दा पहिले दुई पटक सम्म प्रमुख प्रशासकिय अधिकृत फिर्ता पठाईको र यस पटक पनी हाजिर भएका प्रमुख प्रशासकिय अधिकृतको एक हप्तामै सरुवा भएपछि निसीखोलामा नेपाली कांग्रेस र नेकपा एमालेले त्यसको विरुद्धमा ध्यानाकर्षण गराएका हुन ।
पालिकामा बिहिबार देखि सम्पूर्ण सेवा ठप्प रहेको हो । नेकपा एमालेले तालाबन्दी गरेसंगै पालिकाको सेवा प्रवाह अवरुद्ध भएको छ ।
