पौष १९ बुर्तिबाङ

देशभरका महिला जनप्रतिनिधिहरुको आइकन प्रतियोगीताबाट उत्कृष्ट तीन जना छानिएका छन

उत्कृष्ट तीनमा रहेर आइकन घोषित हुनेहरुमा बडिगाड गाउँपालिका बागलुङकी अध्यक्ष गण्डकी थापा अधिकारी ,गौमुल गाउँपालिका बाजुराकी उपाध्यक्ष सीता थापा, सिगास गाउँपालिका बैतडीकी उपाध्यक्ष धाना धामी र छन् ।

प्रधानमन्त्री केपी शर्मा ओलीले उनीहरुलाई सम्मान एवं प्रशंसापत्र प्रदान गरेका छन् । देशभरका १२८ जना महिला जनप्रतिनिधिहरुबाट निर्णायक मण्डलले छानेर २७ जना सर्ट लिस्टमा परेका थिए । ती मध्ये तीन जना उत्कृष्ट बनेका हुन् ।

आइकन घोषित हुने उपाध्यक्षद्धय थापा र धामी नेकपा एमाले र अधिकारी नेपाली कांग्रेसबाट निर्वाचित जनप्रतिनिधि हुन्
शुक्रबार काठमाडौँमा भएको ‘शी लिड्स आइकन’ कार्यक्रममा प्रधानमन्त्री ओलीले नगरपालिका र गाउँपालिकाको इज्जत धान्ने र औचित्य स्थापित गर्ने काममा महिला जनप्रतिनिधिले नै अगुवाइ गरेको बताए ।

हिजो छोरीहरूको साक्षरताको स्तरमाथि आउन नसकेकामा आज महिलाहरू शासन गर्ने ठाउँमा पुग्नु राजनीतिक परिवर्तनको उपलब्धि भएको प्रधानमन्त्रीको भनाइ छ ।

‘व्यवस्थामा परिवर्तन भयो, अवस्थामा परिवर्तन भएन भन्ने गलत भाष्य चिर्न महिला जनप्रतिनिधिहरूको उपस्थिति र सक्रियता नै काफी छ । महिला जागे भने समाज परिवर्तन हुन्छ भन्ने स्थापित भएको छ’, प्रधानमन्त्री ओलीले भने, ‘महिलाले समान अधिकार पाउनु संवैधानिक र कानुनी अधिकार हो ।

ती सबै समानता दिने ठाउँमा हामी पुग्नुपर्छ ।’हक अधिकारको उपभोग र अवसरमा समानता चाहिएको भन्दै उनले प्राप्त उपलब्धिहरू पर्याप्त नभएपनि स्थानीय तहमा ४० प्रतिशत जनप्रतिनिधि पुगेको बताए । ‘यो उपस्थिति प्रगतिउन्मुख छ । यसलाई बढाएर लानुपर्छ’, प्रधानमन्त्रीको भनाइ छ ।

प्रधानमन्त्री ओलीले महिलाहरूमा करुण, माया र स्नेहभाव बढी हुने र उनीहरूको भूमिका हरेक क्षेत्रमा उत्कृष्टता र श्रेष्ठता हासिल गरेको उल्लेख गरे ।

सिटिजन लाइफ इन्स्योरेन्स कम्पनी बुर्तिबाङ शाखाले निसीखोला गाउँपालिका ७ का स्वर्गीय राम बहादुर कुवँरको परिवारलाई मृत्यु दावी वापतको रकम मङ्गलबार भुक्तानी गरेको छ ।

निसीखोला गाउँपालिका वडा नम्बर ७ को कार्यालयमा एक कार्यक्रमको आयोजना गर्दे मृत्यु दावी भुक्तानी सहित स्थानीय जनप्रतिनिधि, विभिन्न सङ्घसंस्थाका प्रतिनिधिका बिचमा बीमा अन्तरकृया र सचेतना मूलक कार्यक्रम गरिएको हो । संस्थाका शाखा प्रबन्धक छविलाल पाण्डेले विमा, त्यसको महत्व र आवश्यकताको विषयमा जानकारी गराउँदै राम बहादुर कुवँरको परिवारले पाउने सेवा सुविधाको विषयमा प्रस्ट पार्नुभएको हो ।

बीमा बचत र सुरक्षाको भरपर्दो माध्यम रहेका कारण बीमा गर्न योग्य सबै नागरिकले आफ्नो क्षमता अनुसार गर्नुपर्नेमा जोड दिनुभयो ।

कार्यक्रममा निसीखोला गाउँपालिका ७ का अध्यक्ष दीपक कुवँरले बोल्दै बीमा आफैमा सुरक्षा र बचत सँग जोडिने विषय भएका कारण आफू हुँदा आफूलाई आफू नहुँदा परिवारलाई आर्थिक रुपमा थोरे लगानीबाट धेरै प्रतिफल प्राप्त गर्ने माध्यम भएका कारण सबैले सकारात्मक रुपमा लिएर क्षमता अनुसार खरिद गर्न आवश्यक रहेको बताउनु भयो ।

गत असोज महिनामा कालगति मृत्यु भएका ३५ बर्षिया कुवँरकी श्रीमती गिता कुवँरको खातामा कम्पनीले रकम जम्मा गरिदिएको हो । स्वर्गीय कुवँरको परिवारलाई पाँचलाख वीमाँक रकम सहित आर्जित बोनस र काजकिरिया खर्च गरी ६ लाख ४० हजार रकम हस्तान्तरण गरिएको कम्पनीले जनाएको छ ।

वीमा अवधि समाप्ति पश्चात् पनि बीमाङ्क रकम परिवारले प्राप्त गर्न सक्ने कम्पनीले जनाएको हो ।

स्वर्गीय कुवँरको परिवारमा आमा,श्रीमती र दुई छोरा छोरी रहेका छन । कार्यक्रमा एजेन्सी म्यानेजर अमर बहादुर क्षेत्री, वडा सदस्य हिमशिला कुवँर, शिक्षक, कर्मचारी, बुद्धिजीवी, स्थानीय नागरिक लगायतको उपस्थिति रहेको थियो । कार्यक्रम एजेन्सी म्यानेजर प्रताप कुवँरले सञ्चालन गर्नुभएको थियो ।

 पौष १३ गते ढोरपाटन

दुर्गम क्षेत्रको विकासलाई पहिलो प्राथमिकता दिएर गण्डकी प्रदेश सरकारले काम गर्ने गण्डकी प्रदेशका मुख्य मन्त्री सुरेन्द्रराज पाण्डेले बताउनु भएको छ ।

बागलुङको तमानखोला गाउँपालिका स्थित वडा नम्रब १ र २ जोड्ने मोटरपुल  सँगै धन गौ ज्वती माध्यमिक विद्यालयको ६५ औँ वार्षिकोत्सव कार्यक्रमको उद्‌घाटन गर्दे मुख्य मन्त्री पाण्डेले दुर्गम मध्ये बागलुङको तमानखोला गाउँपालिका समेत रहेका कारण यहाँको सडक र मोटरपुल आफ्नै कार्यकालमा सम्पन्न गर्ने प्रतिबद्धता जनाउनु भएको छ ।

तमानखोला गाउँपालिकाको धोमाई घाट मोटरवेल पुल र तमानखोला देखि म्याग्दी जोड्ने सडकलाई आफूले यहाँका माननीयहरूको माग अनुसार प्राथमिकतामा राखेर काम गर्ने बताउनु भयो ।

गण्डकी प्रदेश सरकारले यसवर्ष बुर्तिबाङ देखि बोङ्गादोभान सम्म सडक कालोपत्रेका लागी बजेट विनियोजन गरेर काम सुरु गरिसकेको बताउँदै चाँडै मोटरवेल पुल, म्याग्दी सम्म सडक कालोपत्रे लगायतका विकास निर्माणलाई प्राथमिकता दिने बताउनु भयो । स्थानीय जनप्रतिनिधि र प्रदेश सभा सदस्य दोर्ण कुमार कुवँर, दिलमाया पौवीको माग अनुसार पालिका स्तरीय खेलमैदान, तमान झोलुङ्गे पुल लगायतका यहाँका समस्यालाई क्रमिक रुपमा सम्बोधन गरिने बताउनु भयो ।

कार्यक्रममा विशिष्ट अतिथिको रुपमा रहनु भएका गण्डकी प्रदेश सभा सदस्य माननीय दोर्ण कुमार कुवँरले बोल्दै जनता सँग गरेका बाचा क्रमश पुरा गर्दे गइरहेको जनाउँदै यहाँको समस्यालाई समेत प्राथमिकता दिएर काम गर्ने बताउनु भयो ।

यहाँको समस्याका विषयमा प्रदेश सरकारमा ध्यानाकर्षण गराइरहेको छु खेलमैदान, पुल, सडक, लगायतका समस्यामा गम्भिर भएर आफुले काम गर्ने बताउनु भयो ।त्यस्तै माननीय दिलमाया पौवी ले बोल्दै जनताका आवश्यकता र समस्यालाई सम्बोधन गर्नका निम्ती प्रदेश सरकार मार्फत विभिन्न काम भइरहेको जनाउँदै परिणाम देखिने गरी आफूहरूले काम गरिने बताउनु भयो ।

तमानखोला गाउँपालिका अध्यक्ष जोकलाल बुढा, उपाध्यक्ष हिरा कुमारी छन्त्याल, वडा नम्बर ३ का अध्यक्ष झक बहादुर बुढा वडा अध्यक्ष छ प्रसाद बिक, लगायतको मन्तव्य रहेको कार्यक्रममा जनप्रतिनिधि, कर्मचारी, शिक्षक, अभिभावक लगायतको उपस्थिति रहेको थियो । कार्यक्रम विद्यालय व्यवस्थापन समिति अध्यक्ष गिर बहादुर बुढाको अध्यक्षता,विद्यालयका प्रधानाध्यापक तेजिन्द्र घर्ति मगर द्धारा विद्यालयको प्रगति प्रतिवेदन प्रस्तुत गर्नुभएको हो ।

कार्यक्रमका अवसरमा मुख्य मन्त्र पाण्डेले ब्लक २ भवनको समेत उद्‌घाटन गर्नुभएको थियो । कार्यक्रम शिक्षक पुरन ध्वज गुरुङको सञ्चालनमा सम्पन्न भएको हो ।

त्यस्तै तमानखोला गाउँपालिका १ र २ जोड्ने मोटरेवल पुलको समेत मुख्य मन्त्री पाण्डेले उद्‌घाटन गर्नुभएको हो ।गत असार महिनामा निर्माण सम्पन्न भएको उक्त पुलको मन्त्री पाण्डेले उद्‌घाटन गर्नुभएको थियो ।

बागलुङ पौष १२ गते

बागलुङको दुर्गम क्षेत्र बुर्तिबाङमा रहेको बुर्तिबाङ प्राथमिक स्वास्थ्य केन्द्र गण्डकी प्रदेश मातहत रहने गरी ५० शैयाको प्रादेशिक अस्पतालको रुपमा स्तरोन्नति भएको छ ।नेपाल सरकारबाट अनुमति पायसंगै गण्डकी प्रदेश सरकारले आर्थिक दायित्व बहन गर्ने गरी अस्पतालको स्तरोन्नति गरिएको हो ।

शुक्रबार गण्डकी प्रदेशका मुख्य मन्त्री शुरेन्द्रराज पाण्डेले अस्पतालको उद्‌घाटन गर्दे दुर्गम गाउँसम्म सहज स्वास्थ्य सेवाको पहुँच पुर्याउनका निम्ती  गण्डकी प्रदेश सरकारले बुर्तिबाङ प्राथमिक स्वास्थ्य केन्द्रलाई प्रदेशिक अस्पत्ताको रुपमा स्तरबृद्धि गरीएको जनाउँदै सेवा सुभारम्भ संगै बागलुङको दुर्गम गाउँका नागरिकले अब सहज स्वास्थ्य सेवाको पहुँचमा पुग्ने बताउनु भयो ।

प्रदेशले अब सबै प्रकारका व्यवभार जिम्मेवार लिने गरी अस्पत्तालको उद्धघाटन गरिएको जनाउँदै यो अस्पत्ताल निर्माणमा यस क्षेत्रका सांसद दोर्ण कुवँरको मुख्य भुमिका रहेको बताउनु भयो ।

यस क्षेत्रमा रहेका विभिन्न मोटरेवल पुल, उत्तरगंगा हाईड्रो, सडक लगाएत यस क्षेत्रको विकासका निम्ती निरन्तर प्रदेश सरकारका तर्फदेखि पहल र कार्यक्रम मार्फत अगाडी बढिने बताउनु भयो । धेरै विकास पनी भइसकेको जनाउँदै क्रमिक स्पमा जनताले महशुस गर्ने गरी आफुले काम गर्ने बताउनु भयो ।

त्यस्तै कार्यक्रमका विशिष्ठ अतिथी गण्डकी प्रदेशका स्वास्थ्य मन्त्री कृष्ण प्रसाद पाठकले बोल्दै सरकारले लिएको स्वास्थ्य सेवाको पहुँच सबै क्षेत्रका नागरिक सम्म पुर्याउने लक्ष्य बमोजिम यस क्षेत्रलाई प्राथमिकता दिएर काम गरिएको जनाउँदै आवस्यक जनशक्ति, उपकरण लगाएत सबै प्रकारको व्यवस्थापन प्रदेश सरकारले गर्ने प्रतिबद्धता जनाउनु भयो ।

आफुले यस क्षेत्रको विषयमा अध्ययन गरेका कारण धेरै दुर्गम गाउँका नागरिकले पनी सहज सेवा प्राप्त गर्ने उदेश्य सहित अस्पत्ताल स्तरोन्नती भएको जनाउँदै स्वास्थ्य मन्त्रालयले विभिन्न लक्ष्यका साथ स्वास्थ्य क्षेत्रलाई प्राथमिकता दिएर काम गरिरहेको बताउनु भयो ।

गण्डकी प्रदेशका सांसद दोर्ण कुमार कुवँरले बोल्दै आफुले पटक पटक संघ र प्रदेश र संघ सरकार मन्त्रालय लगाएत आवस्यक पर्ने सबै निकाटमा पटक पटक गरेको ध्यानाकर्षणका कारण जनताको सपना पुरा भएको जनाउँदै यसलाई दिगो बनाएर अगाडी बड्न सबैको साथ आवस्यक रहेको जनाउनु भयो ।

अब आफनो सपना यसै अस्पत्तालबाट डायलाईसिस सेवा, बालबालीका महिलाको उपचार सहज हुने गरी आवस्यक व्यवस्थापनमा सक्रिय भुमिका खेल्ने बताउनु भयो ।

ढोरपाटन नगरपालिका कार्यवाहक मेयर धन बहादुर कायतको अध्यक्षतामा आयोजित कार्यक्रममा  गण्डकी प्रदेश उपसभामुख विना थापा, गण्डकी प्रदेश सभा सदस्य जीत बहादुर शेरचन, गण्डकी प्रदेश सभा सदस्य दिलमाया पौवी, माननीय कुशुम बुढा, गण्डकी पदेश सभा सदस्य दिपेन्द्र बहादुर थापा, माननिय चम्पा खड्का, वडिगाड गाउँपालिका अध्यक्ष गण्डकी थापा,गण्डकी प्रदेश स्वास्थ्य मन्त्रालयका स्वास्थ्य सचिब डा. विनोद विन्दु शर्मा, बुर्तिबाङ अस्पत्तालका प्रमुख डा. नविन्द्र ढकाल लगाएतको शुभकामना मन्तब्य रहेको कार्यक्रम निसीखोला गाउँपालिका अध्यक्ष सुर्य बहादुर घर्तिको स्वागत मन्तव्य, तमानखोला गाउँपालिका अध्यक्ष जोकलाल बुढाको सञ्चालनमा कार्यक्रम सम्पन्न भएको हो ।

बागलुङको ढोरपाटन नगरपालिका, वडिगाड गाउँपालिका, गल्कोटन नगरपालिका, निसीखोला गाउँपालिका, तमानखोला गाउँपालिका सहित छिमेकी जिल्ला गुल्मी, प्युठान, रुकुम, रोल्पा सम्मका नागरिकले अस्पत्तालबाट सेवा प्राप्त गर्न सक्ने भएका हुन ।

२०२१ सालमा स्थापना भएको स्वास्थ्य चौकी लामो समयपछि अस्पत्तालको रुपमा स्तरोन्ती भएसंगै पश्चिम बागलुङका नागरिक सुखि भएका छन ।

कार्यक्रममा राजनैतिक दलका प्रतिनिधी, विभिन्न संघसंस्था, विद्यालय, आमा समुह, स्वास्थ कर्मी, कलाकर्मी लगाएत हजारौँको सँख्यामा प्रतिनिधीत्व र उपश्थिती रहेको थियो । 

पौष १२ गते ढोरपाटन
बागलुङ जिल्लाकै दुर्गम स्थानका रुपमा रहको निसेलढोरमा दातृ निकायबाट घरघरमा सोलार बत्ती जडान गरिएपछि जिन्दगीभर दियालोको भरमा बस्दै आएका स्थानीय नागरिक खुसि भएका छन ।

युनिका फाउन्डेसन नेडरल्याडस,निसीखोला गाउँपालिका र कर्मफलाइट्स फाउन्डेसन पोखराको कुल ११ लाख २८ हजार बराबरका लागतका सोलार प्यानल सहित सबै सामाग्रि खरिद गरेर घरघरमा जोडिएपछि निसेलढोर अब रातको समयमा पानी उज्यालो बन्ने भएको हो ।
स्थानीय नविना घर्ती मगरले भन्नुभयो ‘जिन्दगीभर दियालो बालेर बसियो अब त उज्यालोमा बस्न पाइने भैयो  केटाकेटीले पनी साँझ विहान पद्न पाउने भए खुसि लाग्यो अब चाँडै सरकारले विजुली ल्याइदिए धन्य हुन्थ्यो ।’

स्थानीय ६८ घर सहित विद्यालय र स्वास्थ्य इकाई गरी ७० वटा २० वाट क्षमताको सोलार प्यानल ब्याट्री, बल्ब र वायरीङका सामान सहित सबै घरमा बत्ती जडान गर्ने गरी प्राविधिकको व्यवस्था गरीएको हो ।
युनिका फाउण्डेसन नेदरल्याण्ड्सको ९ लाख १५ हजार ९ सय ८१, निसीखोला गाउँपालिकाको १ लाख ५० हजार, कर्मफ्लाईट्स फाउन्डेसनको ६३ हजार लागतमा सोलर हस्तान्त्रण गरिएको हो ।

आयोजित कार्यक्रममा निसीखोला गाउँपालिका अध्यक्ष सूर्य बहादुर घर्तिले बोल्दै अँध्यारोमा बस्दै आएका नागरिकलाई दातृ निकायको सहयोगले उज्यालो दिएकोमा धन्यबाद ज्ञापन गर्दे चाँडै केन्द्रिय विधुत प्रसारण ल्याउने गरी पहल भइरहेको बताउनु भयो ।
निशेलढोर विकासका हिसाबले पछि रहेको जनाउँदै गाउँपालिकाले क्षमताको आधारमा विकास गरिरहेको र सिकार आरक्षका कारण सडक सञ्जाल गाउँपालिकातर्फ देखि जोड्न नसकिएको बताउनु भयो ।
कार्यक्रममा गाउँपालिका उपाध्यक्ष प्रेम बहादुर घतिले बोल्दै कृषिमा अब्बल रहेको निशेलढोर हरेक विकासबाट पछाडी रहँदै आएको अवस्थामा पछिल्लो समय टेलिफोनको टावर व्यवस्थापन, सामुदायिक स्वास्थ्य इकाई व्यवस्थापन, विद्यालय व्यवस्थापन लगायतका क्षेत्रमा काम भइरहेको जनाउँदै अन्य विकासका कार्यक्रमलाई क्रमिक रुपमा अगाडी बढाइने बताउनु भयो ।
युनिका फाउण्डेसन नेदरल्याण्ड्स नेपालका प्रमुख रमेश पौडेलले बोल्दै आफूहरूले गतबर्ष यस क्षेत्रको स्थलगत अध्ययन गरी तत्काल कार्यक्रम अगाडी बढाउने तयारी गरिएपनि गाउँपालिकाबाट समयमा ध्यान केन्द्रित नहुँदा ढिलाई भएको जनाउँदै नेपालमा ९८ प्रतिशत बस्तिमा विधुत पहुँच पुग्दै गर्दा निशेलढोर राज्यको पहुँचमा पुग्न नसकेकोमा चिन्ता व्यक्त गर्दे चाँडो राज्यको ध्यान जान जरुरी रहेको बताउनु भयो ।
कार्यक्रममा वडा नम्बर २ का अध्यक्ष कुविर विश्वकर्माले बोल्दै निसीखोला गाउँपालिकाले जनताको समस्या र आवश्यकताको आधारमा सबै क्षेत्रमा समान विकास गर्दे आइरहेको जनाउँदै विकासबाट पछि रहेको यस क्षेत्रलाई थप विकासका कार्यक्रम अगाडि बढाउन आवस्यक रहेको बताउनु भयो ।
कार्यक्रममा निसीखोला गाउँपालिका जनप्रतिनिधी, कर्मचारी, पूर्व जनप्रतिनिधि, स्थानीय बासिन्दा लगायतको आतिथ्यता एवम् उपस्थिति रहेको थियो । कर्मफ्लाईट्स फाउन्डेसनका कार्यक्रम निर्देशक प्रेम बहादुर कुवँरको स्वागत सहित कार्यक्रमको विषयवस्तु माथि जानकारी रहेको थियो ।
सूर्यदय उर्जा प्राली काठमाडौँको प्राविधिक सहयोग, कर्मफ्लाईट्स फाउन्डेसन पोखराको कार्यान्यनमा सोलार जडान गरिएको हो । पर्यटकिय स्थलको रुपमा प्रसस्त सम्भावना बोकेको निसेलढोर मा रैथाने ७० घर र बर्षातको समयमा करिब ३ सय घरधुरी बस्दै आएका छन । गाउँपालिका संस सिधा सडक सञ्जाल नजोडिएका कारण बुर्तिबाङ–ढोरपाटन हुँदै सडक सञ्जाल मार्फत निसेलढोर पुग्न सकिन्छ ।

 पौष १० गते ढोरपाटन

बागलुङको तमानखोला गाउँपालिकाले दोश्रो गाउँसभाको छैटौँ अधिवेशन बुधबार सम्पन्न गरेको छ ।

गाउँपालिका उपाध्यक्ष हिरा कुमारी छन्त्यालको अध्यक्षतामा बसेको हिउँदे गाउँ सभाबाट विभिन्न बजेट तथा कार्यक्रम र योजनाको संसोधन नयाँ योजनाको छनौट बजेट व्यवस्थापन सहित विभिन्न प्रतिवदेनमाथि छलफल सहित सभाबाट पारित गरिएको छ ।

गाउँसभाबाट संशोधित नगर प्रहरी विधेयक सम्बन्धमा छलफल गर्दे सभाबाट पारित गरिएको हो । विधायन समिति संयोजक मोती प्रसाद विश्वकर्माले प्रस्तुत गर्नुभएको संशोधित नगर प्रहरी विधेयक माथि छलफल गर्दे गाउँपालिकाले पालिकाको शान्ति सुरक्षा, सार्वजनिक सम्पत्तिको रेखदेख र सुरक्षा सहित व्यवसाय दर्ता ,नवीकरण लगायतका विषयमा नगर प्रहरीको आवश्यकता रहेको जनाउँदै ३ जना नगर प्रहरी राख्ने गरी संशोधित नगर प्रहरी विषयक सभाबाट पास गरिएको हो ।

त्यस्तै अनुगमन समितिका सदस्य मनकुमारी बुढाथोकी द्धारा अनुगमन समितिको प्रतिवेदन, न्यायिक समितिका सदस्य केशरी पुन मगर द्धारा न्यायिक समितिको प्रतिवेदन प्रस्तुत गर्नुभएको थियो । न्यायिक समितिमा चालु आर्थिक वर्षमा ८ वटा उजुरी दर्ता भएको र अधिकांश निरुपण भएको पाइएको छ ।

न्यायिक समितिलाई थप व्यवस्थित बनाउन पालिका र वडा कार्यालयमा न्यायिक कक्ष स्थापना गर्नुपर्ने र थप व्यवस्थित बनाउनुपर्ने सुझाव सभाका सदस्यले व्यक्त गरेका छन ।

त्यस्तै कार्यपालिका सदस्य झक बहादुर बूढा द्धारा कुल १ करोड ९६ लाख ७२ हजार एक सय रुपैयाँ बराबरको संशोधित कार्यक्रम योजना र थप बजेट सहितको संशोधित बजेट तथा कार्यक्रम प्रस्तुत गर्नुभएको थियो । रकमान्तर गरिएको बजेट र संसोधन गरिएको बजेट तथा कार्यक्रममाथि सभामा फछफल सहित पास गरिएको हो ।

विभिन्न ४ बुँदामा गरिएको प्रतिवेदन, संशोधित कार्यक्रम र योजनाका सन्दर्भमा छलफल सहित सभाबाट पास गरिएको हो । गाउँपालिकाको हिँउदे सभाबाट ३४ वटा नयाँ योजना थप गरिएको छ । विभिन्न १७ वटा ऐन जारी गरेको गाउँपालिकाले ऐनको आधारमा बजेट तथा कार्यक्रम अगाडी बढाएको गाउँसभाका अध्यक्ष हिराकुमारी छन्त्यालले बताउनु भयो ।

कार्यक्रममा वडा नम्बर २ का अध्यक्ष नारायण सुनार, वडा नम्बर ६ का अध्यक्ष चित्र बहादुर छन्त्याल, जिल्ला सम्मोन्य समिती सदस्य टेक बहादुर अर्गेजाको शुभकामना मन्तव्य रहेको थियो ।

गाउँसभा सदस्य, कर्मचारी, प्रहरी, पत्रकार लगाएतको उपश्थिती रहेको कार्यक्रम प्रमुख प्रशासकिय अधिकृत इश्वरलाल शाक्यले सञ्चालन गर्नुभएको हो ।

 पौष ८ गते बुर्तिबाङ

बागलुङको ढोरपाटन नगरपालिका १ बुर्तिबाङमा रहेको बुर्तिबाङ प्राथमिक स्वास्थ्य केन्द्रलाई ५० शैया को प्रादेशिक अस्पतालको रुपमा आगामी पौष १२ गते विधिवत रुपमा उद्‌घाटन सहित सेवाको शुभारम्भ गर्न लागिएको हो ।

आफूहरूले गरेको मिहिनेत र नागरिकका बिचमा गरिएको प्रतिबद्धता पुरा भएको जनाउँदै पौष १२ गते अस्पतालको विधिवत रुपमा उद्‌घाटन आयोजना गरिएको गण्डकी प्रदेश सभा सदस्य दोर्ण कुमार कुवँरले बताउनु भयो ।

ढोरपाटन नगरपालिका मातहतमा रहेको स्वास्थ्य चौकीको सङ्घ सरकारबाट मान्नेका र गण्डकी प्रदेश सरकारबाट आर्थिक व्ययभार व्यवस्थापन हुने भएसँगै पौष १२ गते गण्डकी प्रदेशका मुख्य मन्त्री शुरेन्द्र राज पाण्डेले अस्पतालको विधिवत रुपमा उद्‌घाटन गर्नुहुने भएको हो ।

मध्यपहाडी लोकमार्ग छेउमै रहेको बुर्तिबाङमा प्रदेशस्तरीय अस्पताल सञ्चालन भएसँगै पश्चिम बागलुङ छ पालिका सहित गुल्मी, प्यूठान, रोल्पा र पूर्वी रुकुमका हजारौँ नागरिकले स्वास्थ्य सेवा लिन सहज हुने भएको छ ।

नीति तथा कार्यक्रम र बजेटबाटै गण्डकी प्रदेश सरकारले गोरखाको आँपपीपल र बागलुङको बुर्तिबाङलाई प्रादेशिक अस्पतालका रूपमा सञ्चालन गर्ने घोषणा गर्यो ।

सोही अनुसार सङ्घ सरकारले दुवै अस्पताल प्रदेशलाई हस्तान्तरण गरेको हो । बुर्तिबाङ प्राथमिक स्वास्थ्य केन्द्रलाई जिल्लास्तरीय अस्पतालमा स्तरोन्नतिका लागि विसं २०६४ साउन १५ गते स्वास्थ्य मन्त्रलायले निर्णय गरे पनि लामोसमय सम्म कार्यान्वयन हुन सकेन तर अब भने सो स्वास्थ्य केन्द्र प्रदेशस्तरको अस्पतालमा स्तरोन्नति हुने भएको छ ।

गण्डकी प्रदेश सरकारको सिफारिसमा सङ्घीय सरकारको गत वर्ष फागुन ६ गतेको मन्त्रिपरिषद्को बैठकको निर्णय अनुसार बुर्तिबाङ प्राथमिक स्वास्थ्य केन्द्रलाई प्रदेशस्तरीय ५० शय्याको अस्पताल बनाउने निर्णय गरेको थियो ।

बुर्तिबाङ स्वास्थ्य केन्द्रमा वार्षिक करिब ६०० महिला प्रसूति हुने गरेका छन् । दैनिक ३०० जनालाई बहिरङ्ग र ३० जनालाई आकस्मिक सेवा दिँदै आइरहेको पाइएको छ । अस्पताल व्यवस्थापनका अनुसार १४ रोपनी ९ आना जग्गामा तीन ब्लग सहित ४८ कोठासहितका भवन र एक आवासीय भवन रहेका छन् ।

जुन संरचना अस्पताल सञ्चालनको लागि पर्याप्त हो । पौष १२ गते हुने कार्यक्रमको आवश्यक तयारी पुरा भइरहेको बुर्तिबाङ स्वास्थ्य केन्द का प्रमुख डा.नविन्द्र ढकालले बताउनु भयो । अस्पताल उद्घाटनको दिन घाँटी र छातीको समस्या भएका बिरामीको चेकजाँच तथा उपचार हुने भएको जनाइएको छ ।

प्रादेशिक अस्पत्ताल बनाउनका निम्ती यस क्षेत्रबाट निर्वाचित साँसद, स्थानीय सरकार, गण्डकी प्रदेश सरकारको समेत सक्रिय भुमिका रहेको देखिएको छ । ५० शैयाको अस्पत्तालबाट सेवा सुचारु भएसंगै पाल्पा, पोखरा, काठमान्डौ, वुटवल लगाएतका अस्पत्तालमा पुग्नुपर्ने नागरिकको बाध्यता कम हुने नागरिकको विश्वास रहेको छ ।

पौष ६ गते ढोरपाटन
बागलुङको निसीखोला गाउँपालिका ५ निसीमा शुक्रबार सहभोज तथा सचेतनामूलक कार्यक्रम गरिएको छ ।
निसीखोला दलित सञ्जालको आयोजनामा सञ्चालित कार्यक्रममा स्थानीय जनप्रतिनिधि सहित विभिन्न जातजातिको सहभागिता रहेको थियो ।
समाजमा रहेको जातीय विभेद अन्त्य गर्नका निम्ती कानुनको पालना सँगै स्थानीय सरकार, नागरिक र सचेत व्यक्तिले भेदभाव पूर्ण रोक्नका निम्ती सक्रियता नदेखाए सम्म समाजमा भेदभाव उन्मूलन नहुने बताउँदै यस्तो कार्यक्रमको आयोजना गरिएको वक्ताहरूले बताएका छन ।

निसीखोला गाउँपालिका अध्यक्ष सूर्य बहादुर घर्तिले बोल्दै गाउँपालिकाले जातीय भेदभाव, छुवाछुत र समाजमा रहेका कुसंस्कार अन्तय गर्नका निम्ती गाउँपालिकाले विभिन्न सचेतना मुलर कार्यक्रम सँगै कानुनलाई पालना गर्नका निम्ती निरन्तर अगाडि बढिरहेको बताउनु भयो ।

विभिन्न कानुन बनाएर पालिका अगाडि बढिरहेको र सचेतना मूलक कार्यक्रम समेत भइरहेका कारण अब पनी छुवाछुत जन्य गतिविधि गर्नेलाई कानुनी दायरामा नल्याइ सम्म छुवाछुत नरोकिने मा जोड दिनुभयो ।

निसीखोला दलित सञ्जालका अध्यक्ष रोशन विश्वकर्माको अध्यक्षता रहेको कार्यक्रममा गाउँपालिका उपाध्यक्ष प्रेम बहादुर घर्ति, वडा अध्यक्ष, कार्यपालिका सदस्य, वडा सदस्य, अधिकार कर्मी, दलित अभियन्ता अगुवा, स्थानीय समाजसेवी बुद्धिजीवी लगायतको उपस्थिति सँगै मन्तव्य रहेको थियो ।

वक्ताहरूले बोल्दै समाजमा हुने विभेद, छुवाछुत, भेदभाव अन्त्य गर्नका निम्ती सरकारको भूमिका सक्रिय रहनुपर्नेमा जोड दिएका हुन ।

कार्यक्रममा उपश्थित सबैले सामुहिक भोज मार्फत छुवाछुत अन्त्यको शन्देश प्रवाह गरेका छन । यस्तो महत्वपूर्ण कार्यक्रम आयोजना गरेकोमा आयोजकलाई धन्यबाद ज्ञापन गर्दे यस्ता कार्यक्रम विभिन्न स्थानमा आवस्यक रहेकोमा जोड दिइएको थियो ।

कार्यक्रम अनिल विश्वकर्माले सञ्चालन गर्नुभएको हो ।

पौष ३ गते बुर्तिबाङ इलाका प्रशासन कार्यलय बुर्तिबाङका प्रमुख लोक बहादुर कुवँरको उमेरहदका कारण अनिवार्य अवकाश भएसँगै बुधबार एक कार्यक्रमका बिच बिदाई गरिएको छ ।

२०४२ असार महिनादेखि सरकारी सेवामा प्रवेश गर्नुभएका कुवँरले ४१ वर्षसम्म खरिदार, नायब सुब्बा, शाखा अधिकृत हुँदै विगत १० वर्षदेखि इलाका प्रशासन कार्यालय बुर्तिबाङमा सेवा प्रवाह गर्नुभएको हो ।

साविक गाविस सचिव हुँदै प्रशासन कार्यालयमा कार्यालय प्रमुखको रुपमा रहनु भएका कुवँरको केहि महिना पहिले शाखा अधिकृतको रुपमा बढुवा हुनुभएको थियो ।

आयोजित बिदाई कार्यक्रममा गण्डकी प्रदेश सभा सदस्य दोर्ण कुमार कुवँरले प्रमुख अतिथीको रुपमा सम्बोधन गर्दे विभिन्न उतार चढावका बावजुत जनताको सेवामा ४१ वर्षसम्म सेवा प्रवाह गर्नुभएकोमा धन्यबाद ज्ञापन गर्दे कर्मचारीमा हुनुपर्ने गुण, जनताप्रति उत्तरदायी र सफल कार्यकुशलता पुरा गर्नुभएका लोकबहादुर कुवँरको आगामी जीवन शुख, समृद्ध र शान्तीमय को कामना गर्नुभयो । 

कार्यालय प्रमुखको अवकाश भएसँगै सेवा ग्राही नागरिकमा अर्का समस्या सृजना भइसकेका कारण आफूले कार्यालय प्रमुख ल्याउने विषयमा पहल गरिरहेको र सबैले पहल गर्नपनि आग्रह गर्नुभयो ।

बिदाई भएर जान लाग्नु भएका लोक बहादुर कुवँरले बोल्दै आफूले ४१ वर्षसम्म जनताको समस्यालाई ध्यान दिएर सहज रुपमा सेवा प्रवाह गरेको जनाउँदै कर्मचारीले नागरिक मैत्री मुस्कान सहितको सेवा प्रवाह गर्न आग्रह गर्दे आगामी दिनमा समाज सेवामा आफूले समय व्यवस्थापन गर्ने बताउनु भयो ।

निसीखोला गाउँपालिका उपाध्यक्ष प्रेम बहादुर घर्ति, ढोरपाटन नगरपालिका ६ का अध्यक्ष उमेश बूढा मगर, नेकपा माओवादी केन्द्र ढोरपाटन नगर अध्यक्ष हेमेन्द्र घर्ति लगायतको शुभकामना मन्तव्य रहेको थियो ।

यहाँ स्थित जनप्रतिनिधि, कर्मचारी, राजनैतिक दलका प्रतिनिधि, विभिन्न क्लब सङ्घसंस्था लगायतको उपस्थिति सहित सम्मान सहित बिदाई गरिएको हो । कार्यक्रम ढोरपाटन नगरपालिका १ का अध्यक्ष वान बहादुर छन्त्यालको अध्यक्षता, इलाका प्रशासन कार्यालयका कर्मचारी पवन खाम्चा मगरको सञ्चालनमा सम्पन्न भएको थियो ।