आगामी मङ्सिर ४ गते हुने प्रदेशसभा तथा प्रतिनिधिसभा निर्वाचनमा बागलुङ-२ लाई विशेष चासोका रूपमा हेरिएको छ । यस क्षेत्रबाट शिक्षा, विज्ञान तथा प्रविधिमन्त्री देवेन्द्र पौडेल चुनावमा होमिनुभएको छ । पौडेलको प्रतिस्पर्धीका रूपमा नेकपा (एमाले) का उम्मेदवार मञ्जु शर्मा चालिसेलाई लिइएको छ । मन्त्री पौडेलले विसं २०७४ को निर्वाचनमा यही क्षेत्रमा विजयी भएका थिए । त्यसबेला उनी वाम गठबन्धनबाट निर्वाचित भएका थिए ।

अहिले पौडेललाई नेपाली कांग्रेस र राष्ट्रिय जनमोर्चाको साथ छ भने एमाले एक्लै चुनावी मैदानमा छ । अघिल्लो निर्वाचनमा पौडेलले नेपाली कांग्रेसका नरबहादुर पुनलाई आठ हजार नौ सय २२ मतान्तरले पराजित गरेमा थिए । पौडेलले २८ हजार आठ सय २७ मत प्राप्त गर्दा पुनले १९ हजार नौ सय पाँच मत ल्याएका थिए।

यस क्षेत्रमा छ पालिकाका ४८ वडा पर्छन् । गत स्थानीय तहको निर्वाचन मत परिणामलाई हेर्दा ढोरपाटन नगरपालिकाका पाँच, बडिगाड गाउँपालिकाका चार र गलकोट नगरपालिकाको एउटा वडामा मात्र एमालेले वडाध्यक्ष जितेको थियो । त्यसबाहेक ढोरपाटन-४ मा जनमोर्चाको विद्रोही समूह र अन्य सबै वडामा कांग्रेस, माओवादी र जनमोर्चाका उम्मेदवार विजयी बनेका थिए ।

पौडेलको गृहक्षेत्र निर्वाचन क्षेत्र नं १ भए पनि उनी २ नं क्षेत्रबाट चुनाव लडिरहेका छन्। अघिल्लो पटक यहाँबाट निर्वाचित भएर मन्त्रीसमेत बनेका माओवादी केन्द्रका सचिवसमेत रहेका पौडेललाई आफ्नै पार्टीका नेताको बागी उम्मेदवारीले चुनौती थपेको छ ।

पश्चिम बागलुङमा राम्रै प्रभाव राख्ने माओवादी केन्द्रका नेता तुल्सीराम अर्यालले पनि यस क्षेत्रबाट स्वतन्त्र उम्मेदवारी दिएर चुनावी प्रचारमा छन् । गत स्थानीय तह निर्वाचनको मत परिणाम हेर्दा गठबन्धन नौ हजार नौ सय ३० मतले अगाडि देखिन्छ । स्थानीय निर्वाचनमा गठबन्धनले २८ हजार चार सय ३८ मत प्राप्त गरेको थियो भने एमालेले १८ हजार पाँच सय आठ पाएको थियो ।

स्थानीय तहको निर्वाचनमा गलकोट नगरपालिकाको प्रमुखमा टिकट नपाएपछि एमाले उम्मेदवार चालिसे बागी उम्मेदवार बनेका थिए । चुनाव सकिएपछि उनी एमालेमा प्रवेश गरेका थिए । उनले एमालेमा प्रवेश गरेको केही समयमै टिकट पाएका थिए ।

यस क्षेत्रमा पौडेल र चालिसेसहित राष्ट्रिय जनमुक्ति पार्टीका चित्रप्रसाद गुरुङ, राष्ट्रिय स्वतन्त्र पार्टीका तिला खत्री, सामाजिक एकता पार्टीका टेकप्रसाद कामी, स्वतन्त्र उम्मेदवार अर्याल र डिलबहादुर कार्की गरी सात जना चुनावी मैदानमा छन् ।

साभार

इकागज |

बागलुङ कात्तिक २४ गते
आगामी मंसिर ४ गते हुने प्रदेश सभा र प्रतिनिधी सभा निर्वाचनलाई सफल पार्न बागलुङ जिल्लामा निर्वाचन कार्यालयले आवस्यक तयारी पुरा गर्दे आएको छ ।
निर्वाचन आउन १० दिन बाँकी रहँदा कर्मचारी व्यवस्थापन , सुरक्षा व्यवस्था, मतपत्र ढुवानी लगाएतका गतिविधी जारी रहेको निर्वाचन अधिकृत बावुराम पाण्डेले बताउनु भयो ।
विहिबार ढोरपाटन नगरपालिकामा मतदाता शिक्षा कार्यक्रम र नमुना मतदान गरीएको छ अन्य पालिकामा समेत नमुना मतदान कार्यक्रम सुरु गरीएको निर्वाचन अधिकृत बावुराम पाण्डेले बताउनु भयो ।
बागलुङ १० वटै पालिकामा मतदाता शिक्षा कार्यक्रम सञ्चालन गरीएको छ त्यसैगरी नमुना मतदान कार्यक्रम समेत सुरु गरीएको निर्वाचन कार्यालय बागलुङका निर्वाचन गोकुल सर्माले बताउनु भयो ।

ढोरपाटन नगरपालिकामा आयोजित नमुना मतदान कार्यक्रम निर्वाचन अधिकृत बावुराम पाण्डेको अध्यक्षता ढोरपाटन नगरपालिका मेयर देवकुमार नेपालीको प्रमुख आतिथ्यतामा भएको हो ।
१० पालिका रहेको बागलुङमा यसपटकको निर्वाचनमा पाँच दलिय वाम÷लोकतान्त्रीक गठवन्धन र नेकपा एमाले विच प्रतिस्प्रर्धा हुने भएको छ । दुई निर्वाचन क्षेत्र रहेको जिल्लामा प्रतिनिधी सभा तर्फ क्षेत्र नंं १ मा गठवन्धनबाट राष्ट्रिय जनमोर्चाका अध्यक्ष चित्र बहादुर के.सी . र नेकपा एमालेका सुर्य पाठक विच बढि प्रतिस्प्रर्धा हुने देखिएको छ । क्षेत्र नं. २ तर्फ नेकपा माओबादी केन्द्रका सचिव शिक्षा ,विज्ञान तथा प्रविधी मन्त्री देवेन्द्र पौडेल र नेकपा एमालेका मन्जु सर्मा चालिसे वीच प्रतिस्वप्रर्धा हुने देखिएको हो ।

बागलुङ 17

शिक्षा, विज्ञान तथा प्रविधिमन्त्री देवेन्द्र पौडेलले नेकपा एमालेका अध्यक्ष केपी शर्मा ओली संविधान विरोधी भएको बताउनुभएको छ ।
सोमबार ताराखोला गाउँपालिकाको चुनावी सभामा बोल्दै मन्त्री पौडेलले एमाले अध्यक्ष ओली संविधान विरोधी भएको बताउनु भएको हो ।
पाचदलीय गठबन्धन चुनावका लागिमात्र नभई लोकतन्त्र र संविधान रक्षाका लागिभएको बताउनुभयो । उहाँले अहिले संविधान सिध्याउने र बचाउने बिचको लडाई भएको बताउनुएको छ ।
“अहिले एकथरी संविधान बचाउने र सिध्याउन ेबीचको लडाई हो,” उहाँले भन्नभयो “केपीओली प्रतिगामी शक्ति लिएर हिडेका छन्, उनी देश प्रति इमान्दार छैनन् ।”ताराखोला शहिदहरुको रगतले रंगिएको ठाउँ भएको बताउँदै गठबन्धनको पक्षमा एकजुट हुन आग्रह गर्नु भयो ।
उहाँले १५ हजार मतान्तरले जित्ने दाबी गर्नु भयो ।“गठबन्धनको मतको हिसाब गर्दा हामी १५ हजार मतले अघि छौं,” उहाँले भन्नुभयो,“बागलुङका वटा क्षेत्र हामीले जितिसकेका छौं औपचारिक घोषणा हुन मात्र बाँकी छ ।”
बागलुङकाजनताको मतले आफू मन्त्रीभएको बताउँदै बागलुङकै विकाशकालागिजीवन्तलागिपरिरहने प्रतिबद्धता व्यक्तगर्नुभयो ।
“म बागलुङकै मोटोमा जन्मिएको छोरा हुँ,”उहाँले भन्नुभयो, “जिन्दगी नै राजनीति भनेर लागेपछि मैले व्यक्तिगत केहीगर्नु छैन जनताकै पक्षमा काम गर्छू ।”

बुर्तिबाङ कात्तिक १९
मंसिर ४ गते हुने प्रतिनिधी सभा र प्रदेश सभा निर्वाचमा नेकपा एमाले क्षेत्र नं. २ ले आयोजना गरेको चुनावी सभालाई प्रमुख अतिथीको रुपमा वोल्दै नेकपा एमालेका अध्यक्ष केपी सर्मा ओलीले देशको विकास, समृद्धि र देश बचाउनका निम्ती नेपाल कम्युनिष्ट पार्टी एमालेको सरकार बनाउन सबै जनाले एमालेलाई जिताउनु पर्ने बताउनु भयो ।
ओलीले गठवन्धनले देशलाई उँधोगती तर्फ तर्फ लैजाँदै गएको आरोप लगाउनु भयो । बागलुङ क्षेत्र नं.२ को बुर्तिबाङमा आयोजित चुनावी सभालाई सम्वोधन गर्दे पुर्व प्रधानमन्त्री समेत रहेका ओलीले चार तर्फ फर्किएको प्रमादेसी गठवन्धन सरकारले १६ महिना सम्म देशमा कुनै पनी राम्रो काम गर्न नसकि केवल सत्ता मोहमा तल्लिन देखिएको आरोप लगाउनु भयो ।
वर्तमान सरकारले देशको अर्थतन्त्रलाई धरासायी बनाएको, विकास निर्माण र समृद्धिको निम्ती कुनै पनी काम गर्न नसकेको बताउँदै यस पटकको निर्वाचनमा नेकपा एमालेलाई जिताएर एकल सरकार बनाउनुको विकल्प नरहेको प्रस्ट पार्नुभयो । गठवन्धन सरकार वनेपछि सरकार संग मात्र नभई बैँक संग पनी पैसा नभएको बताउँदै देशलाई आर्थिक रुपमा समेत कमजोर पारेको बताउनु भयो ।
यस पटकको निर्वाचनमा टुरिस्ट उमेद्वारलाई हटाएर आफनै गाउँ ठाउँको उमेद्वारलाई विजयी गराउन मतदातालाई आब्ह्वान गर्नुभयो कार्यक्रममा प्रतिनिधी सभा क्षेत्र नं.१ र २ का नेता , उमेद्वार कार्यक्रताको उपश्थिती रहेको थियो ।

बुर्तिबाङ कात्तिक २१
राष्ट्रिय जनमोर्चाबाट विद्रोह गरेको तिलक पुन समुहले आगामी मंसिर ४ गतेको प्रदेश सभा र प्रतिनिधी सभा निर्वाचनमा नेकपा एमालेलाई सघाउने भएको छ ।
पत्रकार सम्मेलन मार्फत क्षेत्र नं. २ प्रदेश सभा (ख) तर्फ स्वतन्त्र उमेद्वार दिएकी दुर्गादेवी घर्तिले नेकपा एमालेका उमेद्वारलाई समर्थन गर्दे निर्वाचनमा होमीने बताएकी हुन । आफुले स्वतन्त्रमा उमेद्वारी दिएपनी नेकपा एमाले संग सहकार्य गर्नुपर्छ भन्ने मान्यता र आफुपनी जनजातीको छोरी, लक्ष्मण पुन पनी जनजातीको छोरा रहेको र एमालेसंग धेरै विषयमा आफुहरुको एजेन्डा मिल्ने भएका कारण पनी यस पटकको निर्वाचनमा सहयोग गर्ने निर्णय गरीएको बताइन ।
घर्तिले भनीन हामी राष्ट्रिय जनमोर्चामै छौँ जनमोर्चाको विद्रोही हौँ तरपनी पार्टी भित्र देखिएका केही असन्टुष्टीका कारण आफुहरुले विद्रोह गरेको बताइन । हाम्रो समहुको पनी मत धेरै छ तर निर्वाचनमा जित्ने सम्भावना कम रहेका कारण एमालेलाई समर्थन गरेको बताइन । यसैविच तिलक पुनले वोल्दै स्थानीय तहको निर्वाचनमा समेत नेकपा एमाmे संग सहकार्य गरीएको र आफुहरु पार्टीबाट भिन्न भएपनी आफुहरुको समुह मजबुद रहेको बताउँदै यस पटकको निर्वाचनमा एमालेलाई सर्मथन गर्ने बताए ।
निर्वाचन पछि एमालेमै समाहित हुने हो वा कुनै दलमा आवद्ध रहने भन्ने प्रश्नमा पुनले आफुहरु अझैसम्म त्यस्तो कुनै निश्कर्षमा पुगि नसकेको बताए । एमाले संग धेरै मुद्धा मिल्ने भएका कारणपनी एमालेलाई समर्थन गर्नुपरेको बताए । आयोजित कार्यक्रममा नेकपा एमाले जिल्ला कमिटी सचिव विष्णु भुसाल र विद्रोही समुहबाट तिलक पुनको हस्ताक्षर रहेको प्रेश विज्ञप्तीमा हस्ताक्षर गर्दे दुई पक्षविच सहमती भएको हो ।