बागलुङका ६ वटै सिट गठबन्धनले जित्छ
शिक्षा, विज्ञान तथा प्रविधि मन्त्री देवेन्द्र पौडेलले बागलुङकै नागरिकलाई पाहुना भनेको शब्दप्रति आक्रोश व्यक्त गर्नुभएको छ ।
बुधबार तमानखोला गाउँपालिकामा भएको चुनावी सभालाई सम्बोधनका क्रममा उहाँले नेकपा एमाले अध्यक्ष केपी ओलीलाई लक्षित गर्दै नागरिकमा भ्रम छर्नका लागि आफूलाई पाहुना भनेको भन्दै आक्रोश व्यक्त गर्नुभएको हो ।
“म यहीँ जिल्लाको माटोमा जन्मिएर यहीँ ठाउँको विकाशक ालागि ज्यान दिए लागेको मान्छे हुँ । झापाका ओलीले पाहुना भन्नु एमालेको हारको मानसिकता हो” उहाँले भन्नुभयो ।
केहीदिन अघि नेकपाएमालेको चुनावी सभालाई सम्बोधनगर्न बुर्तिबाङ आउनुभएका नेकपाएमालेकाअध्यक्ष केपीओलीले प्रतिनिसभा सदस्यकाउम्मेदवारलाई पाहुनाको संज्ञा दिनुभएको थियो ।
पौडेलले बागलुङका ६ वटै सिट गठबन्धनले जित्ने दाबी गर्नुभयो ।“बागलुङका ८५ वडाहरुमध्ये गठबन्धनले ७० वडाहरुमा जित हासिल गरेको छ, उहाँले भन्नुभयो, यहीँ आकडाले पनि गठबन्धनको जित भइसक्यो, औपचारिकताका लागि आमनागरिकले निर्वाचन मिति पर्खनु परेको हो ।”
पौडेलले आगामी निर्वाचनपछि संघ र प्रदेशमा गठबन्धनको सरकार बन्ने बताउनुभएको छ । समावेशी समानुपातिक पहुँच र प्रतिनिधित्व प्रणाली ल्याउन शहिदहरुको बलिदान रहेको बताउँदै यसको रक्षाका लागि पाँचदलीय गठबन्धन भएको बताउनुभयो ।
संविधानमा उल्लेख भएका जनताका अधिकारहरु तोडमोड गर्ने विरुद्धमा उभिन नेता कार्यकर्तालाई आग्रह गर्नुभयो ।
उहाँले अहिलेको गठबन्धन इतिहासको आवश्यकता भएको बताउनुभएको छ । अहिलेको गठबन्धन रहर मात्र नभइए इतिहासको आवश्यकता भएको बताउनुभएकोहो ।
कार्यक्रममा संविधान सभा सदस्य निरज पुनले बागलुङ क्षेत्र नम्बर २ का उम्मेदवार देवेन्द्र पौडेल र एमाले उम्मेदवार बीच तुलना हुन नसक्ने टिप्पणी गर्नुभएको छ । बाम लोकतान्त्रिक गठबन्धनका उम्मेदवारले जिते मात्र संविधान रक्षाका र बागलुङ विकाश हुन बताउँदै विपक्षी उम्मेदवारसँग तुलना हुनै नसकिने ठोकुवा गर्नुभयो ।
कार्यक्रममा प्रदेश सभा ख का साझा उम्मेदवार दोर्ण कुँवरले बागलुङको विकाशका लागि गठबन्धनका साझा उम्मेदवारलाई निर्वाचित गराउनुपर्ने बताउनुभयो । कुवंरले थप वोल्दै यहाँको विकास र समृद्धि संग हामी धेरै नजिक छौँ विगतमा पनी धेरै काम भएका छन अव प्रदेशमा म दोर्ण कुवंर र संघमा देवेन्द्र पौडेल हामी दुई भाइले यस क्षेत्रको मुहार फेर्नु छ त्यसैले यस पटक जनताले गठवन्धनलाई मत दिनुको विकल्प नरहेको प्रस्ट पार्नुभयो ।
मन्त्री पौडेलले भने :झापाका ओलीले यहीँ जिल्लाको नागरिकलाई पाहुना भन्न मिल्छ ?
