फाल्गुन २४
११३ औँ अन्तराष्ट्रिय नारी दिवशको अवसरमा ढोरपाटन नगरपालिका वडा नं. १ द्धारा बालबिवाह, बहुबिवाह, र घरेलु हिँसा सम्वन्धी सचेतना मुलक कार्यक्रम बुर्तिबाङमा सम्पन्न भएको छ ।
वडा कार्यालयको आयोजनामा सञ्चालित कार्यक्रमका अवसरमा १५० बढि स्थानीय महिला, बालबालीका र पुरुषहरुको सहभागिता रहेको थियो । कार्यक्रमको अवसरमा प्रशिक्षकको रुपमा ढोरपाटन नगरपालिका वडा नं. १ का सचिव देवेन्द्र वस्याल, ढोरपाटन नगरपालिका रोजगार सम्योजक हिरालाल खनालले सहभागिलाई बालबिवाह र त्यसको असर, कानुनी व्यवस्था, घरेलु हिँसा र बहुबिवाह का कारण घर तथा समाजमा पर्ने नकारात्मक असर कानुनी प्रकृयाका विषयमा जानकारी गराउँदै समुदाय, टोल र परिवारलाई यस्ता नकारात्मक गतिविधीमा रोक्नका निम्ती सबैको दायित्व उत्तिकै रहने बताइएको थियो ।
कार्यक्रममा प्रमुख अतिथीको रुपमा रहनु भएका ढोरपाटन नगरपालिका प्रमुख प्रशासकिय अधिकृत विष्णु प्रसाद ज्ञवालीले वोल्दै समाज रुपान्तरणका निम्ती आफु परिवर्तन हुनुपर्ने र समाजमा हुने लैँगिक हिँसा, बालबिवाह, बहु बिवाहका कारण परिवारदेखि समाज सम्म असर गर्ने बताउँदै त्यसका निम्ती सबैले सचेतना अपनाउनु पर्नेमा जोड दिनुभयो । वडा अध्यक्ष वान बहादुर छन्त्यालको अध्यक्षतामा आयोजित कार्यक्रम वडा सचिव देवेन्द्र वस्यालले सञ्चालन गर्नुभएको थियो । वडा कार्यालयकै आयोजनामा उत्तरगँगा नमुना माध्यमिक विद्यालयमा समेत सचेतना कार्यक्रम केहि दिन पहिले सम्पन्न गरिएको बताइएको छ ।

तमानखोला गाउँपालिकाद्धारा ११३ औँ अन्तराष्ट्रिय नारी दिवश विभिन्न कार्यक्रमका साथ मनाइएको छ ।
“लैँगिक समानताको बलियो आधार ः सिर्जनात्मक प्रविधिमा महिला पहुँचको विस्तार” भन्ने मुल नाराका साथ बोङगादोभान बजार परिक्रमा गर्दे विभिन्न कार्यक्रम गरी मनाइएको हो ।

आयोजित कार्यक्रमका अवसरमा प्रमुख अतिथीको रुपमा गाउँपालिका अध्यक्ष जोकलाल बुढाले शुभकामना मन्तव्य सहित आफनो धारणा राख्दै मुलुकको परिवर्तनमा महिला सहभागिता अपरिहार्य रहेको बताउनु भयो । राजनैतिक परिवर्तन देखि समाज रुपान्तरणमा महिलाको भुमिका उत्तिकै महत्वपूर्ण रहेको बताउँदै हरेक नेतृत्वमा महिला सहभागिता सक्रिय रहनु पर्ने बताउनु भयो ।

आयोजित कार्यक्रमका अवसरमा गाउँपालिका उपाध्यक्ष हिरा कुमारी छन्त्याल, पूर्व गाउँपालिका उपाध्यक्ष मानशरी शेरचन, वडा अध्यक्ष कार्यपालिका सदस्य लगाएतको आतिथ्यता एवंम शुभकामना मन्तव्य रहेको थियो ।

पालिकाले आयोजना गरिएको कार्यक्रममा हाजिरी जवाफ प्रतियोगिता, बेलुन फुटाउने प्रतियोगिता र वक्तृत्व कला प्रतियोगिता सञ्चालन गरिएको थियो । विभिन्न आमा समुहले सहभागिता जनाएका हुन ।

फाल्गुन २४ गते बुर्तिबाङ
पश्चिम बागलुङकै शैक्षिक धरोहरको रुपमा रहको निसीभुजी जनता क्याम्पसको बुधबार १० औँ अधिवेशन सम्पन्न भएको छ ।
अधिवेशनबाट नयाँ कार्यसमितीमा सर्वसहमतीबाट डा. शान्तराज शर्मा अध्यक्षमा चयन हुनुभएको हो । यहाँ स्थित दलीय प्रतिनिधी, प्रध्यापक, पुर्व क्याम्पस व्यवस्थापन समिती पदाधिकारी लगाएतको विशेष छलफलबाट २१ सदस्य क्याम्पस व्यवस्थापन समितीको गठन गरिएको छ । समितीको उपाध्यक्षमा हरि बहादुर कुवंर, कोषाध्यक्ष कमला अर्याल चयन हुनुभएको हो । सदस्यमा क्रमश तारानाथ पौडेल, टँक प्रसाद पौडेल, जोकलाल बुढा, मेषलाल शर्मा, निल बहादुर पुन, गौमती कुमाल, ज्ञान प्रसाद कंडेल, दिपक थापा, कुलपति सापकोटा, पूर्ण बहादुर वि.क. चयन हुनुभएको छ ।

त्यस्तै पदेन तर्फ सचिव क्याम्पस प्रमुख कृष्ण कान्त आर्चाय, सदस्यमा चन्द्रलाल अर्याल, बान बहादुर छन्त्याल, ऋषिराम शर्मा, ढालेन्द्र छन्त्याल, गुञ्जमान घर्ति र एकजना प्रध्यापक प्रतिनिधी र त्रिवी प्रतिनिधी चयन गर्ने गरि दुई पद रिक्त राखिएको छ ।
त्यस्तै ६ सदस्य सल्लाहकार समिती गठन गरिएको छ । समिती सदस्यमा ढोरपाटन नगरपालिका मेयर देवकुमार नेपाली, पुर्व क्याम्पस व्यवस्थापन समिती अध्यक्ष धिर प्रताप सिँह, तुल्सिराम अर्याल, समाजसेवी हर्कबहादुर गुरुङ, वडिगाड गाउँपालिका अध्यक्ष गण्डकी थापा र निसीखोला गाउँपालिका अध्यक्ष सुर्य बहादुर घर्तिलाई चयन गरिएको हो । नवगठित समितीका अध्यक्ष शान्तराज शर्मा हाल काठमान्डौमा रहेका कारण भर्चुअल बैठकबाट उहाँलाई अध्यक्ष पदमा चयन गरिएको हो । अध्यक्ष र सबै प्रतिनिधीको उपश्थितीमा केहि दिनमै पदभार ग्रहण हुने निर्वाचन समितीले जनाएको छ ।

फाल्गुन २३ गते
तमानखोला गाउँपालिकाले पालिका भित्रका विभिन्न वस्तिका खेति योग्य जमिनलाई पकेट क्षेत्रको रुपमा विस्तार सुरु गरेको छ ।
गाउँपालिकाले वडा नं. ४ को लाम्मेलालाई आलु पकेट क्ष्ोत्रको रुपमा घोषणा गरेर कार्यक्रम अगाडी बढाएको हो । प्रधानमन्त्रि कृषि आधुनिकीकरण परियोजना अन्र्तगत उक्त वडालाई आलु पकेट क्षेत्र घोषण गरेर कृषकका निम्ती यान्त्रीकरण, मेशिनरी सामाग्रि, विउमा अनुदान साना सिंचाई परियोजना लगाएतका कार्यक्रम अगाडी बढाउने गरि प्रत्यक बर्ष बजेट विनीयोजन गर्ने गरिएको कृषि शाखा प्राविधिक शन्देश पराजुलीले बताउनु भयो । तमान गाउँका ३ सय पचास बढि घरका कृषकले आलु उत्पादन गर्दे आएका छन ।
विगत लामो समयदेखि आलु उत्पादन गर्दे आएका त्यहाँका किसानका निम्ती पकेट क्षेत्र घोषणा गर्दे गर्दा कृषकलाई व्यवसाहीक बन्न र उत्पादन बृद्धि गर्न थप सहज हुने वडा अध्यक्ष छ प्रसाद श्रीपालीको भनाई छ । प्रति घर कम्तिमा ५ कुइन्टल देखि माथी ३० कुइन्टल सम्म यहाँका कृषकले सिजनमा आलु उत्पादन गर्दे आएका छन ।
पालिकाले वडा नं. ४ सहित वडा नं. ६ को नर्जाखानी, वडा नं. २ को मुठाचौर, लगाएतका स्थानमा समेत आलु पकेट क्षेत्र विस्तार कार्यक्रम अगाडी बढाएको हो । अन्य वडामा समेत आलु उत्पादन हुँदै आएको क्षेत्रमा यस वर्ष विस्तार कार्यक्रम अगाडी बढाइने कृषि प्राविधिक शन्देश पराजुलीको भनाई छ ।
यसबर्ष नयां कार्यक्रम अन्र्तगत रु १० लाख र पुरानो निरन्तरता अन्र्तगत ६ लाखगरि १६ लाख बजेट विनीयोजन भएको गाउँपालिका प्रमुख प्रशासकिय अधिकृत इश्वर लाल शाक्यको भनाई छ ।
गाउँपालिकाको आर्थिक उर्पाजनको माध्ययम कृषि हो त्यसलाई व्यवसाहीकरण र नयां प्रविधी अनुसार अगाडी बढाउने लक्ष्य पालिकाले लिइएको छ । जहाँ जुन चिज उत्पादन हुन्छ त्यहां थप प्रविधिको प्रयोग गरेर व्यवसाहीक रुपमा कृषकलाई हौसला मिल्ने गरी पालिकाले काम गर्ने गाउँपालिका अध्यक्ष जोकलाल बुढाको भनाई छ ।

फाल्गुन २० गते तमानखोला
तमानखोला गाउँपालिकाको आयोजनामा पालिकाको ६ वटै वडामा सार्वजनिक सुनुवाई कार्यक्रम सम्पन्न भएको छ । गाउँपालिका तथा वडा स्तरबाट भइरहेका काम तथा सेवा प्रवाहका सन्दर्भमा नागरिकका गुनासो, चासो, सुझाव सल्लाह सुन्दै र त्यसको सम्वन्धित निकायबाट जवाफ सहित सबै वडा तहमा सार्वजनिक सुनुवाई कार्यक्रम सम्पन्न भएको हो ।
नगरिकको चासो, गुनासो र जिज्ञासाको समिश्रण सहित जनप्रतिनिधी लाई जनता प्रति उत्तरदायी वनाउने,आर्थिक बर्ष २०७९÷०८० को वडा स्तरमा विनीयोजन भएको बजेट योजना, निती कार्यक्रम र भइरहेका काम प्रतिको प्रभावकारीता, वडा र पालिका तर्फ प्रशासन तथा कर्मचारीबाट हुने गतिविधी,विकास निर्माणमा जनताको सहभागिता लगाएतका विषयमा जनताको धारणा सुन्ने र जनताको प्रश्न गुनासोको सम्वन्धित निकायबाट जवाफ दिँदै कार्यक्रम सम्पन्न गरिएको हो ।
जनताबाट सुझाव सल्लाह लिँदै वडा तथा पालिका लाई समृद्ध एवम जनप्रतिनिधी र कर्मचारी लाई जनताप्रति उत्तरदायी वनाउने र जनप्रतिनीधी, कर्मचारी र जनता विचको दुरीलाई नजिक बनाउँदै अगाडी बढ्ने उदेश्य सहित कार्यक्रमको आयोजना गरिएको गाउँपालिका अध्यक्ष जोक लाल बुढाले बताउनु भयो ।
सामुदायिक रेडियो ढोरपाटनको सहजिकरणमा सञ्चालित पहिलो चरणमा वडा स्तरमा सञ्चालन गरिएको र दोश्रो चरणमा पालिका स्तरीय सार्वजनिक सुनुवाई कार्यक्रम सञ्चालन गरिने अध्यक्ष बुढाको भनाई छ । गत फाल्गुन १५ गते वडा नं. ६ नर्जाखानी देखि सुरु भएको कार्यक्रम शनिवार २० गते वडा नं. २ मा पुगेर सम्पन्न भएको हो ।

आयोजित कार्यक्रममा स्थानीयबासीको व्यापक उपश्थिती रहेको हो । संघियता कार्यान्यन संगै स्थानीय तह आएको ६ बर्ष पुग्नै लाग्दा दुर्गम मानिएको तमानखोला गाउँपालिकामा धेरै विकास निर्माणले गति लिइसकेको सहभागिले बताएका छन ।
पालिका र वडाको सक्रियतामा जनप्रतिनिधी कर्मचारी बाट नागरिकको समस्या सम्वोधन गर्ने, नागरिकको अपेक्षा वमोजिम विकास निर्माणमा हातेमालोे गरिँदै आएको बताउँदै अवका दिनमा तमानखोला गाउँपालिका र वडा तहबाट आर्थिक समृद्धि, चेनता स्तर बृद्धि , शैक्षिक गुणस्तरमा विकास जस्ता विषयलाई प्राथमिकता दिनुपर्ने सहभागिले जोड दिएका हुन ।
हालसम्म पालिकाको ध्यान भौतिक विकास तर्फ गएको बताउँदै अवको लगानी रोजगारी सृजना, कृर्षि पशु क्षेत्रको व्यवसाहीक विस्तार र विकास, शिक्षा क्षेत्रतर्फ व्यवसाहीक र थप परिमार्जन सहितको गुणस्तरीय शिक्षा आवस्यक रहेको अधिकांसको सुझाव थियो । गत बैसाखमा भएको स्थानीय तह निर्वाचनमा निर्वाचित भएर आएका जनप्रतिनिधी बाट हाल सम्म जनताको सुझाव लिएर काम गर्ने परिपाटि रहेको बताउँदै जनतालाई प्रत्यक्ष प्रभाव पर्ने खालका कार्यक्रम पालिकाले ल्याउनु पर्ने लगाएतका धारणा सहित प्रश्न, सुझाव र गुनासो व्यक्त गरेका हुन ।

सार्वजनिक सुनुवाई कार्यक्रमले जनताको चासो, गुनासो र सुझावलाई महत्वपूर्ण स्थान दिएका कारण यस्ता कार्यक्रमलाई प्राथमिकता दिनुपर्ने बताएका थिए । सहभागिहरुले आफनो धारणा संगै सुझावलाई प्राथमिकता दिइएको पाइएको छ । कार्यक्रममा नागरिकबाट आएका लिखित, मौखिक प्रश्न सुझाव र गुनासा र जिज्ञासाको सम्वन्धित वडाका वडा अध्यक्षले जवाफ दिँदै नागरिक बाट आएका प्रश्न, सुझाव र धारणाले आफु लगाएत जनप्रतिनिधी र कर्मचारीलाई थप परिमार्जित रुपमा काम गर्न सहज हुने बताउँदै नागरिकबाट आएका सुझाव लाई मनन गरेर अगाडी बढ्ने बताए ।

फाल्गुन १५ गते वडा नं. ६ मा वडा अध्यक्ष चित्रबहादुर छन्त्यालको अध्यक्षतामा सम्पन्न भएको थियो वडा नंं. ५ मा फाल्गुन १६ गते वडा अध्यक्ष हिरा बहादुर विश्वकर्माको अध्यक्षतामा सम्पन्न भएको छ वडा नं. ३ मा फाल्गुन १७ गते वडा अध्यक्ष झक बहादुर बुढाको अध्यक्षतामा सम्पन्न भएको थियो त्यस्तै वडा नं. ४ मा फाल्गुन १८ गते छ प्रसाद श्रीपालीको अध्यक्षतामा कार्यक्रम सम्पन्न भएको हो ।
वडा नं. १ मा वडा अध्यक्ष थम बहादुर रोकाको अध्यक्षता गाउँपालिका प्रमुख प्रशासकिय अधिकृत इश्वर लाल शाक्यको विशिष्ठ आतिथ्यता मा कार्यक्रम सम्पन्न भएको हो । शनिवार फाल्गुन २० गते वडा नं. २ मा वडा अध्यक्ष नारायण सुनारको अध्यक्षता, प्रमुख प्रशासकिय अधिकृत इश्वर लाल शाक्यको विशिष्ठ आतिथ्यता मा कार्यक्रम सम्पन्न भएको हो । कार्यक्रममा वडा तथा पालिकाको तर्फदेखि वडा अध्यक्ष कार्यपालिका सदस्य, प्राविधिक, रोजगार शाखाका सम्योजक लगाएतको सहभागिता रहेको थियो । त्यस्तै स्थानीय वडा बासिको तर्फदेखि राजनैतिक दलका प्रतिनिधी, क्लब, शिक्षक, टोल विकास संस्थाका प्रतिनिधी, आमा समुह, स्वास्थ्यकर्मी, विभिन्न उपभोक्ता समिती पदादिकारी, समाजसेवी, स्थानीय बासी लगाएतको सहभागिता रहेको थियो ।

नागरिकका समस्या बुझ्न, उनिहरुले दिएको सुझावलाई ग्रहण गर्दे परिमार्जन सहित अगाडी बढ्न र सेवा प्रवाह, विकास निर्माणलाई चुस्त दुरुस्त पार्नमा सार्वजनिक सुनुवाई कार्यक्रम आयोजना गरिएको बताउँदै नागरिकबाट आएका जिज्ञासा सुझाव र प्रश्नको जवाफ दिइएको र दोश्रो चरणमा पालिका स्तरीय सार्वजनिक सुनुवाई मार्फत नागरिकका थप समस्या, गुनासो सुझाव सुन्ने र त्यसको जवाफ दिने गरि पालिकाले कार्यक्रम अगाडी बढाएको प्रमुख प्रशासकिय अधिकृत इश्वर लाल शाक्यले बताउनु भयो ।

कार्यक्रम सामुदायिक रेडियो ढोरपाटनका स्टेशन प्रमुख छविलाल पाण्डेको सहजिकरण समाचार सहायक विनोद विश्वकर्माको सञ्चालनमा सम्पन्न भएको हो ।

फाल्गुन १४
तमानखोला गाउँपालिकाले आर्थिक बर्ष २०७९÷०८० मा विनीयोजन भएको बजेट र योजना मध्ये पचास प्रतिशत योजना सम्झौता सम्पन्न गरेको छ ।
आगामी जेठ १५ सम्म यस वर्षको योजना सम्पन्न गर्ने गरि काम अगाडी बढाएको पालिकाले दोश्रो चौमासिकको फाल्गुन पहिलो सातासम्म २५ प्रतिशत बढि योजनाको भुक्तानी समेत दिइसकेको गाउँपालिका प्रमुख प्रशासकिय अधिकृत इश्वरलाल शाक्यले बताउनु भयो ।
कुल १२० योजना मध्ये २० भन्दा बढिको सम्झौता भएर पनी काम सकिएको र बाँकी योजना मध्ये कतिपय सम्झौता भएर काम अगाडी बढेको र केहि टेन्डरका योजना प्रकृयामा रहेको बताउनु भयो । पालिकाको कार्यक्रम अन्र्तगत यस बर्ष वढिमात्रामा शिक्षा, स्वास्थ्य, र पूर्वाधार निर्माणका काममा बढि बजेट भएका कारण तिव्र गतिमा काम भइरहेको शाक्यको भनाई छ ।
भौगोलिक कठिनाई, बर्षातको समयमा काम गर्न असहज, चाडपर्व तथा निर्वाचनका कारण मंसिर दोश्रो सातादेखि काम सुरु गरेपनी निर्धारित समयमा योजनाको काम सम्पन्न गर्ने गरि पालिका अगाडी बढेको बताउनु भयो । गाउँपालिकाको संघ सरकार र प्रदेश सरकार मार्फत प्राप्त योजनाको काम पनी निर्धारित समयमा सम्पन्न गर्ने गरि टेण्डर प्रकृया अगाडी बढेको बताइएको छ ।

बुर्तिबाङ फाल्गुन १३ गते
निसीखोला गाउँपालिकाले हालसम्म १२,५५८ जनालाई हात्तिपाईले रोग विरुद्धको औषधि खुवाएको छ । कुल जनसँख्या मध्ये ५२.८ प्रतिशत नागरिकले औषधिको सेवन गरिसकेको र अन्यका लागी अभियान जारी रहेको निसीखोला गाउँपालिका स्वास्थ्य सम्योजक टोप बहादुर चन्दले बताउनु भयो ।
कुल २३,७९४ मध्ये गर्भवती, दिर्घ रोगी, २ बर्ष मुनिका बालवालिका लाई बाहेक अन्यका लागी औषधी खुवाउने अभियान जारी रहेको बताइएको हो । स्वास्थ्य कर्मी र महिला स्वास्थ्य स्वयंम सेविकाको प्रत्यक्ष सहभागितामा घर घरमै पुगेर औषधी खुवाउने अभियान जारी राखिएको स्वास्थ्य सम्योजक चन्दले बताउनु भयो । यसबर्ष १४ औँ पटक बागलुङमा हात्ति पाइले रोग विरुद्धको औषधी खुवाउन थालिएको र यसै वर्ष अन्तिम बर्षको रुपमा लिने गरी अभियान अगाडी बढाइएको हो । औषधी खान नचाहानेका लागी समेत स्वास्थ्य कर्मीले सम्झाई बुझाई औषधी खुवाइरहेको चन्दको भनाई छ ।
तमानखोला गाउँपालिकाले पनी अभियानलाई तिव्रता दिएको छ गाउँपालिका स्वास्थ्य सम्योजक तिलक छन्त्यालका अनुसार हालसम्म ७६२२ जनाले औषधी सेवन गरिसकेको र बाँकी ३९०९ जनालाई खुवाउन बाँकी रहेको बताउनु भयो । तमानखोला गाउँपालिकामा समेत स्वास्थ्य कर्मी, जनप्रतिनिधी, कर्मचारी, महिला स्वास्थ्य स्वयंम सेवीका लगाएतको सक्रियतामा अभियान जारी रहेको हो ।
ढोरपाटन नगरपालिकाले समेत अभियानलाई तिव्रता दिएको छ हालसम्म औषधी खान मिल्ने २९ हजार मध्ये हालसम्म २१,८९५ जनाले औषधी सेवन गरिसकेका छन औषधी खान योग्य सँख्याको कुल ७४ दशमलव २३ प्रतिशत नागरिकले औषधी सेवन गरेका हुन अभियान जारी रहेको ढोरपाटन नगरपालिका स्वास्थ्य सम्योजक केशव थापाले बताउनु भयो ।