विनोद विश्वकर्मा,बुर्तिवाङ, बागलुङ
जिल्लाको निसीखोला गाउँपालिका वडा नं ४ मा विद्युत गृह रहेर सञ्चालित निसीखोला दोस्रो लघु जलविद्युत आयोजनाको विगत ४ वर्ष देखी साधरण सभा समेत नभएको पाईएको छ ।
प्रत्येक वर्ष वार्षिक साधरण सभा गर्नु पर्ने भए पनि गत २०७५ चैत्र ८ गते वार्षिक साधरण सभा गरिएको थियो त्यस यता ४ वर्ष वित्दा पनि समितिले साधारण सभा गर्न सकेको छैन । यतिका समय सम्म साधरणसभा तथा आय व्यय कुनै सार्वजनिक नगर्नु स्थानिय उपभोक्ताले अर्थिक हिनामिना गरेको कारण हुन सक्ने भन्दै आसंका व्याक्त गरेका छन् ।
स्थानिय उपझोक्ता डिलाराम सापकोटाले जनता बाट प्रत्यक्ष रुपमा उठेको मासिक शुल्क तथा लगानि कहाँ कसरी लगानि भएको छ भन्ने विषय जानकारी राख्न पाउनु पर्ने बताए । “मैले प्रत्यक्ष तथा अप्रत्यक्ष रुपमा बारम्बार साधारणसभा गरौ भन्दै आएको छु ,समितिले कहिले लेखा समितिको बैठक नबसेको त कहिले तत्काल वस्ने भन्दै आएको आउनु भएको छ , तर अहिले सम्म कुनै टुङ्गो छैन, समितिले हाम्रो कुरालाई वास्तै गदैन ” सापकोटाले भन्नु भयो ।
अर्का उपभोक्ता विमल शाहीले आर्थिक हिनामिना गरेर भद्रगोल भएर समयमानै बैठक बस्न नसकेको आसंका व्याक्त गरेका छन् । “समितिमा नै बैठक बस्नको लागि समझदारी गर्न नसकेको होकी ? उपझोक्ता बाट विद्युत गृहमा तालाबन्दी गर्ने भनिएको थियो तालाबन्दीले जनतालाईनै समस्या हुने कारण विकल्पमा उपभोक्ता बाट समिति निमार्ण गरेर सञ्चालक समितिको घरको लाई काट्ने भने पछि उहाहरुले तत्काल काम गछौ भन्नु भएको हो तर अहिले सम्म पनि भएको छैन ” शाहीले भन्नु भयो ।
त्यस्तै अर्का उपभोक्ता मन प्रसाद आर्चयले समितिको कामबाट कोही जनता सन्तुष्ट नभएको बताए । “उपभोक्तालाई मर्का छ , कसै उपभोक्ता दुखी गरीवलाई महशुल तिर्न नसक्दा जरिवाना सहित तिर्नु पर्छ, त्यसरी जम्मा गरेको पैसा छ ,सिष्टममा चल्न नसक्नु दुखद कुरा हो ” आर्चाय ले भने ।
समितिका अध्यक्ष लोकिश्वर पौडेलले भने समितिको तर्फबाट गल्ती भएको स्वईकार गरेका छन् । अघिल्लो २ वर्ष कोभिडको कारणले गर्न नसकियको र पछिल्लो समयमा निर्वाचनको कारणले समेत गर्न नसकिएको जवाफ दिएका छन् ।
खर्च सार्वजनिक गर्न आतुर छौ लेखा समितिले तत्काल खर्चलाई अडित गर्दिए सार्वजनिक गर्न तयार रहेको अध्यक्ष पौडेलले बताए । अध्यक्ष पौडेलले आर्थिक हिनामिना भएर साधारण सभ गर्न नसकेको भने नभएको स्पष्टोति दिएका छन । “समिति बाट कमजोरी भयो त्यसलाई हामि स्वाईकार गर्दछौ,प्रत्येक वर्ष साधारणसभा गर्नु पर्ने , ६ महिनामा खर्च सार्वजनिक गर्नु पर्ने हो । तर नियत वस हामिले साधारण सभा नगरेको भने हाईन” अध्यक्ष पौडेलले भने । अध्यक्ष पौडेलले सवै तयारी पुरा गरी यही जेष्ठ महिना भित्र साधारण सभा गर्ने बताएका छन् ।
उता सञ्चालक समितिका सचिव ढालेन्द्र हमाल “मिलन”ले भने प्रत्येक वर्ष साधरण सभा गर्ने विधानमा नै नभएको र प्रत्येक ४ वर्षमा गर्ने व्यावस्था भएको गैर जिम्मेवार जवाफ दिएका छन् । अधिल्लो समितिले पनि नगरेको त्यसकारण पनि आफुहरुले पनि नगरेको सचिव हमालले जवाफ दिएका छन् ।
यस विषयमा लेखा समितिका संयोजक उमानन्द रेग्मी संग बुझ्न खोज्दा समितिले पहिले एक पटक अडिटको लागि बोलाएको तर अडिटमा विरभरपाई चित्ता बुझ्दो नदिएको र बैँक स्टेडमेन्ट पनि चित्त बुझ्दो उपलब्ध नबनाएको बताएका छन् लघुजलविद्युत आयोजना अहिले शककारीमा समेत दर्ता भए संगै सहकारी ऐन चल्नु पर्ने तर त्यसो हुन नसकेको बताए । अव समितिले सबै उपलब्ध गराए लेखा समिति बसेर अडिट गर्न तयार रहेको बताएका छन् ।
विद्युतले निसीखोला गाउँपालिका वडा नं ३ ,र ४ को साविक बोहरागाउँ गा वि स सहित निसी गा वि सको करिव १२ सय घरधुरीलाई सेवा प्रदान गदै आएको छ ।
१ सय किलोवाटको उक्त जलविद्युत आयोजना निमाणको लागि २०६४ मंसिर १८ बाट निमाण समिति बनाएर निमाण गर्न लागिएको थियो ।
विद्युत बाट मासिक रुपमा उपभोक्ता महशुल मार्फत १ लाख भन्दा बढी रकम संकलन हुने गरेको छ ।
