जेठ २९ गते बुर्तिबाङ
ढोरपाटन नगरपालिकाका मेयर तथा इमेज वचत तथा ऋण सहकारीका अध्यक्ष देवकुमार नेपाली सहकारीको करोडौँ रकम हिनामिना गरि फरार भएको २४ दिन बितिसक्दा समेत अझै सम्पर्क बिहिन बनेका छन ।

बुर्तिबाङ, गल्कोट, बागलुङ र पोखरामा शाखा रहेको सहकारीबाट करिब दुई अर्व बढि रकम हिनामिना गरेर फरार नेपाली परिवार सहित सम्पर्क बिहिन हुँदै गर्दा वचत कर्ता मारमा परेका हुन ।
मेयर नेपाली फरार भएसंगै बागलुङमा मात्रै ७ सय बढि बचत कर्ताले सञ्चालकलाई प्रकाउ गरि आवस्यक कार्वाही प्रकृया अगाडी बढाउन माग सहित जिल्ला प्रशासन कार्यालयमा उजुरी दर्ता गराइसकेका छन । आगामी जेठ ३२ गतेसम्म उजुरी दर्ता गर्न वचत कर्तालाई अपिल गर्दे संघर्ष समितीले आब्ह्वान समेत गर्दे आएको हो ।
नेपाल प्रहरीको केन्द्रीय अनुसन्धान ब्युरो सीआईबीले जेठ १६ गते नेपालीसहित पदाधिकारीले बचतकर्ताको अर्बौं रकम अपचलन गरी संगठित ठगी गरेकाले उनीहरुविरुद्ध उजुरी लिन पत्राचार गरेको थियो ।
जिल्ला प्रहरी कार्यालय बागलुङले जेठ २१ गते बचत रकमसहित प्रमाण जुटाएर उजुरी दिन आह्वान गरेको थियो । जसअनुसार आइतबार बेलुकासम्म ७०७ जनाले रकम मागदाबीसहित उजुरी गरेको र अझै ४ हजारभन्दा बढी संख्यामा बचतकर्ताको उजुरी आउनसक्ने अनुमान गरिएको जिल्ला प्रहरी कार्यालय बागलुङका डिएसपी मदन केसीले जानकारी दिए ।
आइतबार बेलुकासम्म आएका ७०७ जनाको उजुरीमा ८४ करोड ४६ लाख रुपैयाँ बचत रकम पाउनुपर्ने दाबी गरिएको छ,’ डीएसपी केसीले भने, ‘अझै ४ हजार बढी बचत कर्ता रहेको अनुमान छ ।’
इमेज सहकारीको बागलुङ बजार, गलकोट र बुर्तिबाङमा गरी ३ वटा शाखा बागलुङमा मात्र छन् भने पोखरा सिर्जनाचोकमा समेत यसको शाखा छ । पोखरा सिर्जनाचोकमा रहेको सहकारीका बचतकर्ताले पोखरा महानगरको सहकारी महाशाखा र जिल्ला प्रहरी कार्यालयमा धाइरहेका छन् । बागलुङ र पोखरा दुबै ठाउँमा बचतकर्ताका संघर्ष समिति नै बनाएर धर्ना तथा दबाब कार्यक्रम गरिरहेका छन् ।
बुर्तिबाङमा १२ करोड, गल्कोटमा १८ करोड र बागलुङमा १ अर्व भन्दा बढि रकम बचत कर्ताले सहकारीमा राखेका थिए । यहाँपनी संघर्ष समिती बनाएर अगाडी बढिएको छ । गल्कोट र बुर्तिबाङका बचतकर्ताले आइतबार साँझदेखि बुर्तिबाङ स्थित इमेज बचत तथा ऋण सहकारीको कार्यालय राखिएको होटल दरबारको भवनमा धर्ना दिईरहेका छन ।
शनिबार राती मेयर नेपालीका आफन्तले दरबार होटलमा राखिएका लत्ता कपडा लगाएतका विभिन्न सामान गाडीमा राखेर बाहिर लैजाँदै गर्दा स्थानीयले दिएको जानकारीको आधारमा प्रहरीले उक्त सामान नियन्त्रणमा लिएको थियो ।
उक्त घटना पश्चात बचत कर्ता थप आक्रोसित बन्दै गएका हुन मेयर नेपालीले योजना बद्ध ढँगले यस्ता हर्कत गरिहरहेको बताउँदै राज्यले चाँडो भन्दा चाँडो कानुनी दायरामा ल्याउन अपिल गर्दे आइरहेका छन । मेयर नेपाली आफु फरार हुनुभन्दा केहि दिन पहिले आफनो र श्रीमतीको नाममा रहेको बुर्तिबाङ बजारको घर जग्गा आफन्तीको नाममा विभिन्न १५ कित्ता जग्गा नामसारी गरेको पाइएको हो ।
उक्त जग्गा संघर्ष समितीको नाममा पास हुनुपर्ने माग सहित बचत कर्ताले गल्कोट र बुर्तिबाङ तथा आसपासका क्षेत्रबाट आएर आइतबार दिउँसो देखि धर्ना दिएका छन । जेठ ३२ गतेसम्म जिल्ला प्रशासन कार्यालयमा उजुरी दिने गरि सबै वचत कर्तालाई आग्रह समेत गरिएको बुर्तिबाङ संघर्ष समितीका संम्योज यम बहादुर कुवँरले बताए ।
पोखराका इमेज पीडित संघर्ष समिति, पोखराका अध्यक्ष हरिबहादु खत्रीले महानगर र प्रहरी कार्यालयमा धाइरहेको भए पनि यसै हुन्छ भन्ने अवस्था नरहेको र प्रहरीले उजुरीसमेत नलिएको बताए ।
पोखरामा सञ्चालक समिति नै कीर्ते गरेर राखिएको भन्दै पदाधिकारीले नै प्रहरीमा उजुरी दिएको खत्रीले बताए । ‘महानगरले वैशाख ३ गतेतिर संस्थापक अध्यक्ष देवकुमारसहित बैठक राखेर हिसाब मिलाउने छलफल गराएको थियो, तर २ दिनपछि नै अध्यक्ष फरार भए’, खत्रीले भने, ‘पोखरामा ५ वर्ष अघि नै विदेश गइसकेका व्यक्ति पनि सञ्चालक समितिको सदस्य भएको पाइएको छ ।’
पोखरामा करिब ५० करोड बचतकर्ताको रकम हिनामिना भएको र करिब २० करोड बचतकर्तालाई भौचर दिएर सिस्टममा नराखिएको अनुमान गरिएको खत्रीको भनाइ थियो । जिल्ला प्रहरी कार्यालय कास्कीका इन्स्पेक्टर श्रीराम तिमिल्सिनाले अझै केही अनुसन्धानकै क्रममा रहेकाले उजुरी नलिइएको जानकारी दिए । मेयर नेपाली गत जेठ ५ गतेदेखि फरार रहेका छन उनि अहिले सम्म कहाँ छन भन्न्ो विषयमा पत्ता लाग्न सकेको छैन । त्यस्तै सञ्चालक समतिमा रहेका केहि सदस्य समेत फरार रहेको पाइएको छ ।

बुर्तिबाङ जेठ २६ गते
सिवाईसी नेपालको आयोजना तथा सिवाईसी वचत तथा क्रण सहकारी सँस्थाको साझेदारीमा बुर्तिबाङमा सहकारी सचेतना मुलक कार्यक्रम शुक्रबार सम्पन्न भएको छ ।
“जागौँ, जगाऔँ र जोगाऔँ ” भन्ने अभियान सहित जिल्लाका विभिन्न स्थानमा सेयर सदस्य, स्थानीय नागरिकका विचमा सचेतना कार्यक्रम अगाडी बढाउँदै आएको सँस्थाले बुर्तिबाङ बजारमा सेयर सदस्य, शिक्षक, विद्यार्थी, कर्मचारी, महिला स्वास्थ्य स्वयमं सेविका लगाएतका विचमा सचेतना मुलक कार्यक्रम सम्पन्न गरिएको हो ।
सिवाईसी बचत तथा क्रण सहकारी सँस्थाका केन्द्रिय अध्यक्ष चण्डीप्रसाद सर्मा पौडेलले कार्यक्रममा प्रशिक्षण दिँदै सहकारी सेयर धनीको साझा सँस्था भएको बताउँदै त्यसलाई फलाउन फुलाउन सेयर सदस्यको महत्वपूर्ण भुमिका रहने बताउनु भयो ।
पछिल्लो समय बागलुङमा केही सहकारीहरु लाखौँ रकम हिनामिना गरेर सञ्चालक भाग्दै गर्दा सहकारी प्रति नागरिकको नैराश्यता बद्दै गर्दा अध्यक्ष पौडेलले जनताको मर्म र भावना अनुसार सेयर सदस्यकै सक्रियतामा खुलेका सहकारी कहिल्यै बन्द नहुने उल्लेख गर्दे सहकारी मर्म भावना विपरित केही व्याक्तिको स्वार्थमा खोलिएका सहकारी बन्द भइरहेको प्रस्ट पार्नुभयो ।
‘नागरिकको बचत सुरक्षा र भविष्य संग जोडिएर डेढ दशक पहिले स्थापना भएको सिवाईसी सहकारीले सबैको मन जित्दै हालसम्म २५ हजार बढि सेयर सदस्य, २५ सेवा केन्द्र, उत्कृष्ट विज्ञ सञ्चालक समितीसंस्थागत पुँजीलाई बृद्धि गर्दे सेयर सदस्यको विचमा सेवा प्रवाह गरिरहेको बताउँदै यसलाई सेयर सदस्यले नै थप जिम्मेवार बनेर अगाडी बढाउनु पर्ने बताउनु भयो ’ ।
हल्लाको पछि लाग्दै गर्दा तथ्य नबुज्दा नागरिकमा भ्रम सृजना भएको प्रस्ट पार्दे सहकारीको भुमिका र अबस्थाको विषयमा सेयर सदस्यले अध्ययन गर्नुपर्नेमा जोड दिनुभयो । पछिल्लो समय संस्थालाई थप व्यवस्थित र मझबुद बनाउन सेयर , लगानी लगाएतका विषयमा संस्थाले थप व्यवस्थित गर्दे गइरहेको बताउँदै हालसम्म धवलागिरी अञ्चलका ४ जिल्लामा सेवा प्रवाह गर्दे आइरहेको संस्थाले ३० वटा सहकारी संग एकिकरण गरेको र आगामी वि.स. २०९० सम्म ७५ हजार सेयर सदस्य, कुल पुँजीमा बृद्धि, सेवा प्रवाहलाई थप प्रविधी मैत्री बनाउँदै अगाडी बढ्ने लक्ष्य रहेको लक्ष्य प्रस्तुत गर्दे हाल सहकारीबाट विभिन्न २० प्रकारका सेवा सुविधा सेयर सदस्यले प्राप्त गरिरहेको प्रस्ट पार्नुभयो ।

1. 
   कार्यक्रमका सहभागिलाई आफनो गुनासो, सुझाव सल्लाह राख्न समय दिइएकोमा सहभागिले सिवाईसी वचत तथा क्रण सहकारी सँस्था आफैमा अब्बल रहेको बताउँदै सेयर सदस्य निर्धक्क भएर कारोवार गर्न अनुरोध गर्दे अन्य नागरिकलाई समेत सेयरमा समावेश गर्दे यहाँबाट प्राप्त हुने सेवा सुविधा लिन सुझाएका हुन ।
   सहकारीलाई नियमन गर्ने निकाय कमजोर हुँदा पनी व्याक्तिगत फाइदाका निम्ती चल्ने सहकारीहरुले नागरिकलाई दुख दिएको बताउँदै राज्यले नियमनमा कडाई गर्नुपर्नेमा सहभागिको जोड थियो ।
   कार्यक्रममा पत्रकार छविलाल पाण्डे, बुर्तिबाङ सेवा केन्द्रका परामर्स दाता हिरालाल पौडेल स्थानीय चन्द्रमणी गौतम, असारी वि.क. लगाएतको धारणा रहेको थियो । कार्यक्रम सँस्थाका कोषाध्यक्ष सिता सापकोटाको स्वागत, सहसचिव सुवास आर्चायको सञ्चालनमा कार्यक्रम सम्पन्न भएको हो ।

जेठ २४ गते बागलुङ

बचतकर्ताहरुको झण्डै २ अर्ब हिनामिना गरि फरार भएका इमेज सहकारीका अध्यक्ष देवकुमार नेपालीसहित अन्य संचालकहरुको विरुद्धमा ठगी गरेको भन्दै जिल्ला प्रहरी कार्यालय बागलुङमा जाहेरी दर्ता सुरू भएको छ।मंगलबार बचतकर्ताहरुले सम्बन्धित कागजातसहित जिल्ला प्रहरी कार्यालय बागलुङमा जाहेरी दिएका हुन् ।

आज ३७ जनाले अध्यक्ष नेपालीसहित सहकारीका संचालक विरुद्ध १४ करोड २२ लाख विगो रकमसहित जाहेरी दिएको जिल्ला प्रहरी कार्यालय बागलुङका प्रहरी उपरीक्षक मदन केसीले जानकारी दिनु भयो ।

बचतकर्ताले बचत सम्बन्धित कागजात सहित उजुरी दिएको केसीले जानकारी दिनुभयो ।मंगलबारबाट जाहेरी लिन सुरु गरेको र अनुसन्धान प्रक्रिया अगाडि बढाइएको प्रहरी निरीक्षक तथा अनुसन्धान अधिकृत दिपक बावु केसीले बताउनु भयो ।जाहेरी दर्ता गर्नेहरूको सङ्ख्या बढिरहेको प्रहरीले जनाएको छ ।

जिल्ला प्रहरी कार्यालयले सो सहकारीमा ठगी, रकम फिर्ता नभएको, रकम हिनामिनालगायतको विषयमा जाहेरी दरखास्त पेश गर्न बचतकर्तालाई सार्वजनिकरुपमै आह्वान गरेपछि जिल्ला प्रहरी कार्यालय पुगेका हुन् ।

नेपाल प्रहरीको केन्द्रीय अनुसन्धान व्युरो सिआइवि ले इमेज सहकारीका अध्यक्ष देवकुमार नेपालीसहित, कार्यवाहक अध्यक्ष डोर बहादुर परियार सचिव सुनिल नेपाली कोषाध्यक्ष लक्ष्मी सेन र संचालक सदस्यहरु चित्र बहादुर भण्डारी, रुपा विक र झग बहादुर शाही विरुद्ध बचतकर्ताहरुको अरबौ रकम अपचलन गरि संगठित ठगी गरेकोले उनीहरु विरुद्ध उजुरी लिन र अनुसन्धान अगाडि बढाउन जिल्ला प्रहरी कार्यालय बागलुङलाई जेठ १६ गते पत्राचार गरेको थियो ।

यो पत्र प्राप्त भएपछि जिल्ला प्रहरी कार्यालय बागलुङ प्रहरी उपरीक्षक योगेन्द्र कुमार खड्काले प्रहरी नायब उपरीक्षक मदन केसीको कमाण्डमा ९ सदस्यीय अनुसन्धान गर्ने टोलि गठन गरेको थियो ।

२०६९ सालदेखि बागलुङ सदरमुकाममा सेवा दिदै आएको इमेज सहकारीले बागलुङ बजारको साथै गलकोट, बुर्तिवाङमा सेवा केन्द्र र गण्डकी प्रदेशको राजधानी पोखरामा समेत कार्यालय संचालन गर्दैै आएको थियो ।तरलता अभाव भएपछि इमेज सहकारी बैशाखको पहिलो हप्तादेखि नै समस्याग्रस्त भएको थियो ।

सहकारीको फितलो नियमन र अनुगमनको फाइदा उठाउदै अध्यक्ष नेपालीले सहकारीको करोडौं रुपैयाँ आफूखुशी घर जग्गालगाएत विभिन्न क्षेत्रमा लगानी गरिरहेका थिए।

सहकारीको नियम विपरित उनले घर जग्गा धितो राखेर पनि लगानी गरि रहेको देखिन्छ । छोटो समयमा धेरै नाफा कमाउने क्षेत्रमा लगानी गर्दा बचतकर्ताहरुको अरबौ रकम जोखिममा परेको हो ।नेपालीले काठमाडौं, पोखरा, बागलुङ बजार र बुर्तिबाङ बजारमा घर जग्गामा लगानी गरेका थिए।

घरजग्गामा लगानी गरेको रकम कारोबारमा मन्दी आएपछि समस्यामा परेको र सहकारीमा तरलताको व्यापक अभाव देखिएपछि अध्यक्ष देवकुमार नेपालीसहित अन्य संचालकहरु जेठ ६ गतेदेखि फरार छन् भने अध्यक्ष नेपाली, श्रीमती छेला नेपाली र संचालक चित्र बहादुर भण्डारीको नाममा रहेको घर जग्गा, सेयर तथा बैंक खाता रोक्का भएको छ । त्यस्तै बुर्तिबाङ शाखामा मात्रै १२ करोड रकम रहेको भन्दै यहाँका पिडितहरुले संघर्ष समिती गठन गरेका छन । आज समितीका पदाधिकारी द्धारा मुद्धा दर्ता गरिएको छ अन्य बचत कर्ताले समेत समिती संग सम्पर्क गरेर मुद्धा दर्ताका निम्ती प्रकृया अगाडी बढाउने गरि तयारी गर्ने गरि जानकारी गराइएको समितीका सम्योजक यम बहादुर कुवंरले बताउनु भयो ।