असार ५
गत बैसाख महिनामा आफु फरार हुनु अगाडी आफनो र श्रीमतीको नाममा भएको जग्गा आफन्तीको नाममा धमाधम पास गरेर टाप कसेका ढोरपाटन नगरपालिका मेयर तथा इमेज सहकारीका सँस्थापक अध्यक्ष देवकुमार नेपालीले दिइएको जग्गा सहकारी पिडितले फिर्ता लिन सुरु गरेका छन ।
बुर्तिबाङ, बागलुङ, पोखरा र काठमान्डौमा नेपाली दम्पत्तिको नाममा रहेको जग्गा कतिपय बैँक तथा वित्तिय सँस्थामा कर्जामा रोक्का रहेपनी बुर्तिबाङ बजार तथा आसपासमा रहेका १३ कित्ता जग्गा मेयर नेपालीको भजिती र निजकी श्रीमती छेला नेपालीको भाजुको नाममा पास भएको पाइएको हो ।
उक्त १३ कित्ता जग्गा गत बैसाख अन्तिम हप्ता पास गराएर मेयर नेपाली जेठ ५ गते देखि हालसम्म फरार रहँदै आएका छन । त्यस्तै सोमबार गल्कोट र बुर्तिबाङमा रहेका इमेज सहकारी पिडित बचतकर्ताले माया नेपालीको नाममा पास गराईएको ३ कित्ता जग्गा फिर्ता गराएका हुन ।
संघर्ष समिती बुर्तिबाङका सम्योजक यम बहादुर कुवंरका अनुसार पिडितको नाममा जग्गा पास लिइएको र अन्य कित्ता समेत क्रमश पिडितको नाममा पास गर्ने गरि संघर्ष समिती अगाडी बढ्ने बताइएको छ ।
१३ कित्तामध्ये मेयर नेपाली बस्दै आएको भक्तपुरे घर सहित ५ वटा कित्ता मेयर नेपालीकी श्रीमती छेला नेपालीको भाउजु कमला गिरीको नाममा बैसाख २७ गते पास गरेको संघर्ष समितीको प्रतिवेदनमा उल्लेख छ ।

त्यस्तै देव कुमार नेपालीको भजितीहरु देवि नेपालीको नाममा ५ कित्ता, माया नेपालीको नाममा ३ कित्ता पास दिइएको पाइएको हो । उक्त कित्ता भएका सबै जग्गा मेयर नेपाली र उनकी श्रमती छेलाद्धारा बैसाख अन्तिम हप्ता पास दिएका थिय । सोमबार २० जना को नाममा ३ कित्ता जग्गा माया नेपालीद्धारा २० जनाको नाममा पास दिएको मालपोत कार्यालय बुर्तिबाङका प्रमुख सुर्य प्रसाद सर्माले बताउनु भयो । सहकारीमा वचत गरेका वचत कर्ताको बुर्तिबाङमा १२ करोड र गल्कोटमा १८ करोड बचत रहेको पाइएको हो ।

असार ४ गते बुर्तिबाङ
निसीखोला गाउँपालिकाद्धारा आर्थिक बर्ष २०८०÷०८१ म संचालन हुने बजेट तथा निति कार्यक्रमका लागि नागरिक संग राय सुझाव सँकलन गरिएको छ । सोमबार आयोजना गरिएको कार्यक्रमका अवसरमा सहभागि राजनैतिक दल, समाजसेवी, बुद्धिजिवी, पुर्व जनप्रतिनिधी, शिक्षक लगाएतले आफनो सुझाव प्रस्तुत गर्दे समृद्ध निसीखोला बनाउन सबैको साथ सहयोग र अपनत्व आवस्यक रहेको औल्याउँदै गाउँपालिकाले नागरिले प्रत्यक्ष लाभ लिन सक्ने योजना र कार्यक्रम बनाएर अगाडी बढ्नु पर्नेमा सुझवा प्रस्तुत गरेका छन ।

“वन, जलश्रोत, संस्कृति, प्रर्यटन र कृषि सभ्य , समुन्नत, सुखि र समृद्ध निसी” भन्ने मुल नारा सहित सञ्चालित कार्यक्रममा सहभागि नागरिकले नागरिक मुखि कार्यक्रमलाई प्राथमिकता दिनुपर्ने, गत बर्षको निती कार्यक्रममा समावेश गरिएका कार्यक्रमलाई पुरा गर्नुपर्ने, कृषि, रोजार र उत्पादनलाई जोड दिनुपर्ने, उत्पादित वस्तुको बजारीकरण, अधुरा रहेका विकास निर्माणका कामलाई पूर्णता दिनुपर्ने, शैक्षिक गुणस्तर बृद्धि, सचेतना मुलक कार्यक्रम गर्नुपर्ने, विकृर्ती न्युनीकरणलाई रोक्नुपर्ने विषयमा धेरै सहभागिको सुझाव थियो ।

दिर्घकालिन लक्ष्य लिएर पालिका अगाडी बढ्न सकेमा मात्र परिणाम ल्याउन सकिने बताउँदै जनप्रतिनिधी र कर्मचारी जनताप्रति थप उत्तरदायी बन्दै कृषि, प्रर्यटन, शिक्षा, स्वास्थ्य, यातायात, खानेपानी र रोजगारका विषयलाई सहभगिले सुझावका रुपमा धारणा प्रस्तुत गर्दे समृद्ध पालिका बनाउन योजनाको प्रभावकारीतामा ध्यान दिन समेत सुझाव दिएका हुन ।
नेकपा एमालेका पालिका अध्यक्ष भुमिराज घर्तिद्धारा प्रतिवेदन सहितको पत्र गाउँपालिकालाई हस्तान्त्रण समेत गरिएको थियो । निसीखोला गाउँपालिका अध्यक्ष सुर्य बहादुर घर्तिको अध्यक्षतामा आयोजित कार्यक्रममा पुर्व गण्डकी प्रदेश सभा सदस्य खिम विक्रम शाही, निसीखोला गाउँपालिका पुर्व अध्यक्ष तारानाथ पौडेल, नेपाली कांग्रेसको तर्फदेखि राजमान बुढा, नेकपा एमालेको तर्फदेखि भुमिराज घर्ति, नेकपा माओबादी केन्द्रको तर्फदेखि भरत पुन, राष्ट्रिय जनमोर्चाको तर्फदेखि थम्मन घर्ति, त्यस्तै सहभागि नागरिकबाट कृष्ण शाही, रमेश कुवंर,धुर्व पौडेल, शेर बहादुर घर्ति, यमकान्त पौडेल, जनक छन्त्याल, भानसिंह बुढामगर, झम बहादुर कुवंर, भविन्द्र कुवंर, रुद्ध्र प्रसाद पौडेल, लगाएतले आफनो सुझाव मौखिम रुपमा प्रस्तुत गरेका छन । पालिकाले लिखित मौखिक, सामाजिक सञ्जाल फेशबुक, इमेल र पत्रमार्फत पनी सुझाव पेश गर्न आग्रह गरेको हो ।
गाउँपालिका निमित्त प्रमुख प्रशासकिय अधिकृत दिलिप कुमार चन्दको स्वागत रहेको कार्यक्रममा गाउँपालिका अध्यक्ष सुर्य बहादुर घर्तिले बोल्दै नागरिक, राजनैतिक दल, बौद्धिक वर्गबाट आएका सुझाव महत्वपूर्ण रहेको बताउँदै स्थानिय सरकार सञ्चालन ऐनको परिधी भित्र रहेर निती कार्यक्रममा समावेश गरिने बताउनु भयो । पालिकालाई अगाडी बढाउन सबैको जिम्मेवारी र अपनत्व रहेका कारण सेवा प्रवाहका सन्दर्भमा कहिँ कतैबाट त्रुटि भएको खण्डमा प्रत्यक्ष सुझाव दिन समेत अपिल गर्नुभयो । बजेट संघ र प्रदेशबाट घट्दो क्रममा रहनु, जनअपेक्षा बढि हुने गरेका कारण पनी अपेक्षाकृत विकास र समृद्धि हासिल गर्न नसकिएको बताउँदै योजना र निती कार्यक्रम ल्याउँदै गर्दा जनतालाई प्रत्यक्ष प्रभाव पार्ने खालका कार्यक्रम ल्याउने प्रतिबद्धता जनाउनु भयो ।

गाउँपालिका उपाध्यक्ष प्रेम बहादुर घर्तिले बोल्दै पालिकालाई सफल र समृद्ध बनाउन नागरिक, जनप्रतिनिधी , कर्मचारी, राजनैतिक दल सबैको उत्तिकै भुमिका रहने बताउँदै प्रत्यक्ष रुपमा दिइने सुझाव सल्लाहले कार्यसम्पादनमा थप परिमार्जन र सुधार हुने बताउँदै निसीखोला गाउँपालिकाको विकास र समृद्धि सबैका निम्ती आवस्यक रहेको बताउँदै अनावस्यक टिका टिप्पणी भन्दापनी रचनात्मक सुझाव र सम्मोन्यले सार्थकता दिने बताउनु भयो । विगतमा भौतिक पुर्वाधारमा जोड दिइएको मा यसवर्षको कार्यक्रममा आर्थिक र सामाजिक विकासलाई जोड दिइने गरि कार्यक्रम अगाडी सारिने बताउनु भयो ।
त्यस्तै गाउँपालिकाको डिजिटल भिलेज प्रोफाईल तयार भएको, आवधिक, मध्यम योजना, कृषि क्षेत्रको विकास, लैगिँक विकास र रणनिती, सडक गुरु योजना भू–उपयोग निती कार्यक्रम लगाएतका कार्यक्रमहरु ऋगाडी बढिसकेको बताउँदै जनस्तरबाट आएका सुझवालाई समेट्दै पालिका अगाडी बढ्ने बताउनु भयो । कार्यक्रम योजना शाखा अधिकृत पुरुसोत्म गौतमको सञ्चालनमा सम्पन्न भएको हो ।

असार २
ढोरपाटन नगरपालिका १ को आयोजनामा शनिवार बुर्तिबाङमा टोल विकास संस्थाका पधादिकारी र लक्षित वर्गका विचमा सचेतना मुलक कार्यक्रम सम्पन्न भएको छ ।
वडा अध्यक्ष वान बहादुर छन्त्यालको अध्यक्षतामा आयोजित कार्यक्रममा टोल विकास संस्थाको संस्थागत सुद्धिधिकरणका लागी क्षमता विकास तालिम,वडा स्तरिय टोल सम्मोन्य समितीको गठन र लक्षित वर्ग स्वरोजगारका लागी व्यवसाय दर्ता प्रकृया, नविकरण, स्थानीय स्तरमा सम्भावित लघु उद्यम क्षेत्र लगाएतका विषयमा छलफल गरिएको थियो । कार्यक्रममा वडा अध्यक्ष वान बहादुर छन्त्याल सम्योजक रहेको ९ सदस्य टोल सम्मोन्य समितीको गठन गरिएको हो ।
समिती पधादिकारीमा ४ जना वडा सदस्य, टोल विकास संस्थाका ३ जना पधादिकारी वडा सचिव रहने गरि ९ सदस्य समितीको गठन गरिएको हो । कार्यक्रम ढोरपाटन नगरपालिका प्रमुख प्रशासकिय अधिकृत विष्णु प्रसाद ज्ञवालीको प्रमुख आतिथ्यता, ढोरपाटन उद्योग वाणिज्य संघका अध्यक्ष ढालेन्द्र छन्त्याल, टोल विकास संस्थाका अध्यक्षको तर्फदेखि धनबहादुर कुवंर, सचिवको तर्फदेखि हिरालाल खनाल लगाएतको आतिथ्यता एवं मन्तव्य रहेको थियो ।
कार्यक्रम वडा सचिव देवेन्द्र वस्यालले सञ्चालन गर्नुभएको हो ।

जेठ ३२
ढोरपाटन नगरपालिका ८ सेराबाङमा विहिबार सञ्चालन भएको एक दिने निशुल्क हाडजोर्नी, नशा, मेरुडण्ड तथा अपाङ्गता सम्वन्धी नि शुल्क शिविर सम्पन्न भएको छ ।
ढोरपाटन नगरपालिकाको आयोजना तथा आइ एन एफ नेपाल हरियोखर्क अस्पत्ताल पोखराको आर्थिक तथा प्राविधिक व्यवस्थापनमा सम्पन्न शिविरमा स्थानीय ३ सय ३३ जना नागरिकले निशुल्क सेवा लिएका हुन ।
सिविरमा हार्डजोर्नी, नशा , मेरुडण्ड र अपांगता भएका व्याक्तिको सहभागिता रहेको थियो । सहभागि विरामी मध्ये
स्वास्थ्य चेकजाँच सहित आवस्यक, औषधी उपलब्ध गराइनुका साथै विभिन्न सहयोगी उपकरण निशुल्क रुपमा उपलब्ध गराउनुका साथै स्वास्थ्य कर्मीद्धारा परामर्स दिइएको थियो । दुर्गम गाउँमा निः शुल्क सिविर सञ्चालन भएसंगै स्थानीय विरामी नागरिक खुसि भएका हुन । गाउमै सहज र नि ः शुल्क सेवा दिन सकिएको मा नागरिको सहजता सँगै खुसियाली देखियो आगामी दिनमा समेत यस्ता कार्यक्रम गाउँ वस्तिमा गर्न सकेको खण्डमा आर्थिक अवस्था कमजोर रहेका र रोग लुकाएर बसेका नागरिकले सहज सुविधा प्राप्त गर्ने वडा नंं ६ का अध्यक्ष उमेश बुढा मगरले बताउनु भयो ।