बागलुङ बैसाख १४ गते
विद्या विकास माध्यमिक विद्यालयका प्रअको मनोमानीले त्यस क्षेत्रमा यतिवेला निकै चर्चा पाएको छ । कसैको कुरा नसुन्ने र अभिभावक संगको रिसिबिका कारण कक्षा उतिर्ण भएका विद्यार्थी समेत फेल गराउने देखि मनोमानी रुपमा विद्यार्थीबाट शुल्क असुल्ने सम्मका हर्कत त्यहाँको विद्यालयका प्रअ भिमकुमारी भण्डारी थापा ले गर्दे आएकी हुन ।

गत २०७९ को शैक्षिक सत्र अन्र्तगत बार्षिक परिक्षामा कक्षा २ मा अध्ययनतर विद्यार्थी मौसम थापा र कक्षा ९ मा अध्ययनतर नारायण भण्डारी उत्तर पुस्तिकामा उर्तिण भएपनी नतिजा प्रकाशनमा फेल भएको भनिएपछि विद्यालयमा निकै हँगामा मच्चियो ।
मौसम थापाका बाबा तेजेन्द्र थापाले आफनो बच्चा फेल भएको भन्ने जानकारी पाएपछि बच्चाको उत्तरपुस्तिका आफुलाई देखाउन विद्यालय प्रशासन संग पटक पटक आग्रह गरे तर विद्यालयका प्रध्यानाध्यापकले उत्तरपुस्तिका दिन नमानेपछि गत बैसाख १० गते विद्यालयमा ताला लगाइदिए लगत्तै अभिभावक स्थानीय बासी, जनप्रतिनिधी, प्रहरी प्रशासन बसेर २४ घण्टापछि ११ गते विद्यालय खोल्ने निर्णय पनी भयो ।

बुधबार विद्यालयका शिक्षकहरुको बैठकले दुई जना विद्यार्थीको उत्तर पुस्तिकामा उर्तिण भएपनी उर्तिण गराउनु पर्नेमा त्रुटि भएको भन्दै क्षमा याचना सहित विज्ञप्ती निकालेका छन । उता विद्यालयका प्रअ रहेकी भण्डारीले शैक्षिक सत्र २०७९ मा कक्षा ८ को प्रवेश पत्र बनाउने बहानामा विद्यार्थीसंग ३५ जना संग ३०० रुपैयाँका दरले आर्थिक असुल गरेर विद्यालयको खातामा नराखी आफुले राखेको स्थानीय तेजिन्त्र थापाको भनाई छ ।

यस्तो पटक पटक गल्ति गर्दा विद्यालयको शैक्षिक तथा व्यवस्थापकिय पक्षमा समस्या आएको स्थानियको भनाई छ । बैसाख ११ गते यि दुबै विषयमा छलफल हुँदै गर्दा प्र.अ. भण्डारीले अभिभावक संग माफि समेत मागिन
उता विद्यालयको आर्थिक अनियमितता भएको भन्दै विद्यालयका प्रअ माथि अख्तियार दुरुपयोग अनुसन्धान आयोगमा उजुरी समेत परेको जनाईएको छ विद्यार्थी छात्रबृर्तिमा मनोमानी गरेको लगाएतका नियतबस गतिविधी प्र.अ.बाट विद्यालयमा मौलाएको विद्यालयका एक शिक्षकले बताए । प्रअको मनोमानीका कारण व्यवस्थापन पक्ष फितलो बन्दै गएको उनले बताए ।
विद्यालयमा भएको यो घटना अत्यन्तै दुःखद भएको र उर्तिण भएका विद्यार्थीलाई समेत व्यक्तिगत रिसिविका कारण फेल गराउनु गलत भएकोे ढोरपाटन नगरपालिकाका प्रमुख प्रशासकिय अधिकृत विष्णु प्रसाद ज्ञवालीले बताए ।
उक्त विद्यालयमा २०७५ सालदेखि सामाजिक परिक्षण हुन सकेको छैन ।

२०७९ साल पौष महिनामा नगरपालिकाका प्रतिनिधीकै उपश्थिीतिमा भरत पुन अध्यक्ष रहेको विद्यालय व्यवस्थापन समिती गठन भयो । पुनको उमेर हद नपुगेको भन्दै उक्त समितीलाई अहिले निश्कृय बनाइएको छ । नगरपालिकाले अर्का समिती गठन प्रकृयातिर ध्यान दिन नसक्दा विद्यालयको शैक्षिक, आर्थिक र व्यवस्थापन पक्ष अव्यवस्थित बन्दै गएको बताइएको हो ।

२०८० बैशाख १४ बिहीबार

 गुल्मीमा जिप दुर्घटना हुँदा एक जनाको मृत्यु भएको छ भने अर्का एक जना घाईते भएका छन् ।

गुल्मी जिल्लाको मालिका गाउँपालिका २ दर्लिङ्ग बाट बाग्लुङको भिमगिठे तर्फ आउदै गरेको लु १ च ९९११ को डबल क्याप जिप दर्लिङ्गको दुनाममा गए राती ११:४० बजेको समयमा दुर्घटना भएको हो ।

दुर्घटनामा परि सह चालक बडिगाड गाउँपालिका वडा नं. ९ बल्गासका १८ वर्षीय किशोर केसीको घटना स्थलमै मृत्यु भएको जिल्ला प्रहरी कार्यालय गुल्मीले जानकारी दिएको छ ।

त्यस्तै सोही ठाउँका चालक २१ वर्षीय प्रेम केसी घाइते भएका छन केसीको अवस्था मध्यम रहेको हुदा बुर्तिबाङ प्राथमिक स्वास्थ्य केन्द्रमा प्राथमिक उपचार पछि थप उपचारका लागि अहिले लुम्बिनी मेडिकल कलेज प्रभासमा उपचार भैइरहेको जिल्ला प्रहरी कार्यालय गुल्मीका प्रहरी नायव उपरीक्षक डिल्ली नारायण पाण्डेले बताए ।

जिप सडकदेखि करिब १५० मिटर तल खसेको र घटना बारे थप अनुसन्धान सुरु गरिएको जिल्ला प्रहरी कार्यालय गुल्मीले जनाएको छ ।

बुर्तिबाङ बैसाख १३
बागलुङको ढोरपाटन नगरपालिकामा विगत एक महिना देखि नगरपालिका लेखा शाखा प्रमुख विहिन बनेको छ ।
आर्थिक बर्षको तेश्रो चैमासिक चल्दै गर्दा लेखा शाखामा कर्मचारी नभएपछि योजनाको फरफारकको काम रोकिएको छ ।
नगरपालिकाबाट हुने सबै प्रकारका आर्थिक कारोबार बन्द भएको सुचना अधिकारी चण्डीराज पौडेलले बताए ।

करिब देडसय योजनाको भुक्तानी दिन बाँकी छ फाईल पाँजेर राखिएको छ लेखा प्रमुख नभएका कारण सेवा प्रवाहमा समस्या भएको पौडेलले बताए । लेखा प्रमुख शिव प्रसाद सर्मा गत चैत्र महिनामा यहाँबाट सरुवा भएसंगै नगरपालिकाले एक महिना वित्नै गर्दासमेत हालसम्म लेखा प्रमुख व्यवस्थापन गर्न नसकेको हो ।

अधिकांस योजना सम्पन्न हुने भुक्तानी लिने समय भएका कारण पनी लेखा शाखा प्रमुख नहुँदा सेवा प्रवाहमा समस्या देखिएको नागरिकको गुनासो छ ।

 बुटवलबाट बागलुङको बुर्तिबाङ जाँदै गरेको बस पाल्पामा दुर्घटना भएको छ । आइतबार बिहान ७ः४० बुटवलबाट छुटेको लु १ ख ५९५६ नम्बरको बस जोर धारा नजिकै दुर्घटना भएको हो ।

दुर्घटनामा  परेका २३ जनालाई  अस्पताल पठाइएकाे जिल्ला प्रहरी कार्यालय पाल्पाका सूचना अधिकारी प्रहरी नायब उपरीक्षक वीरेन्द्र थापाले बताए। दुर्घटनामा १ महिलाको ज्यान गएको बुझिएको छ दुर्घटनामा पर्नेहरुको विस्तृत विवरण आइनसकेको हो

बस भीरमा अड्किएको अवस्थामा छ। अन्य यात्रुको उद्धार भइरहेको छ। यात्रु कति थिए भन्ने यकिन भइनसकेको उनले बताए।‘सडकबाट २ सय मिटर तल बस खसेको छ

बैसाख ४
जिल्लाको ढोरपाटन नगरपालिका ९ स्थित ढोरपाटन सामुदायिक स्वास्थ्य इकाईमा आइतबार निः शुल्क स्वास्थ्य शिविर सम्पन्न भएको छ । ढोरपाटन नगरपालिका वडा नं. ९ को आयोजनामा सञ्चालित सिविरमा ढोरपाटन नगरपालिका वडा नंं. ६,७,८ र ९ तथा निसीखोला गाउँपालिकाको वडा नं. ५ निशेल ढोरका गरि ४ सय बढि नागरिकले सेवा लिएको वडा अध्यक्ष खिम बहादुर घर्ति मगरले बताउनु भयो ।

दुर्गम स्वास्थ्य सेवा केन्द्र पोखराको प्राविधिक सहयोगमा सञ्चालित शिविरमा मुटुरोगको लागी ईसिजी जाँच, मधुमेहको लागी डाईबेटिज, दाँत, सम्वन्धि, स्त्रिरोग, तथा जनजल चेकजाँच तथा निः शुल्क औषधि उपलब्ध गराइएको थियो । उपचार गर्न आएका मध्ये अधिकांसमा दाँत र स्त्रिरोगको समस्या रहेको पाइएको वडा अध्यक्ष खिम बहादुर घर्तिले बताए ।

शिविरमा वेलायत, अमेरिका, जर्मनी लगाएतका देशका ६ जना र नेपालका ४ जना गरि कुल १० जना स्वास्थ्य कर्मीले उपचार तथा विरामीलाई परामर्स उपलब्ध गराएका हुन । शिविरबाट आफुहरुलाई निकै राहत र स्वास्थ्य अवस्था बारे जान्ने अवसर प्राप्त भएको स्थाीनयले बताए ।

बैसाख ३ गते
निसीखोला गाउँपालिका स्तरिय सामुदायिक वन उपभोक्ता महासँघको दोश्रो अधिवेशन आइतबार सम्पन्न भएको छ ।
सामुदायिक वन उपभोक्ता महासंघ नेपाल निसीखोला गाउँपालिका महासंघ अध्यक्ष चन्द्रमाला बुढा मगरको अध्यक्षतामा आयोजित कार्यक्रमका अवसरमा प्रमुख अतिथी निसीखोला गाउँपालिका उपाध्यक्ष प्रेम बहादुर घर्ति मगरको प्रमुख आतिथ्यता रहेको थियो ।
आयोजित कार्यक्रमममा बोल्दै प्रमुख अतिथी बुढामगरले सामुदायिक वन क्षेत्रको विकास र विस्तारमा पालिका स्तरिय सामुदायिक वन उपभोक्ता महासँघको महत्वपूर्ण भुमिका रहने बताउँदै सामुदायिक वनको जर्गेना र सम्रक्षण गर्नु सबैको दायित्व रहेको बताउँदै गाउँपालिकाले समेत विभिन्न कार्यक्रम लिएर अगाडी बढ्ने बताउनु भयो ।
सामुदायिक वन महासंघ नेपालका केन्द्रिय सदस्य प्रेम लामिछानेको विशेष आतिथ्यता,सामुदायिक वन महासंघ जिल्ला अध्यक्ष राज बहादुर थापा , सामुदायिक वन महासंघ प्रदेश सदस्य कमला पुन, निसीखोला गाउँपालिका २ का अध्यक्ष कुविर विश्वकर्मा, सब डिभिजिन वन कार्यालय बुर्तिबाङका रेन्जर खिम बहादुर श्रीस लगाएतको आतिथ्यता एवं सुभकामना मन्त्व्य रहेको थियो ।

अधिवेशनले नोक बहादुर खत्री अध्यक्ष रहेको ९ सदस्य कार्यसमितीको गठन गरिएको छ । समितीको उपाध्यक्ष पुनिकला बुढा, सचिव पुनिकला बुढा (ख) कोषाध्यक्ष ओम बहादुर रसाईली, सदस्यमा कृष्ण कुमारी कुवंर, राम बहादुर घर्ति चयन हुनुभएको छ । वडा नं. १,३ र ७ नम्वर वडाका प्रतिनिधी राख्ने गरि ३ सदस्य पद रिक्त राखिएको बताइएको छ ।
लेखा समिती तर्फ सम्योजक चिरञ्जवी पौडेल सहित अन्य दुई पदादिकारी चयन गर्ने निर्णय भएको छ । उमेश छन्त्याल सम्योजक रहेको ३ सदस्य न्यायिक समितीको गठन गरिएको छ ।
जिल्ला तथा प्रदेश प्रतिनिधी तर्फ चन्द्रमाला बुढा, कमला पुन चयन हुनु भएको छ । सल्लाहकार समिती तर्फ चन्द्रमाला बुढा, कमला पुन, वडा नं. २ का अध्यक्ष कुविर विश्वकर्मा, भानसिंह बुढा रहनु भएको हो । निसीखोला गाउँपालिका स्तरिय स्थानीय वन महासंघका सचिव नोक बहादुर खत्रीले उद्धघाटन सत्रको कार्यक्रम सञ्चालन गर्नुभएको थियो ।