बुर्तिबाङ जेठ २ गते
जिल्लाको निसीखोलामा शुक्रबार देखि सञ्चालन भएको ३ दिन निःशुल्क आँखा जाँच ,मोतियाविन्दु शल्यक्रिया तथा बृहत स्वास्थ्य शिविरमा शनिबार सम्ममा १ हजार ३ सय नागरिकले स्वास्थ्य उपचार सेवा लिएका छन ।

निसीखोला गाउँपालिका र कर्मफ्लाईटस् फाउन्डेशन पोखराको आयोजना तथा हिमालय आँखा अस्पत्ताल पोखराको प्राविधिक सहयोगमा सञ्चालित शिविरमा ८ सय ९९ जना आँखाको परिक्षण गराएका मध्ये आँखामा मोतियाबिन्दु भएका ६२ जनाको सफल शल्यक्रिया गरिएको हो । आँखाको समस्या रहेका विरामी मध्ये चस्मा तथा औषधि वितरण गरिएको हो ।

शिविरमा स्वास्थ्य परिक्षण समेत गराएका थिए । जस अन्र्तगत गाईनो तथा भिडियो एक्सरेमा २७६ जनाले सुविधा लिएका छन् । हाडजोर्नि तर्फ ३ सय ७७ जना फिजियो थेरापीमा ३३ जना , छाला तथा सर्जिकलमा १ सय ८५ जना र अन्यमा ८६ जनाले स्वास्थ्य परिक्षण गराएका थिए । स्वास्थ्य परिक्षण संगै औषधि समेत उपलब्ध गराईएको हो शिविरमा आखामा सामान्य समस्या भएकालाई समेत चस्मा (भिजन ग्लास) निशुल्क उपलब्ध गराईएको थियो ।

निसीखोलामा बृहत रुपमा स्वास्थ्य शिविर सञ्चालन यो पहिलो पटक भएको कर्मफलाईट्स फाउन्डेशन पोखराका कार्यक्रम निर्देशक प्रेमबहादुर कुवंरले जानकारी दिनु भयो ।
शिविरमा हिमालय आँखा अस्पत्ताल पोखराका डा. कृष्ण गुरुङ, शसि कमला लामिछाने ,छाला रोग विशेषज्ञ डा. शंकर लामिछाने, जेनेरल फिजिसियन डा.हेमन्त बास्तोला, हाड, जोर्नी नसा तथा बाथ रोग विशेषज्ञ डा .प्रमेश थापा लगाएतको टोली द्धारा स्वास्थ्य चेक जाँच तथा उपचार गर्नु भएको हो ।

शिविरबाट निसीखोला गाउँपालिका सहित छिमेकी पालिकाका नागारिकले समेत सेवा लिएका छन् । शिविर शनिवार सम्म चल्ने भनिए पनि बिरामीको चाप बढी भएका कारण आईतबार पनि सञ्चालन भएको थियो शिविरबाट ६० प्रतिशत महिलाले सेवा लिएका छन् । सोमबार एक औपचारिक कार्यक्रमको आयोजना गर्दे शिविरको समापन गरिएको थियो । निसीखोला गाउँपालिका वडा नं. १ का अध्यक्ष तथा शिविर सम्योजक चन्द्रसिंह रामजालीको अध्यक्षता, निसीखोला गाउँपालिका अध्यक्ष सुर्य बहादुर घर्तिको प्रमुख आतिथ्यता प्रमुख प्रशासकिय अधिकृत दिलिप कुमार चन्द, वडा नं. ५ का अध्यक्ष हर्कमान घर्ति मगर लगाएतको आतिथ्यता रहेको थियो ।

कार्यक्रमका अवसरमा प्रमुख अतिथी सुर्य बहादुर घर्ति मगरले बोल्दै निशुल्क स्वास्थ्य शिविरबाट यस क्षेत्रका नागरिकलाई निकै राहात मिलेको बताउनु भयो । आर्थिक अवस्था कमजोर हुँदा तथा चेतनाको अभावका कारण लामो समय सम्म रोग पालेर बसेका नागरिकले सहज रुपमा स्वास्थ सेवा प्राप्त गरेको बताउँदै आगामी दिनमा समेत नागरिकका समस्यामा पालिकाले यस्ता कार्यक्रम जोड्दै जाने प्रतिबद्धता जनाउनु भयो ।

बुर्तिबाङ बैसाख २९
ढोरपाटन नगरपालिका २ तारिखेत स्थित एक पशु फार्ममा पालिएका २६ वटा बंगुर एकै पटक मरेका छन ।
शन्देस पशु तथा पँक्षि फार्ममा पालिएको ५२ बंगुर मध्ये २६ वटा बिहिबार बिहान १५ मिनेट भित्रको समयमा मरेर नस्ट भएको हो । सञ्चालक तम बहादुर वि.क. का अनुसार आफुले पालेका ५२ मध्ये ४० देखि ५० केजी तौल समुहका २६ बंगुर मर्दा करिब ७ लाख रुपैयाँको क्षेती भएको बताउनु भयो ।
बिहिबार बिहान १० बजेतिर दाना खुवाउँदै थियँ एकाएक बंगुर मर्न थालेपछि करिव पन्द्र मिनेटको समयमा २६ बँगुर मरेका हुन ।
पशु प्राविधिक कृष्ण भुषालका अनुसार फुड प्वाईजनका कारण मृत्यु भएको अनुमान गरिएको छ केहीलाई इन्जेक्सन लगाएर बचाउन सकिएपनी अन्तिम अवस्थामा रहेका बंगुर बचाउन नसकिएको उहाँले बताउनु भयो । ठुलो संख्यामा एकै पटक बँगुर मर्दा आफुलाई धेरै नोक्सान भएको सञ्चालक तम बहादुरले बताउनु भयो । लामो समय सम्म मिहिनेत गरेर अव परिणाम ल्याउने समयमा आफुमाथि थप समस्या थपिएको बताउनु भयो

बुर्तिबाङ बैसाख २९
जिल्लाको निसीखोला गाउँपालिका वडा नं. १ स्थित देविस्थान माध्यमिक विद्यालयमा शुक्रबार देखि ३ दिने निःशुल्क आँखा उपचार शिविर तथा दुई दिने बृहत स्वास्थ्य शिविर सुरु भएको छ।
निसीखोला गाउँपालिका र कर्मफ्लाईटस् फाउन्डेशन पोखराको आयोजना तथा हिमालय आँखा अस्पत्ताल पोखराको प्राविधिक सहयोगमा शिविर सुरु भएको हो।
शिविरमा निःशुल्क रुपमा आँखा परिक्षण तथा मोतिया विन्दुको अप्रेशन ,औषधि तथा निः शुल्क रुपमा चस्मा वितरण गरिएको छ।

धौलागिरीदअस्पत्ताल बागलुङका डाक्टर द्धारा विभिन्न रोगहरुको स्वास्थ्य परिक्षण तथा उपचार सुरु भएको हो।
स्वास्थ्य शिविरमा बरिष्ठ फिजिसियन द्धारा स्वास्थ्य परिक्षण, महिला तथा प्रसुती रोग सम्वन्धी विशेषज्ञ उपचार सेवा, सामान्य चिकित्सा तथा पेट सम्वन्धी विशेषज्ञ उपचार, हार्डजोर्नी तथा नशा सम्वन्धी बिशेषज्ञ सेवा, भिडियो एक्सरे र आवस्यकिय औषधी र परामर्स दिइएको हो ।
शुक्रबार बिहान ८ बजेदेखिनै सिबिर सुरु भएको छ।शिविरमा निसिखाोला गाउँपालिका तथा छिमेकी पालिका का नागरिकको उल्लेखिय सहभागिता रहेको हो।

शुक्रबार बिहान एक औपाचारिक कार्यक्रमको निसीखोला गाउँपालिका अध्यक्ष सुर्यबहादुर घर्तिले उद्घाटन गर्दे गाउँपालिकामा रहेका नागरिकलाई स्वास्थय सम्वन्धि समस्यामा चेकजाँच तथा उपचारमा सहजता होस भन्न्े उदेश्यले पालिकाले कर्मफलाईट्स फाउन्डेशन तथा विभिन्न निकाय संग सम्मोन्य गरेर आँखा तथा विभिन्न रोगको निशुल्क उपचार शिविर सञ्चालन गरेको बताउनु भयो। शिविरबाट नागरिकले सहज तवरले सेवा लिन पाउने र यसले गर्दा आर्थिक अभावकै कारण रोग लुकाएर बस्नुपर्ने बाध्यताको अन्त्य हुने बताउनु भयो ।

शिविरको निम्ती गाउँपालिकाले १० लाख रुपैयाँ बजेट विनीयोजन गरेको छ।उता कर्मफलाईट्स फाउन्डेशन संस्थाले समेत हिमालय आँखा अस्पत्ताल संग सम्मोन्य गरेर शिविरमा सक्रिय सहभागिता जनाइएको हो।
संस्थाका डाइरेक्टर प्रेमबहादुर कुवंरले यस क्षेत्रका नागरिकलाई आर्थिक अभावका कारण स्वास्थ्य उपचारबाट बञ्चित हुन नपरोस भन्ने उदेश्यले आफुहरुले समेत आयोजकको रुपमा भुमिका खेलिएको बताउनुभयो।
आगामी दुईदिन सम्म गरि कुल एक हजार बढि नागरिकले सेवा लिने अपेक्षा गरिएको शिविर सम्योजक तथा निसीखोला गाउँपालिसका १ का अध्यक्ष चन्द्रसिंह रामजालीले बताउनु भयो।
शिविरमा हिमालय आँखा अस्पत्ताल पोखराका डा। कृष्ण गुरुङ, शसि कमला लामिछाने ,छाला रोग विशेषज्ञ डा शंकर लामिछाने, जेनेरल फिजिसियन डा।हेमन्त वास्तोला, हाड, जोर्नी नसा तथा बाथ रोग विशेषज्ञ डा। प्रमेश थापा लगाएतको टोली द्धारा स्वास्थ्य चेक जाँच तथा उपचार सुरु गर्नु भएको हो।

आज पहिलो दिन ६५४ जनालाई सेवा दिइएको छ जसमा २७३ पुरुष र महिला ३८१ जनालाई सेवा दिइएको हो । जसमध्ये आँखाको चेकजाँच तथा उपचार तर्फ ५०० जना र अन्य रोगका १ सय ५४ जनालाई चेकजाँच तथा उपचार गरिएको छ ।

आँखाका विरामी मध्ये मोतिया बिन्दु भएका ३८ जनाको शनिबार अप्रेशन गर्ने तयारी अगाडी बढाइएको हो । आज भएको उद्धघाटन सत्रको कार्यक्रममा निसीखोला गाउँपालिका अध्यक्ष सुर्य बहादुर घर्तिको अध्यक्षता, पुर्व पालिका अध्यक्ष तारानाथ पौडेल, वडा अध्यक्ष प्रमुख प्रशासकिय अधिकृत,समाजसेवी, बुद्धिजिवी लगाएतको उपश्थिती रहेको थियो ।

बुर्तिबाङ बैसाख २८ गते
जिल्लाको निसीखोला गाउँपालिका वडा नं. १ स्थित देविस्थान माध्यमिक विद्यालयमा शुक्रबार देखि ३ दिने निशुल्क आँखा शिविर तथा दुई दिने बृहत स्वास्थ्य शिविर हुने भएको छ ।
कर्मफ्लाईटस् फाउन्डेशन पोखरा र निसीखोला गाउँपालिकाको आयोजना तथा हिमालय आँखा अस्पत्ताल पोखराको प्राविधिक सहयोगमा शिविर हुन लागेको हो ।
शिविरमा निशुल्क रुपमा आँखा परिक्षण तथा मोतियाविन्दुको अप्रेशन तथा धौलागिरी अस्पत्ताल बागलुङका डाक्टरद्धारा विभिन्न रोगहरुको स्वास्थ्य परिक्षण तथा उपचार हुने जनाइएको छ । आँखाको लागी बैसाख २९ देखि ३१ गतेसम्म र स्वास्थ्य चेकजाँच तथा उपचारका निम्ती बैसाख ३० र ३१ गते शिविर हुने जनाइएको हो ।
स्वास्थ्य शिविरमा बरिष्ठ फिजिसियनद्धारा स्वास्थ्य परिक्षण, महिला तथा प्रसुती रोग सम्वन्धी विशेषज्ञ उपचार सेवा, सामान्य चिकित्सा तथा पेट सम्वन्धी विशेषज्ञ उपचार, हार्डजोर्नी तथा नशा सम्वन्धी बिशेषज्ञ सेवा, भिडियो एक्सरे र आवस्यकिय औषधी र परामर्स दिइने बताइएको हो ।
शुक्रबार बिहान ८ बजेदेखि नै सिबिर सुचारु हुने शिविर सम्योजक तथा निसीखोला गाउँपालिका १ का अध्यक्ष चन्द्रसिंह रामजालीले बताउनु भयो ।

बुर्तिबाङ बैसाख २८
निसीखोला गाउँपालिकाद्धारा पालिका स्तरिय सार्वजनिक सुनुवाई कार्यक्रम बुधबार सम्पन्न भएको छ । आर्थिक बर्ष २०७९÷०८० अन्र्तगत हालसम्म सम्पादित कार्यक्रम, योजना, बिकास निर्माण र सेवा प्रवाहका सन्दर्भमा पालिकाका नागरिकको बिचमा सार्वजनिक सुनुवाई कार्यक्रम सञ्चालन गरिएको थियो ।
गत बैसाख ३ देखि ९ गतेसम्म ७ वटै वडामा वडा स्तरिय सार्वजनिक सुनुवाई कार्यक्रम सम्पन्न गरेको पालिकाले नागरिकका समस्या, सुनासो, र सुझाब सुन्ने र भावि दिनमा थप सुधारात्मक तवरले अगाडी बढ्ने उदेस्य सहित सार्वजनिक सुनुवाई कार्यक्रम गरिएको र पालिकाबासी नागरिकले दिएका सुझावलाई ग्रहण गर्दे अगाडी बद्ने गाउँपालिका अध्यक्ष सुर्य बहादुर घर्तिले बताउनु भयो ।

आयोजित कार्यक्रमका अवसरमा सहभागिहरुले बढिमात्रामा स्वास्थ्य बीमाकार्यक्रम प्रभावकारी बन्न नसकेको, लामो समय सम्म पनी पालिकाले एम्बुलेन्स ल्याउन नसकेको, जनप्रनिधिले निर्वाचित भइसकेपछि गरेका प्रतिबद्धता तर्फ ध्यान दिन नसकेको, कृषिको आधुनिकिकरण, बजार व्यवस्थापनतर्फ प्रभावकारी नदेखिएको, छिमेकी जिल्ला संगको सिमाना विबाद टुँग्याउन नसकेको, बजार अनुगमन, करको दायरा व्यवस्थापन हुन नसकेको विषयलाई सहभागिले आफनो प्रश्नको रुपमा जोड दिएका थिए ।

त्यस्तै पालिकाले जनप्रतिनिधीका निम्ती खरिद गर्न लागिएको मोटरसाईकल खरिद अनावस्यक रहेको, सामुदायिक विद्यालयका शिक्षक कर्मचारीले सरकारी सेवा सुविधा लिने तर आफना बालबच्चालाई निजी विद्यालयमा पढाउँदै गर्दा पनी पालिकाले उचित निती कार्यविधीका कार्यक्रम ल्याउन नसकेको, पालिका भित्र विभिन्न क्लबले गर्ने खेलकुदका कार्यक्रममा जुवातास मौलाउँदै गर्दा नियमन हुन नसकेको, शिक्षा कार्यविधीमा जनप्रतिनिधी विद्यालय व्यबस्थापन समितीको अध्यक्ष हुन नपाउने व्यवस्था हुँदापनी जनप्रतिनिधी विद्यालय व्यवस्थापन समितीमा हुँदै गर्दा पालिकाले समितीको अध्यक्ष पदबाट हटाउन नसकेको, शिक्षक, कर्मचारी स्वास्थ्यकर्मी भ्रमणमा जाँदै गर्दा बजेट हुने तर नागरिकको अति आवस्यक मानिएको स्वास्थ्य क्षेत्रको विकास र स्वास्थ्य बीमा तर्फ ध्यान दिन नसकेको, लगाएतका गुनासो सुझाब र प्रश्न सहभागिले राखेको हुन ।

त्यस्तै सहभागिहरुले पालिकाले योजना र बजेट ल्याउनु अगाडी बिज्ञ व्यक्तिको परामर्स ल्याउनु पर्ने, वडा सदस्यलाई पालिकाले कार्यपालिका बैठकमा समेत नबोल्याएर जिम्मेवार बिहिन बनाउन खोजेको, पालिकाको अनलाईनमा सुचनाहरु नियमित अपलोड नभएको, सुचना प्रवाहमा कमजोरी देखिएको, पालिकामा बेरुजु बद्नुका कारण र नियमनको अवस्था लगाएतका बिषयमा समेत नागरिकहरुले ध्यानाकषर्ण गराएका थिए ।

त्यसैगरी दुई दुई पटक सम्म प्रमुख प्रशासकिय अधिकृत आउँदा समेत पालिका अध्यक्षले फिर्ता पठाएको आइटी कर्मचारीको विज्ञापन खुल्ला गरेर पनी प्रकृया अगाडी नबढाएको लगाएतका विषय उठान भएका हुन । त्यस्तै कतिपय सहभागिहले गाउँपालिकालाई थप समृद्ध बनाउनका निम्ती स्वयम् नागरिक, यहाँका राजनैतिक दल, बुद्धिजिवीहरु समेत जिम्मेवार भएर रचनात्मक सुझाव, साथ सहयोग दिएर अगाडी बद्नुपर्नेमा जोड दिएका थिए । पाँचबर्षे कार्यकाल वर्तमान जनप्रतिनिधीको भएपनी आगामी दिनमा अन्य व्यक्तिको समेत समय आउने भएका कारण सबैले सम्मेमित र जिम्मेवार पुर्वक तर्क राख्नुपर्नेमा जोड दिएका थिए । कार्यक्रममा २३ जनाले मौखिक रुपमा आफनो प्रश्न जिज्ञासा र गुनासो व्यक्त गरेका हुन ।

सहभागिले राखेका प्रश्नको पालिका अध्यक्ष सुर्य बहादुर घर्ति, उपाध्यक्ष प्रेम बहादुर घर्ति, निमित्त प्रमुख प्रशासकिय अधिकृत दिलिप कुमार चन्द,वडा अध्यक्ष हेम बहादुर बुढा ,कृर्षि शाखा प्रमुख तारा बहादुर नेपाली,शिक्षा शाखा प्रमुख जयराम पुन, स्वास्थ्य साखा प्रमुख जुनी घर्ति, पशु शाखा प्रमुख लगाएतले सहभागिबाट आएका प्रश्नको जवाफ दिनुभएको थियो ।

जवाफदेही निकायबाट नागरिकले दिएका सुझाव, प्रतिकृया, गुनासो एवं प्रश्नलाई लिएर आफुहरुलाई आगामी दिनमा थप सचेत भएर अगाडी बद्ने उत्प्ररणा प्राप्त भएको बताउँदै पालिकाबाट भए गरेका कमिकमजोरी लाई सुधार गरेर अगाडी बद्ने प्रतिबद्धता जनाएका हुन । कार्यक्रम पालिका अध्यक्ष सुर्य बहादुर घर्तिको अध्यक्षता,गाउँपालिका उपाध्यक्ष प्रेम घर्ति मगरको स्वागत, निमित्त प्रमुख प्रशासकिय अधिकृत दिलिप कुमार चन्दको प्रगति प्रतिवेदन रहेको कार्यक्रममा गण्डकी प्रदेश पुर्व साम्सद खिम विक्रम शाही, निसीखोला गाउँपालिका पुर्व अध्यक्ष तारानाथ पौडेलको शुभकामना मन्तव्य रहेको थियो ।
कार्यक्रम निसीखोला गाउँपालिकाको आयोजना सामुदायिक रेडियो ढोरपाटनको सहजिकरणमा सम्पन्न भएको हो ।

बैसाख २६ गते
स्थानिय तहबाटै श्रम स्वीकृतीप्राप्तहुने भएपछि बैदेशिक रोजगारिमा जाने नागरिकका निम्ती सहज सहज हुने भएको छ ।
विगतमा बैदेशिक रोजगार विभागबाट श्रम स्वीकृती लिएर बैदेशिकयात्रामा जानेहरुका लागी आजदेखि आफु बस्दै आएको स्थानिय तहबाटै श्रम स्वीकृती लिन पाइने व्यवस्था भएको हो ।
बागलुङका स्थानिय तहहरुले समेत आजदेखि पालिकाका बैदेशिक रोजागारिमा जान लागिरहेका नागरिकलाई श्रम स्वीकृर्ति दिएर औपचारिक रुपमा सेवाको सुरुवात गरेका छन । ढोरपाटन नगरपालिकामा वडा नं. २ का राजेश कुमाल लाई श्रम स्वीकृर्ति उपलब्ध गराएको हो ।
कुमाल मलेसिया जाने तयारीमा हुनुहुन्छ । त्यस्तै जिल्लाको वडिगाड गाउँपालिकाले पनी वडा नं. ५ काटेक बहादुर जिसीलाई श्रम स्वीकृर्ति उपलब्ध गराएको हो ।
पालिकाबाट अबदेखि बैदेशिक रोजगारिमा जान चाहानेहरुले सहजै रुपमा श्रम स्वीकृर्ति लिन सक्ने ढोरपाटन नगरपालिकाका श्रम तथा रोजगार शाखा प्रमुख हिरालाल खनालले बताउनु भयो ।
पालिकाबाट श्रम स्वीकृर्ति लिनका निम्ती पालिकाबाट आवेदन फारम भर्नुपर्न, सक्कली नागरिता, भिसा, सम्पूर्ण विवरण खुल्ने कागजात, करार सम्झौतापत्र, इमेल र मोवाईल नम्वर, परिवारको नजिकको सदस्यको विवरण, बैँक खाता विवरण चेकको फोटोकपी, पासपोर्ट साईजको फोटो, नयाँ जानेहरुका लागी र बिदामा आएको भए पुरानो सम्झौता पत्र उपलब्ध गराउनु पर्ने खनालले बताउनु भयो ।

बुर्तिबाङ बैसाख २६
ढोरपाटन नगरपालिकामा करिब डेढ महिनापछि नगरपालिकाको आर्थिक कारोबार सुरु हुने भएको छ ।लेखा शाखा प्रमुख नभएको डेढ महिना बित्दै गर्दा मालपोत कार्यालय बुर्तिबाङका लेखापाल प्रतिक घर्ति मगरलाई अर्का लेखा कर्मचारी व्यवस्था नहुन्जेल सम्म नगरपालिकाको लेखा हेर्ने गरि व्यवस्थापन गरिएपछि अब नगरपालिकाको रोकिएका आर्थिकका कार्य सुरु हुने नगरपालिका प्रमुख प्रशासकिय अधिकृत विष्णु प्रसाद ज्ञवालीले बताउनु भयो ।
लेखा शाखा प्रमुख नहुँदा नगरपालिकामा सामाजिक सुरक्षा भत्ता, शिक्षक कर्मचारी तलव तथा विभिन्न योजनाको भुक्तानी रोकिँदा सबै काम ठप्प भएको थियो ।

मालपोत कार्यालय र ढोरपाटन नगरपालिकाको लेखा हेर्ने गरि प्रतिक घर्ति मगरलाई व्यवस्थापन गरिएको बताइएको हो । नगरपालिकामा हालसम्म करिब ८० प्रतिशत काम सकिँदा २० प्रतिशत बजेट भुक्तानी भएको प्रमुख प्रशासकिय अधिकृत ज्ञवालीको भनाई छ । पहिलो चरणमा सामाजिक सुरक्षा भत्ता वितरण गरिने र अन्य काम सुरु हुने बताइएको हो ।विभिन्न मन्त्रालय, मन्त्री र सांसद संग पुगेर लेखा कर्मचारी माग गर्दा समेत समेत नगरपालिकाले समयमा कर्मचारी पाउन नसकेको हो