जेठ १० गते
ढोरपाटन नगरपालिका कार्यवाहक नगर प्रमुख धन बहादुर कायतले यहाँ स्थित राजनैतिक दलका प्रतिनिधी संग पालिकाको गतिविधीका विषयमा छलफल तथा आगामी आर्थिक बर्ष २०८०÷०८१ को निती तथा कार्यक्रमका विषयमा सुझाब माग्नु भएको छ ।
बुधबार आयोजित कार्यक्रमका अवसरमा ढोरपाटन नगरपालिकालाई अब कस्तो बनाउने र कस्ता योजना तथा निती ल्याउँदा नागरिकलाई प्रत्यक्ष फाइदा हुन्छ भन्ने विषयमा दलहरुसंग आफुले सुझाब मागेको र दलहरुले दिएका सुझाबलाई आत्मसाथ गर्दे अगाडी बढ्ने कायतले बताउनु भयो । साथै उहाँले अन्य विज्ञ व्याक्तिले लिखित रुपमा दिइका महत्वपूर्ण सुझावलाई समेटेर निती तथा कार्यक्रम लिइने बताउनु भयो
कार्यक्रमका अवसरमा सहभागिहरुले नगरपालिका भित्रका नागरिकका महत्वपूर्ण आवस्यकतालाई निती तथा कार्यक्रममा जोड दिनुपर्ने बताएका हुन । महत्वकांक्षी योजना भन्दा प्रत्यक्ष नागरिकलाई फाइदा पुग्ने कार्यक्रम ल्याउन दलहरुले सुझाव दिएका छन पालिकाको प्रोफाईल बनाएर वास्तविक तथ्याँकका आधारमा योजना ल्याउँदा नागरिकलाई सहज हुने सुझाब दिइएको छ ।

सहभागिले पालिकाका नागरिकको समस्या सम्बोधन गर्न उत्पादन तथा रोजगारी संग जोड्नका निम्ती कृर्षि क्षेत्रको विकास, कृषि आधुनिकीकरण तथा बजार व्यवस्थापनमा ख्याल गर्नुपर्ने , प्रर्यटन क्षेत्रको विकास , खानेपानी समस्या समाधान, ढोरपाटन बुर्तिबाङ सडक स्तरउन्नती, स्वास्थ्य क्षेत्रमा सुधार, सामुदायिक विद्यालयको शैक्षिक गुणस्तरमा बृद्धि तथा विद्यालय व्यवस्थापन समितीको गठन, पालिकाले आफनै प्रशासनिक भवन समयमा सम्पन्न गरि आफनै भवनबाट सेवा प्रवाह गनुपर्ने विषयमा जोड दिएका छन । यहाँका बाढि पिडितले राज्यबाट पाउनु पर्ने रकम नपाएको तथा विभिन्न दाताबाट नगरपालिकामा एकद्धार प्रणाली अन्र्तगत पठाइएको रकम समेत पिडितले एकद्धार प्रणालीबाट नपाएको गुनासो आएका कारण त्यसको तत्काल व्यवस्थापन छानविन गर्नुपर्ने , दिर्घकालिन योजना र लक्ष्य निर्धारण गर्न बौद्धिक र विज्ञ व्याक्तित्व संग सम्मेलन, सार्वजनिक सुनुवाई गर्नुपर्ने, जनप्रतिनिधी जनता प्रति जिम्मेवार भएर अगाडी बढ्नुपर्ने लगाएतका विषयमा दल तथा स्वतन्त्र नागरिकले सुझाव दिएका हुन ।

कार्यक्रममा नेपाली काँग्रेसको तर्फदेखि मेशलाल सर्मा, नेकपा एमालेको तर्फदेखि टंकप्रसाद सर्मा, नेकपा माओबादी केन्द्रको तर्फदेखि चन्द्रलाल अर्याल, राष्ट्रिय जनमोर्चाको तर्फदेखि गौरिश्वर पाण्डे, जनता समाजबादी पार्टीको तर्फदेखि गंगा बहादुर घर्ति, नेपाल समाजबादी पार्टीबाट संकर कुँवर, राष्ट्रिय प्रजातन्त्र पार्टीबाट निम बहादुर भण्डारी ,नेपाल कम्युनिष्ट पार्टीबाट हरिबहादुर कुवंर, पुर्व वडा अध्यक्ष दिपक थापा, नर बहादुर गुरुङ, पत्रकार छविलाल पाण्डे लगाएतको उपश्थिती एवं शुझाव मन्तव्य रहेको थियो । प्रमुख प्रसासकिय अधिकृत विष्णु प्रसाद ज्ञवालीले कार्यक्रमको विषय वस्तुमाथि प्रकाश पार्नुभएको थियो ।

जेठ ४ गते बुर्तिबाङ
जन जिवराज सुशिला माध्यमिक विद्यालय निसीखोला गाउँपालिका ४ को ६९ औँ बार्षिक उत्सब कार्यक्रम बिहिबार सम्पन्न भएको छ ।
विविध आन्तरिक तथा विद्यालय स्तरिय खेलकुद कार्यक्रम सहित बार्षिक उत्सव मनाएको विद्यालयको प्रमुख अतिथीको रुपमा गण्डकी प्रदेशका उद्योग, वन तथा वातावरण मन्त्री दिपेन्द्र बहादुर थापाले कार्यक्रमको उद्घाटन गर्नुभएको हो । आयोजित कार्यक्रममा बोल्दै मन्त्री थापाले सामुदायिक विद्यालयको शैक्षिक विकासका निम्ती स्वंयम समुदाय समेत अग्रसर रहनुपर्नेमा जोड दिनुभयो । उहाँले वर्तमान शिक्षा प्रणालीनै गलत रहेका कारण त्यसलाई परिमार्जन गरेर अगाडी बद्नुपर्ने समय आएको बताउनु भयो ।
विद्यालयको शिक्षा प्रमाणपत्र हातपार्ने माध्यमको रुपमा रहेको बताउँदै त्यसलाई सुधार गरेर एकिकृत र सिपमुलक शिक्षामा जोड दिनुपर्ने आवस्यक औँल्याउनु भयो । मन्त्री थापाले थप बोल्दै आफु यसै बागलुङ जिल्लाको नागरिक भएका कारणपनी यहाँको विकास , प्रर्यटन, वन वातावरणको क्षेत्रमा सक्रिय पुर्वक काम गर्ने प्रतिबद्धता जनाउनु भयो । आफुले नागरिक तहबाट आएका समस्या र विकास निर्माणमा सक्दो काम गर्ने प्रतिबद्धता जनाउनु भयो ।
कार्यक्रमकै विशिष्ठ अतिथीको रुपमा रहनु भएका गण्डकी प्रदेश सांसद जित बहादुर शेरचनले बोल्दै आफहुरुले नागरिकका समस्या सम्वोधन गर्नका निम्ती साँसद भएर गएका कारण नागरिकका समस्या र यहाँको विकास निर्माणमा सक्रिय भुमिका निर्वाह गर्ने प्रतिबद्धता जनाउनु भयो ।

त्यस्तै निसीखोला गाउँपालिका अध्यक्ष सुर्य बहादुर घर्तिले बोल्दै सामुदायिक विद्यालयको शैक्षिक र भौतिक गुणस्तर बृद्धि गर्न गाउँपालिकाले पहिलो प्राथमिकता दिएर काम गरिरहेको बताउँदै शिक्षा क्षेत्रको गुणस्तर बृद्धिमा सबैले सक्रिय भुमिका खेल्नुपर्नेमा जोड दिनुभयो ।

कार्यक्रमकै अवसरमा समाजसेवी एवंम निसीखोला गाउँपालिका निवर्तमान अध्यक्ष तारानाथ पौडेलले बोल्दै जन जिवराज शुसिला माध्यमिक विद्यालय स्थानीय समुदायको सक्रियतामा सञ्चालनमा आएको पुरानो विद्यालय रहेको बताउँदै यस विद्यालयको उन्नयनका निम्ती स्थानिय समुदाय, अभिभावक, शिक्षक, कर्मचारी र राज्यको उत्तिकै भुमिका आवस्यक रहेको बताउनु भयो ।
कार्यक्रमका अवसरमा स्थानिय समाजसेवी झिमलाल पौडेल दम्पत्तिद्धारा विद्यालयलाई नगद रु १ लाख रुपैयाँ चन्दा उपलब्ध गराउनु भएको हो । अन्य सहयोगिदाताहरुबाट समेत चन्दा उपलब्ध गराइएको थियो ।
विद्यालयलाई चन्दा उपलब्ध गराउने चन्दादाता सम्मान, उत्कृष्ट शिक्षक सम्मान, तथा विभिन्न प्रतियोगितामा उत्कृष्ठ विद्यार्थिलाई सम्मान एवं पुरस्कार वितरण गरिएको हो ।

२०१२ सालमा स्थापना भएको उक्त विद्यालयमा हाल कक्षा १० सम्म पठन पाठन हुँदै आएको छ २०६४ सालसम्म प्राथमिक २०६४ देखि २०६९ सम्म निम्न माध्यमिक र २०६९ देखि हालसम्म माध्यमिक तहको रुपमा पठन पाठन हुँदै आएको छ ।
कार्यक्रमका अवसरमा विद्यालयका प्रअ यमकान्त पौडेलद्धारा प्रगती प्रतिवेदन प्रस्तुत गर्नुभएको हो । विद्यार्थीको नृत्य, पिटी प्रर्दशनी लगाएतका प्रस्तुती रहेको कार्यक्रममा निसीखोला गाउँपालिका निमित्त प्रमुख प्रशासकिय अधिकृत दिलिप कुमार चन्द,जनप्रतिनिधी, कर्मचारी, चन्दादाता, विभिन्न विद्यालयका प्रध्यानाध्यापक, जिल्ला वन कार्यालय र इलाका वन कार्यालय बुर्तिबाङका प्रमुख ,विद्यालय व्यवस्थापन समितीका सदस्य लगाएतको आतिथ्यता रहेको कार्यक्रम वडा नं. ४ का अध्यक्ष टिकानिधी पौडेलको स्वागत, विद्यालय व्यवस्थापन समिती अध्यक्ष डा. शान्तराज सर्माको अध्यक्षता, शिक्षक हुतराज भुषाल र चित्र कुमारी पौडलले सञ्चालन गर्नुभएको थियो ।

बुर्तिबाङ जेठ ३ गते
ढोरपाटन नगरपालिका २ तारिखेत स्थित तरकारी बारिमा बुधबार बिहान शव भेटिएसंगै मृतकका आफन्तले उक्त घटना सुनुयोजित रुपमा हत्या गरिएको बताउँदै सत्य तथ्य बाहिर ल्याई दोषिलाई कारवाहीको माग सहित प्रहरी प्रशासनलाई ध्यानाकषर्ण गराएका छन ।
बिहान १० बजेदेखि बुर्तिबाङ बजारमा ¥याली सहित पिडितले न्याय पाउनु पर्ने माग सहित घटनालाई प्रहरी प्रशासनले गम्भिर रुपमा लिन नखोजेको आरोप लगाएका छन ।
ढोरपाटन नगरपालिका ६ मोराङ स्थाई घर भई हाल ढोरपाटन नगरपालिका २ तारिखेत स्थित छोरीको घरमा कृषि पशु फार्म सञ्चालन गरेर बस्दै आउनु भएका अन्दाजी ५५ बर्षिय चेबो अदै बिहान करिब ६ बजे घर नजिकैको तरकारी बारिमा मृत फेला पर्नुभएको थियो ।

मृतकको शव

मंगलबार साँझ ७ बजेदेखि घरबाट सम्पर्क विहिन बन्नुभएका अदैलाई छोरी ज्वाँईले विभिन्न स्थानमा खोज्दा समेत फेला नपारेपछि रातको १० बजेनै इलाका प्रह्री कार्यालय बुर्तिबाङमा खबर गरिएको परिवारको भनाई छ ।
तर आफुहरुले खबर गर्दा समेत प्रह्रीले बेवास्ता गरेको परिवारको गुनासो छ । राती अवेर सम्म खोजिको ठाउँमा नभेटिएका अदै बिहान भने घर नजिकै तरकारी बारिमा मृत भेटिनुभएको थियो । घटनाको विषयमा प्रह्रीले अनुसन्धान प्रकृया अगाडी बढाएको हो । हालसम्म इलाका प्रहरी कार्यालय बुर्तिबाङले स्थानीय पाँच जनालाई अनुसन्धानका निम्ती ल्याईएको प्रहरीको भनाई छ । दोषि पत्ता नलागेसम्म आफुहरुले शव नउठाउने भन्दै परिवारले शव उठाउन मानेका छैनन् ।

घटनाको विषयमा प्रह्रीले गम्भिर रुपमा अनुसन्धानअगाडी बढाउन नसकेको र बजार नजिकै हुने यस्ता घटनाले प्रहरी प्रशासन कमजोर बन्दै गइरहेको ढोरपाटन नगरपालिका उपमेयर धन बहादुर कायत (कल्याण) ले बताउनु भयो । घटनाको विषयमा सत्य तथ्य चाँडै बाहिर नआए र दोषिलाई कानुनी दायरामा नल्याय आफुहरुले आन्दोलन चर्काउँदै जाने कायतको भनाई छ ।

मंगलबार दिउँसो तारिखेतमा स्थानिय युवाहरुविच मदिरा सेवन गरि झगडा समेत गरेको बुझिएको छ । सोही दिन ३ जनालाई प्रहरीले प्रकाउ समेत गरेको थियो । घटनाको विषयमा थप अनुसन्धानबाट मात्रै खुल्ने इलाका प्रह्री कार्यालय बुर्तिबाङका प्रमुख प्रहरी निरीक्षक राजेश अधिकारीले बताए ।