बुर्तिबाङ साउन ९
इलाका प्रहरी कार्यालय भीमगिठेका वरिष्ठ सइ उज्वल पौडेलको शव परिक्षण पोष्टमार्टम का लागि बागलुङ लगिएको छ ।
सोमबार राती बागलुङको बडिगाड गाउँपालिका–६ खार बजारको एक होटलमा मृत फेला परेका वरिष्ठ सइ पौडेलको शव पोष्टमार्टम गर्नका लागि बागलुङ लगिएको जिल्ला प्रहरी कार्यालय बागलुङ प्रहरी उपरिक्षक योगेन्द्र कुमार खड्काले बताउनुभयो ।
खार बजारमा आशा होटल एण्ड खाजा घर सञ्चालन गर्दे आएकी सञ्चालक आशा कुँवर र उनका छोरा विनोद कुँवरलाई अनुसन्धानका लागि जिल्ला प्रहरी कार्यालय लगिएको प्रहरीको भनाई । डियुटीमा खटिएका बरिष्ठ सई पौडेल राती १० बजे होटलमा खाजा खान पसेका बताइएको छ होटलको भुँई तलामा पर्दाको पासो लगाएको अवस्थामा मृत फेला परेको बागलुङका प्रमुख जिल्ला अधिकारी रोशनी कुमारी श्रेष्ठको भनाई छ ।
घटनाको विषयमा थप अनुसन्धान भएपछि मात्रै बास्तविकता बाहिर आउने जिल्ला प्रहरी कार्यालय बागलुङ प्रहरी उपरिक्षक योगेन्द्र कुमार खड्काले बताउनुभयो ।
