जेठ १९ गते
जिल्लाको ढोरपाटन नगरपालिका १ मा रहेको इलाका प्रशासन कार्यालय, मालपोत कार्यालय र नापि कार्यालय बजारमै व्यवस्थापन गर्ने गरि अजुर्न शेरचन सम्योजक रहेको जग्गा व्यवस्थापन समिती गठन गरिएको छ ।
लामो समयदेखि भाडाको घरमा सञ्चालन हुँदै आएको इलाका प्रशासन कार्यालय, मालपोत कार्यालय र नापि कार्यालयलाई आफनै प्रशासनिक भवनमा राख्ने विषयमा पछिल्लो समय छलफल चल्दै आइरहेको छ । केहि दिन पहिले इलाका प्रशासन कार्यालयले निशुल्क जग्गा उपलब्ध गराउन सुचना प्रकाशन गरेको थियो ।
त्यस लगत्तै प्रशासनिक कार्यालय बजार क्षेत्रमै रहनुपर्ने र त्यसका निम्ती स्थानीयले समेत सहजिकरण गर्ने विषयमा बजार क्षेत्रमा छलफल भएको हो ।
ढोरपाटन नगरपालिका वडा नं. १ को आयोजनामा विहिबार भएको विभिन्न दलका प्रतिनिधी, जनप्रतिनिधी, टोल विकास सँस्थाका प्रतिनिधी, स्थानीय बासी लगाएतको उपश्थितीमा भएको बैठकबाट नयाँ शहर आयोजनाका पुर्व अध्यक्ष अर्जुन शेरचन सम्योजक रहेको २५ सदस्य जग्गा व्यवस्थापन समितीको गठन गरिएको हो ।
समिती सदस्यमा राजनैतिक दलका प्रतिनिधी, समाजसेवी, बुद्धिजिवी, टोल विकास समितीका पदाधिकारी , उद्योग वाणिज्य संघ लगाएत रहेको समितीले बजार क्षेत्र आसपासमा जग्गा व्यवस्थापनका निम्ती प्रकृया अगाडी बढाउने निर्णय गरिएको वडा नं. १ का अध्यक्ष वान बहादुर छन्यालले बताउनु भयो ।

बजार क्षेत्रभन्दा बाहिर कार्यालयहरु लैजाँदै गर्दा सेवा ग्राहि नागरिकलाई असहज हुनुका साथै बजारमा चहलपहल समेत कम हुने भएका कारण बजार क्षेत्र भित्रै तथा आसपासको क्षेत्रमा व्यवस्था हुने गरि अगाडी बढिएको टोल विकास संस्थाका अध्यक्ष सरन पाण्डेले बताए ।

जेठ १७ गते
जिल्लाको वडिगाड गाउँपालिकामा महिला सशक्तिकरण तथा सक्षमता अभिबृद्धिका लागी दुई दिने अभिमुखिकरण कार्यक्रम बुधबारदेखि वडिगाड गाउँपालिका कार्यालयमा सुरु भएको छ ।
जागौँ, जगाऔँ र जोगाऔँ भन्ने अभियान सहित सुरु भएको कार्यक्रम वडिगाड गाउँपालिका अन्र्तगत १० वटै वडाका महिलाहरुलाई समेट्दै सुरु गरिएको वडिगाड गाउँपालिका अध्यक्ष गण्डकी थापाले बताउनु भयो । वडिगाड गाउँपालिकाको आयोजना तथा सिवाइसी नेपालको साझेदारीतामा कार्यक्रम सुरु भएको हो । आज पहिलो दिन वडिगाड गाउँपालिका अन्र्तगत वडा नंं. ४ देखि १० सम्मका महिलाहरुको उपश्थितीमा कार्यक्रम सम्पन्न गरिएको थियो । त्यस्तै विहिबार वडा नंं. १,२ र ३ लाई लक्षित गर्दे खर्वाङमा कार्यक्रम सञ्चालन गरिने बताइएको छ ।

महिलालाई नेतृत्व विकास गर्न उत्प्रेरित गर्ने र महिलाको क्षमता विकास गर्दे उनिहरुलाई हरेक क्षेत्रमा अगाडी बढाउने उदेश्य सहित यो कार्यक्रम सञ्चालन गरिएको बताउँदै महिलामा क्षमताको विकास र नेतृत्व तहमा पुग्ने अवस्था भएमा मात्र समाज रुपान्तरण हुने बताउनु भयो । पालिकाले महिला सिप विकास कार्यक्रम अन्र्तगत हालसम्म ८० जना महिलालाई मुढा बुनाई, सिलाई कटाई लगाएतका क्षेत्रमा उद्धमी बनाइएको बताउनु भयो ।
उहाँले बागलुङ जिल्लामा महिला नै प्रमुख जिल्ला अधिकारी रहेको बताउँदै नेतृत्व तहमा पुग्न महिलाहरु सक्षम बन्नुपर्ने बताउनु भयो । बागलुङका प्रमुख जिल्ला अधिकारी रोशनी कुमारी श्रेष्ठको प्रमुख आतिथ्यता रहेको आयोजित कार्यक्रममा श्रेष्ठले बोल्दै पालिकाले लिएको यस्तो कार्यक्रम आफैमा महत्वपूर्ण रहेको बताउँदै महिलाहरु आत्मनिर्भर , सक्षम र नेतृत्व विकास जस्ता कार्यमा सक्रिय बन्नुपर्नेमा जोड दिनुभयो ।

समाजमा हुने महिला हिँसा, विकृर्ति , विसंगतीका विषयमा सक्रियता देखाउन समेत महिलाहरुलाई आग्रह गर्दे यस्तो महत्वपूर्ण कार्यक्रममा पुरुषहरुलाई समेत संगै राखेर सचेतना अगाडी बढाउन सकेमा अझै प्रभावकारीता हुने विश्वास व्यक्त गर्नुभएको थियो ।
कार्यक्रमको विशिष्ठ अतिथीको रुपमा रहनु भएका नेफ्स्कुनका केन्द्रिय सदस्य तथा सिवाईसीका साकोसका केन्द्रिय अध्यक्ष चण्डीप्रसाद सर्माले बोल्दै महिला शसक्तिकरण र क्षमता विकासले मात्रै समाज अगाडी बढ्ने बताउँदै पछिल्लो समय केही सहकारीमा देखिएको नकारात्मक प्रभावले गर्दा समग्र सहकारी र लघुवित्तलाई समेत असर परिरहेको बताउँदै सिस्टम र पद्धतीमा रहेका सँस्थाप्रति कुनै संका नगर्न सेयरसदस्यलाई आग्रह गर्नुभयो । हल्लाको पछि लाग्नु भन्दा पहिले वास्तविकता अध्ययन गरेर अगाडी बढ्न आग्रह गर्दे सिवाईसी सहकारीको विषयमा चिन्ता नलिन आग्रह गर्नुभयो । कार्यक्रममा सिवाईसी नेपालकी सञ्चालक समिती सदस्य तथा राष्ट्रिय सहकारीका केन्द्रिय सदस्य सिता सर्माले बोल्दैमहिलाहरुको नेतृत्व बिकास र क्षमता अभिबृदि गर्ने उदेश्ले आयोजना गरिएको उक्त कार्यक्रमले समज रुपान्त्रणमा माहिलाहरुको महत्वपुर्ण भुमिका रहेको कुरा प्रस्ट पार्नुभयो ।
कार्यक्रममा स्वस्थ्य स्वयंसेबिका, महिला अधिकार कर्मी, अगुवा महिला, पालिका भित्र रहेका महिला कार्मचारी लगायत करिव १०० जना माहिला सहभागि रहेका थिए । गाउँपालिका उपाध्यक्ष भिमसेन बनको स्वगत मन्तब्य सङ्गै सुरु भएको कार्यक्रमको सञ्चालन कार्मचारी गिता पौडेलले गर्नु भएको थियो ।

बागलुङ जेठ १६ गते
ढोरपाटन नगरपालिकाको न्यायिक समितीले बोबाङमा बाढिका कारण ज्यान गुमाएका तथा घरबास बिहिन बनेका पिडितले दाताहरुबाट पाएको राहात रकमको पिडितले दिएको निवेदन अनुसार आर्थिक आय व्याय सत्य तथ्य सहित बाहिर ल्याउन खाता सञ्चालकहरुले चासो नदिएको भन्दै अब कानुनी प्रकयाबाट अगाडी बद्ने तयारि गरिएको न्यायिक समितीका सम्योजक धन बहादुर कायतले बताउनु भएको छ ।
२०७७ साल भदौ १७ गतेको बाढिका कारण ढोरपाटन नगरपालिका ७,८ र ९ मा ठुलो मानविय सहित भौतिक क्षेती भएको थियो । उक्त बाढि पहिरोका कारण आक्रान्त बनेका पिडितलाई राहात दिन विभिन्न दाताहरुले हात फैलाउँदै गर्दा ढोरपाटन नगरपालिकाले एकद्धार प्रणालीबाट राहात वितरण गर्ने गरि अगाडी बढेपछि स्वदेश तथा विदेशमा रहेका १२० दाताहरुले कुल २ करोड ७४ लाख बढि राहात रकम नगरपालिकाले सञ्चालन गरेको बैँक खाता र जिन्सी तथा खाध्यान्ह नगरपालिकामा हस्तान्त्रण गरेका थिए ।

गत २०८० जेठ ७ गते बाढि पिडितहरु मध्ये १९ जना पिडित र १ सहयोगी दाताले निवेदन सहित ढोरपाटन नगरपालिकाको न्यायिक समितीमा बाढि पिडितको नाममा आएको रकमको आय व्याय र कस्कस्ले कति रकम पाय भन्ने विषयमा निर्णय सहित लिखित रुपमा सार्वजनिक गर्न निबेदन दिएपछि न्यायिक समितीले उक्त विषयमा प्रकृया अगाडी बढाएको थियो ।

एकद्धार प्रणालीमा रकम जम्मा गर्ने सम्वन्धमा उक्त समयमा नगरपालिकाका मेयर देव कुमार नेपाली सहित ७ जना कार्यपालिका सदस्य र ३ जना कर्मचारिको बैठकले पुर्व नगर उपप्रमुख कर्मती पुन र कर्मचारी चण्डी प्रसाद पौडेलको नाममा बुर्तिबाङ स्थित ग्लोबल आइएमी बैँकमा खाता खोल्ने निर्णय गरिए बमोजिम खाता खोलिएको थियो ।
उक्त खातामा कुल दुई करोड, ७४ लाख, २ सय ८९ रुपैयाँ १३ पैसा रकम विभिन्न १ सय २० दाताहरुबाट संकलन भएको पाइएको छ ।

स्थानिय बाढि पिडितले दिएको उजुरी पछि ढोरपाटन नगरपालिका उपप्रमुख तथा न्यायिक समितीका सम्योजक धनबहादुर कायत, सदस्य गोपाल महत र तम बहादुर महतको बैठकले खाता सञ्चालक निवर्तमान उपप्रमुख कर्मती पुन र कर्मचारी चण्डीप्रसाद पौडेललाई तत्काल एकद्धार प्रणालीमा आएको आम्दानी र खर्च विवरण विल भरपाई सहित सार्वजनिक गर्न गत जेठ १० गतेलाई पहिलो पटक समय दिइएको थियो त्यस्तै दोश्रो पटक जेठ १४ गते र तेश्रो पटक जेठ १६ गतेलाई गरि ३ पटक सयम दिँदा समत हालसम्म पनी वास्तविक तथ्य सहितको आम्दानी खर्च विल भरपाई पेश गर्न नसकेको भन्दै आजको बैठक अनुसार अव पिडितको उजुरीलाई टेकेर कानुनी प्रकृयामा जाने तयारि गरिएको समिती सदस्य गोपाल महतको भनाई छ

त्यस्तै न्यायिक समितीद्धारा ग्लोवल बैँकमा एकद्धार प्रणाली राहात कोषका लागी खोलीएको खाताको स्टेटमेन्ट पाउँ भनी निवेदन दिइएकोमा मंगलबार बैँकले समितीलाई स्टेटमेन्ट उपलब्ध गराएको थियो ।
उक्त स्टेटमेन्ट अनुसार कुल १२० दाताले राहात आर्थिक रकम जम्मा गरेको कुल दुई करोड ७४ लाख, २ सय ८९ रुपैयाँ १३ पैसा जम्मा भएको र मेयर देवकुमार नेपालीको ठाडो आदेशमा उक्त खाता बन्द गरिएको पाइएको समितीले जनाएको छ ।
उक्त जम्मा भएको रकम मध्ये कुल १७ वटा चेकबाट रकम निकाशा गरिएको छ । जसमा १० वटा चेकबाट निवर्तमान उपप्रमुख कर्मती पुनको नाममा २ करोड, ४५ लाख ४१ ह्जार २ सय ८९ रुपैयाँ १३ पैसा निकासा भएको पाइएको हो । ६ वटा चेक मार्फत राम बहादुर घर्तिको नाममा २५ लाख ५९हजार र रुपाल घर्तिको नाममा ३ लाख रुपैयाँ निकासा गरिएको समितीले निकालेको तथ्याँकमा उल्लेख गरिएको छ । त्यस्तै ढोरपाटन समाज रुपन्देहीले दिएको निवेदन अनुसार ३ लाख ९५ हजार ३७० रुपैयाँ बैँक खातामा जम्मा गरेको नदेखिएको बताइएको छ ।
आफहरुले ३ पटक सम्म अवसर दिँदा समेत वास्तविक तथ्याँक विल भरपाई लिएर खाता सञ्चालकहरु उपश्थित नभएका कारण निवेदन उपर कारवाही प्रकृया अगाडी बढाउने तयारि गरिएको सम्योजक कायतले बताउनु भयो ।
नगरपालिकाबाट भएको कार्यक्रममा पालिकामा विल भरपाई हुनुपर्नेमा पालिकामा समेत नराखी व्याक्तिगत रुपमा राखिएको र पटक पटक निवेदन गर्दा समेत तथ्य सहित नआएका कारण आफुहरुले कानुनी प्रकृया खोज्नुपर्ने वाध्यता भएको कायतको भनाई छ ।
उता खाता सञ्चालक निवर्तमान उपप्रमुख कर्मती पुनले पिडितको माझमा गएर आम्दानी खर्च सार्वजनिक गर्ने भनी गत जेठ १४ गते तयारि गर्नुभएको तर न्यायिक समितीले तथ्य सहित उपश्थित हुन आग्रह गरेका कारण आज दिइएको मितिमा समेत उपश्थित हुन नसकेको न्यायिक समिती सदस्य तम बहादुर घर्तिको भनाई छ ।

जेठ १६ गते
राष्ट्रिय स्वतन्त्र पार्टीले ढोरपाटन ढोरपाटन नगर समितीको पूर्णता दिइएको छ । केहिदिन अगाडी अमर लोप्चन सभापती रहेको ११ सदस्य समिती गठन गरेको पार्टीले मंगलबार अमर लोप्चनको अध्यक्षतामा बैठक बस्दै समितीलाई पूर्णता दिइएको क्षेत्रीय सदस्य दिपक घर्तिले बताउनु भयो ।
नवगठित समिती पदाधिकारीमा उपाध्यक्ष रामलाल पाण्डे, सचिव चन्द्र कुमार गौतम, कोषाध्यक्ष स्याम कुमारी वि.क. चयन हुनुभएको हो । सर्वसहमती प्रणालीबाट गठन भएको समितीको सदस्यहरुमा क्रमश रबि पन्त, भरत बि.क, राज कुमार पौडेल, सबर सिर्पाली, रिता परियार, नविन अदै, एलविन कायत चयन हुनु भएको हो ।

त्यस्तै साधारण सदस्यमा रिया परियार,ताल बहादुर घर्ति, तिलक खत्री, सचित श्रेष्ठ, ललित कुमार भण्डारी, प्रेम बि.क रहनु भएको बताइएको हो । पार्टीका प्रदेश सदस्य टेक बहादुर कुवंर (रमेश) र क्षेत्रीय सदस्य दिपक कुमार घर्तिको बिशेष उपशिथतीमा कार्यक्रम भएको जनाइएको छ ।
बैठकले सदस्यता थप गर्ने, वडा कमिटी गठन गर्ने, कार्यालय व्यवस्थापन लगाएतका विषयमा छलफल गरिएको दिपक कुमार घर्तिको भनाई छ ।

जेठ १५ गते
तमानखोला गाउँपालिकाको आयोजनामा प्रर्यटकिय स्थल सोलेडाँडामा राष्ट्रिय झण्डा फहराउनुका साथै द्धन्द्ध पिडित परिवारलाई पालिकाको तर्फदेखि सम्मान गरिएको छ ।

गाउँपालिकाको आयोजनामा गणतन्त्र दिवशको अवसर पारेर पालिकाबाट शसत्र द्धन्दको समयमा राज्य पक्षबाट ज्यान गुमाएका ४ शहिदको सम्झनामा परिवारका सदस्यलाई अभिनन्दन पत्र र दोसल्ला ओढाएर सम्मान गरिएको हो । पालिकाले प्रर्यटकिय क्षेत्र सोले डाँडामा शहिदको सम्झनामा सालिक समेत निर्माण गरेको हो । गाउँपालिका अध्यक्ष जोकलाल बुढाको अध्यक्षतामा आयोजित कार्यक्रमका अवसरमा सोले डाँडामा विभिन्न क्षेत्रबाट देख्न सकिने नेपालको राष्ट्रिय झण्डा फहराइएको हो ।
आयोजित कार्यक्रममा बोल्दै अध्यक्ष बुढाले गणतन्त्र दिवशको अवसरमा पालिकामा द्धन्द्धको समयमा ज्यान गुमाएका पसिवारलाई सम्मान, वेपत्ता पारिएको व्याक्तिको सम्झना गर्दे पालिकाको प्रर्यटकिय हवको रपमा विकसित हुँदै गएको सोले डाँडामा झण्डा फहराइएको बताउँदै यस क्षेत्रको प्रर्यटन प्रर्वधनमा टेवा पुग्ने गरि झण्डा फहराइएको बताइएको हो ।

कार्यक्रमका अवसरमा प्रमुख प्रशासकिय अधिकृत इश्वरलाल शाक्य, ६ वटै वडाका अध्यक्ष तथा कार्यपालिका सदस्य वडा सदस्य, स्थानिय बासि लगाएतको उपश्थिती रहेको थियो ।

कार्यक्रम कर्मचारी मुना विश्वकर्माले सञ्चालन गर्नुभएको थियो ।

जेठ १५ गते
शिवालय माध्यमिक विद्यालय ढोरपाटन नगरपालिका ५ को ६५ औँ बार्षिक उत्सव तथा अभिभावक दिवश कार्यक्रम सोमबार सम्पन्न भएको छ । विविध कार्यक्रमका साथ आयोजित बार्षिक उत्सव समारोहलाई गण्डकी प्रदेश साँसद दोर्ण कुमार कुवंरले उद्धघाटन गर्नुभएको हो ।
विद्यालय व्यवस्थापन समिती अध्यक्ष देविराम सापकोटाको अध्यक्षतामा आयोजित कार्यक्रममा प्रमुख अतिथी साँसद कुवँरले कार्यक्रमको उद्धघाटन पश्चात आफनो मन्तव्य राख्दै अको शिक्षा निती व्यवहारीक र उत्पादन मुखि हुनुपर्नेमा जोड दिनुभयो ।
सामुदायिक विद्यालयमा राज्यको लगानी बढि भएपनी शैक्षिक गुणस्तरमा विकास हुन नसक्दा पुरानो शिक्षा प्रणालीले समाज र देशको रुपान्तरणमा उल्लेखिय भुमिका निर्वाह गर्न नसकेको बताउनु भयो । आयोजित कार्यक्रममा थप वोल्दै साँसद कुवंरले शिवालय माध्यमिक विद्यालयमा पुर्वाधार विकास, खेलमैदान व्यवस्थापन र विद्यालय भुजिखोलाको जोखिममा रहेका कारण त्यसलाई व्यवस्थापनमा निम्ती आफनो पाँच बर्षे कार्यकालमा धेरै काम गर्ने प्रतिबद्धता जनाउँदै टटवन्ध निर्माणको कामलाई यसै आर्थिक बर्षमा गर्ने प्रतिबद्धता जनाउनु भयो ।

उहाँले यस क्षेत्रको विकास र समृद्धिमा आफुले नागरिक संग सम्मोन्य गरेर योजना ल्याउने बताउँदै आफनो पाँच बर्षको कार्यकालयमा सडक, खानेपानी, मोटरेवल पुल, विद्यालयको भौतिक पूर्वाधार विकास र उत्पादन तथा रोजगार मुलक कार्यक्रमलाई प्राथमिकता दिएर काम गर्ने बताउनु भयो ।

खानेपानीको काकाकुल अवस्था वेहोरी रहेका अर्नाकोट, देउराली खल्वाङ, चौर निन्नेचौर मस्ति तथा निसीखोला ५ र ६ का नागरिकलाई समयमै खानेपानीको पहुँच पुग्ने गरि काम गर्ने, घैयाखानी सडक व्यवस्थापन, दोगाडी, गाडीखोला ढोरपाटन सडक क्रमागत रुपमा अगाडी बढाउने गरि पहल गर्ने, गाडीखोला मोटरेवल पुल निर्माणमा पहल गर्ने बताउनु भयो । अस्तु ओडारवोट मोटरेवल पुल ठेकेदारको लापरवाहीका कारण अलपत्र भएका कारण आगामी आर्थिक बर्षभित्र सक्ने गरि प्रकृया अगाडी बढेको बताउनु भयो ।

सालझण्डी ढोरपाटन सडक लामो समयदेखि प्रभावकारी नभएका कारण निरन्तर खवरदारी गर्ने बताउनु भयो । आयोजित कार्यक्रमका अवसरमा विशिष्ठ अतिथीको रुपमा ढोरपाटन नगरपालिका प्रमुख प्रशासकिय अधिकृत विष्णु प्रसाद ज्ञवाली, शिक्षा शाखा प्रमुख ज्ञानेन्द्र सापकोटा, वडा नं. ५ का अध्यक्ष दिपेन्द्र पुन, शिक्षक अभिभावक संघका अध्यक्ष रुप प्रसाद भण्डारी, भुतपुर्व प्रध्यानाध्यापक दिपक कुमार छन्त्याल, सैखोला लघुजलविधुत आयोजनाका अध्यक्ष गुञ्जमान घर्तिमगर लगाएतले शुभकामना मन्तव्य रहेको कार्यक्रममा विद्यालयका प्रध्यानाध्यापक वेग बहादुर छन्त्यालद्धारा विद्यालयको बार्षिक प्रतिवेदन प्रस्ततु गर्नूभएको हो ।
आन्तरिक विद्यार्थीको क्षमता विकास सम्वन्धी खेलकुद कार्यक्रम, शिक्षक र अभिभावक विचको मैत्रीपूर्ण भलिवल खेल , शिक्षक र विद्यार्थीको नृत्य लगाएतको प्रस्तुती रहेको कार्यक्रममा विभिन्न चन्दादाता सम्मान, अभिभावक सम्मान लगाएतका कार्यक्रम रहेको थियो ।
विद्यालयका शिक्षक सुनमाया घर्तिको स्वागत, शिक्षक नन्दराम गौतमको सञ्चालनमा कार्यक्रम सम्पन्न भएको हो ।

बागलुङ जेठ १४ गते

इमेज बचत तथा ऋण सहकारी संस्था लिमिटेडका बचतकर्ताहरुले समस्या समाधानका लागि सहजीकरण गरिदिन जिल्ला सहकारी संघ लिमिटेड बागलुङसंग माग गरेका छन् ।

बचतकर्ताहरुका तर्फबाट गठित संघर्ष समिति र जिल्ला सहकारी संघका पदाधिकारी सदस्यहरुबीच शनिवार बिहान भएको छलफल कार्यक्रममा संघका तर्फबाट समन्वयकारी भूमिका निर्वाह गर्नका लागि माग गरिएको हो ।

इमेज सहकारीले बागलुङका धेरै बचतकर्ताहरुको रकम जोखिममा पारेको छ, रकम फिर्ताका लागि बचतकर्ताहरुले ६ महिनाको समय थप गर्न सहमति जनाउदै समस्या समाधान गर्न सहजता प्रदान गर्दा पनि संस्थापक अध्यक्ष देव कुमार नेपाली लगायत सम्पर्क विहिन भएका कारण थप समस्या भएको संघर्ष समितिका संयोजक डिल बहादुर कार्कीले बताउनुभयो ।

उहाँले देवकुमार नेपाली लगायत संस्थासंग सम्बन्धित व्यक्तिहरुलाई कानुनी दायरामा ल्याउन संघर्ष समितिले विभिन्न कार्यक्रम सञ्चालन गर्ने तयारी गरेको भन्दै जिल्ला सहकारी संघका तर्फबाट सल्लाह सुझाव सहित समन्वयकारी भूमिका निभाईदिन आग्रह गर्नु भएको थियो ।

इमेज सहकारीले सूचना प्रकाशित गरेर कार्यालय बन्द गरेदेखि नै जिल्ला सहकारी संघको अगुवाईमा संस्थालाई सहज रुपमा सञ्चालन गर्न र बचतकर्ताहरुको रकम फिर्ताका लागि समन्वय गरेका थियौ, जिल्ला सहकारी संघका अध्यक्ष हुमा कुमारी जि.सी.(अञ्जु)ले भन्नुभयो,–‘हामीले गरेको समन्वयकारी भूमिका र आम बचतकर्ताको भावना विपरित देव कुमार नेपाली र उहाँको टिम सम्पर्क विहिन भएका कारण थप समस्या परेको छ, यो समस्यालाई समाधान गर्नका लागि संघको तर्फबाट समन्वय गरेर अगाडि बढ्छौ ।’

इमेज मात्रै होइन शिवशिखरका बचतकर्ताको बचत फिर्ताका लागि पनि हाम्रो तर्फबाट निरन्तर खबरदारी र समन्वय भैरहेको छ, राष्ट्रिय सहकारी महासंघ लगायत सरोकारवाला निकायहरुमा समस्या समाधानका लागि निरन्तर ध्यानाकर्षण गराउनुका साथै बचतकर्ताहरुको बचत फिर्ता गर्न दवाव समेत दिदै आएको जिसीले बताउनुभयो ।

छलफलका क्रममा बचतकर्ताहरुले सरकारले समस्यामा परेका बचतकर्ताको रकम फिर्ता गर्ने कुरामा गंभिरताका साथ लिनु पर्ने, सम्पर्क विहिन भएका देव कुमार नेपाली लगायतलाई खोजी गरी कार्वाही गर्नुका साथै इमेज सहकारी संस्थासंग सम्बन्धितहरुबाट बचतकर्ताहरुको रकम फिर्ता गर्नु पर्ने बताएका थिए ।

इमेज सहकारीले बागलुङ बजारमा सञ्चालित कार्यालयबाट १ अर्ब २४ करोड, गलकोट सेवा केन्द्रबाट १८ करोड र बुर्तिबाङ सेवा केन्द्रबाट १२ करोड बचत संकलन गरेको सहकारी रजिष्ट्रार कार्यालय पोखराका अधिकृत चोलाकान्त वाग्लेले जानकारी दिनुभएको छ ।

बैशाख ७ गते सूचना प्रकाशित गरेर इमेज सहकारीको कार्यालय बन्द गरेपछि जिल्ला सहकारी संघको समन्वयमा बैशाख १२ गतेदेखि कार्यालय सुचारु गरिएको थियो । कार्यालय शुरु भएपछि नियमित रुपमा जिल्ला सहकारी संघ र बचतकर्ताहरुसंग समन्वय गदैै बचत फिर्ता गर्छु भनेका देव कुमार नेपालीले जेठ १ गते बचतकर्ताहरुको भेला समेत गर्नु भएको थियो ।

भेलामा बचतकर्ताहरुले ६ महिना बचत फिर्ताका लागि समय थप गर्ने सहमति दिएका थिए, बचतकर्ताले दिएको समयसिमा भित्र बचतफिर्ताका लागि आवश्यक पहल गर्नु पर्नेमा सम्पर्क विहिन भएपछि बचतकर्ताहरु थप अन्यौलमा परेका छन् ।

देव कुमार नेपाली सहितको इमेजका जिम्मेवार मान्छेहरु सम्पर्क विहिन भएपछि बचतकर्ताहरुले संघर्ष समिति गठन गरी बचतफिर्ताका लागि अगाडि बढेका छन् ।

बचतकर्ताहरुको निवेदन पछि प्रदेश सहकारी रजिष्ट्रारको कार्यालयका तर्फबाट संस्थाको वित्तीय अवस्थाको बारेमा अनुमगन गरी इमेजको कार्यालय शिल गर्नुका साथै कानुनी कार्वाहीका लागि केन्द्रीय अनुसन्धान व्यूरोमा सिफारिस गरेको प्रदेश रजिष्ट्रार कार्यालयले जनाएको छ ।

साभार आर्दश सञ्चार

जेठ १४ गते बुर्तिबाङ
सालझण्डी –ढोरपाटन सडक खण्ड अन्र्तगत पर्ने बुर्तिबाङ –ढोरपाटन खण्ड अन्र्तगत बढि जोखिम युक्त क्षेत्रमा तत्काल काम अगाडी बढाउन गण्डकी प्रदेशका सांसद दोर्ण कुमार कुवंरले निर्माण कम्पनीलाई निर्दशन दिनुभएको छ ।
आइतबार बुर्तिबाङ देखि सैखोला क्षेत्र सम्म फिल्ड अनुगमन गर्दे सांसद कुवंरले आगामी दुईदिन भित्रै काम सुरु हुने गरि बुर्तिबाङ बजार नजिकै पर्ने चुरेलावास खण्ड, कोइराला खण्ड र बुढाथोक बजार नजिकको खण्डमा बढि अपठ्यारो र साँघुरो सडक रहेको बताउँदै जेठ मशान्त भित्रै काम सक्ने गरि काम अगाडी बढाउन निर्माण कम्पनीका इन्चार्ज रमेश लामालाई आग्रह गर्नुभयो ।

ओम बुद्ध कन्ट्रक्सन कम्पनीले ३६ महिनामा बुर्तिबाङ–ढोरपाटन सडक खण्ड ग्राभेलिङ सम्म पुरा गर्ने जिम्मा पाएको बताइको छ । ९ मिटर चौडा रहने उक्त सडक खण्डमा कम्पनीले पछिल्लो समय ग्याविन भर्ने, सडक कटिङ गर्ने, ह्युम पाईप राख्ने काम भइरहेको साईड इन्चार्ज सन्तोष खत्रीले बताए ।

सांसद कुवँरले निर्माण कम्पनीका इन्चार्ज प्राविधिकलाई फोन मार्फत र साईड इन्चार्जलाई समेत प्रत्यक्ष फिल्डमा लगेर काम अगाडी बढाउन आग्रह् गर्नुभको हो । आयोजनाले तत्काल काम अगाडी बढाउने जनाइएको छ । बुर्तिबाङ बजार नजिकैको चुरेलावास भन्ने स्थानमा सडक छेउँमा ठुलो चट्यान छ उक्त क्षेत्रमा सडक अतिनै साँघुरो रहेका कारण ठुला सवारीका साधन वारपार गर्ने कठिन हुने गरेको सवारी चालकको भनाई छ । जोखिम मोलेर सडक वारपार गर्नुपर्ने वाध्यता छ यसलाई चाँडै काम अगाडी बढाउँदा यहाँका नागरिक तथा ढोरपाटन जाने प्रर्यटकलाई समेत सडकमा सहजता हुने स्थानीयको भनाई रहेको हो ।

हामीले सडक निर्माणको कामलाई सक्रिय पुर्वक अगाडी बढाउन पटक पटक आग्रह गरिएपनी निर्माण कम्पनीबाट कार्यसम्पादनमा ढिलाई भइरहेको छ यसलाई चाँडै सक्ने गरि पहल हामीले पनी गर्दे आएका छौँ सन्धीखर्क –ढोरपाटन सडक आयोजना कार्यालयका सुपर भाइजर कुल बहादुर कुवंरले बताउनु भयो ।

निर्माण कम्पनी संग समयमा काम सक्ने गरि तिव्र गतिमा काम अगाडी बढाउन धेरै नै आग्रह गरिएपनी कामले गति लिन नसक्दा नागरिकले लामो समयदेखि सास्ती खेप्न बाध्य भइरहेको ढोरपाटन नगरपालिकाका कार्यवाहक अध्यक्ष धनबहादुर कायतले बताउनु भयो । बुर्तिबाङ देखि ढोरपाटन सडक खण्ड करिव ३७ किलोमिटर रहेपनी सडक अव्यवस्थित हुँदा स्थानिय नागरिक र यहाँ आउने प्रर्यटकले सास्ति खेप्दै आएका छन ।

फिल्ड अनुगमनका क्रममा माननिय सांसद दोर्ण कुमार कुवंर, ढोरपाटन नगरपालिका कार्यवाहक अध्यक्ष धन बहादुर कायत, तमानखोला गाउँपालिका अध्यक्ष जोकलाल बुढा, ढोरपाटन नगरपालिका कार्यपालिका सदस्य नविन शेरचन , निर्माण कम्पनीका साईट इन्चार्ज सन्तोष खत्री , पत्रकार लगाएतको उपश्थिती रहेको थियो ।

जेठ १३ गते
बागलुङको तमानखोला गाउँपालिकाद्धारा पालिका स्तरिय सार्वजनिक सुनुवाई कार्यक्रम शनिवार गाउँपालिका कार्यालयमा सम्पन्न भएको छ । पालिकाले आर्थिक बर्ष २०७९÷०८० को निती कार्यक्रम, बजेट तथा योजना र सेवा प्रवाहका सन्दर्भमा पालिकाबासी नागरिकको विचमा सार्वजनिक सुनुवाई गरिएको हो ।
फाल्गुन १५ देखि २० गते सम्म ६ वटै वडामा पहिलो चरणमा सार्वजनिक सुनुवाई कार्यक्रम गरेको पालिकाले दोश्रो चरणमा पालिका स्तरमा सम्पन्न गरेको हो । गाउँपालिका अध्यक्ष जोकलाल बुढाको अध्यक्षतामा आयोजित कार्यक्रमका अवसरमा सहभागि नागरिकले विभिन्न सुझाव, गुनासो र प्रतिकृया राखेका छन ।
बढि मात्रामा पालिकालाई समृद्ध बनाउनका निम्ती सुझाब दिएका नागरिकले शिक्षा क्षेत्रतर्फ शैक्षिक गुणस्तर बृद्धिमा जोड दिनुपर्ने, कृर्षिलाई व्यवसाहीकरण, आधुनिकीकरणमा जोड दिनुपर्ने , १२ महिना चल्न सक्ने गरि सडक स्तर बृद्धि गर्नुपर्ने, मोटरेवल पुल निर्माणका निम्ती पहल गर्नुपर्ने, केन्द्रिय विधुत प्रसारण लाईन गाउँगाउँ सम्म पु¥याउनका निम्ती पहल गर्नुेपर्ने लगाएतका सुझाव पालिकालाई दिएका हुन ।

नागरिकले महिला सचेतना कार्यक्रम, युवा रोजगार ,बालविवाह न्युनीकरण, छुवाछुत तथा भेदभाव अन्त्यका निम्ती सचेतना मुलक कार्यक्रम बनाउन, कृर्षि तथा पशु उत्पादन तर्फ समानुपातिक नभई उत्पादनका आधारमा अनुदानका कार्यक्रम ल्याउन सुझाव दिएका छन् ।
तमानखोला गाउँपालिकाले लिएका निती कार्यक्रम राम्रो हुँदै गर्दा बेरुजु बृद्धि हुनुका कारण, प्रर्यटन प्रर्वधन हुन नसक्नु, सिमाँकन विबाद समाधान, बाँझो हुँदै गएको खेतियोग्य जमिनमा युवा उद्धम कार्यक्रम मार्फत सामुहिक र व्यवसाहीक निती बनाएर उत्पादनमा जोड दिन पालिकाले सहयोग गर्नुपर्ने सुझाव सहभागिले व्यक्त गरेका थिए ।

जग्गा करमा बढि रकम लिइएको, योजनामा बजेट विनीयोजन गर्दा स्टेमिटका आधारमा बजेट विनीयोजन नगरिएको नावाङ स्वास्थ्य चौकीको भवन निर्माण समयमा सम्पन्न नहुँदा नागरिकलाई समस्या भएको, कुलतमा फसेका युवालाई सचेतना कार्यक्रम बढाउन नसकिएको विषय समेत सहभागिको प्रश्न रहेको थियो ।
त्यस्तै प्राथमिक र आधारभुत तहका विद्यालयमा इन्टरनेट सेवा पु¥याउनु पर्ने, खेलकुद क्षेत्रको व्यवस्थापन र विकासमा जोड दिनुपर्ने, अध्यक्ष उपाध्यक्ष कप परिणाम मुखी नभएका कारण आवस्यक व्यवस्थापन गर्नुपर्ने, टोल तथा वस्तिमा सडक नपुगेको क्षेत्रमा सडक सञ्जाल जोड्न नागरिकको सुझाव थियो ।

कार्यक्रमका अवसरमा सहभागिले राखेको विज्ञासा तथा प्रश्नको शिक्षा संग सम्वन्धित विषयमा शिक्षा शाखा प्रमुख दुर्गादत्त घिमिरे, प्रशासन साखा तथा पालिकाको बेरुजुको विषय संग सम्वन्धित विषयमा गाउँपालिका प्रमुख प्रशासकिय अधिकृत इश्वरलाल शाक्य, महिला, तथा बालवालिका, न्यायिक क्षेत्र, योजना अनुगमनका सम्वन्धमा गाउँपालिका उपाध्यक्ष हिराकुमारी छन्त्याल र सडक योजनाका विषयमा वडा नं. १ का अध्यक्ष थम बहादर रोकाले सहभागिबाट आएका प्रश्न सुझावको जवाफ दिँदै दिइएको सुझावलाई मनन गर्दे आगामी निती कार्यक्रममा समावेश गरेर अगाडी बढ्ने प्रतिबद्धता जनाउनु भयो ।

त्यस्तै अधिकांस प्रश्नको जवाफ गाउँपालिका अध्यक्ष जोकलाल बुढाले दिनुभएको थियो । पालिका अध्यक्ष संग जोडिएका प्रश्न र सुझावको जवाफ दिँदै नागरिकले दिएका सुुझावलाई ग्रहण गर्ने र जनप्रतिनिधी, नागरिक, कर्मचारी, बुद्धिविजी सबैको सम्मोन्यले मात्र पालिका समृद्ध बन्ने बताउँदै सकारात्मक सुझावलाई आफुहरुले महत्वपूर्ण स्थान दिएर अगाडी बढ्ने बताउनु भयो ।
अध्यक्ष बुढाले नागरिकले दिएका प्रश्न र जिज्ञासाको जवाफ दिँदै तत्काल केन्द्रिय विधुत प्रसारण लाईन विस्तारका निम्ती माननिय दोर्ण कुमार कुवंरको पहलमा काम सुरु हुन लागेको, शिक्षा क्षेत्रको गुणस्तर बृद्धिका निम्ती महत्वपूर्ण योजना र पहल भइरहेको, सामाजिक विभेद हटाउन महत्वपूर्ण पहल भइरहेको, पालिका स्तरिय अस्पत्ताल निर्माणमा जग्गा अभावका कारण ढिलाई भइरहेको बताउनु भयो । उहाँले भु वनोट समथर नहुँदा ४ पटक सम्म प्राविधिक स्टेमिट डिपिआर पास हुन नसक्दा पालिका स्तरिय अस्पत्ताल भवन निर्माण अगाडी बद्न नसकेको बताउँदै जग्गा व्यवस्थापन आवस्यक रहेको प्रस्ट पार्नुभयो ।

पालिकामा उत्पादित कृषि उपजलाई बजारीकरका निम्ती कृषि संकलन केन्द्र स्थापना र कोल्ड स्टोर निर्माणका निम्ती पहल भइरहेको, बुर्तिबाङ–बोङगादोभान –म्याग्दी जोड्ने सडक स्तरउन्नतीका निम्ती प्रदेश र संघ सरकारमा पहल भइरहेको, मोटरेवल पुल निर्माणमा आगामी बर्ष २ वटा पुलको डिपिआर हुने गरि पहल भइरहेको, बोङगादोभान मोटरेवल पुल समयमा सक्ने गरि भुमिका निर्वाह भइरहेको आगामी बर्षदेखि पालिकामा देखिएको बेरुजुलाई शुन्य बनाउने गरि अभियान सुरु गरिएको बताउनु भयो

उहाँले थप वोल्दै क्लब तथा संघ संस्थाले समाज रुपान्तरणमा ध्यान दिनुपर्ने त्यसका निम्ती पालिकाले सम्मोन्य गर्ने, दलित, आमा समुहले समाज रुपान्तरण मुलक कार्यक्रम गर्नुपर्ने ,शिक्षक कर्मचारी आफनो पेशामा जिम्मेवार भएर लागेमात्रै पालिकाले थप विकास निर्माण, चेतनाको स्तरबृद्धि र समृद्धिमा फड्को मार्ने बताउनु भयो ।
कार्यक्रमका अवसरमा सहभागिको तर्फदेखि गम बहादुर पुन, मनोज श्रीपाली, कविन्द्र सिउतानी, हेमन्त नेपाली, धुर्व शेरचन, देवेन्द्र बुढामगर, खिम छन्त्याल, खगेन्द्र मान पुन, ओम प्रसाद पुन, भुमिराज रसाईली, भरत छन्त्याल, टोप बहादुर श्रीपाली, देविन्द्र बुढा, ओम बहादुर घर्ति, प्रेम बहादुर पुन, प्रेम घर्ति मगर, लगाएत सेवा ग्राहि नागरिकले आफनो मौखिम धारणा राखेका हुन । त्यस्तै कतिपयले लिखित रुपमा समेत धारणा राखेका थिए ।
कार्यक्रममा गाउँपालिका अध्यक्ष जोकलाल बुढा, उपाध्यक्ष हिराकुमारी छन्त्याल, प्रमुख प्रशासकिय अधिकृत इश्वरलाल शाक्य, ६ वटै वडाका वडा अध्यक्ष, कार्यपालिका सदस्य, वडा सदस्य, विषयगत शाखाका प्रमुख, स्वास्थ्य कर्मि, शिक्षक, राजनैतिक दलका प्रतिनिधी लगाएतको आतिथ्यता रहेको थियो ।

उपाध्यक्ष हिराकुमारी छन्त्यालको स्वागत, प्रमुख प्रशासकिय अधिकृत इश्वरलाल शाक्यको प्रतिवेदन सहितको मन्तव्य तथा कार्यक्रमका सहजकर्ता छविलाल पाण्डेद्धारा सार्वजनिक सुनुवाई कार्यक्रमको कार्यविधी, निती नियम, नागरिक प्रतिवेदन प्रस्तुत, वडा स्तरमा नागरिकले भोग्नुपरेका समस्या सहितको प्रतिवेदन प्रस्तुत सहित कार्यक्रम सञ्चालन गर्नुभएको हो ।
कार्यक्रम तमानखोला गाउँपालिकाको आयोजना सामुदायिक रेडियो ढोरपाटनको सहजिकरणमा सम्पन्न भएको थियो ।