बुर्तिबाङ
जिल्लाको ढोरपाटन नगरपालिका वडा नं वडा नं २ बुुर्तिबाङ तारीखेतमा एक किसोरी झुन्डिएको अवस्थामा मृत फेला परेकी छन् ।
अध्ययनका लागि बागलुङको बुर्तिबाङ बजारमा बस्दै आएकी १८ वर्षीय किशोरीले आत्महत्या गरेकी छन् ।
बडिगाड गाउँपालिका निगलपानी घर भएकी र निसीखोला गाउँपालिका– ७ चोलाङ माइत भएकी १८ वर्षीया शान्ति विक सनिबार राति १२ बजेको समयमा झुण्डिएको अवस्थामा भेटिएको इलाका प्रहरी कार्यालय बुर्तिबाङका प्रहरी निरीक्षक राजेश अधिकारीले जानकारी दिनु भएको छ ।
‘किशोरी कक्षा १२ मा अध्ययनका लागि बजारमा डेरा लिएर बस्दै आएकी रहेछिन्,’ प्रहरी निरीक्षक अधिकारीले भने, ‘राति १२ बजे झुण्डिएको खबर आएपछि हामी घटनास्थलमा पुग्यौं, शलले घाँटीमा पाँसो लगाएर कोठा भित्र पंखामा झुन्डीएको अवस्थामा उनी मृत भेटिएकी थिइन् ।’
उनका अनुसार भारतमा रहेका १८ वर्षीय श्रीमान सुमन विकसँग झुण्डिनुअघि कुराकानी भएको भेटिएको छ । प्रहरीले कुराकानी भएको मोबाइल बरामद गरी थप अनुसन्धानका लागि ल्याबमा पठाउने तयारी गरेको छ ।
प्रहरीले किशोरीको शव पोष्टमार्टमका लागि बुर्तिबाङ प्राथमिक अस्पतालमा ल्याएपनि परिवार र श्रीमान नआएसम्म अनुसन्धानको प्रक्रिया अघि नबढाउने बताएको छ ।
किशोरीले बुर्तिबाङमा रहेको उत्तरगंगा माविको कक्षा १२ मा अध्ययन गर्दै आएकी थिइन् ।
