भाद्र ९ गते शनिबार

नेकपा माओबादी केन्द्र ढोरपाटन नगर कमिटीको विस्तारित बैठक शनिबार बुर्तिबाङमा सम्पन्न भएको छ ।

केन्द्रिय समितीको निर्णय अनुसार “घरघरमा माओबादी जनजनमा माओबादी अभियान” अन्र्तगत नगरका सवै वडामा वडा विस्तृत रुपान्त्रणका कार्यक्रम गर्ने उदेश्य सहित कार्यक्रम सम्पन्न भएको जनाइएको छ ।

ढोरपाटन नगर अध्यक्ष भिम गौतमको अध्यक्षतामा आयोजित कार्यक्रममा नेकपा माओबादी केन्द्र केन्द्रिय सदस्य एवं ढोरपाटन नगर इन्चार्ज दुर्गा वि.क.को प्रमुख आतिथ्यता रहेको कार्यक्रममा केन्द्रिय सदस्य सुदिप कुवंर, जिल्ला सम्मोन्य समिती सम्योजक गण्डकी प्रदेश सचिवालय सदस्य ंराजिव घिमिरेको आतिथ्यता रहेको हो ।

बैठकले जनता सँग माओबादी बिस्तृत रुपान्त्रण अभियानका कार्यक्रमहरु वडा स्तरमा केन्द्रित भई सञ्चालन गर्नका लागी सिँगो नगर पार्टी पँक्ति दृढताका साथ लाग्ने गरी बैठक सम्पन्न भएको जनाईको छ । वडा स्तरको कार्ययोजना अनर्तगत यहिँ भाद्र ११ देखि १५ गतेसम्म कार्यक्रम सम्पन्न गर्ने निर्णय भएको हो । जसमा वडा नंं १ र ४ मा १५ गते, वडा नंं २,३,५,७ मा भाद्र १२ गते र वडा नंं ६,८ र ९ मा ११ गते कार्यक्रम गर्ने निर्णय भएको गोपाल महतले बताउनु भयो ।

कार्यक्रम नगर सचिव बिर बहादुर घर्तिको सञ्चालमा कार्यक्रम सम्पन्न भएको हो ।

बुर्तिबाङ भदौ ८
बागलुङको ढोरपाटन पुग्ने सडक समयमा निर्माण नभएपछि साँसद देखि स्थानीय जनप्रतिनिधीलाई यतिबेला निकै टाउको दुखाई बनेको छ । प्रर्यटकिय गन्तब्यको रुपमा परिचित हुँदै गएको ढोरपाटन देशकै एक शिकार आरक्ष क्षेत्रमा पर्दछ ।
उक्त क्षेत्रमा जान देश विदेशका नागरिक निकै आतुर छन तर एक पटक जो आए अर्काे पटक पुनह आउने मनस्थिती बिरलै पाइन्छ । प्रर्यटकलाई मात्रै कहाँ हो र ढोरपाटन आउ जाउ गर्ने यहाँका नागरिक, व्यवसाहीलाई समेत उत्तिकै सास्ति खेप्नुपर्ने बाध्यता कहिले हट्छ भनेर निर्वाचित जनप्रतिनिधीलाई स्थानीयले पटक पटक ध्यानाकर्षण गराउँदै आएका छन ।
सालझण्डी –ढोरपाटन सडक खण्ड अन्र्तगत पर्ने उक्त सडकमा बागलुङ खण्डमा मात्रै निकै सुस्त गतिमा काम भएको देख्न सकिन्छ । गुल्मी र अर्घाखाँची जिल्लामा पर्ने खण्डमा प्रभावकारी रुपमा काम भएको पाइएको हो ।
ढोरपाटन नरपालिकाको सदरमुकाम बुर्तिबाङ बजारदेखि करिब ३५ किलोमिटर टाढाको दुरीमा रहेको ढोरपाटन उपत्यकामा पुग्न जोड तोडका साथ ३ घण्टा सवारी यात्रा पछि मात्रै पुग्न सकिन्छ । सडक जिर्ण छ खाल्डा खुल्डी र जोखिम पूर्ण यात्रा गर्न जो कोही मान्दैन सवारीलाई उत्रिकै मार पर्ने र यात्रुलाई समेत सास्ति खेप्नुपर्ने बाध्यता रहेको अवस्था छ । उक्त सण्डमा काम निकै सुस्त गतिमा भएका कारण नागरिमा नैराश्यता छाएको हो ।

स्वच्छन्द निर्माण सेवा प्रालि (सञ्चालक जयराम लामीछाने) र ओम बुद्ध इन्टरनेशनल जेभि कम्पनी सञ्चालक (दिपेश लामा ) को सँयूक्त दुईवटा फर्मले २०७८ असोज महिनामा ३० महिना भित्रै सडक नालि सहित ग्राभेलीङको जिम्मा पाएको थियो । अवधी सकिन मात्र ९ महिना रहँदै गर्दा निर्माण कम्पनीले निकै सुस्त गतिमा काम गरेको पाइएको देखिन्छ ।
जोखिम ठाउँमा सडक कटान, नालि निर्माण, ग्रेड निर्माण देखि धेरै काम बाँकी रहँदा पनी कम्पनीले आफनो जिम्मेवारी प्रति तदारुकता नदेखाएकै कारण समयमा काम सम्पन्न नहुने र अझै लामो समय सम्म यस्तै सास्ती खेप्नुपर्ने बाध्यतामा नागरिक रहेको ढोरपाटन ९ का अध्यक्ष खिम बहादुर घर्तिको भनाई छ ।
साँघुरो सडक खाल्डाखुल्डी र हिलाम्य हुँदा पर्यटकका सवारी साधान ढोरपाटन पुग्न सक्दैनन्। यसबेला अधिकांश पर्यटक मोटरसाइकल र जीपमा यात्रा गर्छन्। पर्यटकले प्रयोग गर्ने सवारीसाधान बीचबाटोमै बिग्रिने हुँदा उनीहरूसमेत अलपत्र पर्ने गरेका छन्।
विसं २०७१ मा सो सडकको ट्र्याक खुलेको हो। गंगरेदेखि ढोरपाटनसम्म ६१ किलोमिटर लामो सडक छ। सालझण्डीदेखि ढोरपाटनसम्मको लम्बाइ एक सय ९७ किलोमिटर रहेको छ। बडिगाड गाउँपालिका–१० गंगरे, निसीखोला गाउँपालिका–७ राजकुट, वडा नं १ देविस्थान हुँदै ढोरपाटन जोडिएको सडक स्तरोन्नतिका लागि दुई वर्ष अगाडि सम्झौता भएको थियो।
हालसम्म २८ प्रतिशतमात्रै काम भएको सालझण्डी९ढोरपाटन सडक आयोजना कार्यालयका सूचना अधिकारी इन्जिनियर सरोज आचार्यले जानकारी दिए। ३० महिनामा काम सक्ने गरी २५ करोड रुपैयाँमा सम्झौता भएको आचार्यले बताए। स्तरोन्नतिको कामलाई तीव्रता दिन कार्यालयले निर्देशन दिए पनि निर्माण कम्पनीले ढिला सुस्ती गरिरहेको उनी बताउँछन्।

यस क्षेत्रबाट निर्वाचित प्रदेश सभाका माननिय दोर्णकुमार कुवँर, दिलमाया पौवी लगाएतको टोलीले भौतिक पुर्वाधार तथा यातायात मन्त्रालयमै पुगेर यहाँको समस्याका विषयमा मौखिक लिखित रुपमा ध्यानाकर्षण गराइसकेका छन । पटक पटक निर्माण कम्पनीलाई समेत फोन मार्फत ध्यानाकर्षण गराएका साँसद दोर्ण कुमार कुवँरले तत्काल जोखिम क्षेत्रमा काम गर्न समेत आग्रह गर्दा समेत निर्माण कम्पनीले अटेर गर्दे आएको पाइएको छ ।
यता ढोरपाटन नगरपालिकाका कार्यवाहक मेयर धन बहादुर कायतले समेत सडक निर्माणको काममा निर्माण कम्पनीले मनलाग्दी गरेको भन्दै शुक्रबार सर्वदलीय सर्वपक्षिय छलफलको आयोजना गर्दे तत्काल सम्वन्धित निकायमा ध्यानाकर्षण गराउने र डेलिगेशन समेत जाने बिषयमा छलफल भएको छ ।
निर्माण कम्पनीले काम नगरेपछि नागरिकलाई निकै सास्ती भयो जनप्रतिनिधीलाई समेत काम गरेनौँ भनेर नागरिकबाट आरोप आइसक्यो अव धेरै समय चुप लागेर बस्नु उचित नदेखिएपछि सम्वन्धित निकायमै पुगेर ध्यानाकर्षण गराउने र काम नहुने भएमा ठेक्कानै टोडेर अन्य प्रकृया अगाडी बढाउने विषयमा समेत छलफल गर्ने गरी आवस्यक तयारी गरिएको कायतको भनाई छ ।
जनप्रतिनिधी, राजनैतिक दल सहितको टोली केहि दिनमै सालझण्डी –ढोरपाटन सडक आयोजनाको कार्यालय सन्दिखर्कमा जाने र निर्माण कम्पनी र आयोजनाका प्रमुखलाई सँगै राखेर ध्यानाकर्षण गराउने निर्णय भएको कायतले बताए ।

बुर्तिबाङ भाद्र ७ गते
ढोरपाटन नगरपालिकाले नदिजन्य पदार्थको उत्खनन्मा रोक लगाउन नसक्दा लाखौँ रुपैयाँको राजश्व गुमाउनुका साथै मनपरि नदि जन्य पदार्थको दोहन रोकिन सकेको छैन ।
स्थानीय सरकार सञ्चालन ऐन २०७४ र पालिकाको आर्थिक ऐनमा रहेर नगर कार्यपालिकाको निर्णयबाट नदिजन्य पदार्थको नियन्त्रण तथा बिक्रीका लागी बोलपत्र आब्ह्वान गर्नुपर्ने ,निश्चत करको दायरा निर्धारण गर्नुपर्ने र निश्चित क्षेत्रमा मात्र नदिजन्य पदार्थको उत्खनन हुन सक्ने भएपनी पालिकाले त्यसतर्फ ध्यान दिन नसक्दा मनलाग्दी तवरले नदि जन्य पदार्थको उत्खनन गरिएको पाइएको छ ।
प्रशासन र नगरपालिकाले समयमा ध्यान दिन नसक्दा वडा नं. २ पाखुते भन्ने स्थानमा स्थानीय तुल्सीराम अर्यालले विच खोलामै पर्खाल लगाएर बालुवा उत्खनन गर्ने स्थल बनाएका छन । नगरपालिका र प्रशासनले ध्यान नदिएकै कारण नदिजन्य पदार्थ उत्खनन्मा मनपरि हुने गरेको स्थानीयको आरोप छ ।
नगरपालिकाको क्षेत्र अन्र्तगत निसीखोला र भुजिखोला तमानखोला क्षेत्रमा नदिजन्य पदार्थ (बालुवा) बर्षातको समयमा मनपरि निकाल्ने गरिएको छ । न्युन आय भएका व्याक्तिका लागी आय आर्जनको माध्यम भएपनी कतिपय पुजिँपति वर्गले समेत नदिको आधा भाग सम्म कब्जा गरेर दोजरको सहायताले बालुवा निकाल्ने र निकासी गर्ने गरेको पाइएको हो ।

बुर्तिबाङ भाद्र ६ गते
इलाका प्रहरी कार्यालय बुर्तिबाङमा प्रमुखको रुपमा प्रहरी निरिक्षक राज कुमार बि.क.को आगमन भएको छ ।
१६ महिने कार्यअवधि सम्म रहनु भएका राजेश अधिकारीको सरुवा भएसँगै तनहुँ जिल्लाबाट इलाका प्रहरी कार्यालय बुर्तिबाङको जिम्मेवारी सम्हाल्ने गरि प्रहरी निरिक्षकको रुपमा राज कुमार वि.क आउनु भएको इलाका प्रहरी कार्यालय बुर्तिबाङले जनाएको छ ।
प्रमुख वि.क. लाई इलाका प्रशासन कार्यालय बुर्तिबाङले बुधबार स्वागत गरेको थियो ।

बुर्तिबाङ भदौ ५ गते
बागलुङको निसीखोला गाउँपालिकाले खरिद गरेको एम्बुलेन्स व्यवस्थापन र रेखदेखको जिम्मेवारी सहित बोहोरागाउँ स्वास्थ्य चौकीलाई मँगलबार एक कार्यक्रमका बिच हस्तान्त्रण गरेको छ ।
गाउँपालिकाले आर्थिक बर्ष २०७९÷०८० को बजेट अन्र्तगत रु २० लाख १० हजार लागतमा खरिद गरिएको एम्बुलेन्स पालिकाले व्यवस्थापनका निम्ती स्वास्थ्य चौकीलाई जिम्मेवारी दिएको हो ।
एम्बुलेन्स विधिवत रुपमा सञ्चालन हुनका निम्ती कानुनी प्रकृया अनुसार अनुमती लिएर अगाडी बढ्ने र पालिकाले कार्यविधी तथा भाडादर निर्धारण गरेपछि एम्बुलेन्स सञ्चालन हुने भएको हो । सवारी चालकको व्यवस्था समेत भइसकेको छ अब छिट्ठै सेवा प्रवाह हुने गाउँपालिका अध्यक्ष सुर्य बहादुर घर्तिले बताउनु भयो ।
“पालिकाका नागरिकलाई स्वास्थ्य उपचारको निम्ती सहज होस एम्बुलेन्स अभावकै कारण समयमा गाडी नपाएर विरामी उपचारबाट बञ्चित नहोस भन्नका निम्ती पालिकाले एम्बुलेन्स सेवा सञ्चालन गर्न लागिएको बताउँदै नागरिकलाई कसरी हुन्छ सहज रुपमा सेवा दिने वातावरण तय गरेर अगाडी बढ्ने अध्यक्ष घर्तिको भनाई छ ” ।
गाउँपालिकाले यस आर्थिक बर्षमा एम्वुलेन्स व्यवस्थापन खर्च शिर्षकमा रु १० लाख रुपैयाँ बजेट समेत व्यवस्था गरेको हो । एम्वुलेन्स सञ्चालनामा आएसँगै नागरिकलाई सहज रुपमा स्वास्थ्य उपचारका निम्ती विभिन्न अस्पत्ताल पुग्न एम्वुलेन्स मार्फत सहजता हुने स्थानीयको भनाई छ ।

आयोजित कार्यक्रमका अवसरमा गाउँपालिका उपाध्यक्ष प्रेम बहादुर घर्तिले बोल्दै गाउँपालिकाका नागरिकलाई सहज र सरल सेवा दिने उदेश्यले एम्बुलेन्स खरिद गरिएको बताउँदै असक्त, असहाय, अति गरिवीको रेखामुनी रहेका नागरिक लगाएतलाई लक्षित गर्दे सस्तो र भरपर्दाे सेवा उपलब्ध गराउने बताउनु भयो ।
गाउँपालिकाका निमित्त प्रमुख प्रशासकिय अधिकृत दिलिप कुमार चन्द द्धारा कार्यविधी निर्माण, एम्वुलेन्स सञ्चालन प्रकृया लगाएतका विषयमा आफनो धारणा राख्नु भएको हो ।
निसीखोला गाउँपालिका वडा नं. ३ का अध्यक्ष एवं बोहोरागाउँ स्वास्थ्य चौकी व्यवस्थापन समिती अध्यक्ष रमेश विक्रम शाहीको अध्यक्षतामा आयोजित कार्यक्रममा निवर्तमान गाउँपालिका अध्यक्ष तारानाथ पौडेल, वडा अध्यक्ष, राजनैतिक दलका प्रतिनिधी, पत्रकार, शिक्षक, प्रहरी लगाएतको आतिथ्यता रहेको थियो । कार्यक्रम निसीखोला गाउँपालिका स्वास्थ्य सम्योजक जुनी घर्तिको स्वागत बोहोरागाउँ स्वास्थ्य चौकी प्रमुख कसिन्द्र शाहीको सञ्चालनमा एम्वुलेन्स हस्तान्त्रण कार्यक्रम सम्पन्न भएको हो ।

बुर्तिबाङ साउन ३०
ढोरपाटन सालझण्डी सडक खण्डक अन्र्तगत पर्ने बुर्तिबाङ–ढोरपाटन सडक खण्डमा पटक पटक ताकेता गर्दा समेत ठेकेदारले काम नगरेपछि बाटो अति जिर्ण र जोखिम यूक्त भएको भन्दै ढोरपाटन नगरपालिकाका कार्यवाहक मेयर धन बहादुर कायत सहितको टोली सडक मर्मतमा जुटेको छ ।
३ बर्षभित्र सडक ग्राभेलिङ गर्ने गरि जिम्मा पाएको ओम बुद्ध कन्ट्रक्सन ठेकेदार कम्पनीले म्याद सकिन लाग्दै गर्दा पनी ५ प्रतिशत पनी काम नगरेको र पटक पटक ताकेता गर्दा समेत व्यवास्ता भएपछि आफुहरुनै सडक मर्मतमा घन, गैति, बेल्चा लिएर उत्रिएको कायतको भनाई छ ।

बर्षातको समयमा सडक अवरुद्ध हुने, खाल्डा खुल्डी र चिप्लो बन्दै गएको र धैरे यात्रु प्रर्यटक ढोरपाटन पुग्नलाई सास्ति भएपछि आफु सहित वडा नं. ७ का वडा अध्यक्ष धन बहादुर अदै , नगरपालिकाका कर्मचारी, स्थानीय बासि लगाएतको सहयोगमा बाटो मर्मतमा जुटिएको बताए ।

ढोरपाटन ७ को सेलि खोला हुँदै बाटो मर्मतमा जुटेको टोलीले बिहान सबेरै देखि साँझ ७ बजेसम्म सडक मर्मतको काम गर्ने छ । सेलि खोला हुँदै ढोरपाटन ९ को देउराली सम्मको क्षेत्रमा पहिलो चरणमा खाल्डा खुल्डी पुर्ने काम गरिने का.वा मेयर धन बहादुर कायतले बताएका छन ।
उक्त सडक खण्डमा समयमा काम नभएपछि केहि महिना पहिले गण्डकी प्रदेश साँसद दोर्ण कुमार कुवँरले समेत प्रत्यक्ष फोन मार्फत र प्रतिनिधीलाई भेटेरै जोखिम पूर्ण सडक तत्काल मर्मत गर्न र पहरा फुटाएर सडक चौडा गर्न निर्देशन दिनुभएको थियो तर ठेकेदार कम्पनीले कुनै पनी वास्ता नगरेको पाइएको छ ।

बुर्तिबाङ साउन २९
नेपाली काँग्रेस ढोरपाटन नगरसमितीको आयोजनामा सोमबार बुर्तिबाङमा नगर सम्मेलन सम्पन्न भएको छ ।
नेता कार्यक्रताको उपश्थितीमा आयोजित कार्यक्रममा सहभागि अधिकांस कार्यक्रताले नेताहरु गुट उपगुटको पछि नलागेर सबै कार्यक्रतालाई समान व्यवहार गर्दे साझा अपनत्व र विकासमा जुट्न सुझाव दिएका छन । नेताहरु आफै गुटमा समाहित हुँदा कार्यक्रतामा नकारात्मक प्रभाव पर्ने बताउँदै सँगठनलाई मजबुद बनाउन नेताहरु एकजुट हुनुपर्ने कार्यक्रताको जोड थियो ।
वडा स्तरिय साँगठनिक र पार्टीको अवस्थाका विषयमा धारणा राख्दै वडा प्रतिनिधीले निर्वाचित जनप्रतिनिधी जनउत्तरदायी बन्नुपर्ने, जनताको समस्या र आवस्यकताका आधारमा विकास बजेट विनीयोजन गर्नुपर्ने, समय समयमा जनताका समस्या वुझ्न नेताहरु गाउँकेन्द्रित हुनुपर्नेमा जोड दिएका हुन ।
नेपाली काँग्रेसका केन्द्रिय सदस्य चम्पादेवी खड्काको प्रमुख आतिथ्यतामा आयोजित सम्मेलनमा प्रमुख अतिथी खड्काले बोल्दै नेपाली काँग्रेस देश निर्माण र जनताको हक अधिकार स्थापित गर्ने लोकतान्त्रीक पार्टी भएका कारण जनताको मर्म, समस्यालाई मध्यनगर गर्दे नेता कार्यक्रम अगाडी बढ्नुपर्ने बताउँदै सँगठनलाई बलियो बनाएर आफनो क्षेत्रबाट अगाडी बढ्न सुझाव दिनुभयो ।

कार्यक्रमका अवसरमा गण्डकी प्रदेश साँसद दोर्ण कुमार कुवँर, जित बहादुर शेरचन, दिलमाया पौवी, नेपाली काँग्रेस गण्डकी प्रदेश समिती सदस्य अमृतादेवी वानीँया , जिल्ला सचिव गण्डकी थापा , क्षेत्र नं. २ प्रदेश सभा २ का सभापती मेशलाल सर्मा केन्द्रिय महाधिवेशन प्रतिनिधी, जिल्ला समिती पदाधिकारी, क्षेत्रीय समिती पदाधिकारी, नगर समिती पदाधिकारी, वडा समिती लगाएतको आतिथ्यता एवंम मन्तव्य रहेको थियो ।
नगर सभापती धन बहादुर कायतको सभापतीत्व रहेको कार्यक्रम नगर उपसभापती गणेश गौतमको सञ्चालनमा कार्यक्रम सम्पन्न भएको हो ।