विनोद विश्वकर्मा,बुर्तिवाङ

ईलाका प्रशासन कार्यालय बुर्तिवाङमा कर्मचारीको अभाव भएकाकारण विगत केही दिनदेखी प्रशासनको काम थप्प भएको छ ।

ईलाका प्रशासन कार्यालय बुुर्तिवाङका कार्यालय प्रमुख लोक बहादुर कुवँर गत साउन महिनाको ३१ गते देखी ३ महिनाको लागि विदा लिएर आफ्नो छोरा बस्दैआएको वेल्जिएम पुग्नु भयो ।
त्यस लगत्तै जिल्ला प्रशासन कार्यालय बागलुङले ईलाका प्रशासन कार्यालय बुर्तिवाङमा कार्यालय प्रमुखको रुपमा बावुराम पुरीलाई १ हप्ताको लागि पठायो र पुरीले १ हप्ता सम्म ईलाकाप्रशासन कार्यलयमा रही काम गर्नु भयो र पुनः जिल्ला प्रशासन कार्यालयमा फर्कनुभयो । १० गते जिल्ला प्रशासनमा पुरी फर्किए सँगै ईलाका प्रशासन भने कार्यालय प्रमुख बिहिन बन्यो त्यसयता ईलाका प्रशासन कार्यालयमा सामान्य राहादानी वितरण वाहेक सेवाग्रहीका केही पनि काम भएको छैन ।

सेवाग्राही भने दिनानुदिन ईलाका प्रशासन कार्यालयमा कामका लागि आउदै फर्किदै गरेका छन् । कार्यालयका १ जना राष्ट्रिय परिचय पत्रमा काम गदै आएका कर्मचारी कार्यालय प्रमुख नभएको भन्दै उनि पनि अहिले कार्यालयमा छैनन् ।

अहिले स्थानिय दिनदिनै आउदै फर्कदै गरेका छन् स्थानियले कार्यालयमा कर्मचारी नभएको कारण आक्रोसित समेत बनेका छन् । पश्चिम बागलुङका ढोरपाटन नगरपालिका,निसीखोला गाउँपालिका र बडिगाड गाउँपालिकाका केही भाग बाहेकले सेवा लिदै आएका छन् ।
प्रशासनमा विगत झन्डै २ वर्ष देखी शाखा अधिकृत समेत आएका छैनन् । कार्यालयमा ८ जनाको स्वीकृत दरबन्दी रहेको भए पनि अहिले ३ जना नायव सुब्बा ,१ जना सहायक लेखापाल,१ जना सहायक कम्प्युटर अपरेटर र २ जना कार्यालय सहयोगी रहेका छन् भने राष्ट्रिय परिचय पत्रमा २ जना कर्मचारी भए पनि यसमा भने सिमित समयको लागि भएको सहायक कम्प्युटर अपरेटर पवन थापा खाम्चाले जानकारी दिएका छन् । शाखा अधिकृत नहुदा नाशु लोक बहादुर कुवँरले अहिले कार्यालय प्रमुखको जिम्मेवारीमा हुनुहुन्छ ।

कर्मचारी नहुदा स्थानियले सामाजिक संजाल देखी विभिन्न माध्यममा सम्बन्धित निकायको आलोचना समेत गरेका छन् ।

बुर्तिबाङ 

पश्चिम बागलुङको ढोरपाटन नगरपालिकामा अखिल नेपाल युवक संघको तेस्रो नगर भेला सम्पन्न भएको छ ।

भेलालाई सम्बोधन गर्दे प्रमुख अतिथिका रुपमा अखिल नेपाल युवक संघ जिल्ला समिति बागलुङका सदस्य इन्द्रमान छन्त्यालले संगठनमा आवद्ध भई युवाहरुको हकहितको निम्ति जोडदार रुपमा लागी पर्न आग्रह गर्नुभयो । विशेष गरी युवाहरु बेरोजगारी भई रोजगारीको लागि विदेशिनु पर्ने बाध्यता भईरहेको उहाँको भनाई थियो । उहाँले युवाहरुलाई राज्यबाट रोजगारी सिर्जना गरी विदेशिनबाट कम गर्नुपर्ने बताउनुभयो । सरकार पक्षबाट ध्यान दिन आवश्यक रहेको बताउँदै संगठित रुपमा पार्टीको नीति सिद्धान्त र राजनितिमा प्रशिक्षित हुदै जानुपर्ने अहिलेको आवश्यकता रहेको उहाँले औँल्याउनु भयो ।

अखिल नेपाल बुद्धिजीवि संघको केन्द्रिय सदस्य धन बहादुर कुवंरले यो संगठन पञ्चायत कालरात्रीको समयदेखि नै युवाहरु माथि राजनिति गर्ने क्रममा राजद्रोहको मुद्धा लगाई कयौँ दुःख कष्ट समेत दिइरहेको र त्यस अवस्थादेखि भुमिगत रुपमा भएपनि यो संगठनले आफ्ना लक्ष्य तथा उद्देश्यलाई पुरा गर्नका निम्ति संगठित हुँदै युवाहरुका चेतना स्तरलाई माथि उठाउन महत्वपुर्ण भुमिका खेलेको बताउनुभयो ।

यस्तै राजमो जिल्ला कोषाध्यक्ष दिपक थापाले बोल्दै अहिले राज्य सत्ता सञ्चालनमा विभिन्न राजनिति पार्टी संलग्न रहेको बताउँदै यिनीहरुले आफ्नो स्वार्थ पुर्तिको लागी सरकारमा टिकीरहन विदेशि साम्राज्यवादीहरुको दलाली गर्दे निमुखा नेपाली जनतालाई शोषण गर्दे आईरहेको बताउनुभयो । नेपालमा संघीयता र एमसिसि जस्ता खतरनाक जनघाटी, राष्ट्रघाटी कामहरु गरिरहेकोले यसका विरुद्ध यो संगठनले एकतावद्ध भएर निरन्तर रुपमा संर्घष गर्नुपर्ने धारणा राख्नुभयो ।

उक्त कार्यक्रममा राजमो जिल्ला सदस्य धन बहादुर अदै, राजमो ढोरपाटन नगर सचिव तुल्सिराम खरेल, रक्तिम सांँस्कृतिक अभियान ढोरपाटन नगर समितिका अध्यक्ष झक प्रसाद श्रेष्ठ लगायतको उपस्थीति रहेको थियो ।

सम्पन्न तेस्रो भेलाले राम बहादु्र अर्गेजाको अध्यक्षतामा ११ सदस्यीय समिति चयन गरेको छ । जसको उपाध्यक्ष कृष्ण खड्का, सचिव विमल खरेल, कोषाध्यक्ष उमाकान्त कार्की र सदस्यहरुमा प्रेम केसि, पारस आर्चाय, भविन्द्र भण्डारी, डिजन अदै, आशमाया विक, तुल प्रसाद सुनार तथा सल्लाहकार सदस्यमा तुलेन्द्र छन्त्याल रहनुभएको छ ।

साथै अन्तमा नयाँ नेतृत्वमा चयनहुनुभएका समितिका सम्पुर्ण पदाधिकारीहरुलाई राजमो जिल्ला कोषाध्यक्ष दिपक थापाले सफल कार्यकालको शुभकामना व्यक्त गर्नुभयो । तुलेन्द्र छन्त्यालको अध्यक्षता रहेको उक्त कार्यक्रममा उमाकान्त कार्कीको स्वागत र कुल छन्त्यालले सञ्चालन गर्नुभएको थियो ।

विनोद विश्वकर्मा, बुर्तिबाङ बागलुङ

बागलुङ जिल्लाको दोस्रो ठुलो व्यापारीक केन्द्र हो ढोरपाटन नगरपालिका वडा नं १ मा रहेको बुर्तिबाङ बजार ।

निसीखोला भुजिखोला तमानखोला तथा बडिगाड गाउँपालिकाको समेत नागारिकलाई किनमेलको लागि पायक पर्ने बुर्तिबाङ बजारलाई व्यवस्थित व्यापारिक गन्तव्य बनाउने भन्दै ढोरपाटन उद्योग वायिज्य संघले प्रत्येक शनिबार बजारभित्रका सम्पुर्ण खाद्यान्न तथा लत्ताकपडाका पसललाई पुर्ण रुपमा १ दिन बन्द गर्ने निर्णय गरेको थियो तर त्यही निर्णयलाई बजारका कतिपय व्यवसायीले पालानानै नगरेको पाईएको छ ।

शनिबार बजारका विभिन्न ठाउँमा पसल खुल्ला रहेको थियो । नियमक निकाय उद्योग वाणिज्य संघ बाट नियम नहुदा यो अवस्था आएको स्थानियले बताएका छन् ।
उता स्थानिय फेन्सी व्यवसायी विस्मिल्ला अलिले ग्राहकको मागलाई मध्यनजर गरेर पसल खुल्ला गरेको बताएका छन् । चाडपर्व पनि नजिकिकै आईसकेको र बजारमा स्थानिय किनमेल गर्न आउन थालेको कारण बजार खुलाउनु पर्ने बताएका छन् ।
अर्का फेन्सी व्यवसयी कृष्ण बहादुर रानाले उद्योग वाणिज्य संघले सबै व्यापारीकोे भावना विपरित बजार बन्द गर्ने निर्णय गरेको आरोप लगाएका छन् । ठुला व्यापारीको मात्र चाहाँना अनुसार बन्द गर्ने निर्णय गरेको बताएका छन् । चाड पर्वको समय आएकाले आफुले पसल खुल्ला गर्न पाउनु पर्ने बताएका छन् ।

उता ढोरपाटन उद्योग वाणिज्य संघ अध्यक्ष ढालेन्द्र छन्त्यालले नगरपालिका सँगको समन्वयमा छिट्टैनै हाट बाजर संचालनमा लिएर बजारमा कडाईका साथ अगाडी बढ्ने बताउनु भएको छ ।

अहिलेलाई चाड पर्व आई सकेको कारण पनि अव चार्डपर्व लक्षित बजार खुल्ला गर्ने तयारी गरेको अध्यक्ष छन्त्यालले बताएका छन् ।