असार १०
ढोरपाटन नगरापालिकाको १३ औँ नगरसभाबाट आर्थिक बर्ष २०८०÷०८१ को निती तथा कार्यक्रम प्रस्तुत गरिएको छ । कार्यवाहक नगर प्रमुख धन बहादुर कायतको अध्यक्षतामा आयोजित सभामा बार्षिक निती कार्यक्रम, अर्थ सम्वन्धी प्रस्तावलाई कार्यान्यन गर्न बनेको विधेयक तथा बजेट वक्तव्य प्रस्तुत गरिएको हो ।
निती कार्यक्रम पारित गरिएको र संसोधन गर्ने विषयलाई थप छलफल गर्ने र वडा स्तरका योजनाको बजेट सिलिङ बनाएर आगामी १५ दिन भित्र बजेट प्रस्तुत गर्ने गरि नगर सभा सम्पन्न भएको नगरपालिका प्रमुख प्रशासकिय अधिकृत विष्णु प्रसाद ज्ञवालीले बताउनु भयो । पालिकाले यस आर्थिक बर्षमा कृर्षि उत्पादन, बजारीकरण, प्रर्यटन प्रर्वधन र उद्यमलाई मुख्य प्राथमिकता दिएको हो । कृर्षि क्षेत्रको विस्तार, आधुनिक कृर्षि प्रणालीको बृद्धि, उत्पादनका आधारमा अनुदानमा जोड, बुर्तिबाङमा हाटबजार सञ्चालन, उत्पाददित बस्तुको बजार सुनिश्चतता, कृषि संकलन केन्द्र स्थापना, चिस्यान केन्द्रको व्यवस्थापनमा पहल लगाएत कृषिबाटै रोजगारी र आत्मनिर्भर बनाउने निती कार्यक्रम नगरपालिकाले लिएको हो ।

जाउँ है घुम्न ढोरपाटन भन्ने नारा सहित ढोरपाटन क्षेत्रको प्रर्यटन प्रर्वधनमा टेवा पुग्ने गरि प्रर्यटक आकर्षण गर्ने कार्यक्रम गर्ने, प्रचार प्रसार गर्ने, ढोरापाटन उपत्यकामा सिकार आरक्ष संग सम्मोन्य गर्दे त्यहाँ पाईने वन्य जन्तुलाई सुरक्षित गर्न चिडिया खाना निर्माण गरि प्रर्यटन प्रर्वधन गर्ने, रोजगारीको सृजना, शिक्षा, स्वास्थ्य, खेलकुद, स्वास्थ्य, खानेपानी, लगाएतका पुर्वाधार विकास र नागरिक सचेतना कार्यक्रम लगाएतका विषयलाई निती कार्यक्रममा प्राथमिता दिइएको हो ।
त्यस्तै पालिकाले यस आर्थिक बर्षमा ५५ करोड २४ लाख ४३ हजार रुपैयाँको बजेट समेत प्रस्तुत गरेको छ । यस आर्थिक बर्ष दुई करोड ५० लाख राजश्व संकलन गर्ने उदेश्य सहित कार्यक्रम अगाडी बढाउने लक्ष्य लिएको पालिकाले करको दायरालाई समेत तदारुकताका साथ अगाडी बढाउने लक्ष्य लिएको हो ।

कार्यवाहक नगर प्रमुख धन बहादुर कायतको अध्यक्षता, प्रमुख प्रशासकिय अधिकृत विष्णु प्रसाद ज्ञवाली, वडा अध्यक्ष, कार्यपालिका सदस्य, वडा सदस्य, कर्मचारी लगाएतको उपश्थिती रहेको कार्यक्रममा निती कार्यक्रम प्रस्तुत गरिएपनी थप छलफल हुनुपर्ने विषयमा वडा नंं ४ का अध्यक्ष तिकल पुन र वडा नं. ९ का अध्यक्ष खीम बहादुर घर्तिले समय माग गर्नुभएको थियो । त्यस्तै कार्यवाहक नगर प्रमुख कायतले बोल्दै पटक पटक कार्यपालिका बैठकबाट पारित भएर आएको निती कार्यक्रम ल्याईएको भएपनी कार्यपालिका बैठकमा संसोधन गर्नुपर्ने विषयलाई संसोधन गरेर अगाडी बढ्न सकिने बताउँदै १५ दिनभित्र वडा स्तरको योजनाको छनौट तथा निती कार्यक्रम संसोधन गर्ने गरि निती कार्यक्रम पारित भएको बताउनु भयो । कार्यक्रम कर्मचारी हिरालाल खनालले सञ्चालन गर्नुभएको थियो ।

असार १० छविलाल पाण्डे
तमानखोला गाउँपालिकाको बजेट ३० करोड, ३८ लाख ४९ हजार ६ सय रुपैयाँ आम्दानी खर्च सहितको बजेट प्रस्ततु गरेको छ ।
आर्थिक बर्ष २०८०÷०८१ को निती कार्यक्रम तथा बजेट प्रस्तुत गर्दे पालिकाको दोश्रो गाउँसभा तथा तेश्रो अधिवेशन सम्पन्न भएको हो । गाउँपालिका उपाध्यक्ष हिराकुमारी छन्त्यालद्धारा प्रस्तुत बजेट वक्तव्यमा नेपाल सरकारबाट खर्च व्यहोर्ने स्रोतमध्ये वित्तिय समानिकरण अनुदान ७ करोड २ लाख, राजश्व वाँडफाँडबाट प्राप्त हुने रु ६ करोड ७० लाख ७२ हजार ४ सय , रोयल्टी ५५ हजार, संघीय सशर्त अनुदान ११ करोड ७५ लाख, समपुरक अनुदान ७० लाख, विशेष अनुदान ९० लाख, प्रदेश सरकारबाट प्राप्त हुने वित्तिय समानिकरण अनुदान ७२ लाख ४९ हजार, राजश्व बाँडफाँडबाट प्राप्त हुने २८ लाख ५६ हजार, समपुरक अनुदान ६० लाख, बिशेष अनुदान ४० लाख, पालिकाको आन्तरिक राजश्व ३३ लाख सँकलन गर्ने लक्ष्य सहित पालिकाको चालु आर्थिक बर्षको असार मशान्तसम्म खर्च भई बाँकी रहने अनुमानित नगद मौज्दात ९६ लाख १७ हजार दुई सय अनुमान गरिएको हो ।

पालिकाले स्वास्थ्य तर्फ १ करोड २७ लाख ३२ हजार १०० रुपैयाँ शिक्षातर्फ २ करोड २४ लाख, १७ हजार ५ सय रुपैयाँ विनीयोजन भएको छ । शिक्षा युवा तथा खेलकुद, खानेपानी तथा सरसफाई, समावेशीकरण गरिबी निवारण तथा कला संस्कृति, कुषि, पशुपालन, सहकारी, घरेलु तथा लघु उद्यम, सडक, पुल तथा पूर्वाधार निर्माण, भवन तथा वस्ति विकास, उर्जा, प्रर्यटन, वन वातावरण र विपद् व्यवस्थापन, संस्थागत सेवा प्रवाह र सुशासन जस्ता क्षेत्रमा नागरिकको आवस्यकता, माग र पालिकाको विकास र समृद्धिलाई जोड्ने गरि बजेट विनीयोजन गरिएको हो ।
पालिकाको आन्तरिक राजश्व ३३ लाख सँकलन गर्ने लक्ष्य सहित पालिकाको चालु आर्थिक बर्षको असार मशान्तसम्म खर्च भई बाँकी रहने अनुमानित नगद मौज्दात ९६ लाख १७ हजार दुई सय अनुमान गरिएको हो । पालिकाले स्वास्थ्य तर्फ १ करोड २७ लाख ३२ हजार १०० रुपैयाँ शिक्षातर्फ २ करोड २४ लाख, १७ हजार ५ सय रुपैयाँ विनीयोजन भएको छ । शिक्षा युवा तथा खेलकुद, खानेपानी तथा सरसफाई, समावेशीकरण गरिबी निवारण तथा कला संस्कृति, कुषि, पशुपालन, सहकारी, घरेलु तथा लघु उद्यम, सडक, पुल तथा पूर्वाधार निर्माण, भवन तथा वस्ति विकास, उर्जा, प्रर्यटन, वन वातावरण र विपद् व्यवस्थापन, संस्थागत सेवा प्रवाह र सुशासन जस्ता क्षेत्रमा नागरिकको आवस्यकता, माग र पालिकाको विकास र समृद्धिलाई जोड्ने गरि बजेट विनीयोजन गरिएको हो ।

असार १० छविलाल पाण्डे
तमानखोला गाउँपालिकाको आर्थिक बर्ष २०८०÷०८१ को बार्षिक निती कार्यक्रम तथा बजेट आइतबार प्रस्तुत गरिएको छ । गाउँपालिका अध्यक्ष जोकलाल बुढा द्धारा प्रस्तुत निती कार्यक्रममा १३५ बुँदाको निती कार्यक्रम प्रस्ततु गरिएको हो । “सुखी र समान, समुन्नत तमान ” भन्ने नारा सहित गाउँपालिकाले यस बर्ष कृर्षि उत्पादन बजारीकरण र अनुदान सहित “कृषकको उत्पादन साथमा ः तमानखोलाको अनुदान हातमा” भन्ने नारा सहित यस देखि आर्थिक बर्षदेखि कृषकलाई उत्पादनमा आधारित अनुदान कार्यक्रम सञ्चालन गर्ने कार्यक्रममा समेटिएको छ ।
कृषिको उत्पादन , व्यवस्थापन एवं बजारीकण गर्ने, प्रत्यक वडामा कृषि संकलन विस्तार, उत्पादकत्व बृद्धिमा जोड, कृषकलाई तालिमको व्यवस्था गर्ने कार्यक्रममा उल्लेखि गरिएको छ ।

त्यस्तै पालिका भित्रका सरकारी निजी वा बाँझो गज्जालाई अनिवार्य उपयोग गर्न चक्लाबन्दी वा सामुहिक खेती प्रणाली अपनाईने र जग्गा बाँझो वा खाली राख्नेलाई डण्डीत गर्ने कार्यक्रममा उल्लेख गरिएको हो । गाउँपालिकाले दक्ष जनशक्ति उत्पादन गरि पालिकामा नै सेवा गराउने उदेश्यका साथ पालिका भित्र १ जना विद्यार्थीलाई एम.बि.बि. एस. अध्ययनका लागि पूर्ण छात्रबृर्तिको व्यवस्था गरिने, १ जना सिभिल इन्जिनियर पढ्ने विद्यार्थीको लागि १ लाख छात्रबृति प्रदान गर्ने निती कार्यक्रममा समावेश गरिएको हो ।
जेष्ठ नागरिकलाई निःशुल्क स्वास्थ्य परिक्षण, सामुदायिक विद्यालयको शैक्षिक गुणस्तर बृद्धि, कक्षा ६ देखि १२ सम्मका छात्रा विद्यार्थीलाई निशुल्क स्यानीटरी प्याडको व्यवस्था गर्ने, विद्यालयमा जंकफुटड निधेधित गर्ने, बेरोजगार युवालाई मागमा आधारित सीपमुलक तालिम व्यवस्था गर्ने, कम्तिमा १०० दिन रोजागर उपलब्ध गराउने गरी ८५ जनालाई रोजगारी सुनिश्चित गर्ने निती कार्यक्रममा उल्लेख गरिएको छ । त्यस्तै स्वास्थ, शिक्षा, खेलकुद, प्रर्यटन, उद्यम, लक्षित वर्गका कार्यक्रमलाई अगाडी बढाउने उल्लेख गरिएको हो । निती कार्यक्रममा परिमार्जन गनुपर्ने विषयलाई परिमार्जन गरेर अगाडी बढाउने सर्व सहमती स्वरुप निती कार्यक्रम पारित भएको हो ।
गाउँपालिका अध्यक्ष जोकलाल बुढाको अध्यक्षता, उपाध्यक्ष हिरा कुमारी छन्त्याल, वडा अध्यक्ष, जिल्ला समोन्य समिती सदस्य, कार्यपालिका सदस्य वडा सदस्य कर्मचारी पत्रकार, प्रहरी लगाएतको उपश्थिती रहेको कार्यक्रम प्रमुख प्रशासकिय अधिकृत इश्वरलाल शाक्यले सञ्चालन गर्नुभएको थियो ।

ऋसार ६ गते
ढोरपाटन बाढि पिडितको लागी आएको राहातका सन्दर्भमा परेको उजुरी उपर ढोरपाटन नगरपालिकाको न्यायिक समितीको आयोजनामा यहाँस्थित राजनैतिक दल, राहात वितरक तथा खाता सञ्चालक पुर्व उपमेयर कर्मती पुन , कर्मचारी लगाएतको विचमा छलफल सम्पन्न भएका छ ।
२०७७ सालमा भुजिखोलामा आएको बाढिका कारण ढोरपाटन नगरपालिका ७,८ र ९ नम्वर वडाका धेरै नागरिकले ज्यान गुमाएका तथा घरबास विहिन बनेका परिवारलाई उपलब्ध गराउने गरि एकद्धार प्रणाली मार्फत स्वदेश तथा विदेशबाट ढोरपाटन नगरपालिकामा विभिन्न निकायबाट आएको राहातको विभिन्न व्याक्ति तथा निकायबाट आय –व्याय सार्वजनिक गरिनुपर्ने भन्दै नगरपालिकाको न्यायिक समितीमा उजुरी परेको थियो ।
२०८० बैसाख महिनामा आएको उजुरी उपर हालसम्म पनी ठोस निस्कर्ष निकाल्न नसक्दा विभिन्न संका उपसंका भएको भन्दै न्यायिक समितीले बुधबार थप छलफलका लागी बैठक आब्ह्वान गर्दे राजनैतिक दलबाट राय संकलन गर्नुका साथै अझैपनी एकद्धार प्रणालीमा आएको राहात रकम हस्तान्त्रणको विल भरपाई उपलब्ध गराउन पुर्व उपमेयर कर्मती पुन र कर्मचारी चण्डी प्रसाद पौडेललाई आग्रह सहित सुझाव दिइएको हो ।
एकद्धार प्रणालीमा आएको राहातको तत्तकाल आय व्याय सार्वजनिक गर्ने भनिएपनी मेयर देव कुमार नेपालीको दवाबका कारण रोकिएको बताउँदै हाल यस्तो अवस्था सृजना भएको भन्दै आफुले राखेका काजगात , विल भरपाई तत्काल नगरपालिकामा उपलब्ध गराउने र बाढि पिडित संग पुगेर आम्दानी खर्च आफुले प्रस्तुत गर्ने पुर्व उपमेयर कर्मती पुनको भनाई छ । उहाँले थप वोल्दै विभिन्न दाताहरुबाट आएको रकम आफुले स्पष्ट रुपमा पिडितको माझमा आर्थिक संगै भौतिक सामाग्रि खरिद गरेर उपलब्ध गराएको बताउँदै खाता सञ्चालन गरेकै आधारमा आफुलाई आर्थिक हिनाविनामा संका नगर्न आग्रह समेत गर्नुभयो ।
दलका प्रतिनिधीले समेत एकद्धारा प्रणालीको खाता सञ्चालक पुर्व उपमेयर र कर्मचारीको आर्थिक अनियमिततामा कमजोरी नभएको भएपनी दुई बर्षसम्म पनी आयव्याय सार्वजनिक गर्न नसक्नु र हालसम्म विल भरपाई पालिकामा नहुनु कमजोरी देखिएको बताउँदै विधि र पद्धती अनुसार नगरपालिकामा विल भरपाई उपलब्ध गराएर मार्ग प्रसस्त गर्न आग्रह गर्दे विल भरपाई उपलब्ध भएपछि न्यायिक समितीले थप प्रकृया अगाडी बढाउँदा उचित हुने राय सुझाब व्यक्त गरेका छन ।
न्यायिक समितीका सम्योजक तथा कार्यवाहक मेयर धन बहादुर कायतले बोल्दै नागरिक तथा विभिन्न निकायबाट आएको गुनासो र पत्रका आधारमा न्यायिक समितिले आफनो जिम्मेवारी सहित आम्दानी खर्च सहितको विल भरपाई माग गरिएको तर ढिलाई भइरहेका कारण राजनैतिक दलसंग सुझाव माग गरेर अगाडी बढ्ने उदेश्य स्वरुप बैठक आब्ह्वान गरिएको बताउँदै पुर्व उपमेयरबाट विल भरपाई उपलब्ध भएमा मात्र न्यायिक समितीले थप प्रकृया अगाडी बढाउने बताउनु भयो ।
आयोजित कार्यक्रममा न्याियक समिती सम्योजक धन बहादुर कायत, सदस्य गोपाल महत, प्रमुख प्रशासकिय अधिकृत विष्णु प्रसाद ज्ञवाली, राजनैतिक दलको तर्फदेखि नेपाली कांग्रेसका दिपेन्द्र श्रेष्ठ, नेकपा एमालेबाट टंक प्रसाद पौडेल, नेकपा माओबादी केन्द्रबाट भिम बहादुर गौतम, राजमो बाट दिपक थापा, नेकपाबाट हरि बहादुर कुवंर, राष्ट्रिय स्वतन्त्र पार्टीबाट अमर लोप्चन, एकद्धार प्रणालीमा खाता सञ्चालक पुर्व उपमेयर कर्मती पुन, कर्मचारी चण्डी प्रसाद पौडेल कर्मचारी, जनप्रतिनिधी लगाएतको उपश्थिती एवं मन्तव्य रहेको थियो ।

असार ५
गत बैसाख महिनामा आफु फरार हुनु अगाडी आफनो र श्रीमतीको नाममा भएको जग्गा आफन्तीको नाममा धमाधम पास गरेर टाप कसेका ढोरपाटन नगरपालिका मेयर तथा इमेज सहकारीका सँस्थापक अध्यक्ष देवकुमार नेपालीले दिइएको जग्गा सहकारी पिडितले फिर्ता लिन सुरु गरेका छन ।
बुर्तिबाङ, बागलुङ, पोखरा र काठमान्डौमा नेपाली दम्पत्तिको नाममा रहेको जग्गा कतिपय बैँक तथा वित्तिय सँस्थामा कर्जामा रोक्का रहेपनी बुर्तिबाङ बजार तथा आसपासमा रहेका १३ कित्ता जग्गा मेयर नेपालीको भजिती र निजकी श्रीमती छेला नेपालीको भाजुको नाममा पास भएको पाइएको हो ।
उक्त १३ कित्ता जग्गा गत बैसाख अन्तिम हप्ता पास गराएर मेयर नेपाली जेठ ५ गते देखि हालसम्म फरार रहँदै आएका छन । त्यस्तै सोमबार गल्कोट र बुर्तिबाङमा रहेका इमेज सहकारी पिडित बचतकर्ताले माया नेपालीको नाममा पास गराईएको ३ कित्ता जग्गा फिर्ता गराएका हुन ।
संघर्ष समिती बुर्तिबाङका सम्योजक यम बहादुर कुवंरका अनुसार पिडितको नाममा जग्गा पास लिइएको र अन्य कित्ता समेत क्रमश पिडितको नाममा पास गर्ने गरि संघर्ष समिती अगाडी बढ्ने बताइएको छ ।
१३ कित्तामध्ये मेयर नेपाली बस्दै आएको भक्तपुरे घर सहित ५ वटा कित्ता मेयर नेपालीकी श्रीमती छेला नेपालीको भाउजु कमला गिरीको नाममा बैसाख २७ गते पास गरेको संघर्ष समितीको प्रतिवेदनमा उल्लेख छ ।

त्यस्तै देव कुमार नेपालीको भजितीहरु देवि नेपालीको नाममा ५ कित्ता, माया नेपालीको नाममा ३ कित्ता पास दिइएको पाइएको हो । उक्त कित्ता भएका सबै जग्गा मेयर नेपाली र उनकी श्रमती छेलाद्धारा बैसाख अन्तिम हप्ता पास दिएका थिय । सोमबार २० जना को नाममा ३ कित्ता जग्गा माया नेपालीद्धारा २० जनाको नाममा पास दिएको मालपोत कार्यालय बुर्तिबाङका प्रमुख सुर्य प्रसाद सर्माले बताउनु भयो । सहकारीमा वचत गरेका वचत कर्ताको बुर्तिबाङमा १२ करोड र गल्कोटमा १८ करोड बचत रहेको पाइएको हो ।

असार ४ गते बुर्तिबाङ
निसीखोला गाउँपालिकाद्धारा आर्थिक बर्ष २०८०÷०८१ म संचालन हुने बजेट तथा निति कार्यक्रमका लागि नागरिक संग राय सुझाव सँकलन गरिएको छ । सोमबार आयोजना गरिएको कार्यक्रमका अवसरमा सहभागि राजनैतिक दल, समाजसेवी, बुद्धिजिवी, पुर्व जनप्रतिनिधी, शिक्षक लगाएतले आफनो सुझाव प्रस्तुत गर्दे समृद्ध निसीखोला बनाउन सबैको साथ सहयोग र अपनत्व आवस्यक रहेको औल्याउँदै गाउँपालिकाले नागरिले प्रत्यक्ष लाभ लिन सक्ने योजना र कार्यक्रम बनाएर अगाडी बढ्नु पर्नेमा सुझवा प्रस्तुत गरेका छन ।

“वन, जलश्रोत, संस्कृति, प्रर्यटन र कृषि सभ्य , समुन्नत, सुखि र समृद्ध निसी” भन्ने मुल नारा सहित सञ्चालित कार्यक्रममा सहभागि नागरिकले नागरिक मुखि कार्यक्रमलाई प्राथमिकता दिनुपर्ने, गत बर्षको निती कार्यक्रममा समावेश गरिएका कार्यक्रमलाई पुरा गर्नुपर्ने, कृषि, रोजार र उत्पादनलाई जोड दिनुपर्ने, उत्पादित वस्तुको बजारीकरण, अधुरा रहेका विकास निर्माणका कामलाई पूर्णता दिनुपर्ने, शैक्षिक गुणस्तर बृद्धि, सचेतना मुलक कार्यक्रम गर्नुपर्ने, विकृर्ती न्युनीकरणलाई रोक्नुपर्ने विषयमा धेरै सहभागिको सुझाव थियो ।

दिर्घकालिन लक्ष्य लिएर पालिका अगाडी बढ्न सकेमा मात्र परिणाम ल्याउन सकिने बताउँदै जनप्रतिनिधी र कर्मचारी जनताप्रति थप उत्तरदायी बन्दै कृषि, प्रर्यटन, शिक्षा, स्वास्थ्य, यातायात, खानेपानी र रोजगारका विषयलाई सहभगिले सुझावका रुपमा धारणा प्रस्तुत गर्दे समृद्ध पालिका बनाउन योजनाको प्रभावकारीतामा ध्यान दिन समेत सुझाव दिएका हुन ।
नेकपा एमालेका पालिका अध्यक्ष भुमिराज घर्तिद्धारा प्रतिवेदन सहितको पत्र गाउँपालिकालाई हस्तान्त्रण समेत गरिएको थियो । निसीखोला गाउँपालिका अध्यक्ष सुर्य बहादुर घर्तिको अध्यक्षतामा आयोजित कार्यक्रममा पुर्व गण्डकी प्रदेश सभा सदस्य खिम विक्रम शाही, निसीखोला गाउँपालिका पुर्व अध्यक्ष तारानाथ पौडेल, नेपाली कांग्रेसको तर्फदेखि राजमान बुढा, नेकपा एमालेको तर्फदेखि भुमिराज घर्ति, नेकपा माओबादी केन्द्रको तर्फदेखि भरत पुन, राष्ट्रिय जनमोर्चाको तर्फदेखि थम्मन घर्ति, त्यस्तै सहभागि नागरिकबाट कृष्ण शाही, रमेश कुवंर,धुर्व पौडेल, शेर बहादुर घर्ति, यमकान्त पौडेल, जनक छन्त्याल, भानसिंह बुढामगर, झम बहादुर कुवंर, भविन्द्र कुवंर, रुद्ध्र प्रसाद पौडेल, लगाएतले आफनो सुझाव मौखिम रुपमा प्रस्तुत गरेका छन । पालिकाले लिखित मौखिक, सामाजिक सञ्जाल फेशबुक, इमेल र पत्रमार्फत पनी सुझाव पेश गर्न आग्रह गरेको हो ।
गाउँपालिका निमित्त प्रमुख प्रशासकिय अधिकृत दिलिप कुमार चन्दको स्वागत रहेको कार्यक्रममा गाउँपालिका अध्यक्ष सुर्य बहादुर घर्तिले बोल्दै नागरिक, राजनैतिक दल, बौद्धिक वर्गबाट आएका सुझाव महत्वपूर्ण रहेको बताउँदै स्थानिय सरकार सञ्चालन ऐनको परिधी भित्र रहेर निती कार्यक्रममा समावेश गरिने बताउनु भयो । पालिकालाई अगाडी बढाउन सबैको जिम्मेवारी र अपनत्व रहेका कारण सेवा प्रवाहका सन्दर्भमा कहिँ कतैबाट त्रुटि भएको खण्डमा प्रत्यक्ष सुझाव दिन समेत अपिल गर्नुभयो । बजेट संघ र प्रदेशबाट घट्दो क्रममा रहनु, जनअपेक्षा बढि हुने गरेका कारण पनी अपेक्षाकृत विकास र समृद्धि हासिल गर्न नसकिएको बताउँदै योजना र निती कार्यक्रम ल्याउँदै गर्दा जनतालाई प्रत्यक्ष प्रभाव पार्ने खालका कार्यक्रम ल्याउने प्रतिबद्धता जनाउनु भयो ।

गाउँपालिका उपाध्यक्ष प्रेम बहादुर घर्तिले बोल्दै पालिकालाई सफल र समृद्ध बनाउन नागरिक, जनप्रतिनिधी , कर्मचारी, राजनैतिक दल सबैको उत्तिकै भुमिका रहने बताउँदै प्रत्यक्ष रुपमा दिइने सुझाव सल्लाहले कार्यसम्पादनमा थप परिमार्जन र सुधार हुने बताउँदै निसीखोला गाउँपालिकाको विकास र समृद्धि सबैका निम्ती आवस्यक रहेको बताउँदै अनावस्यक टिका टिप्पणी भन्दापनी रचनात्मक सुझाव र सम्मोन्यले सार्थकता दिने बताउनु भयो । विगतमा भौतिक पुर्वाधारमा जोड दिइएको मा यसवर्षको कार्यक्रममा आर्थिक र सामाजिक विकासलाई जोड दिइने गरि कार्यक्रम अगाडी सारिने बताउनु भयो ।
त्यस्तै गाउँपालिकाको डिजिटल भिलेज प्रोफाईल तयार भएको, आवधिक, मध्यम योजना, कृषि क्षेत्रको विकास, लैगिँक विकास र रणनिती, सडक गुरु योजना भू–उपयोग निती कार्यक्रम लगाएतका कार्यक्रमहरु ऋगाडी बढिसकेको बताउँदै जनस्तरबाट आएका सुझवालाई समेट्दै पालिका अगाडी बढ्ने बताउनु भयो । कार्यक्रम योजना शाखा अधिकृत पुरुसोत्म गौतमको सञ्चालनमा सम्पन्न भएको हो ।