साउन १० गते बुर्तिबाङ
इलाका प्रहरी कार्यालय भिमगिठेका प्रमुख प्रहरी वरिष्ठ नायव निरीक्षक उज्वल पौडेलको हत्या भएको प्रहरीद्धारा निकालिएको प्रेश विज्ञप्तीमा उल्लेख गरिएको छ ।
गत श्रावण ८ गते राती वडिगाड गाउँपालिका ६ खाल स्थित आशा होटल एण्ड रेष्टुरेन्टमा मृत अवस्थामा फेला परेका पौडेलको मुक्का प्रहार गरि हत्या गरिएको खुल्न आएको हो ।
विज्ञप्ती अनुसार होटल सञ्चालक आशा कुवँर र निजका छोरा विनोद कुवँर सँगको विवाद हुँदा विनोदले टाउकोमा मुक्का र छाँतीमा लात्तिले प्रहार गर्दा बेहोस बनाई ढोकोमा टाँगिएको प्रर्दाको सहायताले पासो लगाई हत्या गरिएको खुल्न आएको हो ।
हत्या पछि मृतक पौडेलले घाँटीमा लगाएको सुनको सिक्री समेत निकाली किचन ¥याकमा राखिएको पाइएको जिल्ला प्रहरी कार्यालय बागलुङका सुचना अधिकारी प्रहरी नायव उपरीक्षक मदन के.सी.ले बताउनु भयो । सोमबार रातको साढे ११ बजे भएको घटनामा सँलग्न आमा छोरा दुबै जनालाई प्रहरीले अनुसन्धानका निम्ती मँगलबार बिहान नियन्त्रमा लिएको थियो ।
होटल सञ्चालक ५१ बर्षिय आशा कुवँर र २० बर्षिय छोरा विनोद कुवँरलाई ज्यान सम्वन्धी कसुरमा थप अनुसन्धान भइरहेको प्रहरीले जनाएको छ । मृतक पौडेलको घर पर्वत रहेको र निजका एक छोरी र श्रीमती रहेको पाइएको छ ।
घटना स्थल भिमगिठे प्रहरी चौकी देखि ३ किलोमिटर र जिल्ला प्रहरी कार्यालय देखि ८० किलोमिटरको दुरीमा रहेको छ ।
