बुर्तिबाङ कात्तिक १७
नेपाली कांग्रेसका नेता टेकराज पौडेलले खेल क्षेत्रको माध्यमले निसी भुजिको पहिचान दिलाएको बताउनु भएको छ ।
शुक्रबार बुर्तिबाङ राईजिङ युवा क्लबले आयोजना गरेको काजाग्रत पूर्णिमा मेलालाई प्रमुख अतिथीको रुपमा संबोधन गर्दे नेता पौडेलले खेलकुद र कला संस्कृर्तिले पश्चिम बागलुङबाट धेरै खेलाडी उत्पादन र कलाकार उत्पादन गर्न सफल भएको बताउँदै यस्तै मेला महोत्सवले कला गला र क्षमताको प्रस्फुटन गराउन सहयोग पु¥याउने बताउनु भयो ।
राजनितीले मात्रै समाज परिवर्तन सम्भव नभएको बताउँदै सामाजिक क्षेत्रबाट समेत समाज परिवर्तन गर्न सकिने तर्क राख्नु भयो ।
त्यस्तै कार्यक्रममा विशिष्ठ अतिथी नेपाली कांग्रेसका नेता अर्जुन शेरचनले बोल्दै ढोरपाटनको पहिचान बढाउन सबैले आ आफनो क्षेत्रबाट भुमिका खेल्न आवस्यक रहेको बताउनु भयो । ढोरपाटन प्रर्याप्त प्रर्यटकिय सम्भावना हुँदै गर्दा राज्यले लगानी गर्न नसक्नु र स्थानीय समुदाय समेत जिम्मेवार बन्न नसक्दा ढोरपाटनको अपेक्षाकृत विकास हुन नसकेको बताउँदै यहाँको विकास निर्माणमा सबैले सम्मोन्य गर्नुपर्नेमा जोड दिनुभयो ।
कार्यक्रममा नेकपा एमालेका गण्डकी प्रदेश सदस्य विर बहादुर विश्वकर्मा, नेकपा माओबादी केन्द्र निसीखोला अध्यक्ष कुविर वि.क. लगाएतको शुभकामना मन्तव्य रहेको थियो । कार्यक्रम क्लब अध्यक्ष मिथुन वि.क.को अध्यक्षता, मेला संयोजक गुञ्ज बहादुर भण्डारीको स्वागत, अञ्चल शाहीको सञ्चालमा कार्यक्रम सम्पन्न भएको हो । भोली शनिबार भलीबल खेल फाइनल लगाएतका अन्य कार्यक्रम सहित समापन समारोह हुने जनाइएको छ ।

बुार्तिबाङ कात्तिक १७
बुर्तिबाङ राईजिङ युवा क्लबले आयोजना गरेको कोजाग्रत पूर्णिमा मेलाको शुक्रबार छैठौँ दिन पनी विभिन्न खेलकुद तथा संस्कृर्तिक कार्यक्रम सम्पन्न भएका छन । शनिबार सम्पन्न हुने कार्यक्रम अन्र्तगत पुरुष भलीवल खेल शनिबार हुने भएको छ । कुल २६ समुहको नामदर्ता रहेको खुल्ला वडा स्तरिय पुरुष भलीवल प्रतियोगितामा १८ समुहले खेलमा भाग लिएका हुन । जसअन्र्तगत निसीखोला गाउँपालिका वडा नं. १ र वडा नंं. २ फाइनलमा प्रवेश गरेका छन ।
शुक्रबार आयोजित कार्यक्रम नेपाली कांग्रेसका केन्द्रिय महाधिवेशन प्रतिनिधी टेकराज पौडेलले प्रमुख अतिथीको रुपमा उद्धघाटन गर्नुभएको छ ।
पुरुष छेलो प्रतियोगिता सम्पन्न भयको छ जसतर्फ तर्फ राम बहादुर विश्वकर्मा प्रथम छविलाल वि.क. दिर्तिय हुनुभएको छ । महिला छेलो तर्फ वशन्ती बुढा मगर प्रथम हुन सफल हुनुभएको हो ।
रस्साकस्सा , एकल नृत्य, कृषि प्रर्दशनी लगाएतका कार्यक्रम भएका हुन । शनिबार पुरुष भलीवलको फाइनल खेल, दोहोरी गित प्रतियोगिता, सामुहिक नृत्य लगाएतका प्रस्तुति रहने आयोजकले जनाएको छ ।
भोली हुने कार्यक्रमको गण्डकि प्रदेश सभा सदस्य माननीय दोर्णकुमार कुवंरले कार्यक्रमको उद्धघाटन गर्नुहुने भएको छ ।

डम्बर बुढा बागलुङ कात्तिक १७

नेपाली कांग्रेसका सभापती तथा पूर्व प्रधानमन्त्री शेर बहादुर देउवाले नेपाली कांग्रेस अहिलेको परिस्थितिमा एक ढिक्का भएर अघि बढेको बताउनुभएको छ ।

नेपाली कांग्रेस बागलुङले आज आयोजना गरेको जिल्ला सम्मेलनलाई सम्बोधन गर्दै सभापती देउवाले कांग्रेसमा पहिला जस्तो गुनासो नभएको भन्दै छिटफुट गुनासोलाई सम्बोधन गर्दै जाने बताउनुभयो ।

देउवाले नेपालको संविधान कार्यान्वयनकै चरणमा रहेको भन्दै आलोचना गर्न नहुँने बताउनुभयो । “नेपालको संविधानको कार्यान्वय र संघीयताको विषयमा छिटफुट गुनासो हुन्छ, त्यसलाई हामिले स्वभाविक मानेका छौं” सभापती देउवाले भन्नुभयो “तर अहिलेको संविधान पूर्ण कार्यान्वयनमा जान्छ त्यसमा कुनै शंका गर्न पर्दैन, नेपालको संविधान उत्कृष्ट संविधान हो, यसको कार्यान्वयनमा आएका केही समस्या हामी समाधान गरेर अगाढी बढ्छौं ।”

देउवाले नेपाली कांग्रेसले पुन संगठित र थप मजुबद हुँदै जिल्ला सम्मेलनहरुको आयोजना गर्नु सुखद् पक्ष रहेको बताउनुभयो ।

नेपाली कांग्रेसले वडा देखि जिल्ला सम्मेलनमार्फत कांग्रेस थप मजबुद हुँने बताउदै जिल्ला सम्मेलन आयोजना गर्ने बागलुङ कांग्रेसलाई धन्यवाद दिनुभयो ।

उहाँले पछिल्लो समय बागलुङमा मात्रै नभएर देशभर कांग्रेसप्रतिको जनलहर बढिरहेको दाबी गर्नुभयो । नेपाली कांग्रेस विकास र समृद्धिको पक्षमा सदैव रहने बताउदै राजनैतिक प्रतिशोधका आधारमा कसैलाई गाली गर्न नहुँने बताउनुभयो ।

देउवाले बागलुङमा नेपाली कांग्रेसले स्थानीय तह र प्रदेशसभामा पाएको सिटको खुलेर प्रशंसा गर्नुभएको थियो ।

सभापती देउवाले जिल्ला सम्मेलनको अवसरमा शहिद परिवार तथा जेष्ठ नागरिकलाई सम्मान गर्नुभएको थियो । जिल्ला सम्मेलनमा दुई हजार नेता तथा कार्यकर्ता सहभागी थिए ।

गण्डकी प्रदेशका मुख्यमन्त्री सुरेन्द्रराज पाण्डेले लोकतन्त्र र गणतन्त्र स्थापनाका लागि नेपाली कांग्रेसले ठूलो योगदान गरेको बताउनुभयो । कांग्रेस पार्टीलाई बलियो बनाउन जनस्तरबाटै नेता, कार्यकर्ता लाग्नु पर्ने भन्दै नेताहरु पनि उत्तरदायी र जिम्मेवार बन्नु पर्ने बताउनुभयो ।

कांग्रेस जहिले पनि अनियमितता, भ्रष्टाचार र बेथितीका विरुद्धमा बोल्ने मुख्यमन्त्री पाण्डेले बताउनुभयो ।

नेपाली कांग्रेसका नेता कृष्ण प्रसाद सिटौलाले संविधानको असल कार्यान्वयनमा केही समस्या अझै कायम रहेकोे बताउनुभएको छ ।

पूर्व गृहमन्त्री समेत रहनुभएका सिटौलाले संघीयतामा देश गइसकेपछि प्रदेश र स्थानीय तहले केन्द्रीय सरकारकै मुख ताक्नुपर्ने अवस्था आउन नहुँने बताउनुभयो । उहाँले भन्नुभयो–संविधानले परिकल्पना गरेको संघीयता अनुसार स्वायत्त स्थानीय तह बनाउन कांग्रेसले निर्णायक भुमिका खेल्नु पर्दछ । उहाँले नेपाली कांग्रेसमा पुस्तान्तरण आवश्यकता रहेको बताउदै ठूलो पार्टी मात्रै नभएर सांगठनीक चुस्तता आवश्यक रहने बताउनुभयो ।

सरकारले यस वर्षको राष्ट्रिय भिटामिन ‘ए’ कार्यक्रम कात्तिक १७ र १८ गते सञ्चालन गर्ने भएको छ ।

सरकारले प्रत्येक वर्ष पहिलो चरण कात्तिक २ र ३ गते तथा दोस्रो चरण वैशाख ६ र ७ गते गरी दुई पटक सो कार्यक्रम सञ्चालन गर्दै आइरहेको छ । तर, यस वर्ष दशैं परेका कारण पहिलो चरणको कार्यक्रम कात्तिक १७ र १८ गते तय गरिएको स्वास्थ्य सेवा विभाग अन्तर्गतको परिवार कल्याण महाशाखाले जनाएको छ ।

महाशाखा प्रमुख डा विवेक कर्ण लालका अनुसार दुई दिने अभियानमा ६ देखि ५९ महिनाका करिब ३२ लाख बालबालिकाहरुलाई भिटामिन ‘ए’ क्याप्सुल खुवाइने छ । यसैगरी १ देखि ५ वर्षसम्मका २९ लाख भन्दा बढी बालबालिकाहरुलाई जुकाको औषधि खुवाइने छ ।

आफ्नो घर नजिकको खोप केन्द्रमा लगेर बालबालिकाहरुलाई भिटामिन ‘ए’ र जुकाको औषधि खुवाउन सकिन्छ । बालबालिकामा हुनसक्ने स्वास्थ्य जटिलता तथा कुपोषणको जोखिम न्यूनीकरण गर्नका लागि सरकारले २०५० सालदेखि राष्ट्रिय भिटामिन ‘ए’ कार्यक्रम सञ्चालन गर्दै आएको छ । जुकाको औषधि भने २०५६ बाट खुवाउन थालिएको हो ।

यो कार्यक्रममा देशभरिका ५२ हजार स्वास्थ्य स्वयंसेविका र १५ हजार स्वास्थ्यकर्मीलाई परिचालन गरिने डा. लालले जानकारी दिए ।

स्वास्थ्य मन्त्रालयले भिटामिन ‘ए’ कार्यक्रम सफल बनाउन सातवटै प्रदेश सरकार अन्तर्गतका सामाजिक विकास मन्त्रालय र स्थानीय तहलाई परिपत्र गरिसकेको छ ।

कात्तिक १६ बुर्तिबाङ
बुर्तिबाङमा गत कात्तिक १२ गतेदेखि सुरु भएको कोजाग्रत पूर्णिमा मेला पाँचौ दिनसम्म पनी जारी रहेको छ । बुर्तिबाङ राईजिङ युवा क्लबले आयोजना गरेको क्लबको २१ औँ बार्षिक उत्सव तथा कोजाग्रत पूर्णिमा मेला जारी रहेको हो । मेलाका अवसरमा विभिन्न खेलकुद संगै सांगितीक कार्यक्रम जारी रहेका छन ।
बिहिबार आयोजित कार्यक्रमका अवसरमा प्रमुख अतिथीको रुपमा रहनु भएका तमानखोला गाउँपालिका अध्यक्ष तथा नेपाली कांग्रेसका क्षेत्रीय सभापती जोकलाल बुढाले बोल्दै क्लबहरुले संस्कृर्तिको जर्गेना र खेलकुदको विकासमा महत्वपूर्ण भुमिका निर्वाह गरेको बताउनु भएको छ । बुर्तिबाङ राईजिङ युवा क्लबले सञ्चालन गरेको एतिहासिक मेलाले यस क्षेत्रमा आन्तरिक प्रर्यटन प्रर्वधन गर्नुका साथै यहाँको कला संस्कृर्तिको जर्गेना संगै खेल क्षेत्रको बिकासमा महत्वपूर्ण टेवा पु¥याईरहेको बताउनु भयो ।

उहाँले थप बोल्दै यस क्षेत्रको विकास र समृद्धिका निम्ती तिन वटै तहका सरकार मिलेर अगाडी बढ्नुको विकल्प नरहेको बताउँदै भौतिक संगै नागरिकका अपेक्षालाई पुरा गर्ने जिम्मेवारी निर्वाचित जनप्रतिनिधीमा रहेका कारण आफुहरुले प्रदेश र संघ सरकार सँग मिलेर काम गर्ने बताउनु भयो । कार्यक्रमका अवसरमा विभिन्न पार्टीका नेता, कलाकार, खेलाडी लगाएतको आतिथ्यता एवं शुभकामना मन्तव्य रहेको थियो । क्लब अध्यक्ष मिथुन वि.क.को अध्यक्षतामा आयोजित कार्यक्रम अञ्चल शाहीले सञ्चालन गरिरहनु भएको हो । कार्यक्रम आगामी कात्तिक १८ गतेसम्म जारी रहने क्लबले जनाएको छ ।

छविलाल पाण्डे कात्तिक १६ गते बुर्तिबाङ
लायन्स क्लब अफ ढोरपाटनको आयोजनामा आगामी कात्तिक २१ र २२ गते निःशुल्क आँखा उपचार शिविर हुने भएको छ । आँखाका विरामीलाई मध्यनजर राख्दै बुर्तिबाङ स्वास्थ्य केन्द्रमा शिविरको आयोजना गरिएको क्लबका अध्यक्ष राम प्रसाद आर्चायले बताउनु भयो ।
विभिन्न सामाजिक कार्यमा सक्रिय रहँदै आएको लायन्स क्बल अफ ढोरपाटनको आयोजना, हिमालय आँखा अस्पत्ताल पोखरा र नेत्र ज्वती संघ बागलुङको प्राविधिक सहयोगमा कात्तिक २१ र २२ गते शिविर हुन लागेको हो ।
शिविरमा आँखा रोग विशेषज्ञ द्धारा आँखाको चेकजाँच संगै मोतिया विन्दुको अप्रेशन, चस्मा लगाउनु पर्ने विरामीका निम्ती चस्मा उपलब्ध गराईने र आवस्यक परामर्श दिइने व्यवस्था रहेको क्लबले जनाएको छ ।
दुई दिन सम्म चल्ने शिविरलाई लक्षित गर्दे आवस्यक तयारी भइरहेको अध्यक्ष आर्चायले बताउनु भयो ।

बुर्तिबाङ कात्तिक १५
बुर्तिबाङ राईजिङ युवा क्लबले आयोजना गरेको कोजाग्रत पूर्णिमा मेला बुधबार चौठो दिन पनी विभिन्न खेलकुद संगै सांस्कृर्तिक कार्यक्रम भएका छन । आगामी १८ गते शनिबार सम्म सञ्चालन हुने मेलाका अवसरमा पुरुष भलिवल, रस्साकस्सा, महिला छेलो लगाएतका प्रस्तुती भएका हुन ।
बुधबार आयाजित कार्यक्रमको गण्डकी प्रदेश सभा सदस्य दिलमाया पौवीले प्रमुख अतिथीको रुपमा कार्यक्रमको उद्धघाटन गर्नुभएको छ ।
सांसद पौवीले बोल्दै भौगोलीक क्षेत्रले पछि परेको पश्चिम बागलुङमा जनअपेक्षा वमोजिम विकास हुन नसकीरहेको बताउँदै जनताको समस्या र पिडामा आफुहरुले तिनवटै तहको सरकारको माध्यमबाट काम गरिरहेको बताउनु भयो ।
यहाँको शिक्षा र स्वास्थयको अवस्था सुधार गर्न सकेमात्रै पनी यहाँको विकासले केहि राहात पाउने बताउँदै शिक्षा र स्वास्थ्य क्षेत्रमा स्थानीय प्रदेश र संघिय सरकारका जनप्रतिनिधी मिलेर काम गरिने बताउनु भयो ।
शिक्षा क्षेत्रमा यहाँको उत्पादन कम हुँदा विभिन्न निकायमा स्थानीय कर्मचारीको अभाव हुँदा नागरिकले पाउने सेवा प्रवाहमा समेत कठिन भइरहेको बताउँदै शिक्षा क्षेत्रको विकासमा आफुहरुले ध्यान दिने बताउँदै जनताको विचमा आफुहरु पुग्दै गर्दा देखिरहेका समस्या क्रमश सम्वोधन गर्दे जाने बताउनु भयो ।
बुर्तिबाङमा ५० शैयाको सुविधा सम्पन्न हस्पिटल बनाउन माननिय दोर्ण कुवँर,जीत शेरचन लगाएत आफुहरुले प्रदेशबाट आफुहरुले काम गरिरहेको बताउनु भयो । कार्यक्रमका अवसरमा तमानखोला गाउँपालिका उपाध्यक्ष हिराकुमारी छन्त्याल, निसीखोला गाउँपालिका ७ का वडा अध्यक्ष दिपक कुवँर लगाएतको शुभकामना मन्तव्य रहेको थियो ।

कार्यक्रममा जनप्रतिनिधी, राजनैतिक दलका प्रतिनिधी, लगाएतको आतिथ्यता रहेको थियो । कार्यक्रम क्लब अध्यक्ष मिथुन वि.क.को अध्यक्षता, मादब सर्माको स्वागत, अञ्चल शाहीको सञ्चालमा कार्यक्रम सम्पन्न भएको थियो ।

बुर्तिबाङ कात्तिक १५ गते
बागलुङको वडिगाड गाउँपालिकाले हेलो ‘वडिगाड’ अभियान अन्र्तगत नागरिकको समस्या र गुनासो सुन्न गाउँ केन्द्रित अभियान सुरु गरेको छ ।
समृद्ध बडिगाड गाउँपालिका बनाउने अभियान स्वरुप नागरिकका समस्या सुन्न , बुझ्न र नागरिकका अपेक्षा संग जोडिएको समस्याको दिगो समाधान गर्ने उदेश्य सहित वडिगाड गाउँपालिका अध्यक्ष गण्डकी थापा अधिकारी, उपाध्यक्ष भिमेशन वन सहित वडाको टोली गाउँपालिका पालिका अन्र्तगत रहेका सबै वडाका नागरिकको टोल वस्ति सम्म पुगेर उनिहरुको समस्या र गुनासो बुझ्ने र गाउँपालिकाले प्रवाह गरिरहेको सेवाका विषयमा धारणा सँकलन अभियान सुरु गरिएको गाउँपालिका अध्यक्ष गण्डकी थापाले बताउनु भयो ।

आर्थिक बर्ष २०८०÷०८१ को निती कार्यक्रम अन्र्तगत जनता संग गाउँपालिका अध्यक्ष कार्यक्रम मार्फत स्थानीय सरकारको आभास दिलाउन सक्ने गरि कसरी काम गर्न सकिन्छ भन्ने विषयमा नागरिकको सार्वजनिक चासोको सन्दर्भमा बास्तविक समस्या बुझ्ने र दिर्घकालिन लक्ष्यका साथ समस्या संवोधन गर्ने गरि अभियानको सुरुवात गरिएको अध्यक्षको भनाई छ ।
कार्यक्रमले नागरिकका साना साना समस्या पनी सम्वोधन गर्न बाँकी रहेको र आगामी बजेट तथा योजना तर्जुमा गर्दे गर्दा कस्ता कार्यक्रम, योजनालाई प्राथमिकता दिने भन्ने विषयमा थप व्यस्थापन गर्न सकिने बताउनु भयो ।
पहिलो दिन गाउँपालिकाको वडा नं. १० को दर्लिङ गाउँ र निगलपानीमा कार्यक्रम सम्पन्न गरिएको छ । आगामी २२ गते वडा नं. ८ मा कार्यक्रम गर्ने तयारी रहेको र प्रत्यक वडाका प्रत्यक वस्ति संगै नागरिकको घरमा समेत पुग्ने गरि अभियान सुरु गरिएको अध्यक्ष गण्डकी थापाको भनाई छ ।

नागरिक संग पुग्दै गर्दा अझैपनी गाउँपालिकाले गर्नुपर्ने धेरै काम बाँकी रहेको र दिगो विकासलाई प्राथमिकता दिन नागरिकबाट सुझाव प्राप्त भएको उपाध्यक्ष भिमशेन वनको भनाई छ ।
उहाँका अनुसार बढि मात्रामा भौतिक विकास हुँदै गर्दा नागरिकलाई उत्पादन, रोजगारीका क्षेत्रमा ध्यान दिनुपर्ने, स्थानीय युवा उद्धम विकास कार्यक्रम अन्र्तगत स्थानीय खानी सञ्चालनमा पालिकाले कानुनी प्रावधान सहित ध्यान दिनुपर्ने, महिला स्वरोजगार कार्यक्रम र महिला समुहको भवन निर्माणमा जोड दिनुपर्ने, कृषि क्षेत्रमा लगानी गर्दे गर्दा मौसम, समय , माटो परिक्षण र उत्पादन हुने क्षेत्रको अध्ययन गरेर मात्र कृषि विउपल तथा अनुदानको व्यवस्थामा ध्यान दिनुपर्ने विषयमा नागरिकले पालिकाको ध्यान केन्द्रित गराएका छन

लक्षित वर्गका कार्यक्रम अन्र्तगत जेष्ठ नागरिक ,अशक्त नागरिकका साना साना माग छन ति मागलाई पालिकाले सहज रुपमा पुरा गर्न सक्ने भएपनी हालसम्म नागरिकको अपेक्षा वमोजिक कतिपय काम गर्न नसकिएकोमा अवका दिन यस्ता कार्यक्रमले योजना बनाएर अगाडी बढ्न थप सहयोग पुग्ने पालिका अध्यक्ष थापाले बताउनु भयो ।
७५ बर्ष माथिका जेष्ठ नागरिक, अशक्त र जटिल प्रकारका विरामीको घरमै पुगेर स्वास्थ्य परिक्षण र औषधि उपचार गर्ने व्यवस्था समेत पालिकाले गर्ने बताउनु भयो ।

सहभागि स्थानीय नागरिकले गाउँपालिकाले स्वास्थ्य क्षेत्रमा राम्रो अभ्यास गरिरहेको, नागरिकका गुनासो र सुझावलाई संकलन गरेर योजना अगाडी बढाउँदै गएकोमा आभार समेत व्यक्त गरेका छन ।
धेरै जसो क्षेत्रमा टाठा बाठाले योजना माग गर्ने र आफनो स्वार्थ वमोजिम विकास गर्ने परिपाटीलाई अन्त्य गर्नका लागी वास्तविक जनताले पालिकाबाट पाउने सेवा सुविधा र विकासमा सहजता प्रदान गर्नका निम्ती यस्तो कार्यक्रमले टेवा पु¥याउने अध्यक्ष थापाको भनाई छ ।

नेपाली कांग्रेसका नेता तथा महामन्त्री बिश्वप्रकाश शर्मा कात्तिक २१ गते बुर्तिबाङ आउनु हुने भएको छ ।
नेपाली कांग्रेस प्रतिनिधी सभा क्षेत्र नं. २ को क्षेत्रीय सम्मेलनमा प्रमुख अतिथीको रुपमा कांग्रेस नेता शर्मा कात्तिक २१ ग्ते बुर्तिबाङ आउने कार्यक्रम तय भएको क्षेत्रीय सभापती जोकलाल बुढाले बताउनु भयो ।

बुर्तिबाङ बजारमा कात्तिक २१ गते प्रतिनिधी सभा क्षेत्र नं. २ प्रदेश सभाको सम्मेलन हुन लागिरहेको हो । नेपाली कांग्रेसले वडा, पालिका, प्रदेश सभा सम्मेलन सम्पन्न गरिसकेको छ । क्षेत्रीय सम्मेलनको आवस्यक तयारी भइरहेको क्षेत्रीय सभापती जोकलाल बुढाले बताउनु भयो कांग्रेसले १७ गते बागलुङमा पुर्व प्रधानमन्त्री एवं नेपाली कांग्रेस सभापती शेरबहादुर देउवा प्रमुख अतिथी रहने गरि जिल्ला सम्मेलन गर्न लागेको हो ।

विषालु च्याउ खाँदा गुल्मीमा ३ जना बिरामी परेका छन् ।

च्याउ खाएर ईस्मा गाउँपालिका ६ बुल्मका ३९ वर्षीया सरिता कुमाल, ११ वर्षीय विमल कुमाल र आठ वर्षीया सुस्मा कुमाल बिरामी परेका हुन् ।

तीनै जनाको मिसन अस्पताल पाल्पामा उपचार भइरहेको जिल्ला प्रहरी कार्यालय गुल्मीका प्रहरी नायब उपरीक्षक डिल्ली नारायण पाण्डेले जानकारी दिएका छन् ।

हिजो घर नजिकै खेतमा उम्रिएको च्याउ खाँदा उनीहरु बिरामी परेका सरिता कुमालका श्रीमान् वृष बहादुर कुमालले बताए ।