बुर्तिबाङ पौष १४ गते
बागलुङको तमानखोला गाउँपालिका द्वारा आथिर्क बर्ष २०८०÷०८१ को प्रथम चौमासिक सम्मको सार्वजनिक सुनुवाई कार्यक्रम शनिबार वडा नं. ६ को नर्जामा सम्पन्न भएको छ ।
गाउँपालिका तथा वडा कार्यलयले सम्पादन गरेका काम, सेवा प्रवाह, विकास निर्माणको अवस्थाका विषयमा जनताको चासो, गुनासो र जिज्ञासालाई संबोधन गर्ने उदेश्य सहित सार्वजनिक सुनुवाई कार्यक्रम सम्पन्न भएको हो ।
गाउँपालिका कार्यालयको आयोजना सामुदायिक रेडियो ढोरपाटन १०४.१ मेगाहर्जको सहजिकरणमा आयोजित कार्यक्रममा सहभागि नागरिकले सडक व्यवस्थापन, मोटरेवल पुल निर्माण, कृर्षि क्षेत्रको दिगो विकास र उत्पादीत बस्तुको बजारीकरण, सामुदायिक विद्यालयमा इन्टरनेट जडान जस्ता महत्वपूर्ण विषयमा यहाँका नागरिक तथा सेवाग्राहीले सास्ती खेप्दै आएको बताएका छन ।
महिला लक्षित कार्यक्रम र स्वरोजगार मुलक कार्यक्रमलाई कार्यान्यनमा पुग्ने गरि काम गर्न सुझाव सहित आफनो प्रश्न सुझाव र गुनासो व्यक्त गरेका हुन सहभागिले भौतिक विकासमा दिगो पन हुने गरि काम गर्नुपर्ने, १२ महिना सञ्चालन हुने गरि सडक व्यवस्थापनमा ध्यान दिनुपर्ने, मोटरेवल पुल निर्माण, प्रर्यटकिय क्ष्ोत्रको विकास, वातावरणीय मुल्यांकनको आधारमा कृर्षि उत्पादन, तथा बजारीकरणमा पालिकाले ध्यान दिनुपर्ने बताउँदै स्थानीय लघु जलबिधुत आयोजनाबाट विद्युत आपूर्ति कम हुँदा प्रर्याप्त बिधुत अपुग रहेका कारण चाँडै केन्द्रिय विद्युत जडानमा पहल गर्नुपर्नेमा समेत नागरिकले सुझाव व्यक्त गरेका हुन ।
गाउँपालिका अध्यक्ष जोकलाल बुढाको अध्यक्षतामा आयोजित कार्यक्रममा सहभागिले राखेका प्रश्न, जिज्ञासा गुनासोका सन्दर्भमा गाउँपालिका अध्यक्ष जोकलाल बुढा, उपाध्यक्ष हिरा कुमारी छन्त्याल, प्रमुख प्रशासकिय अधिकृत इश्वरलाल शाक्य, वडा अध्यक्षहरु , सम्बन्धीत सेवा प्रवाह गर्ने शाखा प्रमुख एवं प्रतिनिधी लगाएतले सहभागिले राखेको प्रश्नको जवाफ दिनुभएको थियो ।
गाउँपालिका अध्यक्ष जोकलाल बुढाले सहभागिको प्रश्न, गुनासो र सुझाबको सन्दर्भमा बोल्दै पालिकाले दिगो लक्ष्य सहित समृद्ध तमानखोला बनाउने अभियानमा निरन्तर लागी परिरहेको बताउँदै कृषिको उत्पादन र बजारीकरणमा पालिकाले योजना बनाइरहेको , सडक स्तरबृद्धि तथा मोटरेवल पुल निर्माण, केन्द्रिय विधुत विस्तारमा प्रदेश र संघ सरकार संग सम्मोन्य गर्दे काम भइरहेको बताउनु भयो । बोँङगादोभानमा ३ बर्ष पुगिसक्दा समेत निर्माण कम्पनीको लापरबाहीका कारण समयमा मोटरेवल पुल निर्माण नभएकोमा पटक पटक निर्माण कम्पनी र आयोजना कार्यालयमा ध्यानाकर्षण गराइरहेको बताउनु भयो । केन्द्रिय विद्युत चाँडै पहुँच पुग्ने गरि काम भइरहेको बताउँदै बुर्तिबाङ–बोङगादोभान तमान सडकको स्तरबृद्धिका निम्ती यसबर्ष प्रदेश सरकारबाट बजेट विनीयोजन भएका कारण चाँडै काम हुने प्रतिबद्धता जनाउनु भयो ।
विभिन्न स्थानमा मोटरेवल पुल आवस्यक रहेको तर पालिकाको बजेटले सम्भव नभएका कारण ठुला योजनाका निर्माणका निम्ती प्रदेश र संघ सरकारमा आफुहरुले निरन्तर माग गर्दे आएको बताउनु भयो । अध्यक्ष बुढाले स्थानीय उत्पादीत कृषि उपजलाई बजारीकरण गर्न वडा स्तरमै उत्पादीत कृषि सामाग्रि संकलन केन्द्र अगाडी बढाउन प्रकृयाको चरणमा रहेको बताउनु भयो ।
कार्यक्रममा गाउँपालिका प्रमुख प्रशासकिय अधिकृत इश्वरलाल शाक्यले प्रगति प्रतिवेदन प्रस्तुत गर्दे प्रथम चौमासिक सम्म आईपुग्दा पालिकाको ६८ योजना मध्ये २८ योजना सम्झौता भई ९ वटा योजनाको भुक्तानी समेत दिइएको बताउनु भयो ।
जेठ मशान्त भित्र सबै योजना सम्पन्न गर्ने उदेश्य सहित अगाडी बढिएको बताउँदै करिब १७ प्रतिशत प्रगती भएको बताउनु भयो । कार्यक्रमका अवसरमा नागरिक बर्हिगमन प्रतिवेदन समेत प्रस्तुत गरिएको थियो । १४९नागरिकको सहभागिता रहेको कार्यक्रम गाउँपालिका उपाध्यक्ष हिराकुमारी छन्त्यालको स्वागत, सहजकर्ता छविलाल पाण्डेको सहजिकरणमा सम्पन्न भएको थियो ।
