रिठाखोला लघु जलविधुत सहकारी संस्थाको तेस्रो बार्षिक साधारण सभा : सहकारीको माध्यमबाट कृषि र उत्पादनलाई जोड

पौष १५ गते
जिल्लाको ढोरपाटन नगरपालिका ३ मा रहेको रिठाखोला लघु जलविधुत सहकारी संस्थाको तेस्रो बार्षिक साधारण सभा आइतबार सम्पन्न भएको छ ।
२०७६ सालमा रिठाखोला लघु जलविधुत आयोजनामा आवद्ध रहेका सदस्यको सक्रियतामा सञ्चालित सहकारीले छरिएर रहेको पुँजिलाई एकिकृत गर्दे सेयर सदस्यको आय आर्जनमा टेवा पु¥याउन सहकारी मार्फत कृषि क्षेत्रको विकास गर्ने, आय आर्जन मुलक क्षेत्रमा सेयर धनीलाई सक्रिय बनाउने, स्थानीय सामुदायिक विद्यालयको शैक्षिक गुणस्तरमा टेवा पु¥याउन सहयोग गर्ने, वातावरणीय क्षेत्रको विकास, उद्यम क्षेत्रको विकास गर्ने उदेश्य सहित सञ्चालित सहकारीले संस्थाको निती वमोजिम काम गर्दे आइरहेको र स्थानीय सेयर सदस्यको विचमा पुगेर वचत तथा ऋणको कारोबार समेत गर्दे आइरहेको संस्थाका अध्यक्ष गौरिश्वर पाण्डेले बताउनु भयो ।


संस्थाको प्रतिवेदन अनुसार ३ बर्षमा दुईसय ९२ जना सेयर सदस्य बनाउन सफल रहँदै आर्थिक बर्ष २०७९÷०८० को असार मशान्त सम्म ८२ लाख ४ हजार ६ सय ५६ रुपैयाँ बराबरको कुल कारोबार गरेको प्रतिवेदनमा जनाइएको छ । न्युनतम ब्याजदरमा सहकारीका सदस्यलाई ऋण प्रवाह गर्दे आएको सहकारीले दिर्घ रोगी, अशक्त सेयर सदस्यलाई समेत आर्थिक सहयोग गर्दे आएको हो ।
साधारण सभाको अवसरमा पाँच जना एकल महिला, ५ जना असल ऋणी, ५ जना उत्कृष्ट बचत कर्ता र जेष्ठ नागरिकलाई सम्मान समेत गरेको गरिएको हो । संस्थाका अध्यक्ष पाण्डेले बोल्दै बैँक र अन्य वित्तिय संस्था संग पहुँच नपुग्ने नागरिकलाई स्थानीय सहकारी मार्फत आय आर्जन अगाडी बढाउन, उद्यमशिल वनाउन र दुख समस्या पर्दा सहज रुपमा सस्तो ब्याजदरमा ऋण प्रवाह गर्दे आइरहेको बताउँदै सहकारीलाई दिगो रुपमा व्यवस्थापन गरि अगाडी बढाउन सेयर सदस्य सक्रिय बन्नुपर्नेमा जोड दिनुभयो । अहिले सम्म जलविधुत र सहकारी संस्थामा कुनै अपारदर्शिता नभएको र सबैको अपनत्वमा सम्मोन्य गरेर अगाडी बढिएका कारण संस्थाको अवस्था चुस्त दुरुस्त रहेको बताउनु भयो ।
कार्यक्रममा संस्थाका सचिव गंगा बहादुर घर्ति द्धारा प्रस्तावित निती तथा योजना , साधारण सभाबाट पारित गरिने प्रस्तावको प्रतिवेदन प्रस्तुत गर्नुभएको हो । त्यस्तै लेखा सँयोजक गँगा बहादुर कार्की द्धारा लेखा समितीको प्रतिवेदन सहित सुझाव सहितको प्रस्तुत गर्नुका साथै सँस्थाका कोषाध्यक्ष खिमलाल भुसाल द्धारा आर्थिक बर्ष २०७९÷०८० को आर्थिक प्रगती प्रतिवेदन प्रस्तुत गर्नुभएको हो ।
रिठाखोला लघुजलविधुत आयोजनामा आवद्ध रहेका ५१२ जना उपभोक्ता मध्ये २९२ जना सदस्य सहकारीमा आवद्ध रहेको र बाँकी सदस्यलाई समेत सहकारीमा जोड्दै अगाडीने संस्थाले लक्ष्य लिएको छ ।
कार्यक्रममा लेखा समिती सदस्य नर बहादुर सुनार, ढोरपाटन नगरपालिका ३ का वडा सदस्य जुना वि.क., सेयर सदस्य निम बहादुर वि.क.को शुभकामना मन्तव्य रहेको थियो ।
संस्थाका अध्यक्ष गौरिश्वर पाण्डेको अध्यक्षता, जेष्ठ सेयर सदस्य लोक बहादुर थापाको प्रमुख आतिथ्यता, संस्थाका म्यानेजर नारायण घर्तिको स्वागत मन्तव्य ,सचिव गंगा बहादुर घर्तिको सञ्चालनमा कार्यक्रम सम्पन्न भएको हो ।

प्रतिक्रिया दिनुहोस

LEAVE A REPLY

Please enter your comment!
Please enter your name here

सम्बन्धित