चैत्र ९ गते बुर्तिबाङ
इमेज बचत तथा ऋण सहकारी संस्थाका संस्थापक अध्यक्ष तथा ढोरपाटन नगरपालिकाका मेयर देवकुमार नेपाली सहकारी संस्थाको करोडौँ रकम झवाम पारेर फरार भएको १० महिना बितेको छ ।
समय समयमा फेसबुक लाइभ र विभिन्न विज्ञप्ति मार्फत सामाजिक सञ्जालमा झुल्किने मेयर नेपाली पछिल्लो समय गुमनाम जस्तै छन । नत राज्यले पक्राउ गरि कानुनी कठघरामा ल्याउन सक्यो नत अहिले सम्म बचत कर्ताले न्याय पाउन सके ।
पटक पटक आफ्नो माग लिएर राज्यका विभिन्न निकायमा पुग्दै गर्दा समेत आफूहरूले न्याय पाउन नसकेको संघर्ष समिति गल्कोटका अध्यक्ष मञ्जु शर्माले बताउनु भयो । प्रधान मन्त्री, मन्त्री, सबै दलका नेतालाई भेटियो, प्रहरीले रेडकर्नर नोटिस जारी गरेको पनि धेरै भइसक्यो तर भगुवा देवकुमार नेपाली अहिले सम्म पक्राउ पर्न नसक्नु र राज्यले समेत उदासिनता देखाउँदा पीडितहरू मर्कामा परिरहने अवस्था रहेको बताउँदै विगत १० महिना देखि ताला लगाइएको बुर्तिबाङ बजारमा रहेको दरबार होटलमा लगाइएको गेटको ताला फोडेका हुन ।
आफूहरूले अब होटल सञ्चालन गर्ने र खाली सटरमा आफै व्यापार व्यवसाय सञ्चालन गर्ने गरि अगाडि बढिएको बताउँदै यहाँ स्थित प्रशासन राजनैतिक दल सबैले आफूहरू लाई साथ दिनुपर्ने शर्माको भनाई छ । पीडितले ताला फोडेर होटल भित्र प्रवेश गरेसँगै इलाका प्रहरी कार्यालयको टोली समेत त्यहाँ पुगेको थियो ।
प्रहरीले शनिबार प्रशासन, जनप्रतिनिधि, र पीडित पक्षबीच छलफल गरेर मात्रै थप अगाडि बढ्ने बताएपछि पीडितहरूले आफै ताला पुनः लगाएर छलफलमा बस्ने सहमति जनाएका छन । शुक्रबार दिउँसो गल्कोट र ढोरपाटन सेवा केन्द्रका सहकारी पीडित संघर्ष समिति र यहाँ स्थित जनप्रतिनिधि, राजनैतिक दल, विभिन्न सङ्घसंस्थाका प्रतिनिधिको बिचमा अन्तरकृया कार्यक्रम सम्पन्न भएको हो । कार्यक्रममा संघर्ष समिति अध्यक्ष मञ्जु शर्माले बोल्दै आफूहरूले अहिले सम्म न्याय खोज्दा पाउन नसकेको संघर्ष समिति र पीडितहरू इमानदार बन्दा देवकुमार नेपालीले त्यसको फाइदा उठाइरहेको बताउँदै अब कुनै हालतमा नेपालीका घर संरचना कब्जा गरेर अगाडि बढिने बताउनु भयो ।
राष्ट्रिय सहकारी बैँकबाट करोडौँ ऋण लिएका देवकुमार नेपालीले लामो समयदेखि ऋण चुक्ता गर्न नसक्दा सहकारी बैँकले पटक पटक सूचना प्रकाशित गर्दे कालो सुचीमा राखेको अब चाँडै लिलाम प्रकृयामा जान लागेका कारण पीडित झन पीडित बन्ने अवस्था आएका कारण आफूहरू न्याय खोज्दा खोज्दा झनै पीडित बनिसकेका कारण पनि अब सबैको साथ र सहयोग लिएर अगाडि बढ्ने अध्यक्ष मञ्जु शर्माले बताउनु भयो । आयोजित कार्यक्रममा बोल्ने वक्ताहरूले समेत पीडितको न्यायका निम्ति आफूहरू साथमा रहेको बताउँदै राज्यलाई खबरदारी गर्ने विषयमा आफूहरूले सक्रिय भूमिका निवार्ह गर्ने बताउँदै नियतमै बदमासी बोकेका देवकुमार नेपालीले सयौँ नागरिकलाई पीडा दिइरहेको बताएका हुन
कार्यक्रममा प्रमुख अतिथी समेत रहनु भएका गण्डकी प्रदेश सभा सदस्य दिलमाया पौवीले बोल्दै आफूहरूले सहकारी पीडितको आवाज पटक पटक प्रदेश सभामा बोल्दै आएको र राज्यका निकायमा समेत ध्यानाकर्षण गराउँदै आएको बताउँदै पीडितले न्याय पाउने विषयमा निरन्तर आवाज उठाउँदै जाने बताउनु भयो ।
नेपाली कांग्रेस महाधिवेशन प्रतिनिधी सोम बहादुर पौवीले बोल्दै देब कुमार नेपालीले पिडित बचत कर्तालाई ठगेर फरार हुँदै गर्दा राज्यको सम्वन्धित निकाय निहिर बनेर बसेको बताउँदै आफुहरुले सुरुवाती दिनदेखि पिडितको पक्षमा उभिएर साथ दिइरहेको बताउँदै संधै पिडितको पक्षमा रहने बताउनु भयो ।
नेकपा माओवादी केन्द्र गण्डकी प्रदेश सदस्य चन्द्र लाल अर्यालले बोल्दै देवकुमार नेपालीले आफूले करोडौँ ठगी गरेर फरार हुँदै गर्दा पीडित बचत कर्ता र समितिमा राखिएका व्यक्ति फसिएको बताउँदै यस्ता आपराधिक व्यक्तिलाई ठेगान लगाउन राज्यले ध्यान दिन नसकेको बताउनु भयो ।
कार्यक्रममा ढोरपाटन नगरपालिका पूर्व उपमेयर करमति पुन, नेकपा एमाले प्रदेश सदस्य टंक प्रसाद पौडेल, ढोरपाटन नगरपालिका वडा नं.८ का अध्यक्ष भद्रमणी सुनार , वडा नं. ९ का अध्यक्ष खिम बहादुर घर्ती, त्रिवेणी बचत तथा ऋण सहकारी संस्थाका अध्यक्ष उत्तम बहादुर महत, गुञ्ज बहादुर भण्डारी लगायतले आफ्नो धारणा राख्दै सहकारी पीडितले न्याय पाउन नसक्नु राज्यको समेत कमजोरी रहेको बताउँदै देवकुमार नेपालीले पीडितले सहज वातावरण मिलाउँदा समेत वेवास्ता गरेर विज्ञप्ति लेख्दै लुकेर बस्ने काम गरिरहेको बताएका छन ।
बचत कर्ताको बागलुङको बुर्तिबाङ, गल्कोट र बागलुङ बजार तथा पोखराबाट डेढ अर्ब बढि रकम हिनामिना गरेर परिवार सहित फरार रहेका नेपालीलाई रेडकर्नर नोटिस जारी भएको समेत धेरै समय वितिसकेको छ यता सहकारी पिडित बचतकर्ताले सहकारी व्युताउने गरि समिती गठन गरेको छ ।
