ढोरपाटन चैत्र १० गते

ढोरपाटन नगरपालिका र निसीखोला गाउँपालिका अन्र्तगत खानेपानीको पहुँचबाट टाढा रहेका करिब दुई हजार एक सय घरधुरीका नागरिकले बर्षाे देखि खानेपानीको अभाव झेल्नुपर्ने बाध्यताको अब अन्त्य हुने देखिएको छ ।

गण्डकी प्रदेश सभा सदस्य दोर्ण कुमार कुवँर र ढोरपाटन नगरपालिकाको सक्रियतामा ढोरपाटन ९ मा रहेको ठुलो खोली खानेपानी आयोजनाबाट पानी ल्याउने गरी खानेपानी तथा ढल निकास विभाग, जलवायु अनुकुलित खानेपानी आयोजना कार्यालयबाट १८ करोड बराबरको ठेक्का स्वीकृत भई आव्हान भएपछि अबको केही वर्षमा नागरिकले खानेपानीको पहुँचमा पुग्ने देखिएको हो ।

सङ्घीय सरकार अन्र्तगत ठेक्का आव्हान भएको उक्त आयोजना निर्माण भएमा ढोरपाटन नगरपालिका र निसीखोला गाउँपालिका अन्र्तगत ६ वटा वडाका नागरिकले सहज खानेपानीको सेवा प्राप्त गर्ने भएका हुन । ढोरपाटन नगरपालिका वडा नम्बर २,५,७,८ र ९ वडा र निसीखोला गाउँपालिकाको वडा नम्बर २ को देउराली,बेङरी, सिंदेरी, निन्नेचौर लगायतका गाउँका नागरिक आयोजना सम्पन्न भएपश्चात सहज खानेपानीको पहुँचमा पुग्ने भएका हुन ।

खानेपानी अभावकै कारण निरन्तर बसाइ सराइ हुने अवस्था थियो अव खानेपानीको पहुँच भयो भने यहाँका नागरिकहरू गाउँ छोडेर बसाइ सराई गर्नुपर्ने बाध्यताको कमी हुने ढोरपाटन नगरपालिका २ का धन बहादुर थापाको भनाई छ । गाउँमा बिहान पाँचदेखि अबेरसम्म खानेपानी भर्नेकै चटारो हुन्थ्यो आधा घण्टा टाढाको दुरीमा पानीको मुहानमा पुगेर खानेपानी ल्याउनुपर्ने बाध्यताको अब अन्त्य हुनेमा स्थानीय आशावादी देखिएका छन ।

खानेपानी आयोजना सञ्चालन भई सम्पन्न पश्चात खल्बाङ, अर्नाक, माडे, अर्नाकोट, देउराली, घम्पु, मस्ति, जाडवडा, सिंदेरी, निन्नेचौर, चौर, गलेप, गाल्दुङ, बिजौले, वालेगाउँ, सिंदेरी, पाखापानी, बेङग्री, बोबाङ ,कुँगु सुप्राङ लगायत करिब दुई दर्जन गाउँका नागरिक सहज खानेपानीको पहुँचमा पुग्ने माननीय दोर्ण कुमार कुवँरले बताउनु भयो ।

नजिकमा खानेपानीको मुहान नहुनु, पर्याप्त बजेट व्यवस्थापन नहुनु जस्ता समस्याका कारण स्थानीय नागरिकले सयौँ मिटर टाढाको मुहान, घैँटोमा बर्षातको पानी सङ्कलन, पम्पिङ माध्यम लगायतबाट खानेपानीको गर्जो टार्ने गरेपनि दीर्घकालिक समस्याको समाधान हुन सकेको थिएन ।

खानेपानी आयोजना निर्माणमा ढोरपाटन नगरपालिका र वडा कार्यालयबाट खानेपानी समिति गठन प्रकृया लगायतका कार्यमा सहजीकरण गरेको हो । केहि दिन अगाडी मन बहादुर घर्ति मगर अध्यक्ष रहेको १३ सदस्य खानेपानी समितीको गठन गरिएको थियो ।

चैत्र ८ गते ढोरपाटन

इलाका प्रशासन कार्यालय बुर्तिबाङमा कार्यालय प्रमुख विहीन भएर कामकाज ठप्प भएको ३५ दिन बितिसक्दा समेत कर्मचारी नआउँदा पश्चिम बागलुङका नागरिकले निरन्तर सास्ती खेप्दै आएका छन ।

गत पौष महिनादेखि प्रमुख विहीन बनेको कार्यालयमा जिल्ला प्रशासन कार्यालयबाट कर्मचारी खटाएर फागुन ४ गतेसम्म सेवा प्रवाह भएपनि पछिल्लो समय कार्यालय प्रमुखको अभावले सेवा प्रवाह ठप्प भएको हो ।

गत फागुन ४ गतेदेखि ठप्प भएको सेवा इलाका प्रशासनबाट प्राप्त गर्न नसकेपछि नागरिकले फेरिपनि हजारौँ रुपैयाँ खर्च गरेर नागरिकता लगायत प्रशासन कार्यालय बाट प्राप्त हुने सेवा लिन बागलुङ सदरमुकाममा रहेको जिल्ला प्रशासन कार्यालय पुग्नुपर्ने बाध्यता सिर्जना भएको हो ।

गृह मन्त्रालयले गत फागुन दोश्रो हप्ता पठाएका कर्मचारी नरेश पुडासैनी इलाका प्रशासन बुर्तिबाङमा नआई उतैबाट सरुवा भएपछि हालसम्म प्रशासन कार्यालय प्रमुख विहीन हुँदा सबै प्रकारका काम ठप्प भएको हो ।

लामो समयसम्म कार्यालयमा कर्मचारी नहुँदा पश्चिम बागलुङको वडिगाड गाउँपालिका, ढोरपाटन नगरपालिका, निसीखोला गाउँपालिका र तमानखोला गाउँपालिका अन्तर्रगतका हजारौँ नागरिक नागरिकता, राहदानी, नागरिकता प्रतिलिपि, दुई नामथर प्रमाणित, दलित जनजाति प्रमाणित लगायतका सेवाबाट बञ्चित भएका हुन ।

लामो समय सम्म कार्यालय प्रमुख नहुँदा पनी गृह मन्त्रालय र यस क्षेत्रबाट निर्वाचित जनप्रतिनिधि सांसदको गम्भिर रुपमा ध्यान जान नसकेको नागरिकले गुनासो गर्दे आइरहेका छन । कार्यालयबाट हाल राहदानी वितरण, राष्ट्रिय परिचय पत्र उपलब्ध गराउने मात्र काम भएको पाइन्छ ।

चैत ८ गते ।

यहि चैत ७ गतेदेखि सञ्चालन भइरहेको कक्षा १० को SEE परीक्षामा सहभागी देविस्थान माध्यमिक विद्यालय निसीखोला वडा नं.१, देविस्थानका ४० जना विद्यार्थीलाई करिब ६ किलोमिटर टाढा बुर्तिबाङ बजारमा रहेको परीक्षा केन्द्रमा विद्यालयबाट नै प्रत्येक दिन गाडिको व्यवस्था गरी शिक्षकको प्रत्यक्ष संलग्नतामा लैजाने र ल्याउने गरेको विद्यालयका प्रधानाध्यपक झग बहादुर क्षेत्रीले बताउनुभयो ।
बागलुङ जिल्लाको निसीखोला गाउँपालिका वडा नं. १ मा अवस्थित देविस्थान माध्यमिक विद्यालयमा गत मङ्सिर महिनादेखि कक्षा १० र १२ का विद्यार्थीहरु सहित शिक्षकहरु समेत विद्यालयमा नै बसी अध्ययन अध्यापन कार्यलाई अगाडि बढाइएको छ । विद्यालयमा माध्यमिक शिक्षा परीक्षा SEE र कक्षा १२ को SLC परीक्षालाई मध्यनजर गरी विद्यार्थीको पढाइलाई थप प्रभावकारी बनाउनका निमित्त यस्तो कार्य गरेको विद्यालयका प्र.अ. झग बहादुर क्षेत्री बताउनुभयो । विद्यार्थीका अभिभावकको प्रत्यक्ष सहभागितामा छलफल गरी विद्यार्थीहरुलाई विद्यालयमा आवासीय सुविधाको व्यवस्था गरिएको हो ।
कक्षा १० मा ४० जना विद्यार्थी र कक्षा १२ का ३४ जना विद्यार्थीहरु रहेका छन् । यी विद्यार्थीहरुले विद्यालयको शान्त वातावरणमा रमाएर अध्ययन गरिरहेका छन् । विद्यार्थीको पढाइलाई मध्यनजर गरेर प्रत्येक सार्वजनिक बिदामा समेत विद्यार्थीलाई परीक्षामा सामेल गराउने व्यवस्था गरिएको थियो । जसले गर्दा उनीहरु परीक्षादेखि लाग्ने डरबाट मुक्त भएका छन् ।

विद्यालयबाट नै टाढाको परीक्षा केन्द्रमा लैजाने र ल्याउने व्यवस्था हुँदा अनावस्यक खर्चमा कमी आएको विद्यार्थीका अभिभावकले बताएका छन् । हाल विद्यार्थीहरु परीक्षा दिइएर आइसकेपछि पछिल्लो दिनको परीक्षाको तयारी विषय शिक्षककै प्रत्यक्ष सहयोगमा गरिरहेका छन् । यस्तो कार्यले SEE लगायत SLC को नतिजामा सुधार आउने अपेक्षा विद्यालयले राखेको छ । यस विद्यालयमा हाल कक्षा बालविकास देखि कक्षा १२ सम्मका करिब ४२५ विद्यार्थीहरु रहेका छन् । विद्यालयमा अब SEE दिइएर बसेका विद्यार्थीलाई खाली समयको सदुपयोग गर्नका लागि कम्प्युटर आधारभूत तालिम, बोल्ने कला तथा उद्घोषण तालिम समेत सञ्चालन गर्ने योजना रहेको प्र.अ. क्षेत्रीले जानकारी दिनुभयो । विद्यालयले शिक्षण सिकाइ प्रक्रियालाई सहजता ल्याउन तथा विद्यार्थीको सिकाइलाई दिगोपन बनाउनका लागि प्रविधिमैत्री कक्षा सञ्चालनमा समेत जोड दिदै आएको बताइएको छ ।

चैत्र ५ गते ढोरपाटन
ग्लोवल मनी विकको अबसरमा साईन रेसुङगा विकास वैँक बुर्तिबाङ शाखाको आयोजनामा निसीखोलामा रहेको जनजीवराज शुसिला माध्यमिक विद्यालयमा हाजिरी जवाफ प्रतियोगिता मंगलबार सम्पन्न गरिएको छ ।

नेपाल राष्ट्र बैँकको निर्दशन वमोविम चैत्र ४ देखि १० गतेसम्म वालवालिका र यूवाहरुमा वित्तिय साक्षरता अभिबृद्धि गर्दे वित्तिय ज्ञान , सिप र मनोबृर्तिको विकास गराउने उदेश्य स्वरुप विभिन्न कार्यक्रम अगाडी बढाइएको छ ।

जसमध्ये साईन रेसुङगा विकास वैँक बुर्तिबाङ शाखाले निसीखोला ४ मा रहेको जनजीवराज शुसिला माध्यमिक विद्यालयमा हाजीरी जवाफ प्रतियोगिता आयोजना गरिएको शाखा प्रवन्धक प्रेमनाथ पौडेलले बताउनु भयो ।

प्रतियोगितामा उत्कृष्ट हुने समुहलाई क्रमश तिन हजार, दुई हजार र एक हजार रुपैयाँ नगद सहित पुरस्कृति गरिएको जनाइएको छ ।

चैत्र ४ गते

ढोरपाटन नगरपालिकाको आयोजनामा वडा नम्बर ६ गाडीखोला स्वास्थ्य चौकी र वडा नम्बर ४ को खुङ्गा स्वास्थ्य चौकीमा निःशुल्क स्वास्थ्य शिविर सम्पन्न भएको छ । स्थानीय नागरिकलाई घरदैलोमा स्वास्थ्य सेवाको पहुँच उपलब्ध गराउने उद्देश्यसहित शिविर आयोजना गरिएको कार्यवाहक मेयर धन बहादुर कायलते बताउनु भयो । शिविरबाट शनिबार गाडिखोलामा ६२१ जना र खुङ्गा स्वास्थ्य चौकीबाट आइतबार ३१४ गरी ९३५ जनाले सेवा लिएको मेयर कायतले जानकारी दिनुभयो ।

शिविरमा हाडजोर्नी तथा नसा रोग विशेषज्ञ डा. हरि शर्मा, फिजीसियन डा. गणेश पौडेल, बालरोग विशेषज्ञ डा. नविन्द्र ढकाल, आँखारोग विशेषज्ञ रुद्र खत्री लगायत स्वास्थ्य कर्मीद्धारा विरामीको स्वास्थ्य परिक्षणसँगै उपचार गरिएको हो ।
शिविरमा सहभागि अधिकांश नागरिकमा ढाड कम्मर दुख्ने, आँखाको समस्या, शरिरका जोर्नी दुख्ने लगायतका समस्या देखिएको थियो । लायन्स क्लब अफ ढोरपाटन र लायन्स क्लब अफ बुर्तिबाङको समेत सहयोग रहेको शिविरमा जेष्ठ नागरिक, महिला, बालबालिकाले बढी मात्रामा सेवा लिएका हुन् ।

स्थानीय सरकारले गाउँघरमै शिविरको आयोजना गरेकोमा धन्यवाद ज्ञापन गर्दै आगामी दिनमा पनि नागरिकको समस्या बमोजिम स्थानीय सरकारले काम गर्नुपर्नेमा स्थानीयले जोड दिइएका हुन् । नागरिकका हरेक समस्यालाई नजिकबाट हेर्न र सेवा गर्नका लागि नगरपालिका सदैव तत्पर रहेको ढोरपाटन नगरपालिकाका कार्यवाहक मेयर धन बहादुर कायत कल्याणले बताउनुभएको छ ।