बागलुङ । फागुन २१ गतेका लागि तोकिएको प्रतिनिधिसभा निर्वाचनमा प्रत्यक्षतर्फ बागलुङ क्षेत्र नं. २ बाट एमालेका नेताहरु देवी प्रकाश भट्टचन र देव कुमार नेपाली उमेदवारका लागि दावी गरेका छन् ।

नेकपा एमाले निर्वाचन क्षेत्रीय कमिटि क्षेत्र नं. २ ले शुक्रवार गलकोटमा राखेको उमेदवारहरुका आकांक्षीहरुबीचको छलफलमा विघटित प्रतिनिधिसभामा एमालेका समानुपातिक सांसद रहेका देवी प्रकाश भट्टचन र ढोरपाटन नगरपालिकाका प्रमुख देव कुमार नेपाली सहितका १२ जनाले उमेदवारका लागि दावी गरेको एमाले स्रोतले जनाएको छ ।

स्रोतका अनुसार आफु निकटका व्यक्तिहरुमार्फत भट्टचन र नेपालीले क्षेत्र नं. २ को उमेदवारका लागि आफुहरुको दावी रहेको बताएका थिए । भट्टचनले अरु मार्फत नाम टिपाउनु भयो, देव कुमारले वैठक चलिरहेकै समयमा फोन गरेर आफु दावेदार रहेको बताएको बैठक स्रोतले जनाएको छ ।

निवर्तमान सांसद तथा प्रभु ग्रुपका सञ्चालक भट्टचनलाई ठगी, आपराधिक विश्वासघात, नेपाल राष्ट्र बैंक ऐन २०५८ अन्तरगतको कसुरमा गत कात्तिक १२ गते पक्राउ गरेको थियो । उहाँको स्वास्थ्यमा देखिएको समस्याका कारण अदालतले बाहिरै राखेर अनुसन्धान गर्ने आदेश दिएपछि सिविआइले कात्तिक २६ गते रिहा गरेको थियो ।

उमेदवार दावी गरेका ढोरपाटन नगरपालिका मेयर देव कुमार नेपाली इमेज बचत तथा ऋण सहकारी संस्था लिमिटेडका सदस्यहरुको वचत अपचलन गरेको आरोपमा हाल बागलुङ कारागारमा हुनुहुन्छ ।

भट्टचन र नेपाली सहित एमाले केन्द्रीय सदस्य मञ्जु शर्मा चालिसे, प्रदेश कमिटि सदस्यहरु भीम प्रसाद शेरचन (सुनिल), टंक प्रसाद पौडेल र तिलक उप्रेती, पूर्व प्रदेश कमिटि सदस्य याम बहादुर श्रीस, पूर्व जिल्ला उपाध्यक्ष लक्ष्मण पुन, जिल्ला कमिटि सदस्य युवराज महत, पूर्व जिल्ला कमिटि सदस्य अमरसिंह घर्ति, बागलुङ काठमाडौं सम्पर्क मञ्चका दलबिर भण्डारी, गलकोट नगर कमिटिका उपाध्यक्ष इश्वर बोहोराले उमेदवारका लागि दावी गर्नु भएको छ ।

आज उमेदवार हुन चाहनेहरुकाबीच छलफल भएको हो, छलफलका क्रममा निवर्तमान सांसद भट्टचन, मेयर नेपाली सहितका नेताहरुले आफु उमेदवार बन्न चाहेको जानकारी गराउनु भएको छ, सबैको नाम टिपिएको छ, स्रोतले भन्यो, भोली शनिवार बस्ने निर्वाचन क्षेत्रीय कमिटि क्षेत्र नं. २ को वैठकबाट सकेसम्म १ जनाको नाम पठाउने, सकिएन भने एक जना महिला सहित ३ जनाको पठाउने र त्यो पनि नसकिए चाहना व्यक्त गर्ने सबैको नाम पठाउने तयारी भएको छ ।

उमेदवारका लागि भट्टचन र नेपालीको नाम आएपछि सहभागी मध्ये केहीले उहाँहरुको बारेमा छलफल गर्न नहुने तर्क राखेका थिए । यो सबै विषयमा भोली बगिडाड गाउँपालिकामा बस्ने निर्वाचन क्षेत्रीय कमिटिको वैठकमा छलफल गरी निष्कर्ष निकाल्ने तयारी एमालेले गरेको छ ।

एमालेबाट गत निर्वाचनमा मञ्जु शर्मा चालिसे उमेदवार बन्नु भएको थियो । गठबन्धनका उमेदवार देवेन्द्र पौडेलसंग थोरै मतले पराजित भएकी चालिसेको नाम निर्वाचन क्षेत्रीय कमिटिले समानुपातिकका लागि पनि पठाएको थियो । चालिसेको नाम समानुपातिक लिष्टमा नपरेपछि प्रत्यक्षमा दावी गर्नु भएको एमालेले जनाएको छ ।

पौष १९
अन्नपूर्ण आधारभुत विधालय निसीखोला २ हर्पेमा शुक्रबार दोश्रो त्रैमासिक परिक्षाको नतिजा प्रकाशन संगै लायन्स क्लब अफ काठमान्डौ माछापोखरी द्धारा स्टेशनरी हस्तान्तरण गरीएको छ ।
विद्यालय व्यववस्थापन समिती अध्यक्ष देव बहादुर बुढाको अध्यक्षतामा आयोजीत कार्यक्रममा निसीखोला गाउँपालिका अध्यक्ष सुर्य बहादुर घर्तिको प्रमुख आतिथ्यता आयोजीत कार्यक्रममा पालिका स्तरीय दोश्रो त्रैमासिक परिक्षाको नतिजा प्रकाशन गरीएको छ ।
साथै लायन्स क्लब अफ काठमान्डौ माछापोखरीका सदस्य एलवि सेन्चुरीको सक्रियतामा विद्यालयका जेहेन्दार विद्यार्थीलाई ट्रयाक सेट संगै विद्यालयमा अध्ययनरत सबै विद्यार्थीलाई स्टेशनरी सामाग्रि (कपि) उपलब्ध गराइएको हो ।

कार्यक्रममा निसीखोला गाउँपालिका १ का अध्यक्ष चन्द्रसिंह रामजाली, वडा नम्बर ७ का अध्यक्ष दिपक कुवँर शिक्षा शाखा प्रमुख विष्णु न्यौपाने शिक्षा समिती संयोजक नवराज आर्चाय लगाएतको आतिथ्यता रहेको थियो । कार्यक्रम विद्यालयका प्रध्यानाध्यापक दिनु कुमारी रामजालीको स्वागत शिक्षक गोर्ख बहादुर दाहालको संचालनमा सम्पन्न भएको हो ।

ढोरपाटन नगरपालिका १ बुर्तिबाङमा रहेको खानपानी उपभोक्ता तथा सरसफाई समितीको मंगलबार गठन गरीएको छ ।

वडा नम्बर १ मा बजारबासीलाई स्वच्छ पर्याप्त खानेपानी खुवाउने र सरसफाईका क्षेत्रमा समेत काम गर्ने गरी नर बहादुर गुरुङ अध्यक्ष रहेको १३ सदस्य समितीको गठन गरीएको हो । उपभोक्तामा दर्ता भएका ६८६ जना मध्ये १३ जनाको निर्वाचन कार्यतालिका अनुसार मनोनयन दर्ता भएको थियो ।

जसबाट नरबहादुर गुरुङ अध्यक्ष रहने गरी समितीको गठन भएको हो ।
समितीको उपाध्यक्षमा जित कुमारी माझी, सचिव गोविन्द वस्नेत, कोषाध्यक्ष पम्फा सापकोटा पौडेल चयन हुनुभएको छ । त्यस्तै खुल्ला सदस्यमा टँक पौडेल, लोक बहादुर विश्वकर्मा, टिकालाल शर्मा सुवेदी, टोप बहादुर के.सी., राम विश्वकर्मा, गणेश विश्वकर्मा , चयन हुनुभएको हो ।

युवा महिला सदस्य तर्फ पार्वती पौडेल, जनजाती÷अल्पसंख्यक महिला तर्फ केशरी राना, दलित महिला सदस्य तर्फ पूर्णिमा दर्जि रहनु भएको ढोरपाटन नगरपालिका १ का वडा सदस्य गोपाल महतले बताउनु भयो ।
प्रथम कार्यसमिती रहेको उक्त समितीको कार्यकाल ४ बर्ष अवधीको रहने छ ।

 बुर्तिबाङ पौष १२ गते

बाग्लुङको ढोरपाटन नगरपालिकामा रहेको बुर्तिबाङ अस्पतालले प्रथम वार्षिकोत्सव कार्यक्रम नागरिकका बिचमा अस्पताललाई अझै व्यवस्थित र नागरिक मैत्री कसरी बनाउन सकिन्छ भन्ने विषयमा एक कार्यक्रम सहित सुझाव सङ्कलन गरेको छ ।

गतवर्ष गण्डकी प्रदेश सरकार मातहत रहने गरी ५० शैया सेवा सुविधा उपलब्ध गराउने गरी बुर्तिबाङ स्वास्थ्य केन्द्रबाट स्तरोन्नति गरी स्थापना गरिएको अस्पतालले १ बर्ष पुरा गरेको हो ।

कार्यक्रममा अवसरमा अस्पतालले आफ्नो पहिलो वर्षमा पुरा गर्दै गर्दा गतवर्ष देखि अहिले सम्म गरेका विभिन्न कार्यक्रमहरू प्रस्तुत गरिएको हो । अस्पताल निर्माण संगै सुरुवाती चरणमा विभिन्न चुनौती रहेपनि पछिल्लो समय धेरै समस्याको समाधान भइसकेको र अब यस क्षेत्रका नागरिकले सहज सेवा, औषधी उपचार संगै ५० शैया बराबरको सेवा प्रभावकारी रुपमा सञ्चलन भइरहेको बताइएको हो ।

अस्पताल व्यवस्थापन समिति अध्यक्ष कमल भुसालको अध्यक्षतामा आयोजित कार्यक्रममा गण्डकी प्रदेश सांसद दिलमाया पौवी को प्रमुख आतिथ्यता रहेको थियो । प्रमुख अतिथि पौवी ले बोल्दै यो अस्पताल बनाउन धेरै समस्याको सामना गर्नु परेको र जसरी पनि बनाउने भन्दै अघि सरेर २०३२ सालको बुर्तिबाङ स्वास्थ्य चौकी बाट स्तरोन्नति गरी प्रादेशिक अस्पताल बनाउन सफल भएको बताउनु भयो । उहाँले थप बोल्दै पश्चिम बागलुङका नागरिक यहाँ बाट राम्रो स्वास्थ्य र शिक्षाको खोजीमा बाहिर बसाइसराइ गर्ने परिपाटी रहेको बताउँदै अब स्वास्थ्य क्षेत्रको सुधारले यहीँबाट सेवा पाउने र बसाइसराइ समेत कम हुने बताउनु भयो ।

कार्यक्रममा स्वास्थ्य कर्मी, स्थानीय नागरिक अगुवा, विभिन्न सङ्घसंस्थाका प्रतिनिधि, पत्रकार लगायतको उपस्थिति रहेको थियो । कार्यक्रममा सहभागिले अझैपनि सेवा सुविधा गुणस्तरीय बनाउनु पर्ने, एम्बुलेन्स सेवा निःशुल्क गराउनु पर्ने, २४ अ‍ै घण्टा सेवा प्रभावकारी बनाउनु पर्ने लगायतका विषयमा आफ्नो धारणा र सुझाब व्यक्त गरेका छन ।

सहभागि बाट उठेका प्रश्न जिज्ञासालाई अस्पतालका प्रमुख अविनाश पोख्रेल, व्यवस्थापन समितिका अध्यक्ष कमल भुसालले सम्बोधन गर्दे अस्पतालबाट दिइने सेवा सुविधा र गुणस्तरमा निकै मिहिनेतका साथ लाग्ने प्रतिबद्धता जनाउनु भयो । कार्यक्रम झम सिर्पालीको सञ्चालनमा सम्पन्न भएको हो ।

बुर्तिबाङ पौष ११ गते

सिटिजन लाइफ बागलुङ शाखा द्धारा मानसिक स्वास्थ्य सचेतना कार्यक्रम बडिगाड गाउँपालिका २ खर्बाङमा बिहीबार सम्पन्न भएको छ ।

कम्पनीको ८ औँ वार्षिकोत्सवको अवसरमा सामाजिक उत्तरदायित्व अन्तरगत कम्पनीले विभिन्न सामाजिक क्षेत्रमा काम गरेको हो ।

जसअन्तर्गत बागलुङ शाखाले स्वस्थ मन, स्वस्थ जीवन भन्ने नारा सहित स्थानीय जनप्रतिनिधि, शिक्षक, कर्मचारी र स्थानीय नागरिक सहित ७० जनाको बिचमा कार्यक्रम गरिएको सिटिजन लाइफ इन्स्योरेन्स कम्पनी बागलुङ शाखा प्रमुख कमला देवी शर्माले बताउनु भयो ।

सिटिजन लाइफ इन्स्योरेन्स कम्पनी गण्डकी प्रदेश प्रमुख छवि पौडेलको अध्यक्षता, बडिगाड गाउँपालिका २ का अध्यक्ष ढाल प्रसाद शेरचनको प्रमुख आतिथ्यमामा आयोजित कार्यक्रममा प्रमुख अतिथि शेरचनले बोल्दै समाज रूपान्तरणका निम्ती र सबैमा सचेतना वृद्धिका निम्ती यस्ता कार्यक्रमले महत्वपूर्ण टेवा पुर्याउने बताउनु भयो ।

सिटिजन लाइफ इन्स्योरेन्सले मानिसको जीवन सुरक्षा सँगै सचेतना पनि गरिरहेको बताउँदै मानिसको जीवनमा हुन सक्ने जोखिम हस्तान्तरणका निम्ती बीमा अपरिहार्य रहेको बताउनु भयो ।

कार्यक्रमका अध्यक्ष प्रदेश प्रमुख छवि पौडेलले बोल्दै सिटिजन लाइफ इन्स्योरेन्सले देशभरका मानिसलाई जीवन बीमामा जोड्दै समाज सँग हातेमालो गरेर अगाडि बढिरहेको बताउनु भयो ।

कम्पनीले सामाजिक दायित्व अन्तरगत विभिन्न सेवा, स्वास्थ्य शिविर, स्टेसनरी हस्तान्तरण, खेलकुद लगायत थुप्रै क्षेत्रमा समुदाय सँग समन्वय गरेर काम गरिरहेको बताउनु भयो ।

कार्यक्रममा मनोपरामर्श कर्ता तथा खुसी मन बागलुङका अध्यक्ष नारायण प्रसाद शर्माले मनो परामर्शको सन्दर्भमा प्रशिक्षण दिनुभएको हो । कार्यक्रम कम्पनीका एजेन्सी म्यानेजर गिता पोख्रेलको स्वागत, नारायण आर्चाय को सहजिकरणमा सम्पन्न भएको थियो ।

बुर्तिबाङ पौष ८ गते
लायन्स क्लब अफ बुर्तिबाङको आयोजनामा ढोरपाटन नगरपालिका ९ मा रहेको सरस्वती माध्यमिक विद्यालयका विद्यार्थी र अभिभावकलाई लक्षित गर्दे सचेतना मूलक कार्यक्रम तथा विद्यार्थीलाई स्टेशनरी हस्तान्त्रण कार्यक्रम गरीएको छ ।

विभिन्न सामाजिक कार्यक्रम गर्दे आइरहेको क्लबले विद्यालयमा अध्ययनरत विद्यार्थी र उनिहरुका अभिभावकको विचमा मानव वेचविखन, घरेलु हिँसा, वाल विवाह र साइवर अपराध सम्बन्धी सचेतनामूलक कार्यक्रम सम्पन्न गरीएको हो ।

दुर्गम गाउँमा सचेतनाको अभावका कारण हुन सक्ने समस्यालाई लक्षित गर्दे विद्यालयमा कक्षा १० सम्म अध्ययनरत विद्यार्थी र उनिहरुका अभिभाकलाई सचेतना जगाइएको हो ।
लायन्स क्लब अफ बुर्तिबाङका अध्यक्ष शान्ती पौडेलको अध्यक्षतामा आयोजीत कार्यक्रममा इलाका प्रहरी कार्यालय बुर्तिबाङका प्रमुख प्रहरी निरीक्षक तिलक मानन्धरले सचेतना मूलक प्रशिक्षण दिनुभएको थियो ।

त्यस्तै ढोरपाटन नगरपालिका स्वास्थ्य शाखा प्रमुख भुमिश्वर शर्माद्धारा स्वास्थ्य क्षेत्रमा ध्यान दिनुपर्ने विषयमा धारणा राख्नु भएको हो ।

लायन्स क्लब बागलुङ डिस्ट्रीक चियर पर्सन तथा नेपाल पत्रकार महासंघ गण्डकी प्रदेश सदस्य छविलाल पाण्डेले बोल्दै लायन्स क्लबले शिक्षा, स्वास्थ्य, विपद तथा वातावरणीय क्षेत्रमा धेरै काम गर्दे आइरहेको बताउँदै लायन्स क्लब अफ बुर्तिबाङले दुर्गम क्षेत्रमा पुगेर गरीएका सचेतना मूलक कार्यक्रम र स्टेशनरी हस्तान्त्रणले सचेतना बृद्धि र विद्यार्थीको पठन पाठनमा सहजता हुने अपेक्षा गर्नुभयो ।

कार्यक्रममा संस्थाका अध्यक्ष शान्ती पौडेलले बोल्दै लायन्स क्लब अफ बुर्तिबाङ स्थापना संगै विभिन्न सामाजिक कार्यमा अगाडी बढिरहेको र शिक्षा स्वास्थ्य, विपदद जस्ता विषयमा जहाँ समस्या र आवस्यकता रहन्छ त्यहाँ आफुहरुले समोन्य गर्दे आएको बताउनु भयो ।
कार्यक्रममा अवसरमा ६० जना बढि विद्यार्थीलाई स्टेशनरी सामाग्रि हस्तान्त्रण गरीएको हो ।
कार्यक्रमका अवसरमा बुर्तिबाङ अस्पत्तालका प्रमुख डा. अविनाश पोख्रेल, ढोरपाटन नगरपालिका ९ का वडा सदस्य नरमती पुन, विद्यालयका प्रध्यानाध्यापक थम प्रकाश जैसी लगाएतको आतिथ्यता एव्म शुभकामना मन्तव्य रहेको थियो ।

कार्यक्रममा लायन्स क्लब अफ निसीखोलाका अध्यक्ष अशोक कार्की, लायन्स क्लब बुर्तिबाङका पदाधिकारी, स्थानीय अभिभावक, शिक्षक विद्यार्थी लगाएतको उपश्थिती रहेको थियो ।
कार्यक्रम लायन्स क्लब अफ बुर्तिबाङका सचिव भिम कुमारी क्षेत्रीको सञ्चालनमा सम्पन्न भएको हो ।

 बुर्तिबाङ

विवाईसी अन्तरगत दिगो पर्यटन प्रर्वद्धन परियोजना द्धारा बुर्तिबाङमा ढोरपाटन नगर स्तरीय सरोकारवाला निकाय संग परियोजनाका विषयमा अनुभव आदान प्रदान तथा अन्तरक्रिया कार्यक्रम शुक्रबार सम्पन्न भएको छ ।

विवाइसी नेपाल र दिगो पर्यटन परियोजनाको विषयमा जानकारी सहित परियोजनाले हालसम्म गरिरहेका उपलब्धी, भावि लक्ष्य लगायतका विषयमा जानकारी गराइएको हो ।

दिगो विकास, पर्यटन प्रर्वद्धन, युवा महिलालाई उद्यम संग जोड्ने र समग्र ढोरपाटन क्षेत्रको विकास र समृद्धिमा टेवा पुर्याउने उद्देश्य सहित सन २०२३ देखि परियोजनाले काम गर्दे आइरहेको जनाइएको छ ।

विवाईसी का टिम लिडर अमर थापाको अध्यक्षतामा आयोजित कार्यक्रममा ढोरपाटन नगरपालिका कार्यवाहक मेयर धन बहादुर कायत, ढोरपाटन सिकार आरक्ष कार्यलयका वरिष्ठ संरक्षण अधिकृत पशुपती अधिकारी, वडा अध्यक्ष, आमा समुह, टोल विकास संस्था, विद्यालयका प्रधानाध्यापक तथा शिक्षक प्रतिनिधि र बाल क्बलका पदाधिकारीको सहभागिता रहेको थियो ।

आयोजीत कार्यक्रममा बोल्दै ढोरपाटन नगरपालिका कार्यवाहक मेयर धन बहादुर कायतले टीडीएच जर्मनको आर्थिक सहयोगमा परियोजनाले ढोरपाटन नगरपालिका र निसीखोला गाउँपालिकामा महत्वपूर्ण कार्यक्रम गर्दे आइरहेको बताउँदै परियोजनाले गरिरहेको लगानी अनुसार स्थानीय नागरिकले त्यहाँबाट भाग लिएर सिकेका ज्ञान सिपलाई व्यवहारमा उतार्न सकेमा मात्र परिणाम प्राप्त हुने बताउनु भयो ।

ढोरपाटन नगरपालिका सीप विकास, क्षमता विकास उद्यम विकास लगाएतका क्षेत्रमा प्रर्याप्त लगानी गरिरहेको बताउँदै परियोजना र नगरपालिकाले समन्वय गरेर अगाडि बढिरहेको बताउनु भयो । ढोरपाटन दिगो विकास र आर्थिक उद्यममा अगाड बढ्नेका निम्ती पर्याप्त सम्भावना रहेका कारण अवसरलाई सहि ठाउँमा प्रयोग गर्न सुझाव दिनुभयो ।

कार्यक्रममा ढोरपाटन सिकार आरक्ष कार्यलयका वरिष्ठ संरक्षण अधिकृत पशुपति अधिकारीले बोल्दै ढोरपाटनमा प्रत्यय बर्ष दोब्बर रुपमा पर्यटक वृद्धि भइरहेको र यहाँ टोटल, होम स्टे, घोडा व्यवसाय तथा सवारी साधनबाट आम्दानीको राम्रो श्रोत बन्दै गइरहेका कारण परियोजनाले समेत ढोरपाटनमा राम्रो लगानी गरिरहेको बताउनु भयो ।

कार्यक्रममा ढोरपाटन नगरपालिका ६ का अध्यक्ष उमेश बुढा मगर, महिला समुहको तर्फदेखि वेगमती घर्ति, यूवा समुहबाट कुशल घर्ती, शिक्षकको तर्फदेखि उत्तरगंगा माध्यमिक विद्यालयका प्रधानाध्यापक हरिचन पाण्डे लगायतको धारणा रहेको थियो । कार्यक्रममा सहभागि नागरिकले परियोजनाले गरिरहेका काम र सुधार गर्नुपर्ने पक्षका विषयमा आफ्नो सुझाव तथा धारणा राखेका थिए ।

विवाइसी संस्थाको विषयमा मूल्याँकन तथा अनुगमन अधिकृत विष्णु पौडेल र परियोजनाले गरीरहेका काम र भावि लक्ष्यको विषयमा उद्यम विकाश अधिकृत टेक बहादुर वि.क.ले प्रस्तुतीकरण गर्नुभएको हो ।

कार्यक्रममा टिम लिडर अमर थापाले बोल्दै विवाईसी मार्फत परियोजनाले ढोरपाटन क्षेत्रमा थुप्रै काम हरु गरीरहेको र अझै गर्न चाहेका कारण यहाँको श्रोत साधनलाई उच्चतम प्रयोग गर्दे नागरिकले सिकेका सिप ज्ञानलाई व्यवहारमा लिएर अगाडि बढ्न आवस्यक रहेको बताउनु भयो ।

स्थानीय सरकार संगको समोन्यमा धेरै कामहरु भइसकेका छन हामी अझै अगाडि बढाउने उदेश्यमा छौँ तर नागरिकको साथ नभएमा परिणाम नदेखिने बताउँदै सबैको अपनत्व र साथ आवस्यक रहेको प्रस्ट पार्नुभयो । कार्यक्रम वालक्लबका पदाधिकारी निशा खनालको स्वागत ओम प्रकाश सिर्पालीको सहजिकरणमा सम्पन्न भएको हो ।

बुर्तिबाङ

दिगो विकास पर्यटन प्रर्वद्धन परियोजना द्धारा निसीखोला मा सरोकारवाला निकायका बिचमा अन्तरक्रिया कार्यक्रम बिहीबार सम्पन्न भएको छ ।

सन २०२३ देखि निसीखोला गाउँपालिका र ढोरपाटन नगरपालिका कार्यक्षेत्र बनाएर दिगो विकास, पर्यटन प्रर्वद्धक, लघु उद्यम, यूवा महिला रोजगारी सृजना र सिप विकास मार्फत आत्मनिर्भर कार्यक्रम अगाडि बढाएको परियोजनाले विभिन्न कार्यक्रम गर्दे आएको छ ।

टीडीएच जर्मनीको आर्थिक सहयोग, विवाईसी बागलुङबाट सञ्चालित परियोजनाले निसीखोला गाउँपालिका अन्र्तगत जनप्रतिनिधि, कर्मचारी, शिक्षक प्रतिनिधि लगायतको बिचमा अन्तरक्रिया कार्यक्रम संगै परियोजनाले गरिरहेका कामका विषयमा छलफल गरिएको छ । निसीखोला गाउँपालिका अध्यक्ष सूर्य बहादुर घर्तिको अध्यक्षतामा आयोजित कार्यक्रममा प्रमुख प्रशासकीय अधिकृत जीवन पुनको प्रमुख आतिथ्यता रहेको थियो ।

कार्यक्रममा परियोजनाले हालसम्म गरेका काम, भावी लक्ष्य, स्थानीय सरकारको भूमिका , सुझाब लगायतका विषयमा छलफल भएको थियो ।

६७ जनाको सहभागिता रहेको कार्यक्रममा गाउँपालिका अध्यक्ष सुर्य बहादुर घर्तिले बोल्दै परियोजनाले ढोरपाटन क्षेत्रको दिगो विकास, पर्यटन पर्वधन, स्थानीय स्तरमा महिला तथा यूवा लक्षित स्वरोजगार मूलक कार्यक्रमलाई अगाडि बढाउन महत्वपूर्ण भूमिका निर्वाह गरेको बताउँदै परियोजनालाई लामो समय सम्म सञ्चालन गर्न आवश्यक रहेको र गाउँपालिकाको तर्फदेखि आवश्यक समन्वय सहकार्य रहने प्रतिबद्धता जनाउनु भयो ।

कार्यक्रममा परियोजनाको तर्फदेखि मूल्याड्कन तथा अनुगमन अधिकृत विष्णु पौडेल द्धारा संस्थाको विषयमा जानकारी दिनुभएको थियो ।

त्यस्तै उद्यम विकास अधिकृत टेक बहादुर विक द्धारा परियोजनाको विषयमा प्रस्ट पार्नुभएको थियो । कार्यक्रम सामाजिक परिचालन अधिकृत रमिता पुन मगरले सहजिकरण गर्नुभएको हो ।