बुर्तिबाङ चैत्र ११

ढोरपाटन उद्योग वाणिज्य संघको दोश्रो अधिवेशन तथा पाचौँ साधारण सभा चैत्र १३ गते देखि हुने भएको छ । संस्थाले अधिवेशन तथा साधारण सभाको तयारीलाई गत चैत्र ७ गतेदेखि अगाडि बढाएको हो ।

३ बर्षे कार्यकालको लागी नयाँ नेतृत्व चयन हुने भएसंगै सहमतीय प्रणाली मार्फत नेतृत्व चयनमा अगाडि बढ्ने देखिएको छ । जस अन्र्तगत उमेदवारको मनोनयन दर्तामा अध्यक्ष पदका लागी दीपक कुमार अदै र तेजिन्द्र खत्री महासचिव , चिन्तामणि सापकोटा लेखा संयोजक सहित पदाधिकारीको एकल उम्मेदवारी दर्ता भएको हो ।

१७ जना पदाधिकारी र ३ लेखा समिति सहित २० जनाको मनोनयन दर्ता भएसँगै सहमतिबाट नेतृत्व चयन हुने देखिएको छ । निर्वाचन तालिका अनुसार चैत्र १२ गते उम्मेदवारी मनोनयन फिर्ता लिने, १३ गते उमेदवारको अन्तिम नामावली प्रकाशन संगै १३ गतेदेखि नै सहमति अनुसार नयाँ नेतृत्व चयन हुने देखिएको हो । निर्वाचन समितिले उपलब्ध गराएको निर्वाचन तालिका अनुसार चैत्र १४ गते मतदानको समय तोकिएको छ ।

तर एकै पदमा धेरै जना आकांक्षी नभएपछि सहमतिको आधारमा नयाँ नेतृत्व चयन हुने देखिएको हो । आवश्यक सम्पूर्ण तयारी पुरा भइरहेको ढोरपाटन उद्योग वाणिज्य सङ्घका अध्यक्ष ढालेन्द्र छन्त्यालले बताउनु भयो ।

 चैत्र ९ गते बुर्तिबाङ

बागलुङको तमानखोला गाउँपालिकाले घरघरमा पुगेर ज्येष्ठ नागरिकको स्वास्थ्य परिक्षण , परामर्श सँगै सम्मान गरेको छ ।

गाउँपालिकाको ज्येष्ठ नागरिकको स्वास्थ्यलाई ख्याल गर्दे उनीहरूको सुगर, प्रेसर, पिसाब जाँच गर्ने विभिन्न समस्या भएमा औषधि उपलब्ध गराउने र आवश्यक परामर्श उपलब्ध गराउन थालिएको हो ।

गाउँपालिकाको ६ वटै वडामा ८५ वर्ष पार गरेका ज्येष्ठ नागरिकलाई लक्षित गर्दे यस्तो कार्यक्रम अगाडि बढाइएको गाउँपालिका अध्यक्ष जोक लाल बुढाले बताउनु भयो । पालिकाले एमबिबिएस डाक्टर अनुराग अधिकारी सहितको स्वास्थ्य कर्मी, स्थानीय जनप्रतिनिधि, कर्मचारी लगायतको सक्रियतामा ज्येष्ठ नागरिकको घर घरमै पुगेर स्वास्थ्य परिक्षण सँगै सहयोग कार्यक्रम गरिएको हो ।

पालिकाको वडा नम्बर ३,४ र ५ नम्बर वडामा कार्यक्रम गरिएको छ । पालिका भर १०९ जना ज्येष्ठ नागरिक रहनु भएको छ । हामीले घरमै पुगेर उहाँहरूको स्वास्थ्य परिक्षण र पोषिलो खानेकुरा अण्डा एक एक क्यारेटका दरले उपलब्ध गराइएको सामाजिक विकास शाखा प्रमुख योकेश नेपालले बताउनु भयो ।

जेष्ठ नागरिक समाज विकास र प्रेरणाका पर्याय भएका र उनिहरुलाई सम्मान गर्नु, स्वास्थ्य हेरचाह गर्नु आफैमा सकारात्मक कार्यक्रम भएका कारण पालिकाले यस्तो कार्यक्रम अगाडी बढाएको प्रमुख प्रशासकिय अधिकृत अमित परियारले बताउनु भयो ।

पालिकाको सबै वडामा पुगेर चैत्र १३ गतेसम्म कार्यक्रम गर्ने लक्ष्य लिएको छ ।

ज्येष्ठ नागरिकसँग मानव मूल्य र मान्यता, संस्कृतिक तथा सामाजिक सभ्यताको दरिलो सम्बन्ध कायम रहेको हुन्छ । समाजको हरेक विकासको गति र तीव्रतामा पनि ज्येष्ठ नागरिकको भूमिका अतुलनीय रहँदै आएको छ ।

फागुन २९ गते
बागलुङको ढोरपाटन नगरपालिकामा दादुरा रुवेलाका विरामी बढ्दै गएपछि शुक्रबारदेखि खोप लगाउन थालिएको छ । विद्यालयमा अध्ययनरत र विधालय बाहिर रहेका १० बर्षदेखि १९ बर्ष उमेर समुहका ६ हजार ७६३ जना बालबालिका र किशोर किसोरीलाई लाई खोप लगाउन सुरु गरिएको स्वास्थ्य शाखा प्रमुख भुमिश्वर शर्माले बताउनु भयो ।

ढोरपाटन नगरपालिकाको वडा नम्बर ७,८ र ९ मा दादुरा रोगका ८३ जना विरामी फेला परेका छन । जसमध्ये ३२ जनालाई बुर्तिबाङ अस्पत्ताल र गाउँकै अस्पत्तालमा राखेर उपचार गरिएको छ ।

११ जना अझै उपचाररत रहेका छन ।फागुन ८ गते ढोरपाटनमा एक जनालाई दादुरा संक्रमण भएको पुष्टी भएको थियो । त्यस यता थप पाँच जनामा संक्रमण पुष्टी भएपनि अन्यलाई लक्ष्यण देखिएकाले नियन्त्रण योजना ल्याइएको हो बुर्तिबाङ अस्पत्तालका डाक्टर विपिन थापाले बताउनु भयो ।

तत्काललाई दादुरा नियन्त्रण गरी थप फैलन नदिनका लागि नगरपालिकाका सबै वडाका १० देखी १९ बर्ष उमेर समुहका किशोर किशोरीलाई दादुराको खोप प्रदान गर्न लागिएको छ । यस्तै उपचारमा सम्लग्न रहेका २३७ स्वास्थ्यकर्मीलाई समेत दादुरा बिरुद्धको खोप लगाउने तयारी थालिएको छ ।
खोप अभियानका लागि ढोरपाटन नगरपालिकाका ९ वटै वडामा फागुन २९ देखी चैत्र १ गते सम्म सञ्चालन गरिने छ ।

सुर्खेत वीरेन्द्रनगर–१ की १६ वर्षीया इनिशा विकको हत्यामा संलग्न दोषीमाथि कडा कारबाहीको माग गर्दै बिहीबार इलाका प्रशासन कार्यालय बुर्तिबाङ, इलाका प्रहरी कार्यालय बुर्तिबाङ अगाडी स्थानीय युवा, विद्यार्थी तथा सामाजिक अभियन्ताहरूले प्रदर्शन गरेका छन् ।
ब्जारमा र्याली सहित भेला भएका उनिहरुले बलात्कारपछि हत्या गरिएको भन्दै विकलाई न्याय दिलाउन उनीहरुले माग गरेका हुन् । उनीहरुले घटनाको निष्पक्ष छानबिन गरी दोषीलाई कडा कारबाही गर्नुपर्ने माग गर्दै प्रमुख जिल्ला अधिकारी समक्ष ज्ञापन पत्र समेत बुझाए ।
विक सुर्खेतको उषा बालबाटिका विद्यालयमा विज्ञान संकायमा कक्षा ११ मा अध्ययनरत थिइन् । गत शनिबार बिहान वीरेन्द्रनगरस्थित जनजागरण सामुदायिक वनमा उनी बेहोस अवस्थामा फेला परेकी थिइन् । उपचारका लागि प्रदेश अस्पताल पुर्‍याएपछि चिकित्सकले उनलाई मृत घोषणा गरेका थिए।
घटनाको थप अनुसन्धान अब केन्द्रीय अनुसन्धान ब्युरो ९सिआइबी० ले गर्ने भएको छ । यस घटनामा संलग्न रहेको आरोपमा हालसम्म १८ वर्षमूनिका चार जना किशोरलाई प्रहरीले पक्राउ गरी अनुसन्धान गरिरहेको छ ।

बागलुङको ढोरपाटन नगरपालिका वडा नम्बर ७,८ र ९ नम्बर वडामा ५० जना भन्दा बढि बालबालीकामा दादुरा रुवेला रोग फैलिएसंगै फागुन २५ देखि २७ गतेसम्म तिन दिन सामुदायिक र संस्थागत विद्यालयहरु पूर्ण रुपमा बन्द गर्ने निर्णय गरेको छ ।

गत माघ मशान्त देखि एक दुई जना हुँदै फैलिएको दादुरा ५० जना बालबालीका र स्थानीय नागरीकमा फैलिएको हो । विरामी मध्ये २२ जनालाई बुर्तिबाङ अस्पत्तालमा र अन्यालाई गाउँकै मेडिकलमा उपचार भइरहेको हो ।

विद्यालयमा समयमै सर्तकता अपनाई थप रोग फैलिन नदिन ढोरपाटन नगरकार्यपालिका र स्थानीय द्रुत प्रतिकार्य समितीको निर्णय वमोजीम विद्यालय बन्द गर्ने निर्णय गरिएको जनाइएको छ । माघ २४ गते नारी दिवशको अवसरमा विदा रहेको छ ।

बागलुङको ढोरपाटन नगरपालिका वडा नम्बर ७,८ र ९ नम्बर वडामा ५० जना भन्दा बढि बालबालीकामा दादुरा रुवेला रोग फैलिएसंगै फागुन २५ देखि २७ गतेसम्म तिन दिन सामुदायिक र संस्थागत विद्यालयहरु पूर्ण रुपमा बन्द गर्ने निर्णय गरेको छ ।

गत माघ मशान्त देखि एक दुई जना हुँदै फैलिएको दादुरा ५० जना बालबालीका र स्थानीय नागरीकमा फैलिएको हो । विरामी मध्ये २२ जनालाई बुर्तिबाङ अस्पत्तालमा र अन्यालाई गाउँकै मेडिकलमा उपचार भइरहेको हो ।

विद्यालयमा समयमै सर्तकता अपनाई थप रोग फैलिन नदिन ढोरपाटन नगरकार्यपालिका र स्थानीय द्रुत प्रतिकार्य समितीको निर्णय वमोजीम विद्यालय बन्द गर्ने निर्णय गरिएको जनाइएको छ । माघ २४ गते नारी दिवशको अवसरमा विदा रहेको छ ।

फागुन २३ गते
बागलुङको दुई वटै निर्वाचन क्षेत्रमा राष्ट्रिय स्वतन्त्र पार्टीका उमेदवार विजयी हुनुभएको छ ।
आज सम्पन्न भएको मत गणना अनुसार बागलुङ १ मा राष्ट्रिय स्वतन्त्र पार्टीका उमेदवार सुशिल खड्काले भारी मतान्तर सहित विजयी हुनुभएको हो ।

जम्मा ४८हजार ९३२ मत खसेको क्षेत्र नम्बर १ मा खड्काले २० हजार ९२७ मत प्राप्त गर्नुभएको थियो । खड्काको प्रतिस्प्रधि कांग्रेसका भीम श्रीसलाई ८ हजार ९ सय ८३ मतले पछाडि पार्दे विजयी हुनुभएको छ । यस्तै कांग्रेसको श्रीसले ११ हजार ९४४ मत प्राप्त गर्नुभएको छ । एमालेका हिरा बहादुर कसीले ८ हजार ६४० मत प्राप्त गर्नुभएको छ । यस्तै राजमोका कृष्ण अधिकारीले ४ हजार ५२१ मत प्राप्त गर्नुभएको छ । बागलुङमा नेकपा र राजमो बीच चुनावी तालमेल रहेको थियो ।
यसैगरी बागलुङ २ मा राष्ट्रिय स्वतन्त्र पार्टीका उमेदवार सोम शर्मा विजयी हुनुभएको छ । नेपाली कांग्रेसका उमेदवार टेकराज पौडेललाई पछि पार्दे कुल १२ हजार ६४७ मत सहित विजयी हुनुभएको छ । कांग्रेसका उमेद्वार टेकराज पौडेलले ११ हजार ८ सय ६८ मत प्राप्त गर्नुभएको छ ।

नेकपा उमेदवार ज्ञामनाथ गैरेले १० हजार ७०९, नेकपा एमालेका मञ्जु शर्माले ७ हजार ८६४ मत प्राप्त गर्नुभएको छ । बागलुङ १ मा ११ जना र २ नम्बर क्षेत्रमा १२ जना उमेदवारको उमेदवारी रहेको थियो ।