पौष २९ गते बुर्तिबाङ

निसीखोला गाउँपालिकाले मंगरबार सञ्चालन गरेको १७ औँ गाउँसभा कार्यक्रममा बजेट तर्जुमा समितीका संयोजक एवम गाउँपालिका उपाध्यक्ष प्रेम बहादुर घर्ती सहित नेपाली कम्युनिष्ट पार्टी निकट सभा सदस्यले आजको गाउँसभा बहिष्कार गरेका छन ।

गाउँसभाको विषयमा आफूलाई हिँजो साँझ मात्र जानकारी गराइएको र आफू स्वास्थ्य चेकजाँचको क्रममा पोखरा रहेका कारण सभामा उपस्थित हुन नसकेको र आफूलाई सभा र बजेट तथा निती कार्यक्रमको विषयमा कुनै जानकारी नगराइएका कारण आफ लगायत आफ्नो पार्टीमा आवद्ध जनप्रतिनिधिद्वारा सभा बहिष्कार गरिएको उपाध्यक्ष घर्तिले बताउनु भयो ।

गाउँसभा जस्तो विषयमा कार्य सञ्चालन समितिले छलफल गरेर जानुपर्नेमा आफूहरू लाई जानकारी नै नभएको उहाँको तर्क रहेको छ । पछिल्लो समय गाउँपालिकामा मनोमानी बद्दै गएको छ ।

सबैको अपनत्व हुने गरी काम हुन छोडेको बताउँदै केही समय पहिले शिक्षा समितिले गरेको गैर कानुनी निर्णयको विरुद्धमा ध्यानाकर्षण गराए पनी त्यसको समेत सुनुवाई नभएपछि पालिकामा थप मतभेद बढ्दै गएको जनाइएको छ ।

पालिकाको गतल प्रवृत्तिका विरुद्धमा आफूहरूले आजको सभा नै बहिष्कार गरिएको वडा नम्बर २ का अध्यक्ष कुविर विश्वकर्माले बताउनु भयो ।

 पौष २९ गते बुर्तिबाङ

ढोरपाटन नगरपालिका नगर सभाको १८ औँ अधिवेशन मङ्गलबार सम्पन्न भएको छ ।

नगरसभाले १७ औँ सभाबाट पारित भएका कुल ३ करोड २८ लाख ७५ हजार बजेट बराबरको ३८ वटा कार्यक्रम, योजना संसोधन रकमान्तर गर्दे ५३ वटा संशोधित योजना ल्याइएको हो । कुल ६१ करोड २८ लाख १७ हजार ५ सय २९ रुपैयाँको चालु आर्थिक वर्षमा बजेट लिएको पालिकाले हालसम्म २८ प्रतिशत वित्तिय प्रगति गर्न सफल भएको छ ।

नगरपालिकाको लागि जग्गा खरिद गर्न, लोकसेवा तयारी कक्षा , मेसिनरी औजार खरिद लगाएका ३८ वटा योजनालाई संसोधन र रकमान्तर गरिएको नगर सभाका अध्यक्ष धन बहादुर कायत द्धारा प्रस्तुत निती कार्यक्रममा उल्लेख गरिएको छ ।

नगरपालिकाले फोहोर व्यवस्थापन स्थलको व्यवस्था, ढोरपाटन क्षेत्रको विकास, सडक निर्माण र स्तरोन्नति, खानेपानी, सिँढी निर्माण, विभिन्न भवन निर्माण लगायतका क्षेत्रमा बजेट स्थानान्तरण गरेको पाइएको छ । कार्यक्रममा नगरसभाका सदस्य दिलिप थापाले बोल्दै उत्तर गंगा माध्यमिक विद्यालयमा शौचालयको निम्ती बजेट व्यवस्थापन गरिएको तर सोही विद्यालय सहित अधिकांश सामुदायिक विद्यालयमा सरसफाइ नभएको ,शौचालय निकै दुर्गन्ध रहेका कारण सरसफाइ सचेतना गराउन आवश्यक रहेको विषयमा सुझाव दिनुभयो ।

ज्ञान बहादुर भण्डारी द्धारा वडा नम्बर ६ मा रहेको जन चाहना आधारभुत विद्यालयमा पालिकाको तर्फदेखि अनुगमन हुन नसकेको , विद्यालय व्यवस्थित बन्न नसकेको र प्रअको भूमिका जिम्मेवारी पूर्ण नरहेको विषयमा ध्यानाकर्षण गराउनु भयो । त्यस्तै रुपान घर्ति द्धारा नमुना आधारभुत विद्यालयमा २ वटा प्रधानाध्यापक रहेको र कसलाई आधिकारिक मान्ने विषयमा नगरसभामा ध्यानाकर्षण गराउनु भएको हो ।

वडा नम्बर २ का सदस्य चुडामणि जैसीले बोल्दै सबै वडामा नर्सरी व्यवस्थापन गर्ने भनी विनियोजन गरिएको बजेट किन संसोधन गरिएको र टोलमा राँगो वितरण हुनुपर्ने विषयमा ध्यानाकर्षण गराउनु भयो । नवीन शेरचन द्धारा बुर्तिबाङ अस्पताललाई पुनह बजेट किन विनियोजन गरिएको भन्ने विषयमा जिज्ञासा राख्नु भएको हो । सभाका सदस्यबाट उठेका प्रश्न जिज्ञासाको विषयमा सभा अध्यक्ष धन बहादुर कायत ले प्रस्ट पार्नुभएको हो ।

सामुदायिक विद्यालयमा सरसफाइ र शौचालय सरसफाइको विषयमा सम्बन्धित विद्यालयलाई अनुगमन मार्फत ध्यानाकर्षण गराउने र सबै जनप्रतिनिधि, विद्यालय व्यवस्थापनको जिम्मेवारी रहेको बताउनु भयो । जनचाहना आधारभुत विद्यालयमा भइरहेको गैर जिम्मेवारीका विषयमा नगरपालिका गम्भिर रुपमा अगाडि बढेको र कारवाही प्रकृया समेत अगाडि बढाइएको बताउनु भयो ।

त्यस्तै बुर्तिबाङ अस्पतालमा पर्याप्त स्वास्थ्य कर्मी अझैपनि नहुँदा र करारका कर्मचारीलाई पारिश्रमिक भुक्तान गर्द बाँकी रहेको अवस्थामा यसै क्षेत्रका नागरीकले सेवा लिने अस्पत्ताल भएका कारण अस्पत्तालको निवेदनका आधारमा ४ लाख बजेट भुक्तान गर्ने गरी बजेट व्यवस्था गरिएको बताउनु भयो ।

त्यस्तै नमुना आधारभुत विद्यालयमा दुई जना शिक्षकले प्रधानाध्यापक दावी गरीरहेको अवस्थामा अधालतबाट आएको फैसला कार्यान्यन हुने र विद्यालय व्यवस्थापन समिती गठन भइसकेका कारण समितीले चाँडै टुँगो लगाउने र पालिकाले सहजिकरण गर्नुे बताउनु भयो ।

नर्सरी सबै वडा तहमा निर्माण गर्ने गरी कार्यक्रम ल्याइएपनी १ वटा मात्र निवेदन परेका कारण कार्यक्रम संसोधन रकमान्तर गरिएको बताउँदै वडा नम्बर २ रिनाम गाउँमा अनुदानमा राँगो उपलब्ध गराउन सकिने प्रतिबद्धता जनाउनु भयो । कार्यक्रममा नगरसभा सदस्य, कर्मचारी, पत्रकार लगाएतको सहभागिता रहेको थियो ।

पौष २८ गते बुर्तिबाङ
निसीखोला तेश्रो लघुजलविद्युत सहकारी संस्थाको तेश्रो वार्षिक साधारण सभा सोमबार संस्थाको कार्यालयमा सम्पन्न भएको छ ।
आयोजित कार्यक्रमलाई गण्डकी प्रदेशका स्वास्थ्य मन्त्री कृष्ण पाठकले उद्‌घाटन गर्दे देशमा गत भाद्र २३ र २४ गतेको आन्दोलनका कारण सरकार परिवर्तन देखि धेरै विषय परिवर्तन हुँदा अझैपनि देश अन्यौल अवस्थामा रहेको बताउनु भयो । देशमा परिवर्तनका निम्ती भएका आन्दोलनले कतै फाइदा पुर्याएपनी धेरै घाटा हुन पुगेको बताउनु भयो 

नेपाल क्रमिक रुपमा विकास भइरहेको अवस्थामा पुराना दलले केही पनि गर्न सकेनन् भन्ने भाष्य निर्माण गरिएको बताउँदै पुराना दलकै कारण सडक, शिक्षा, स्वास्थ्य, विधुत लगायत जनताको समस्या संग नजिक रहेर विकास भइरहेको बताउँदै वर्तमान अवस्थामा देखिएको नकरात्मकताले समाज र देशको हित नहुने बताउँदै सकारात्मक चिन्तन र सबैको समोन्यले मात्र देशको समृद्धि हुने बताउनु भयो । 

संस्थाका अध्यक्ष भूमिराज घर्तिको अध्यक्षतामा आयोजित कार्यक्रममा निसीखोला गाउँपालिका अध्यक्ष सूर्य बहादुर घर्ति, वडा नम्बर ५ का अध्यक्ष हर्कमान घर्ति, राजनैतिक दलका प्रतिनिधि , जनप्रतिनिधि लगायतको आतिथ्यता एवम् शुभकामना मन्तव्य रहेको थियो । 

कार्यक्रममा संस्थाका अध्यक्ष भूमिराज घर्तीद्वारा संस्थागत प्रगति प्रतिवेदन प्रस्तुत गर्नुभएको हो । संस्थाका कोषाध्यक्ष पुनिकला बुढा द्धारा आर्थिक बर्स २०८१÷०८२ को आय व्यवाय विवरण प्रस्तुत गर्नुभएको हो । संस्थाले २३ लाख २८ हजार ३९ रुपैयाँ आम्दानी गर्दा १४ लाख ५५ हजार ६७२ रुपैयाँ खर्च रहेको विवरण प्रस्तुत गरिएको हो । 

संस्थाले ८ लाख ७२ हजार ३३६ रुपैयाँ लगानीमा रहेको रकमको विवरण प्रस्तुत गरेको हो । कार्यक्रम संस्थाका उपाध्यक्ष चुले कामीको स्वागत सचिव तारा बहादुर वि.क. को सञ्चालनमा सम्पन्न भएको हो । 

 पौष २८ गते बुर्तिबाङ

बुर्तिबाङ फुटबल क्लबको आयोजनामा माघ १ गतेदेखि ५ गतेसम्म बुर्तिबाङमा सेभेन ए साइड ओप्पन फुटबल प्रतियोगिता हुने भएको छ ।

प्रत्यक बर्ष फुटबल प्रतियोगिता आयोजना गर्दे आएको क्लबले यस बर्षपनी पाँचदिने कार्यक्रम गर्ने गरी आवश्यक तयारी भइरहेको पत्रकार सम्मेलन मार्फत जानकारी गराइएको हो ।

खुल्ला सेभेन ए साइड प्रतियोगितामा कम्तिमा आयोजक सहित १७ समुहको सहभागिता रहने जनाइएको छ । प्रतियोगितामा प्रथम हुने समुहले नगद १ लाख ११ हजार १ सय ११ रुपैयाँ दिर्तिय हुनेले ६६ हजार ६ सय ६६ रुपैयाँ सहित क्रमश ट्रफी मेडल र प्रमाणपत्र प्राप्त गर्ने भएको जनाइएको छ ।

त्यस्तै १४ बर्ष मुनि समुहका खेलाडीहरूका निम्ती समेत खेल आयोजना गरिएको छ । जसमा प्रथम र दिर्तिय हुने समुहले क्रमश १० हजार र ५ हजार पुरस्कार प्राप्त गर्ने जनाइएको छ । उत्तरगंगा माध्यमिक विद्यालयको खेल मैदानमा हुने प्रतियोगिताका निम्ती आवश्यक तयारी भइसकेको क्लब अध्यक्ष यूजराज जंग कुवँरले बताउनु भयो ।

त्यस्तै खेलकुदका निती नियमका विषयमा खेलकुद संयोजक ताइसन पुन मगरले बताउनु भयो । कार्यक्रममा संस्थाका सल्लाहकार टिका बहादुर पुन, कृष्ण भण्डारी, सम्शेर वि.क.ले शुभकामना मन्तव्य व्यक्त गर्नुभएको थियो । कार्यक्रम सचिव जीवन विश्वकर्माले सञ्चालन गर्नुभएको हो ।

२८ पुस, काठमाडौँ ।

नेपाली कांग्रेसको दोस्रो विशेष महाधिवेशन मंगलबारसम्म लम्बिने भएको छ । महामन्त्रीद्वय गगनकुमार थापा र विश्वप्रकाश शर्माको प्रतिवेदनमाथि छलफल चलिरहँदा महाधिवेशन मंगलबारसम्म लम्बिएको हो ।

आइतबारदेखि चलेको महाधिवेशन मंगलबारसम्म लम्बिएको विशेष महाधिवेशन प्रचार-प्रसार उपसमितिका सदस्य सचिव माधवप्रसाद चम्लागाईंले जानकारी दिए ।

उनले भने, ‘महामन्त्रीद्वय गगनकुमार थापा र विश्वप्रकाश शर्माले पेस गरेका प्रतिवेदनमाथिको छलफल घनिभूत रूपमा चलिरहेको छ । यो क्रम मंगलबार पनि चल्नेछ । त्यसपछिमात्र नेतृत्व चयन प्रक्रिया अगाडि बढ्ने छ ।’

पौष २८ गते बुर्तिबाङ
बुर्तिबाङमा अल नेपाल भारतीय पूर्व सैनिक कल्याणकारी संघ ढोरपाटनको प्रथम भेला आइतबार सम्पन्न भएको छ ।

करिब १०० जनाको सहभागिता रहेको भेलाले नयाँ कार्यसमिती चयन गर्दे बुर्तिबाङमा भारतिय पूर्व सैनिकलाई पेन्सिन लिनका निम्ती सहज होस भन्ने उदेश्यले नेपाल एसविआई बैँक र एभरेष्ट बैँक ल्याउने विषयमा समेत छलफल भएको जनाइएको छ ।

बुर्तिबाङमा बैँक स्थापना भएमा बागलुङको पश्चिम क्षेत्र संगै रुकुम, प्युठान, म्याग्दी सम्मका नागरीकलाई सहज हुने जनाइएको छ ।
भेलाले सुरेश घर्ति अध्यक्ष रहेको १७ सदस्य समितीको गठन गरीएको छ । समितीको उपाध्यक्षमा जग बहादुर पुन, सचिव ज्ञानेन्द्र घर्ति मगर , कोषाध्यक्ष खम माया घर्ति मगर लगाएत रहेको समितीको गठन गरीएको हो ।

नयाँ नेतृत्वले बैँक ल्याउन पहल गर्ने, भारतिय भुपु शैनिक संघमा आवद्ध रहेका भुपुहरुको हक हितमा काम गर्ने जनाइएको छ ।

पौष २७ गते आइतबार

ढोरपाटन क्षेत्रका व्यवसायीको हक अधिकार र व्यवसायीका क्षेत्रलाई प्रर्वद्धन गर्दे आइरहेको ढोरपाटन उद्योग वाणिज्य संघले आउँदो चैत्र १३ गते पाचौँ साधारण सभा तथा दोश्रो अधिवेशन सम्पन्न गर्ने निर्णय गरेको छ ।

गत मंसिर २६ गते समिति पदाधिकारीको निर्णय अनुसार चैत्र १३ गते नयाँ नेतृत्व चयन गर्ने गरी साधारण सभा तथा अधिवेशनको तयारी गरिएको उद्योग वाणिज्य सङ्घका अध्यक्ष ढालेन्द्र छन्त्यालले बताउनु भयो । ३ वर्षका निम्ती कार्यकाल पाएको समितिको चैत्र महिनामा कार्यकाल सकिँदै छ ।

समितिले आफ्नै भवन निर्माणका निम्ती जग्गा खरिद गरिसकेको छ । भवन निर्माण गर्ने लक्ष्य लिएको जनाइएको छ ।

पौष २६ गते बुर्तिबाङ
निसीखोला दोश्रो लघु जलविधुत सहकारी संस्था लिमिटेड निसीखोला गाउँपालिका ४ को सातौँ वार्षिक साधारण सभा शनिबार सम्पन्न भएको छ ।
संस्थाका अध्यक्ष ध्रुवराज रेग्मी रेग्मीको अध्यक्षतामा आयोजीत कार्यक्रममा गण्डकी प्रदेश सभा सदस्य दोर्ण कुमार कुवँरको प्रमुख आतिथ्यतामा कार्यक्तम सम्पन्न भएको हो ।
सांसद कुवँरले बोल्दै निसीखोला दोश्रो लघुजलविधुत सहकारी संस्थाले नागरीकको सहभागिता, अपनत्व र अपन्तव संगै सक्रिय रुपमा अगाडी बढाएको बताउँदै विधुत र सहकारी मार्फत उदाहरणीय संस्थाको रुपमा अगाडी बढाएकोमा व्यवस्थापक समितीलाई धन्यबाद दिनुभयो ।
सांसद कुवँरले थप बोल्दै आफनो निर्वाचन क्षेत्रमा आफु प्रदेश सभा सांसद हुँदै गर्दा धेरै कामहरु गरीरहेको बताउँदै जनताको आशा र अपेक्षा धेरै हुँदा अझैपनी सडक, खानेपानी, केन्द्रिय विधुत विस्तार, शिक्षा स्वास्थ्य लगाएत थुप्रै काम गर्न बाँकी रहेको बताउनु भयो ।
नागरीकको आशा अपेक्षालाई क्रमिक रुपमा पुरा गर्नका निम्ती यसक्षेत्रमा सुशासन, समृद्धी र विकासका आयाम बढाउन आफु निरन्तर लागिपरेको बताउनु भयो ।
कार्यक्रममा गण्डकी प्रदेश निर्वतमान सांसद खिम विक्रम शाही, निसीखोला गाउँपालिका निवर्तमान अध्यक्ष तारानाथ पौडेल, वडा नम्बर ४ का अध्यक्ष टिकानिधी पौडेल, वडा नम्बर ७ का अध्यक्ष दिपक कुवँर ,स्थानीय जनप्रतिनिधी, सेयर सदस्य लगाएतको आतिथ्यता एव्म शुभकामना मन्तव्य रहेको हो ।
कार्यक्रममा अध्यक्ष ध्रुवराज रेग्मी रेग्मीद्धारा प्रस्तुत प्रतिवेदन अनुसार संस्थाका अवस्था, सेवा विस्तार, आर्थिक अवस्था,भावि कार्ययोजना लगाएतका विषयमा प्रगती प्रतिवेदन प्रस्तुत गर्नुभएको हो ।
त्यस्तै संस्थाका कोषाध्यक्ष चेतराम पौडेल द्धारा संस्थाको अवस्था संगै आर्थिक विवरण प्रस्तुत गर्नुभएको हो । पश्चिम बागलुङमा केन्द्रिय विधुत संग मर्ज गरी विधुत सेवा विस्तार गरेको हो ।
आर्थिक बर्ष २०८१÷०८२ को आय विवरण अनुसार ८८ लाख ८७ हजार ९ सय ७६ रुपैयाँ र कुल खर्च ७० लाख ४२ हजार ८ सय ९५ रुपैयाँ बराबरको खर्च विवरण प्रस्तुत गरीएको हो । कार्यक्रम संस्थाका सचिव खिम विक्रम गिरीको सञ्चालनमा सम्पन्न भएको हो ।