बागलुङको ढोरपाटन नगरपालिका वडा नम्बर ७,८ र ९ नम्बर वडामा ५० जना भन्दा बढि बालबालीकामा दादुरा रुवेला रोग फैलिएसंगै फागुन २५ देखि २७ गतेसम्म तिन दिन सामुदायिक र संस्थागत विद्यालयहरु पूर्ण रुपमा बन्द गर्ने निर्णय गरेको छ ।
गत माघ मशान्त देखि एक दुई जना हुँदै फैलिएको दादुरा ५० जना बालबालीका र स्थानीय नागरीकमा फैलिएको हो । विरामी मध्ये २२ जनालाई बुर्तिबाङ अस्पत्तालमा र अन्यालाई गाउँकै मेडिकलमा उपचार भइरहेको हो ।
विद्यालयमा समयमै सर्तकता अपनाई थप रोग फैलिन नदिन ढोरपाटन नगरकार्यपालिका र स्थानीय द्रुत प्रतिकार्य समितीको निर्णय वमोजीम विद्यालय बन्द गर्ने निर्णय गरिएको जनाइएको छ । माघ २४ गते नारी दिवशको अवसरमा विदा रहेको छ ।
