असार ११ गते बुर्तिबाङ

तमानखोला गाउँपालिकालाई मंगलबार पूर्ण खोप पालिका सुनिश्चितता दिगोपना घोषणा गरिएको छ ।

पालीकामा सम्पूर्ण प्रकृया पुरा गरी १६ महिना देखि ५९ महिना सम्मका सम्पूर्ण बालबालिकाहरूलाई पाउनुपर्ने सबै खोपको मात्रा पुरा गरेपछि पालिकालाई पूर्ण खोप पालिका सुनिश्चितता दिगोपना घोषणा गरिएको हो ।

पूर्णखोप सुनिश्चितता निर्देशिका २०७१ तेस्रो संसोधन २०७७ अनुसार आवश्यक खोप तालिका अनुसार सबै खोपको मात्रा बालबालिकालाई दिलाउन सफल भएसँगै गाउँपालिका अध्यक्षद्वारा ब्यानर वाचन गरेर पूर्णखोप सुनिश्चितता दिगोपना पालिका घोषणा गर्नुभएको हो । पालिका भर रहेका ६२६ जना बालबालिकालाई पूर्ण खोपको मात्रा पुरा गरिएका हो । वडा गत तहमा घोषणा अभियान सँगै असार १० गते पालिकालाई घोषणा गरिएको थियो ।

कार्यक्रममा गाउँपालिका अध्यक्ष जोकलाल बुढा, उपाध्यक्ष हिराकुमारी छन्त्याल, वडा अध्यक्ष, कार्यपालिका सदस्य, वडा सदस्य लगायत कर्मचारीको उपस्थिति रहेको थियो । कार्यक्रममा सहभागिले ब्यानरमा हस्ताक्षर गरेर प्रतिबद्धता सहित घोषणा गरेका हुन ।

त्यस्तै पालिकाले शतप्रतिशत गर्भवती महिला नजिकैको स्वास्थ्य संस्थामा पुगेर सुत्केरी हुने संस्थामा शतप्रतिशत वृद्धि भएपछि पूर्ण संस्थागत सुत्केरी वडा घोषणा गरिएसँगै पालिका घोषणाको तयारीमा रहेको पाइएको छ । 

पालिकालाई पूर्ण खोप सुनिश्चितता र दिगोपना बनाउन सहयोग गर्ने सबैलाई कृतज्ञता व्यक्त गर्दे यसलाई दिगो बनाउन सबैले साथ दिनुपर्नेमा गाउँपालिका अध्यक्ष जोक लाल बुढाले बताउनु भयो ।

असार ११ गते बुर्तिबाङ

निसीखोला गाउँपालिकाको सोमबार भएका १४ औँ गाउँसभाबाट बजेट ४७ करोड १० लाख ६१ हजार ५ सय रुपैयाँ बराबरको अनुमानित बजेट ल्याएको छ ।

“ बन, जलश्रोत ,संस्कृति ,पर्यटन र कृषि –सभ्य समुन्नत , सुखी र समृद्ध निसि”भन्ने मुख्य नारालाई प्राथमिकता दिँदै विभिन्न लक्ष्यलाई पुरा गर्ने गरी निती कार्यक्रम तथा बजेट प्रस्तुत गरेको पालिकाले स्थानीय पर्यटकीय क्षेत्रको विकास, कृषिको विकास र विस्तार सँगै रोजगारीको सृजना गर्ने र नागरिकलाई आत्मनिर्भर बनाउन लोकल मदिराको ब्रान्डिङ गरी व्यवसायिक बनाउन प्रदेश सरकार सँग सम्मोन्य गर्दे अगाडि बढ्ने लक्ष्य लिइएको छ ।

भांगो खेतीलाई विस्तार गर्न कार्यविधि बनाएर अगाडी बढ्ने, कृर्षि, मौरीपालन, तेलहन खेतीलाई उत्पादन वृद्धिका निम्ति आवश्यक कार्यक्रम ल्याउने गाउँपालिका अध्यक्ष सुर्य बहादुर घर्ती द्धारा प्रस्तुत निती कार्यक्रममा उल्लेख गरिएको छ । बाँदरको आतंक रहेको निसीखोलामा अत्यन्त प्रभावित क्षेत्रमा बालीनालीको संरक्षण गर्न समुदाय र प्रदेशको साझेदारीमा कृषि हेरालोको व्यवस्था गर्ने उल्लेख गरिएको हो ।

त्यस्तै पालिकाले जेष्ठ नागरिक हेरचाह केन्द्रको व्यवस्थापन मार्फत ज्येष्ठ नागरिकको हित प्रर्वद्धन गर्ने , न्यायिक क्षेत्रलाई थप व्यवस्थित बनाइने, बजार अनुगमनलाई नियमित गर्ने उल्लेख गरिएको हो । अर्नाकोटमा रहेको खानेपानी समस्या समाधानका निम्ति प्रदेश र संघ सरकार संघ सम्मोन्य गर्दे साझेदारीको विकास गर्ने निती कार्यक्रममा उल्लेख गरिएको छ ।

त्यस्तै गाउँपालिका उपाध्यक्ष प्रेम बहादुर घर्तीद्वारा प्रस्तुत गरिएको बजेट वक्तव्य अनुसार वित्तिय समानीकरण अनुदान संघीय सरकारबाट ९ करोड १४ लाख, राजश्व बाँडफाँडबाट १० करोड ६९ लाख, सशर्त अनुदान चालु तर्फ २ करोड २० लाख ६६ हजार ६ सय, समपूरक अनुदान ६५ लाख,सशर्त अनुदान पुँजिगत १० लाख, त्यस्तै प्रदेश सरकारबाट वित्तिय समानीकरण अनुदान १ करोड १४ लाख ४३ हजार, राजश्व बाँडफाँड ७१ लाख २ हजार, समपुरक अनुदान ६० लाख, बिशेष अनुदान ४० लाख रहेको पाइएको छ ।

त्यस्तै गाउँपालिका तर्फ सञ्चित कोष बाट अनुमानित १ करोड १० लाख, आन्तरिक आय ५० लाख ५० हजार ५ सय रुपैयाँ रहेको पाइएको हो । गाउँसभाबाट अर्थसम्बन्धी विधेयक, बजेट तथा कार्यक्रम संगै निती कार्यक्रम प्रस्तुत गरिएको हो ।

कार्यक्रम गाउँपालिका अध्यक्ष सुर्य बहादुर घर्तिको अध्यक्षता, गाउँपालिका उपाध्यक्ष प्रेम बहादुर घर्ती, प्रमुख प्रशासकीय अधिकृत, जनप्रतिनिधि, राजनैतिक दलका प्रतिनिधि, पूर्व जनप्रतिनिधि, कर्मचारी, पत्रकार, सुरक्षा कर्मी लगायतको उपस्थिति रहेको थियो ।

असार १० गते बुर्तिबाङ

बागलुङको तमानखोला गाउँपालिकाले सोमबार आर्थिक बर्ष २०८१÷०८२ को निती तथा कार्यक्रम प्रस्तुत गरेको छ ।

“सुखी र समान, समुन्नत तमान” भन्ने मूल नारा सहित पालिकाले आगामी वर्षको निती कार्यक्रम तथा बजेट प्रस्तुत गरेको हो ।

गाउँपालिका अध्यक्ष जोक लाल बुढाले प्रस्तुत गर्नुभएको निती कार्यक्रममा गाउँपालिकाको विकास अव आर्थिक उर्पाजन र रोजगारी सँग रहेको आसय सहित लघु उद्यमका कार्यक्रमलाई प्रोत्साहन, बजारीकरण, सीपमुलक तालिम सँगै लघुउद्यमीलाई सम्मान गर्ने निती लिइएको छ । त्यस्तै पालिकाले कृषकको विकास, बजारीकरण, र उत्पादनका आधारमा कृषकलाई प्रोत्साहन र सम्मान गर्न उत्पादनका आधारमा नगद अनुदानलाई प्राथमिकता दिएको हो ।

कृषकको उत्पादन साथमा:  तमानखोला गाउँपालिकाको अनुदान हातमा भन्ने नारा सहित उत्पादित रैथाने जातका तरकारी, फलफूल, खाध्यान्ह , पशुपक्षीको उत्पादन, अनुदान, तालिम सँगै बजारीकरणमा पालिकाले साथ दिने भएको हो ।

गाउँपालिकाले पालिका भित्रै दक्ष जनशक्ति उत्पादन गर्ने र उनीहरू लाई रोजगारको सृजना गराउने उद्देश्य स्वरुप १ जना पालिका भित्रका विद्यार्थीलाई एम.बि.बि. एस अध्ययनका लागी पूर्ण छात्रवृत्तिका व्यवस्था गर्ने, १ जना सिभिल इन्जिनियर पढ्ने विद्यार्थीको लागी १ लाख छात्रवृत्ति सँगै गरिब जेहेन्ददार विद्यार्थीका लागी गरिब जेहेन्ददार छात्रवृत्ति कोषलाई निरन्तरता दिने उल्लेख गरिएको छ । त्यस्तै धौलागिरी बहुमुखी क्याम्पस र निसीभुजी जनता क्याम्पसमा अध्ययन गर्ने पालिका भित्रका १÷१ जना गरिब जेहेन्ददार विद्यार्थीलाई छात्रवृत्ति प्रदान गरिने उल्लेख गरिएको हो ।

प्रविधि यूक्त, बालमैत्री शिक्षा, गुणस्तरीय शिक्षा, विद्यालयको भौतिक पूर्वाधार तमानखोला विकासको चार आधार भन्ने मान्यतालाई आत्मसाथ गर्दे सामुदायिक विद्यालयको शैक्षिक भौतिक गुणस्तर उकास्न पालिकाले महत्वपूर्ण कार्यक्रम लिएको हो ।

प्रत्यक घरघरमा खानेपानीको व्यवस्था गर्ने, हल गोरु पाल्ने कृषकलाई सम्मान गर्ने, गाउँपालिका भित्रका सबै सडक सञ्जाल १२ महिना सञ्चालन हुने गरी स्तरोन्नति गर्ने, पर्यटन प्रर्वद्धन सँगै पालिका भित्रका खेलाडीको विकास क्षमता प्रस्फुटन सँगै सम्मान र राष्ट्रिय स्तरको खेलाडी उत्पादन गर्ने उद्देश्य स्वरुप गाउँपालिका कप सञ्चालन गर्ने निती कार्यक्रममा उल्लेख गरिएको हो ।

स्वास्थ्य क्षेत्रको विकास सँगै असहाय, विपन्न परिवारको निम्ति निः शुल्क स्वास्थ्य बीमा, जेठ नागरिक सम्मान साथै दतिल, महिला र जनजाति लक्षित विभिन्न कार्यक्रम सञ्चालन गर्नका निम्ति कार्यक्रम र बजेट बिनियोजन गरिएको हो ।

पालिकाले शिक्षा, स्वास्थ्य, कृषि, पर्यटन, खेलकुद सँगै विकास निर्माणलाई प्राथमिकता दिएको हो ।

असार १० गते बुर्तिबाङ

बागलुङको तमानखोला गाउँपालिकाले सोमबार आर्थिक बर्ष २०८१÷०८२ को निती तथा कार्यक्रम प्रस्तुत गरेको छ ।

“सुखी र समान, समुन्नत तमान” भन्ने मूल नारा सहित पालिकाले आगामी वर्षको निती कार्यक्रम तथा बजेट प्रस्तुत गरेको हो ।

गाउँपालिका अध्यक्ष जोक लाल बुढाले प्रस्तुत गर्नुभएको निती कार्यक्रममा गाउँपालिकाको विकास अव आर्थिक उर्पाजन र रोजगारी सँग रहेको आसय सहित लघु उद्यमका कार्यक्रमलाई प्रोत्साहन, बजारीकरण, सीपमुलक तालिम सँगै लघुउद्यमीलाई सम्मान गर्ने निती लिइएको छ । त्यस्तै पालिकाले कृषकको विकास, बजारीकरण, र उत्पादनका आधारमा कृषकलाई प्रोत्साहन र सम्मान गर्न उत्पादनका आधारमा नगद अनुदानलाई प्राथमिकता दिएको हो ।

कृषकको उत्पादन साथमा:  तमानखोला गाउँपालिकाको अनुदान हातमा भन्ने नारा सहित उत्पादित रैथाने जातका तरकारी, फलफूल, खाध्यान्ह , पशुपक्षीको उत्पादन, अनुदान, तालिम सँगै बजारीकरणमा पालिकाले साथ दिने भएको हो ।

गाउँपालिकाले पालिका भित्रै दक्ष जनशक्ति उत्पादन गर्ने र उनीहरू लाई रोजगारको सृजना गराउने उद्देश्य स्वरुप १ जना पालिका भित्रका विद्यार्थीलाई एम.बि.बि. एस अध्ययनका लागी पूर्ण छात्रवृत्तिका व्यवस्था गर्ने, १ जना सिभिल इन्जिनियर पढ्ने विद्यार्थीको लागी १ लाख छात्रवृत्ति सँगै गरिब जेहेन्ददार विद्यार्थीका लागी गरिब जेहेन्ददार छात्रवृत्ति कोषलाई निरन्तरता दिने उल्लेख गरिएको छ । त्यस्तै धौलागिरी बहुमुखी क्याम्पस र निसीभुजी जनता क्याम्पसमा अध्ययन गर्ने पालिका भित्रका १÷१ जना गरिब जेहेन्ददार विद्यार्थीलाई छात्रवृत्ति प्रदान गरिने उल्लेख गरिएको हो ।

प्रविधि यूक्त, बालमैत्री शिक्षा, गुणस्तरीय शिक्षा, विद्यालयको भौतिक पूर्वाधार तमानखोला विकासको चार आधार भन्ने मान्यतालाई आत्मसाथ गर्दे सामुदायिक विद्यालयको शैक्षिक भौतिक गुणस्तर उकास्न पालिकाले महत्वपूर्ण कार्यक्रम लिएको हो ।

प्रत्यक घरघरमा खानेपानीको व्यवस्था गर्ने, हल गोरु पाल्ने कृषकलाई सम्मान गर्ने, गाउँपालिका भित्रका सबै सडक सञ्जाल १२ महिना सञ्चालन हुने गरी स्तरोन्नति गर्ने, पर्यटन प्रर्वद्धन सँगै पालिका भित्रका खेलाडीको विकास क्षमता प्रस्फुटन सँगै सम्मान र राष्ट्रिय स्तरको खेलाडी उत्पादन गर्ने उद्देश्य स्वरुप गाउँपालिका कप सञ्चालन गर्ने निती कार्यक्रममा उल्लेख गरिएको हो ।

स्वास्थ्य क्षेत्रको विकास सँगै असहाय, विपन्न परिवारको निम्ति निः शुल्क स्वास्थ्य बीमा, जेठ नागरिक सम्मान साथै दतिल, महिला र जनजाति लक्षित विभिन्न कार्यक्रम सञ्चालन गर्नका निम्ति कार्यक्रम र बजेट बिनियोजन गरिएको हो ।

पालिकाले शिक्षा, स्वास्थ्य, कृषि, पर्यटन, खेलकुद सँगै विकास निर्माणलाई प्राथमिकता दिएको हो ।

बुर्तिबाङ असार १० गते
बागलुङको तमानखोला गाउँपालिकाले सोमबार आर्थिक बर्ष २०८१÷०८२ को लागी ३१ करोड  ६२ हजार २५ हजार रुपैयाँ बराबरको वार्षिक अनुमानित बजेट प्रस्तुत गरेको छ ।
गाउँपालिकाको दोश्रो गाउँसभाको ५ औँ अधिवेशनबाट गाउँपालिका उपाध्यक्ष हिराकुमारी छन्त्यालले बजेट तथा कार्यक्रम प्रस्तुत गर्नुभएको हो ।

प्रस्तुत गर्नुभएको बजेट वक्तव्यमा क्षेत्रगत रुपमा सामाजिक विकास तर्फ ४ करोड ३२ लाख ५ हजार ६ सय, आर्थिक विकास तर्फ ९७ लाख, ६६ हजार ६ सय , पूर्वाधार विकास तर्फ ३ करोड ९२ लाख ५० हजार, वन वातावरण तथा विपद ३५ लाख ५८ हजार ३ सय र सुशासन तथा संस्थागत विकास तर्फ ३५ लाख  गरी कुल ९ करोड ७४ लाख ८० हजार ५ सय विनियोजन भएको छ ।
स्वास्थ्य तर्फ १ करोड १९ लाख शिक्षा युवा तथा खेलकुद तर्फ २ करोड ४० लाख, सडक तथा यातायात तर्फ ६० लाख, वन वातावरण तथा विपद् व्यवस्थापन तर्फ ३५ ला रुपैयाँ बजेट विनियोजन गरिएको छ । 

विनियोजित बजेट मध्ये नेपाल सरकारबाट प्राप्त हुने वित्तिय समानीकरण अनुदान ६ करोड ९६ लाख, राजश्व बाँडफाँडबाट प्राप्त हुने ७ करोड १२ लाख, संघीय सशर्त अनुदान ११ करोड ६६ लाख ९५ हजार, विशेष अनुदान १ करोड ६० लाख, प्रदेश सरकारबाट प्राप्त हुने वित्तिय समानीकरण अनुदान ७० लाख ८६ हजार, राजश्व बाँडफाँडबाट प्राप्त हुने ३५ लाख ८० हजार, समपूरक अनुदान ६० लाख, विशेष अनुदान ४० लाख विशेष अनुदान ४० लाख र पालिकाको आन्तरिक राजश्वबाट ३८ लाख संकलन हुने अनुमानित बजेट प्रस्तुत गरिएको हो । गाउँपालिका अध्यक्ष जोकलाल बुढाको अध्यक्षतामा आयोजित कार्यक्रममा विभिन्न ८ बुँदै प्रस्ताव सर्वसहमती बाट पारित गरिएको छ । 

कार्यक्रममा लेखा समिति संयोजक मन कुमारी बुढाथोकीबाट प्रस्तुत भएको लेखा सम्बन्धी प्रतिबेदन, न्यायिक समिति संयोजक हिराकुमारी छन्त्यालद्वारा न्यायिक समितिको प्रतिबेदन, गाउँपालिकाको आर्थिक ऐन २०८१, विनियोजन ऐन २०८१, आर्थिक बर्ष २०८१÷८२ को निती कार्यक्रम, बजेट कार्यक्रम, आर्थिक बर्ष २०७९÷०८० को बेरुजु नियमित सम्बन्धमा, निर्णय तथा खर्च अनुमोदन र पूर्ण खोप दिगोपना घोषणा सम्बन्धी प्रस्ताव सभाबाट पास गरिएको हो । कार्यक्रममा गाउँसभा सदस्य, पूर्व जनप्रतिनिधि, कर्मचारी, पत्रकार, लगायतको उपस्थिति रहेको थियो । 

असार ८ गते बुर्तिबाङ
बागलुङको तमानखोलामा शुक्रबार निः शुल्क स्वास्थ्य शिविर सम्पन्न भएको छ ।
तमानखोला गाउँपालिकाको आयोजना ,गण्डकी मेडिकल कलेज पोखराको प्राविधिक सहयोग तथा ग्रामिण स्वास्थ्य सुधार परियोजना फेयरमेड , लायन्स क्लब अफ तमानखोलाको व्यवस्थापकिय सहयोगमा महिलारोग सम्बन्धी निः शुल्क शिविर तमानखोला आधारभुत अस्पत्तालमा सम्पन्न भएको हो ।

महिलाहरुको स्वास्थ्य सम्बन्धी समस्यालाई लक्षित गर्दे सञ्चालित शिविरमा २ सय ६८ जना नागरिकले सेवा लिएका छन ।
महिला रोग विशेषज्ञ र रेडियोलोजिष्ट द्धारा महिलाको पाठ्यघरको चेकजाँच, महिला रोग सम्बन्धी चेकजाँच तथा उपचार गरिएको हो ।
सिविरमा ६६ जना महिलाकोे पाठेघरको मुखको जाँच, ५ जना पाठ्ेघर खस्ने समस्या भएका महिलाको रिङ राखेर व्यवस्थापन गरिएको र उनिहरुको अप्रेशन गर्नुपर्ने अवस्था रहेको जनाइएको छ । त्यस्तै दुई जना पित्त थैलिमा पट्ठरी भएको पाइएको १ जनाको मृगौलामा पट्ठथरी, कलोजोमा जुका परेका २ जना रहेको पाइर्एको छ । अन्यको सामान्य स्वास्थ्य चेकजाँच तथा उपचार गरिएको हो । चेकजाँच गराइएका र गम्भिर समस्या रहेका विरामीको थप उपचारका निम्ती अगडाी बढ्न आग्रह गरिएको हो ।

उद्धघाटन सत्रको कार्यक्रम तमानखोला गाउँपालिका अध्यक्ष जोकला बुढाको अध्यक्षता, गण्डकी मेडिकल कलेजका हार्डजोर्नी बिशेषज्ञ तथा प्रमुख डा रविन्द्र श्रेष्ठ, तमानखोला गाउँपालिका उपाध्यक्ष हिराकुमारी छन्त्याल, प्रमुख प्रशासकिय अधिकृत ईश्वरलाल शाक्य, जनप्रतिनिधी लगाएको आतिथ्यता रहेको थियो । कार्यक्रम स्वास्थ्य संयोजक तिल बहादुर छन्त्यालले सञ्चालन गर्नुभएको हो ।

शिविरबाट सेवा लिन पाएसंगै स्थानीय नागरिकले खुसि व्यक्त गर्दे घर नजिकैबाट निःशुल्क सेवा लिन पाउँदा आफुहरु खुसी भएको बताएका छन ।

असार ७ गते बुर्तिबाङ
ढोरपाटन नगरपालिकाको आर्थिक बर्ष २०८१÷०८२ को कुल अनुमानित बजेट ६८ करोड ८ लाख ५० हजार ५ सय रुपैयाँ रहेको छ ।

शुक्रबार आयोजित नगरपालिकाको १५ औँ नगर सभामा नगरपालिका कार्यवाहक मेयर धन बहादुर कायतले प्रस्तुत गर्नुभएको नगरपालिकाको बजेट वक्तव्यमा २०८१ माथि प्रस्तुत विवरण अनुसार पालिकाले उक्त परिणाममा बजेट ल्याएको हो ।
चालु तर्फ ४२ करोड २५ लाख ९७ हजार ५ सय र पूँजीगत खर्चतर्फ २५ करोड ८२ लाख ५३ हजार कायम रहने गरि बजेटको निर्धारण गरिएको हो ।

जसमध्ये पालिकाको चालु आवमा मौज्दात हुने अनुमानित रकम ५० लाख, संघीय सरकारबाट अन्तर सरकारी वित्तिय हस्तान्तरण बाट प्राप्त हुने समानीकरण अनुदान ९ करोड ९२ लाख, संघीय सरकारबाट बाट प्राप्त हुने विशेष अनुदान ५० लाख, संघीय सरकारबाट प्राप्त हुने सर्शत अनुदान ४० करोड १६ लाख ५ सय, प्रदेश सरकार अन्र्तगत सरकारबाट अन्तर सरकारी वित्तिय हस्तान्तरण समानीकरण अनुदान १ करोड २४ लाख ४३ हजार, गण्डकी प्रदेश सरकारबाट प्राप्त हुने विशेष अनुदान ४० लाख, समपूरक अनुदान ६० लाख, प्रदेशबाट राजश्व बाडँफाँड शीर्षकमा अनुदान ९५ लाख ७ हजार, नगरपालिकाको आन्तरिक आय मालपोत सहित २ करोड ७५ लाख अनुमानित बजेट प्रस्तुत गरिएको हो ।

त्यस्तै नगरपालिका व्यय चालु तर्फ १५ करोड ५७ लाख, पुँजीगत तर्फ १० करोड ३५ लाख ५० हजार, संघीय सरकार सशर्त अनुदान चालु तर्फ २६ करोड १८ लाख ९७ हजार ५ सय विनियोजन गरिएको हो । त्यस्तै संघीय सरकार सर्शत अनुदान पुँजीगत तर्फ १३ करोड ९७ लाख ३ हजार, विशेष अनुदान ५० लाख, प्रदेश सरकारबाट विशेष अनुदान ४० लाख, प्रदेशबाट समपूरक अनुदान ६० लाख, नगरपालिका समपूरक कोष ५० लाख रुपैयाँ विनियोजन गरिएको हो ।

नगरपालिकाले लिएको निती कार्यक्रम तथा बजेट सभाबाट पास भएसँगै आगामी असार २७ गते बस्ने सभाले विनियोजन विधयक र अर्थ सम्बन्धी विधयक पारित गरेर अगाडि बढ्ने कार्यवाहक मेयर धन बहादुर कायतले बताउनु भयो । सबै वडाबाट योजना र कार्यक्रमको अन्तिम डाटा तयार पारेर २७ गते पास गर्ने तयारी रहेको जनाइएको हो । 

असार ७ गते बुर्तिबाङ

ढोरपाटन नगरपालिकाको १५ औँ नगर सभा शुक्रबार सम्पन्न भएको छ ।

आर्थिक बर्ष २०८१÷०८२ को निती कार्यक्रम अन्तरगत नगरपालिकाले विभिन्न महत्वपूर्ण कार्यक्रमलाई प्राथमिकता दिने गरि निती तथा कार्यक्रम प्रस्तुत गरेको हो । 

नगरपालिकाले कृषि क्षेत्रको माध्यमबाट मात्र रोजगारी सँगै आत्मनिर्भर बन्न सकिने मान्यतालाई प्राथमिकता दिएको हो । पालिकाले कृषलाई प्रोत्साहन गर्दे उनीहरू लाई त्यहीँबाट आत्मनिर्भर बनाउने उद्देश्य स्वरुप कृषि पर्यटन अन्तरगत कोसेली घर तथा कृषि फर्म स्टे कार्यक्रम सञ्चालनका निम्ति प्राथमिकता दिएको छ । कृषकले उत्पादन गरेका कृषि उपजलाई बजार सम्म पु¥याउन सहयोग गर्ने र कृषकलाई उत्पादनमुखी र व्यवसायिक बनाउने उत्पादनका आधारमा अनुदानका कार्यक्रमलाई प्राथमिकता दिने उद्देश्य लिएको पाइएको छ । 

वडा नंं ६,७,८ र ९ लाई आर्गनिक कृषि उत्पादन क्षेत्र घोषणा गर्ने गरी कार्यक्रम अगाडि बढाउने, साना व्यवसायिक कृषि उद्योग स्थापना गर्ने, कृषि तथ्यांक संकलन गरी कृषि प्रोफाइल तयार गर्ने, स्थानीय स्तरमा उत्पादित कृषि र मसलेदार बस्तुको प्रर्वद्धन गर्ने निती कार्यक्रममा उल्लेख गरिएको छ । ४० रोपनी क्षेत्रफलमा फलफूलका बिरुवा विस्तार गर्ने, सिँचाइको व्यवस्था गर्ने लगायतका कार्यक्रम पालिकाले कृषि क्षेत्रमा लिएको छ । पशुपन्छी तर्फ रैथाने जातका पशुपन्छी संरक्षण कार्यक्रम अगाडि बढाउने, पशुपन्छीको न्यनतम मूल्य निर्धारण गरेर बजारीकरणमा सुनिश्चता गर्न पहल गर्ने, निशुल्क कृषि तथा पशु बिमा कार्यक्रम अगाडि बढाउन पहल गरिने लगायतका कार्यक्रम समावेश गरिएको छ । 

पर्यटकीय क्षेत्रको विकास र विस्तार गर्न पर्यटकीय स्थलको जानकारी सहित मार्गनिर्देशिका प्रकाशित गर्ने, पदयात्रा, ट्रेकिङ, साइकल यात्रा जस्ता गतिविधिलाई प्राथमिकता दिने, पालिका भित्रका ताल तलैया, रिखुवा महखोलाको झरना प्रर्वद्धन तथा संरक्षण गरिने उल्लेख गरिएको छ । सामाजिक विकास तर्फ नगरपालिकाले सबै बालबालिकाहरूका लागी गुणस्तरीय प्रारम्भिक बालविकास शिक्षाको अवसर सुनिश्चित गर्ने, उत्तर गँगा माध्यमिक विद्यालयमा अंग्रेजी र नेपाली माध्यमबाट पठन पाठन गराउनका निम्ति बजेट विनियोजन गरि कार्यक्रम अगाडि बढाउने, निसीभुजी जनता क्याम्पसको शैक्षिक गुणस्तर उकास्न र व्यवस्थापन गर्न आवश्यक बजेट तथा कार्यक्रम अगाडि बढाउने उल्लेख गरिएको छ । 

स्वास्थ्य तर्फ बोबाङ स्वास्थ्य चौकीलाई स्वास्थ्य केन्द्र स्तरको स्वास्थ्य सेवा सहित स्तरोन्नति गर्ने, नगर भित्रका ज्येष्ठ नागरिक, अशक्त, अपांगता भएका व्यक्तिलाई लक्षित गर्दे निः शुल्क स्वास्थ्य परिक्षण र औषधि उपचार गरिने निती कार्यक्रममा उल्लेख छ । अशक्त, अपांगता भएका र दीर्घरोगीका निम्ति निः शुल्क स्वास्थ्य बीमा गर्ने, सञ्चार सूचना तथा प्रविधि कार्यक्रम अन्र्तगत नगरपालिकाको सूचना प्रविधिमैत्री बनाउने, डिजिटल प्रोफाइलको रुपमा विकास गर्ने, स्थानीय सञ्चार माध्यमको संस्थागत क्षमता विकास अभिवृद्धिमा सहयोग गर्ने, स्थानीय सञ्चार माध्यमसँग सहकार्य गरी नगरका सूचना ,लोक कल्याणकारी विज्ञापन प्रकाशन प्रसारण गर्ने निती कार्यक्रममा उल्लेख गरिएको छ । 

नगरपालिकाले उद्योग तथा वाणिज्य, पर्यटन, श्रम तथा रोजगार, शिक्षा, स्वास्थ्य, खानेपानी तथा सरसफाइ, संस्कृति तथा सम्वर्द्धन, लैङ्गिक समानता तथा सामाजिक समावेशीकरण, युवा तथा खेलकुद, सडक तथा यातायात, उद्यम विकास, संस्थागत विकास सेवा प्रवाह र सुशासन जस्ता कार्यक्रमलाई निती कार्यक्रममा समावेश गरिएको हो ।

 असार ६ गते

बागलुङको तमानखोला गाउँपालिका विभिन्न माध्यमिक विद्यालयमा अध्ययनरत विद्यार्थीका निम्ति कुलत तथा दुर्व्यसनी विरुद्धको सचेतना मूलक सडक नाटक प्रर्दशनी कार्यक्रम सञ्चालन गरिएको छ ।

तमानखोला गाउँपालिकाको आयोजना, पोखरा थ्रिएटरको प्रस्तुती तथा इलाका प्रहरी कार्यालय बुर्तिबाङको समन्वयमा जनजागृर्ति माध्यमिक विद्यालय र शान्ति माध्यमिक बिधालय खुङ्खानीमा कुलत तथा दुर्व्यसनी विरुद्धको सचेतना मूलक सडक नाटक प्रर्दशनी कार्यक्रम सम्पन्न भएको छ ।

त्यस्तै  धनगौज्वति माध्यमिक विद्यालयमा कार्यक्रम भएको  गाउँपालिकाले जनाएको हो । सानै उमेरमा संगत र लहलहैमा लागेर विद्यार्थीहरू कुलत जस्ता नकारात्मक दुर्व्यसनीमा फस्न सक्ने अवस्थालाई मध्यनजर राख्दै विद्यार्थी समयमै नै सचेत बनाउने उद्देश्यले कार्यक्रमको आयोजना गरिएको गाउँपालिका अध्यक्ष जोकलाल बुढाले बताउनु भयो ।

विशेष गरि कक्षा ८ देखि १० सम्म पढ्ने बालबालिका कुलत र दुर्व्यसनीमा फस्ने बताउँदै उक्त समयमा विद्यार्थी समेत सचेत बन्नुपर्ने र विद्यालय देखि अभिभावकले उनीहरूको आनीबानी र व्यवहारमा निगरानी राख्नुपर्नेमा वक्ताहरूले जोड दिएका हुन ।

तमानखोला गाउँपालिकाले प्रत्यक बर्ष सचेतना मूलक कार्यक्रम गर्दे आइरहेको पाइएको छ । जनजागृर्ति माध्यमिक विद्यालयमा आयोजित कार्यक्रम विद्यालय व्यवस्थापन समिति अध्यक्ष धुव्र शेरचनको अध्यक्षता, गाउँपालिका अध्यक्ष जोकलाल बुढाको प्रमुख आतिथ्यता, उपाध्यक्ष हिराकुमारी छन्त्याल, प्रमुख प्रशासकीय अधिकृत ईश्वरलाल शाक्य, जिल्ला सम्मोन्य समिति सदस्य , वडा नम्बर २ का अध्यक्ष नारायण सुनार, वडा नम्बर १ का थम बहादुर रोका, कार्यपालिका सदस्य हिकमत जक्तपुरी, इलाका प्रहरी कार्यालय बुर्तिबाङका प्रमुख राजकुमार बिक, जनजागृति माविका प्रअ वेद बहादुर बुढा लगायतले मन्तव्य राख्दै कुलत र लागुपर्दाथ दुर्व्यसनले व्यक्ति , परिवार र समाजमा धेरै नकारात्मक असर गरिरहेको बताउँदै त्यसको न्यूनिकरणका निम्ति सबैले ध्यान दिनुपर्नेमा जोड दिएका हुन ।

कार्यक्रम शिक्षक गीता भुसाल खरेलले सञ्चालन गर्नुभएको हो । त्यस्तै वडा नम्बर ५ को शान्ति  माध्यमिक विद्यालयमा आयोजित कार्यक्रम विद्यालय व्यवस्थापन समिति अध्यक्ष लिला जंग छन्त्यालको अध्यक्षता, गाउँपालिका अध्यक्ष जोकलाल बुढाको प्रमुख आतिथ्यता, उपाध्यक्ष हिरा कुमारी छन्त्याल, वडा अध्यक्ष हिरा बहादुर सिर्पाली लगायतको आतिथ्यता एवम् मन्तव्य रहेको थियो ।