बागलुको निसीखोला गाउँपालिका ४ स्थित योगी थुम्कामा वैदिक सनातन धर्मको संरक्षण तथा शिव मन्दिरको संरक्षनार्थ महायज्ञ गर्ने गरी आवस्यक तयारी अगाडि बढाइएको छ ।

फागुन २४ देखि चैत्र २ गतेसम्म सञ्चालन हुने महायज्ञको माध्यमबाट मन्दिर व्यवस्थापन, १०८ शिवलिग स्थापना, शिव मन्दिर, पक्की संरचना निर्माण, नृत्य पुजा सञ्चालानार्थ महायज्ञ कार्यक्रमको आयोजना गरिएको मुल आयोजक समितीका अध्यक्ष तारानाथ पौडेलले बताउनु भयो ।

समितीले प्रचार प्रसार, स्थल व्यवस्थापन लगायतको कार्यक्रमको तयारी भइरहेको समितीका सचिब टिकानिधी पौडेलले बताउनु भयो ।

फागुन २३ गते

ढोरपाटन बागलुङको ढोरपाटन नगरपालिकाले शैक्षिक सत्र २०८२ देखि पठन पाठन हुने गरी कक्षा ६ देखि ८ सम्मको स्थानीय पाठ्यक्रम तयारी गर्न थालेको हो । कक्षा १ देखि ५ सम्म पठन पाठनलाई अगाडि बढाएको पालिकाले ६–८ को पाठ्यक्रम निर्माणको पहिलो मस्यौदा माथि छलफल अगाडि बढाएको हो ।

आगामी शैक्षिक सत्रदेखि सुरु हुने गरी तयार पार्न लागिएको पाठ्यक्रमको मस्यौदामाथि शुक्रबार छलफल अगाडी बढाइएको हो । आधारभुत र माध्यमिक तहका विद्यालयका प्रधानाध्यापक , शिक्षा समिती, शिक्षा शाखाका कर्मचारी लगाएतको उपश्थितीमा कार्यक्रम सुरु भएको हो ।

गत पौष महिनामा कार्यशाला गोष्ठी आयोजना गरेको शिक्षा शाखाले निर्माण हुन लागिरहेको पाठ्यक्रमको विषयमा जानकारी गराउने, मस्यौदा लेखन लगाएतका विषयमा सहजिकरण हुने जनाइएको छ । काठमान्डौ स्थित संकल्प अध्यन केन्द्रले सहजिकरण गर्ने गरी जिम्मेवारी दिइएको उक्त पाठ्यक्रममा ढोरपाटन नगरपालिकाको विभिन्न विषयलाई समावेश गरिने भएको हो । १२८ पाठ्यघण्टा निर्धारण गरिएको कोर्षमा ऐतिहासिक ढोरपाटन, स्थानीय चाडपर्व,संस्कृर्ती र सम्पदा ,स्थानीय पेशा, व्यवसाय र उद्योग, वातावरण संरक्षण, सामाजिक मूल्य , मान्यता र संस्कार, पर्यटन, प्रकोप तथा विपद व्यवस्थापन, सामाजिक सचेतना लगायतका विषयमा कोर्ष तयार हुने भएको सहजकर्ता रविन्द्र आर्चायले बताउनु भयो ।

आयोजीत उद्‌घाटन सत्रको कार्यक्रमलाई ढोरपाटन नगरपालिका कार्यवाहक मेयर धन बहादुर कायतले सम्बोधन गर्दे बालबालिकालाई स्थानीय क्षेत्रको विषयमा जानकारी गराउन सकेमा मात्र व्यवहारीक हुने र यहाँको परिवेश, अवस्था, विकास लगाएतका विषयमा ज्ञान हुने भएका कारण नगरपालिको कक्षा १ देखि ८ सम्म स्थानीय पाठ्यक्रम निर्माण गरेर लागु गर्न थालेको बताउनु भयो ।

कायतले थप बोल्दै सामुदायिक विद्यालयको शैक्षिक गुणस्तर उकास्न केही विद्यालय सक्रिय पूर्वक लागिपरेको देखिएको र सबै विद्यालयले असल कुरालाई सिको गर्दे अगाडी बढ्न आग्रह गर्दे नगरपालिकाले राम्रो परिणाम देखिने गरी अगाडी बढेमा शिक्षामा लगानी गर्न कुनै कन्जुस्याईँ नगर्ने बताउनु भयो । कार्यक्रमका अध्यक्ष समेत रहनु भएको ढोरपाटन नगरपालिका प्रमुख प्रशासकीय अधिकृत चिरञ्जीवी घिमिरेले शिक्षा ऐन लागू भएसंगै शिक्षा क्षेत्रको विकासमा अव केहि परिवर्तन हुनेमा आफुहरु आशावादी रहेको बताउनु भयो ।

विद्यालयमा व्यवस्थापन समिती र प्रधानाध्यापक विच सुमधुर सम्बन्ध नदेखिएको पाइएको बताउँदै त्यसमा शिक्षक प्रधानाध्यापक सच्चियर अगाडी बढ्न आग्रह गर्नुभयो । कार्यक्रममा नगरपालिका भरका सामुदायिक र संस्थागत विद्यालयका प्रध्यानाध्यापक, जनप्रतिनिधी, कर्मचारी लगाएतको उपश्थिती रहेको थियो ।कार्यक्रम ज्ञानेन्द्र सापकोटाको सञ्चालनमा सम्पन्न भएको हो । 

फागुन १८ गते ढोरपाटन

इलाका प्रशासन कार्यालय बुर्तिबाङमा कार्यालय प्रमुख बिहिन बन्दा गत फागुनको ४ गतेदेखि सबै कामकाज ठप्प बनेको छ । गृह मन्त्रालयले समयमा कर्मचारी पठाउन नसक्दा पश्चिम बागलुङका ४ पालिकाका नागरिकले निरन्तर सास्ती खेप्दै आएका हुन ।

कार्यालयबाट प्रवाह हुने नागरिकता, राजधानी, नागरिकता प्रतिलिपि, अभिलेख पठाउने, दलित, जनजाति प्रमाणित, दुई नामथर प्रमाणित, राष्टिय परिचय लगायत कार्यालयबाट प्रवाह हुने सबै प्रकारका सेवा ठप्प भएको पाइएको छ । सेवाग्राही दैनिक रुपमा आइरहनुहुन्छ कार्यालय प्रमुख आउने टुँगो नहुँदा सेवा नदिई हुर्काउनुपर्ने बाध्यता छ इलाका प्रशासन कार्यालयका सहायक कम्प्युटर अप्रेटर पवन खाम्चाको भनाई छ ।

उता बागलुङका प्रमुख जिल्ला अधिकारी नेत्र प्रसाद सुवेदीका अनुसार यसै हप्ता आउने भन्ने जानकारी प्राप्त भएपनि कर्मचारी नआउँदा आफूले पनि ध्यानाकर्षण गराइरहेको बताउनु भयो । गृह मन्त्रालयबाट फागुन १० गते नै बरिष्ठ सुब्बा नरेश पुडासैनीलाई पठाउने भनिए पनी हालसम्म पुडाशैनी कार्यालयमा आउनु भएको छैन ।

पुडासैनीलाई ढोरपाटन टाइम्सबाट फोन मार्फत सरकारले पठाएको क्षेत्रमा किन अझै कार्यालयमा नआउनु भएको भनी सोध्दा आफू हाल बिदामा घरमा रहेको र बुर्तिबाङ आउने नआउने टुँगो अझै नभएको बताउनु भयो । बुर्तिबाङ दुरीको हिसाबले टाढा रहेका कारण सकभर नजिकै खोजीरहेको र अन्यत्र व्यवस्था नभएको खण्डमा अर्का हप्ताको बुधबार सम्म आउन सक्ने बताउनु भयो ।

पुडासैनीले पारिवारिक समस्या देखाउँदै आउने नआउने विषयमा अन्यौलता रहेको बताउनु भएको हो । । कर्मचारीको कारण अझै कति समय नागरिकले सास्ती खेप्नुपर्ने हो यो विषयमा स्थानीय सरकार, यहाँबाट निर्वाचित जनप्रतिनिधि र राज्यले नै सोच्नुपर्ने होला । दैनिक पचास जना भन्दा बढि सेवाग्राहीले सेवा लिने कार्यालयमा कर्मचारी नहुँदा यहाँका नागरिकले निरन्तर सास्ती खेपिरहेको स्थानीय ज्ञान प्रसाद कँडेलको भनाई छ ।

फागुन १८ गते ढोरपाटन
बागलुङको  ढोरपाटन नगरपालिकाले कृषकलाई ५० प्रतिशत अनुदानमा यान्त्रिक हलो वितरण गरेको छ। यान्त्रिकीकरणमार्फत कृषकलाई व्यावसायिक र कृषि पेसातर्फ उन्मुख गराउन मिनी टिलर प्रदान गरिएको  नगरपालिका कार्यवाहक मेयर धन बहादुर कायतले बताउनु भयो ।

कार्यवाहक मेयर कायतका अनुसार १९ जना कृषकलाई मिनी टिलर (हलो) वितरण गरिएको हो। आधुनिक प्रविधिसँगै खेतबारी जोत्न सजिलो होस् भनेर मागमा आधारित भएर कृषकलाई अनुदानमा हलो वितरण गरिएको कायतको भनाई छ ।
गाउँमा खनजोतका लागि गोरुको अभाव र जनशक्तिसमेत नरहेकाले किसानको माग यान्त्रिक हलो भएकाले वितरण गरिएको उहाँले बताउनुभयो।

डिजेल वा पेट्रोलबाट चल्ने तथा कम जनशक्ति भए पनि पुग्ने भएकाले यसतर्फ कृषकको आकर्षण बढेको उहाँको भनाइ छ। उता मिनि टेलर प्रयोग गर्न सम्भव नहुने स्थानमा हलगोरु पाल्न प्रोत्साहन गरेका छौँ । हलगोरु पाल्ने किसानलाई समेत प्रोत्साहन गर्ने गरी अनदान उपलब्ध गराउने गरी आवस्यक तयारी अगाडी बढाइएको कायतले बताउनु भयो ।

माग र आवश्यकताका आधारमा किसानलाई मिनिटेलर हलो वितरण गरिएको नगरपालिका  कृषि शाखा प्रमुख रोशन बलायरले जानकारी दिनुभयो। उहाँले कृषिलाई यान्त्रिकीकरणमा जोडी उत्पादन लागत घटाउन यो कार्यक्रम प्रभावकारी हुने बताउनुभयो। वडाको सिफारीस अनुसार २१ जनाको आवेदन आएकोमा फिल्डमा पुगेर अध्यन गरिसकेपछि १९ जनालाई अनुदानमा मिनि टिलर उपलब्ध गराइएको बलायरको भनाई छ ।

फागुन १७ गते बुर्तिबाङ
बागलुङ जिल्लाको निसीखोला गाउँपालिका ३ मा रहेका विभिन्न विद्यालयको आयोजनामा विद्यार्थीको क्षमता र प्रतिभा प्रस्फुटन गर्ने उदेश्य सहित असल अभ्यास प्रर्दशनी मेला २०८१ सम्पन्न गरिएको हो ।

स्थानीय प्रभा माध्यमिक विद्यालय, पशुपती आधारभुत विद्यालय र बोहोरागाउँ आधारभुत विद्यालयको आयोजना, निसीखोला गाउँपालिका ३ नम्बर वडा कार्यालय ,क्यारेन ट्रस्ट युके र साथी नेपालको सहकार्यमा कार्यक्रम आयोजना गरिएको हो ।
पर्दशनी मेलामा स्थानीय प्रावि तहका शिक्षक, विद्यार्थी र अभिभावकले तयार पारेका विभिन्न कलात्मक चित्र, नक्सा, लगायतका सिप, कलाबाट निर्मित सामाग्रि स्टलमार्फत पर्दशनी गरिएको हो ।

यस्तो प्रकारका कार्यक्रमकले विद्यार्थीको अध्ययन संगै सिकाई उपलब्धीमा समेत टेवा पुग्ने अपेक्षा गरिएको छ ।
कार्यक्रममा स्थानीय अभिभावक, शिक्षा प्रेमी, शिक्षक लगायतको अवलोकन रहेको थियो ।

कार्यक्रममा वडा नम्बर ३ का अध्यक्ष रमेश विक्रम शाही ,क्यारेन ट्रस्ट युकेका पेम्बा तामाङ र साथी नेपालका सोनी पौडेलको उपश्थिती रहेको थियो ।
कार्यक्रम प्रभा माध्यमिक विद्यालयको प्राङगणमा सम्पन्न भएको विद्यालयका प्रध्यानाध्यापक नवराज आर्चायले बताउनु भयो ।

बुर्तिबाङ फागुन १७

नेपाल रेडक्रस सोसाइटी उपशाखा बुर्तिबाङको आयोजनामा विद्यालय प्राथमिक उपचार तालिम शनिबार सम्पन्न भएको छ ।

शुक्रबार देखि सुरु भएको तालिममा ढोरपाटन नगरपालिका अन्र्तगत रहेका विभिन्न १२ विद्यालयका जुनियर रेडक्रस सर्कलका विद्यार्थी र शिक्षक नायक गरी ४० जनाको सहभागिता रहेको हो ।

तालिमलाई सफल पार्न नेपाल रेडक्रस सोसाइटी बागलुङ शाखाको समन्याय, नेपाल रेडक्रस सोसाइटी गण्डकी प्रदेशको प्राविधिक सहयोग रहेको हो ।

तालिममा विद्यार्थी र शिक्षक नायकलाई विभिन्न घटना दुर्घटना हुँदाको अवस्थामा प्राथमिक उपचार र व्यवस्थापन कसरी गर्न सकिन्छ भन्ने विषयमा प्रयोगात्मक र सैद्धान्तिक विधि सहित प्रशिक्षण दिइएको हो । नेपाल रेडक्रस सोसाइटी गण्डकी प्रदेशका महासचिव रामदत्त पौडेलका अनुसार प्राथमिक उपचारको उद्देश्य, सिद्धान्त, घाइतेको परिक्षण, गला लाग्नु, बेहोसी, रक्तश्राव, शरीरका विभिन्न भाग दुर्घटनाबाट भाँचिएको, पोलिएको, जनावरको टोकाई, किराको टोकाई, घारे र पट्टी, घाइतेलाई उद्धार र व्यवस्थापन, मनो सामाजिक प्राथमिक उपचार लगायतका विषयमा प्रशिक्षण दिइएको बताउनु भयो ।

तालिमलाई नेपाल रेडक्रस सोसाइटी गण्डकी प्रदेशका उप महासचिव कृष्ण चन्द्र पाण्डेले समेत प्रशिक्षण दिनुभएको हो । तालिम लिइ सकेपश्चात अबको दिनमा आफूहरूले सिकेका ज्ञान र सीपलाई आफू, परिवार, विद्यालय र समाजमा सक्रिय पूर्वक व्यवहारमा उतार्ने बताउँदै नेपाल रेडक्रस सोसाइटी उपशाखा बुर्तिबाङले आयोजना गरेको यस्तो तालिम अतिनै महत्वपूर्ण रहेको शिक्षक र विद्यार्थीले बताएका हुन ।

कार्यक्रमका नेपाल रेडक्रस सोसाइटी जिल्ला सभापति जगन्नाथ आर्चाय, ढोरपाटन नगरपालिका वडा नम्बर १ का अध्यक्ष वान बहादुर छन्त्याल लगायतको आतिथ्यता रहेको थियो । तालिमलाई सफल पार्न सहयोग गर्ने सहयोगी व्याक्ति, संस्थालाई धन्यबाद ज्ञापन गर्दे रेडक्रसको माध्यमबाट आफूहरूले यस क्षेत्रमा धेरै सामाजिक कार्य गरिरहेको नेपाल रेडक्रस सोसाइटी बुर्तिबाङ उपशाखा सभापति पुरन पाण्डेले बताउनु भयो ।

आफूहरूले सञ्चालन गरिरहेको कार्यक्रमलाई सहयोग गर्ने सहयोगी सबैलाई धन्यबाद ज्ञापन गर्दे आगामी दिनमा पनि यस्ता कार्यक्रम गर्दे जाने बताउनु भयो ।

शनिबार आयोजित समापन सत्रको कार्यक्रम नेपाल रेडक्रस सोसाइटी गण्डकी बुर्तिबाङ उपशाखा सभापति पुरन पाण्डेका अध्यक्षता, नेपाल रेडक्रस सोसाइटी गण्डकी प्रदेशका महासचिव रामदत्त पौडेलको प्रमुख आतिथ्यता, नेपाल रेडक्रस सोसाइटी गण्डकी प्रदेशका उप महासचिव कृष्ण चन्द्र पाण्डे, नेपाल रेडक्रस सोसाइटी बागलुङ जिल्ला सभापति जगन्नाथ आर्चाय, ढोरपाटन नगरपालिका वडा नम्बर १ का अध्यक्ष वान बहादुर छन्त्याल, नेपाल रेडक्रस सोसाइटी उपशाखा सल्लाहकार निम बहादुर जिसी, पत्रकार छविलाल पाण्डे, लोकेन्द्र सुनार लगायत नेपाल रेडक्रस सोसाइटी उपशाखा बुर्तिबाङका सल्लाहकार , पदाधिकारी, सहयोगी दाता लगायतको आतिथ्यता रहेको थियो ।

कार्यक्रम सचिव गीता कुमारी घिमिरेले सञ्चालन गर्नुभएको हो ।