६ वैशाख

राष्ट्रिय स्वतन्त्र पार्टी (रास्वपा) ले वैशाख १५ गतेदेखि जिल्ला अधिवेशन सुरु गर्ने भएको छ ।

आइतबार बसेको पार्टीको सचिवालय बैठकले वैशाख १५ बाट जिल्ला अधिवेशन सुरु गर्ने निर्णय गरेको प्रवक्ता मनिष झाले जानकारी दिए । पार्टी केन्द्रीय कार्यालयमा सचिवालय बैठक बसेको थियो ।

रास्वपाको भोलि (सोमबार) केन्द्रीय समिति बैठक बस्दैछ । केन्द्रीय समितिमा सचिवालय बैठकका एजेन्डा अनुमोदन गर्ने कार्यसूची तय भएको छ ।

 गण्डकी प्रदेश सरकारका आर्थिक मामिला मन्त्री जित शेरचनले आफ्नो यो कार्यकाल सुजबुझ र जिम्मेवार पूर्वक पुरा गर्ने बताउनु भएको छ ।

आइतबार आफ्नो जन्म क्षेत्र बुर्तिबाङ आउनु भएका मन्त्री शेरचनले नेपाली काँग्रेस ढोरपाटन नगर समिति र वडा समिति द्धारा आयोजित शुभकामना आधान प्रदान कार्यक्रममा बोल्दै विगतमा पहुँचका आधारमा विगतमा बजेट विनियोजन हुँदै गर्दा अव आवश्यकताको आधारमा विकास गरिने र पारदर्शितालाई पहिलो प्राथमिकता दिएका काम गर्ने बताउनु भयो ।

पोखरालाई अन्तराष्ट्रिय एयरपोर्टलाई चिन र भारतबाट सिधै उडान हुने गरी व्यवस्था  गरेर गण्डकी प्रदेशको पर्यटन सम्भावनालाई अगाडि बढाउन थप पहल गरिने बताउनु भयो । 

गण्डकी प्रदेशका सबै क्षेत्रलाई आवश्यकताको आधारमा विकास गरिने र बागलुङको विकासमा थप परिणाम देखिने गरी काम गरिने बताउँदै आफू आर्थिक मामिला मन्त्री बन्दैमा ठुलो विकासको अपेक्षा नराख्न जनप्रतिनिधि र कार्यकर्तालाई आग्रह गर्नुभएको हो ।

केन्द्र सरकार समक्ष पनि उत्तरगङ्गा जलाशय युक्त बनाउन ध्यानाकर्षण गराइसकेको र सडक, विधुत, सुरुङमार्ग, कृषि र पर्यटनको विकासमा गण्डकी प्रदेश सरकार अगाडि बढ्ने बताउनु भयो। 

 विधुत आयोजना निर्माणका निम्ती संघ सरकार अर्थमन्त्रालयबाट सकारात्मक राय आएका कारण यो आयोजना अगाडि बढाउन आफू र यस क्षेत्रबाट निर्वाचित प्रदेश र संघका सबै जनप्रतिनिधि एकै ठाउँमा भएर पहल गरिने बताउनु भयो । साथै उहाँले थप बोल्दै नेपाली कांग्रेस एक ढिक्का हुनुको विकल्प नभएको बताउँदै पार्टीमा विभिन्न समयमा उतार चढाब आएपनि त्यसलाई सामना गरेर अगाडि बढ्नुको विकल्प नरहेको बताउनु भयो । 

कार्यक्रममा जनप्रतिनिधि, नेता कार्यक्रमका लगायतका उपस्थिति र शुभकामना मन्तव्य रहेको थियो ।

भारत सरकारको सहयोगमा बागलुङको बडिगाड गाउँपालिका स्थित भिमगिठे स्वास्थ्य चौकीको भवन शिलान्यास गरिएको छ ।

बडिगाड गाउँपालिका–७ मा रहेको भिमगिठे स्वास्थ्य चौकी भवन निर्माणका लागि बिहीबार शिलान्यास गरिएको छ । बडिगाड गाउँपालिकाका अध्यक्ष गण्डकी थापा अधिकारी र काठमाडौं स्थित भारतीय राजदूतावासका द्वितीय सचिव अजय कुमार सिंहले संयुक्त रूपमा शिलान्यास गर्नुभएको हो ।

रु।२ करोड ५० लाख लागतमा निर्माण हुन लागेको उक्त स्वास्थ्य चौकी उच्च प्रभाव सामुदायिक विकास परियोजना कार्यक्रम अन्तर्गत बडिगाड गाउँपालिका मार्फत कार्यान्वयन गरिनेछ ।

नेपाल–भारतबीचको द्विपक्षीय सहकार्यअन्तर्गत यस्ता परियोजनाले स्थानीय पूर्वाधार विकाससँगै समृद्धि प्रवद्र्धनमा टेवा पुग्ने बडिगाड गाउँपालिकाका अध्यक्ष गण्डकी थापा अधिकारीले जानकारी दिनुभयो ।

भारतीय राजदुतावास र बागलुङको बडिगाड गाउँपालिका बीच भवन बनाउनेगरी कात्तिक २४ गते सम्झौता भएको थियो ।

गण्डकी प्रदेश सरकारमा बुधबार मन्त्रिपरिषद् पुनर्गठन गरिएको छ । पुनर्गठनसँगै नेपाली कांग्रेस र नेकपा एमाले दुवै दलबाट नयाँ मन्त्रीहरू नियुक्त भएका छन् ।

नेपाली कांग्रेसका तर्फबाट जित शेरचन अर्थमन्त्री बनेका छन् शेरचन बागलुङ क्षेत्र नम्बर २ प्रदेश सभा १ बाट नेपाली कांग्रेसबाट निर्वाचित सांसद हुन भने नन्दप्रसाद न्यौपाने ऊर्जा, जलस्रोत तथा खानेपानी मन्त्री नियुक्त भएका छन् ।

नम्डु गुरुङ सामाजिक विकास, युवा तथा खेलकुद मन्त्री तथा रेखा गुरुङ वन तथा वातावरण मन्त्री बनेकी छिन् ।

नेकपा एमालेका तर्फबाट गोविन्दबहादुर नेपाली भौतिक पूर्वाधार विकास तथा यातायात व्यवस्था मन्त्री बनेका छन् । यशोदा रिमाल उद्योग तथा पर्यटन मन्त्री, लक्ष्मण पाण्डे कृषि, भूमि व्यवस्था तथा सहकारी मन्त्री तथा भीम कार्की स्वास्थ्य मन्त्री नियुक्त भएका छन् ।

यसअघि कृषि मन्त्रालय पद्मा जिसी, स्वास्थ्य मन्त्रालय कृष्ण पाठक, भौतिक पूर्वाधार मन्त्रालय प्रकाश केसी र उद्योग तथा पर्यटन मन्त्रालय मित्रलाल बस्यालले सम्हाल्दै आएका थिए । त्यस्तै, अर्थ मन्त्रालय डा. टकराज गुरुङ, सामाजिक विकास मन्त्रालय विन्दुकुमार थापा र वन तथा वातावरण मन्त्रालय भेषबहादुर पौडेल मन्त्री रहेका थिए ।

 चैत्र ३० गते बुर्तिबाङ

निसीभुजी जनता क्याम्पस बुर्तिबाङको क्याम्पस प्रमुखको रुपमा कमल भुसाल चयन हुनुभएको छ ।

३ जना प्रतिस्पर्धी मध्ये शनिबार भएको अन्तरवार्तामा बुर्तिबाङ निवासी भुसाल क्याम्पस प्रमुख छनौट समिती मार्फत क्याम्पस प्रमुखको रुपमा छनौट हुनुभएको हो ।

डबल डिग्री सँगै एमफिल गरेका भुसालले टीयू मार्फत अङ्ग्रेजी विषयमा र व्यवस्थापन विषय जर्मनीबाट मास्टर्स उर्तिण गर्नुका साथै पोखरा युनिभर्सिटीबाट एमफिल उर्तिण गर्नुभएको छ ।

लामो समय शिक्षण सँगै सामाजिक क्षेत्रमा सक्रिय भुसालले क्याम्पसलाई थप व्यवस्थित गर्दे अगाडि बढ्ने प्रतिबद्धता जनाउनु भएको छ ।

नतिजालाई प्राथमिकता दिने, स्थानीय पालिका ,विभिन्न निकाय संग समन्वय गर्ने, र विद्यार्थी सङ्ख्या वृद्धि सँगै गुणस्तरलाई समेत प्राथमिकता दिएर अगाडि बढिने उहाँले बताउनु भयो ।

चैत्र २८ गते निसीखोला 

निसीखोला गाउँपालिका ३ र ४ स्थित झिवाखोला बजार तथा आसपासका क्षेत्रमा  रंगिन यूवा क्लबको सहकार्य तथा विवाइसी द्धारा सञ्चालित दिगो पर्यटन पर्वद्धन परियोजनाको सहयोगमा शनिबार सरसफाई कार्यक्रम सम्पन्न गरिएको छ । 

बजार क्षेत्रको विकास र विस्तार संगै बजार क्षेत्रमा फोहोर बढ्न थालेपछि क्लबले सरसफाई अभियान अगाडी बढाएको हो । बजार स्थित मध्यपहाडी लोकमार्ग मार्ग आसपासका नाली, बजार क्षेत्रमा फालिएका प्लास्टिक जन्य फोहोर व्यवस्थापन गरिनुका साथै सचेतना अभिबृद्धि गरिएको छ ।
आगामी दिनमा समेत नियमित रुपमा सरसफाई कार्यक्रम गर्ने लक्ष्य लिइएको क्लब अध्यक्ष स्याम शाहीले बताउनु भयो ।

क्बलले मेला लगाउने मात्र नभई सामाजिक क्षेत्रमा पनी योगदान आवस्यक रहेको र रंगिन यूवा क्लबले यस्ता सामाजिक कार्यलाई निरन्तरता दिन आवस्यक रहेको निसीखोला ३ का अध्यक्ष रमेश विक्रम शाहीले बताउनु भयो ।

 कार्यक्रममा क्लबका पदादिकारी, जनप्रतिनिधि  टोल विकास संस्थाका पदाधिकारी, स्थानीय समाजसेवी, विवाइसी द्धारा सञ्चालित दिगो पर्यटन पर्वद्धन परियोजनाका कर्मचारी लगायतको सहभागितामा कार्यक्रम सम्पन्न गरिएको हो ।

परियोजनाले दिगो विकास, समाज रुपान्तरण, उद्यम, तथा सिप विकासमा महत्वपूर्ण काम गर्दे आइरहेको झरना शाही मल्लले बताउनु भयो । वातावरण संरक्षणमा जनचेतना बृद्धि गर्ने उदेश्य स्वरुप स्थानीय नागरिकको सहभागितामा सरसफाई कार्यक्रम अगाडी बढाइएको हो । 

छविलाल पाण्डे चैत्र २८ गते

राष्ट्रिय स्वतन्त्र पार्टी -रास्वपाले बागलुङमा सङ्गठन विस्तारलाई तिव्रता दिएको छ । आगामी बैशाख मसान्त सम्म बागलुङ २ को ४८ वटै वडामा नयाँ समिति गठन गर्ने गरी अगाडि बढिएको जिल्ला उपसभापति ढालेन्द्र रायमाझीले बताउनु भयो ।

हालसम्म २६ वडामा समिति गठनले पूर्णता पाएको हो । क्षेत्रीय सभापति दीपक घर्ती मगर संयोजक रहेको ५ सदस्य समिति मार्फत वडा तहमा सङ्गठन विस्तारको काम भइरहेको हो । हालसम्म ढोरपाटन नगरपालिकाको वडा नम्बर १,२,४,५ र ९ नम्बर वडामा समिति गठन भइसकेको छ ।

शनिबार वडा नम्बर ६ मा नेतृत्व चयन गरिने र ३,७ र ८ मा चाँडै टुङ्ग्याइने क्षेत्रीय सभापति दीपक घर्तिले बताउनु भयो । त्यस्तै ताराखोला गाउँपालिका वडा नम्बर ३ , गल्कोट नगरपालिका १,२,३,४,६,७,१० नम्बर वडामा समिति गठन भइसकेको छ ।

बडिगाड गाउँपालिका १,२,५,६ र ७ नम्बर निसीखोला गाउँपालिकाको १,२,३,४ र ७ नम्बर र तमानखोला गाउँपालिका १,२ र ५ नम्बर वडामा वडा समिति गठन पुरा भएको पाइएको हो ।

कम्तिमा ११ सदस्य देखि २१ सदस्य सम्म वडा समिति गठन गरिएको र वडाको सम्पन्न पश्चात जेठ मसान्त भित्र सक्ने गरी पालिका स्तरीय समिति गठन हुने उपसभापति रायमाझीले बताउनु भयो ।

राष्ट्रिय परिचयपत्र तथा पञ्जिकरण विभागको आयोजनामा शुक्रबार बुर्तिबाङमा राष्ट्रिय परिचयपत्र कार्ड वितरण अभियान समन्वय गोष्ठी सम्पन्न भएको छ ।

२०७९ सालदेखि वडा तहमा राष्ट्रिय परिचयपत्र को फारम भरेका तर हालसम्म राष्ट्रिय परिचयपत्र नपाएका नागरिकलाई लक्षित गर्दे वडा तहबाटै  कार्ड हस्तान्तरण गर्ने उद्देश्य सहित स्थानीय तहका जनप्रतिनिधि, प्रमुख प्रशासकीय अधिकृत लगायतको बिचमा कार्यक्रमलाई समन्वय गर्ने विषयमा छलफल तथ समन्वय कार्यक्रम गरिएको हो ।

ढोरपाटन नगरपालिका, बडिगाड गाउँपालिका, निसीखोला गाउँपालिका, तमानखोला गाउँपालिका अन्र्तगत सबै वडामा पुगेर प्राविधिक टोलीले बनेको कार्ड सम्बन्धित व्यक्तिलाई हस्तान्तरण गर्ने, हालसम्म राष्ट्रिय परिचयपत्र को फारम नभरेका नागरिकको फारम भरेर प्रकृया अगाडि बढाउने गरी कार्यक्रम अगाडि बढाइने राष्ट्रिय परिचयपत्र तथा पञ्जिकरण विभागका निर्देशक तुल्सी प्रसाद दाहालले बताउनु भयो ।

४ वटा पालिकाको हालसम्म इलाका प्रशासन बुर्तिबाङ मार्फत १८ हजार र वडागत रुपमा २६ हजार १३६ जनाको राष्ट्रिय परिचयपत्र वितरण गर्ने कार्यक्रम रहेको छ ।

वितरण गर्ने टोलीले वडामा समन्वय गरेपछि वडाले सम्बन्धित नागरिकलाई जानकारी गराएर कार्ड हस्तान्तरण गरिने जनाइको छ । सम्बन्धित व्यक्तिले मात्र राष्ट्रिय परिचयपत्र प्राप्त गर्न सक्ने भएको शाखा अधिकृत देवचन्द्र बर्तौलाले बताउनु भयो ।

सरकारले जारी गरेको राष्ट्रिय परिचयपत्र नेशनल आईडी को प्रयोग पछिल्ला दिनमा विभिन्न क्षेत्रमा बढ्दै गएको छ। नागरिकको एकीकृत पहिचान सुनिश्चित गर्ने उद्देश्यले सुरु गरिएको यो प्रणाली अब सरकारी तथा निजी सेवामा क्रमशः अनिवार्य बन्दै गएको हो।

राष्ट्रिय परिचयपत्रलाई आधिकारिक नागरिक पहिचानका रूपमा प्रयोग गर्न थालिएको छ। राहदानी बनाउने, सामाजिक सुरक्षा भत्ता लिनेदेखि लिएर प्यान दर्ता जस्ता सेवामा यसको आवश्यकता पर्ने गरेको सम्बन्धित निकायले जनाएको छ।

त्यसैगरी, बैंक तथा वित्तीय संस्थाहरूमा खाता खोल्दा ‘नो योर कस्टमर’ (KYC) प्रक्रिया पूरा गर्न पनि राष्ट्रिय परिचयपत्र प्रयोग हुन थालेको छ। मोबाइल सिम कार्ड वितरण र नवीकरणमा समेत यसको प्रयोग बढ्दै गएको छ।

निर्वाचन आयोगले भविष्यमा मतदाता परिचयपत्रको विकल्पका रूपमा राष्ट्रिय परिचयपत्र प्रयोग गर्ने तयारीसमेत अघि बढाएको जनाएको छ।

सरकारले डिजिटल नेपाल अभियान अन्तर्गत अनलाइन सेवाहरूमा समेत राष्ट्रिय परिचयपत्रलाई एकीकृत गर्ने योजना बनाएको छ। यसबाट नागरिकले एउटै परिचयपत्रमार्फत विभिन्न सेवा सहज रूपमा लिन सक्ने विश्वास गरिएको छ।

 छविलाल पाण्डे

ढोरपाटन चैत्र २७ गते

विवाईसी अन्र्तगत दिगो पर्यटन प्रर्वद्धन परियोजनाको आयोजनामा ढोरपाटन क्षेत्रको चौतर्फी विकासका लागी सरोकारवाला निकाय सँगको छलफल परियोजना संवाद कार्यक्रम बुर्तिबाङमा शुक्रबार सम्पन्न भएको छ ।

परियोजनाले ढोरपाटन क्षेत्रको विशिष्टता लाई ध्यानमा राख्दै पर्यावरणीय , पर्यटकीय , उद्यमशीलता, र दिगो विकासका निम्ती महत्वपूर्ण कार्यक्रम गर्दे आएको छ ।

परियोजनाले शन २०२३ देखि विभिन्न कार्यक्रम गर्दे गर्दा स्थानीय तहका जनतालाई जनता प्रति थप उत्तरदायी बनाउन र दिगो विकास, उद्यम, रोजगार र सुधार गर्नुपर्ने विषयलाई ध्यानमा राख्दै ढोरपाटन क्षेत्रको सम्भावना, दुर्लभ पक्ष र सुधार गर्नुपर्ने पक्ष लगायतका विषयमा संवाद एवम् छलफल कार्यक्रम गरिएको हो ।

कार्यक्रमका अवसरमा परियोजनाले सञ्चालन गरिरहेका गतिविधि, थप व्यवस्थापकीय पक्ष संगै जनप्रतिनिधिको बिचमा आफ्नो वडाको अवस्था, सम्भावना, दुर्बल र आन्तरिक सुनार गर्नुपर्ने पक्षका विषयमा समीक्षा समेत गरिएको छ । जनप्रतिनिधि जनताप्रति संधै जिम्मेवार र आफ्नो क्षेत्रको सम्भावना, अवसर तथा सिकेका राम्रा विषयलाई नागरिकका बिचमा पुर्याउने कर्तव्य र दायित्व रहेको बताइएको हो ।

कार्यक्रममा ढोरपाटन नगरपालिका १ का अध्यक्ष वान बहादुर छन्त्याल, वडा नम्बर ३ का अध्यक्ष खिम बहादुर सुनार, वडा नम्बर ५ का अध्यक्ष दिपेन्द्र पुन, वडा नम्बर ६ का अध्यक्ष उमेश बुढा, वडा नम्बर ७ का अध्यक्ष धन बहादुर अदै , वडा नम्बर ८ का अध्यक्ष भद्रमणी सुनार , कार्यपालिका सदस्य, वडा सदस्य लगायतको सहभागिता रहेको थियो ।

कार्यक्रम परियोजनाका मूल्याङ्कन तथा अनुगमन अधिकृत विष्णु पौडेलले सहजिकरण गर्नुभएको हो ।

 ढोरपाटन नगरपालिका स्वास्थ्य शाखा र बुर्तिबाङ अस्पतालको सक्रियतामा गत हप्तादेखि नगरपालिकाको विभिन्न वडा स्थित ७१ वटा स्थानको खानेपानीको नमुना  परीक्षणको क्रममा ५५ वटा नमुनामा मानिस तथा जनावरको दिसामा पाइने दिसा जन्य कोलिफर्म ब्याक्टेरिया फेला परेको छ ।

९ वटै वडाका विभिन्न मुहान,धारो तथा ट्याङकीमा भएको पानीको नमुना परिक्षण गरिएको हो ।  ल्याब परीक्षणका क्रममा अधिकांशमा कोलिफर्म ब्याक्टेरिया फेला परेको ढोरपाटन नगरपालिका स्वास्थ्य शाखा प्रमुख भुमिश्वर शर्माले बताउनु भयो ।

नगरपालिकाले सूचना प्रकाशित गर्दे खानेपानीका मुहान सरसफाइ गर्न, मुहान आसपासमा घेराबार गर्न र सरसफाइमा सचेतना अपनाउन अपिल गरेको छ । ब्याक्टेरिया मिसिएको पानीको प्रयोगले हैजा, झाडापखाला , टाइफाइड जस्ता महामारी जन्य रोगहरू फैलन सक्ने भन्दै पानीलाई शुद्धीकरण गरेर पिउन अनुरोध गरिएको हो ।

नगरपालिकाको उपभोक्ता समितिका पदाधिकारीलाई खानेपानी मुहान सरसफाइ र व्यवस्थापन गर्न अभिभुखिकरण , सचेतना मूलक कार्यक्रम आयोजना गर्ने तयारी रहेको स्वास्थ्य शाखा प्रमुख शर्माले बताउनु भयो ।

दिसामा पाइने कोलिफर्म ब्याक्टेरिया, जुन तातो रगत भएका जनावरहरूको आन्द्रामा पाइन्छ, हानिकारक रोगजनकहरूको उपस्थितिको संकेत हो, जसले हैजा, टाइफाइड र हेपाटाइटिस जस्ता रोगहरूको जोखिम बढाउँछ।