कात्तिक १
पाँचदलिय साझा गठवन्धनको तर्फदेखि बागलुङ क्षेत्र नं. २ प्रतिनिधी सभाका उमेद्वार शिक्षा विज्ञान तथा प्रविधि मन्त्री देवेन्द्र पौडेलले देशलाई प्रतिगमनकारी तत्वबाट जोगाउन, जनताको जननिर्वाचित संविधानलाई ध्वस्त पार्ने षड्यन्त्रकारी तत्वबाट जोगाउन भएको बताउँदै देशको विकास र समृद्धि गठवन्धनले गर्ने बताउनु भयो ।
राजनैतिक रुपले वैचारिक पृथकता हुँदा हुँदै पनी साझा मुद्धामा एकठाउँमा पाँचदल हुन पुगेको बताउँदै देशलाई विध्वसं पार्ने तत्वबाट जोगाएर प्रदेश र सँघमा गठवन्धनको सरकार वनेको बताउँदै गत स्थानिय तह निर्वाचनमा समेत गठवन्धनले जित हासिल गरेको बताउंदै मंसिर ४ गते हुन लागिरहेको प्रदेश र प्रतिनिधी सभा निर्वाचनमा समेत साझा गठवन्धन निर्वाचनमा होमिएको बताउनु भयो ।
अहिले सम्मको उपलब्दी गुम्न सक्ने खतरालाई मध्यनजर राख्दै गठवन्धन भएको बताउँदै देशको विकास र सुशासन र मार्ग प्रसस्त पार्नका निम्ती गठवन्धन अवको कम्तिमा पाँच बर्ष सम्म रहने बताउनु भयो ।
देशका अधिकांस ठाउँमा गठवन्धनले जित हासिल गर्ने बताउँदै बागलुङका ४ प्रदेश सभा र २ प्रतिनिधी सभामा समेत सानदारका साथ जित हासिल गर्ने घोषणा गर्नुभयो । क्षेत्र नं. २ का जनताका समस्या, यहाँको विकास र समृद्धिका निम्ती आफुहरुले धेरै काम गर्न बाँकी रहेको बताउँदै शिक्षा, स्वास्थ, सडक, मोटरेवल पुल, कृर्षि, रोजगार जस्ता महत्वपूर्ण विषयलाई आफु र प्रदेश सभा (ख) का उमेद्वार जुझारु युवा दोर्ण कुमार कुवँरले मिलेर विकास गर्ने प्रतिबद्धता जनाउनु भयो । शिक्षा क्षेत्रमा केही काम भएको छ । सडक पूर्वाधार विकासका काम पनी कतिपय निर्माणका चरणमा छ न अझैपनी यहाँका समस्यालाई आफुहरुले मिलेर सम्वोधन गरीने बताउनु भयो । तमानखोला गाउँपालिकामा निर्वाचन सम्पर्क कार्यालय उद्घाटन गर्दे मन्त्री पौडेलले यस्तो बताउनु भएको हो ।
प्रतिगमनको अन्त्य संविधानको रक्षा र देश विकासका निम्ती गठवन्धनको विकल्प छैन मन्त्री पौडेल
निर्वाचन जितेपछि जनताको काम जिम्मेवारी पूर्वक गर्छु , तलव भत्ता लिन्न : दोर्ण कुवंर
कात्तिक १ गते
साझा गठवन्धनबाट बागलुङ क्षेत्र नं. २ प्रदेश सभा (ख) का उमेदवार दोर्णकुमार कुवंरले मंसिर ४ को निर्वाचनमा यस क्षेत्रको विकास र समृद्धिका निम्ती आफुलाई जनताले जिताउनुको विकल्प नभएको बताउँदै सांसद भएपछि सेवा सुविधा वापत कुनैपनी तलव भत्ता नलिने प्रतिबद्धता जनाउनु भएको छ ।
आफु जनताको निम्ती काम गर्न प्रदेश सभामा जाने र जनताको समस्या , गुनासो यस क्षेत्रलाई विकास र समृद्धिमा अगाडी बढाउन जिम्मेवारी पूर्वक काम गर्ने बताउंदै तलव भत्ताको सुविधा नलिने उद्घोष गर्नुभएको हो ।
विकास निर्माण गरीवी उन्मुलन, प्रशासनिक निकायको विकास , सडक, कृर्षि, प्रर्यटन, स्वरोजगार जस्ता विकासका पूर्वाधारबाट यस क्षेत्र पछि परिरहेको छ मैले करिव १० बर्षदेखि यस क्षेत्रको विकासका निम्ती कुनै पदमा नरहंदा पनी काम गर्दे आएको छु अव पनी सेवा सुविधा नलिने गरी जनताकै काममा पाँच बर्ष तल्लिन रहने बताउँदै काम गर्ने अवसर दिन मतदातालाई आग्रह गर्नुभयो ।
धेरै काम गनुपर्ने योजना मेरो छ त्यसैले यसपटकको निर्वाचनमा जनताले जिताएर पठाएमा सँघिय सांसद संग सम्मोन्य गर्दे जनताका समस्या र आवस्यकतालाई पहिलो प्राथमिकता दिएर अगाडी बढ्ने बताउनु भयो ।
साझा गठवन्धनको तमानखोला गाउँपालिकामा निर्वाचन सम्पर्क कार्यालय उद्घाटन कार्यक्रमलाई सम्वोधन गर्दे कुवंरले जिल्लाकै दुर्गम रहेको तमानखोला गाउँपालिकाको विकासमा समेत आफुलाई थप चिन्ता र चासो रहेका कारण गाउँपालिकाको सदरमुकाम सम्म पक्कि सडक निर्माण, बोङगादोभान, तमान, म्याग्दी सडक कालोपत्रे, नर्जा खुंखानी सडक व्यवस्थापन, मोटरेवल पुल निर्माण, प्रर्यटन प्रर्वधन, कृर्षि , शिक्षा र स्वास्थ क्षेत्रलाई पहिलो प्राथमिकता दिएर अगाडी बद्ने प्रतिबद्धता जनाउनु भयो ।
देशमा प्रतिगमनकारी तत्वलाई परास्त गर्न, संविधानको रक्षा, जनतालाई शुसाशन दिलाउनका निम्ती गठवन्धन हुन पुगेको बताउँदै स्थानिय , प्रदेश र संघिय सरकार भएपछि मात्रै यस क्षेत्रको विकास हुने प्रस्ट पार्नुभयो ।
बुर्तिवाङ कोजाग्रत पुर्णिमा मेला : पुरुष भलिबलको फाईनलमा निसीखोलाको २ टिम भिड्ने ।
विनोद विश्वकर्मा बुर्तिवाङ ,
बुर्तिवाङ राईजिङ युवाक्लवको २० औँ वार्षिकोत्सव तथा कोजाग्रत पुर्णिमा मेला २०७९ सोमबार पनि जारी रहेको छ ।
क्लवले आयोजना गरेको बिबिध कार्यक्रम अन्र्तगत सोमबार पुरुष भलिबलको सेमी फाईनल र महिला भलिवलको फाईनल खेल सम्पन्न भएको छ । महिला भलिबल अन्र्तगत बडिगाड गाउँपालिका र ढोरपाटन स्पोर्टस् टेर्निङ सेन्टर बिच भएको फाईनलमा बडिगाड गाउँपालिका ७ का खेलाडीले सोझो सेटनै हाज पादै कोजाग्रत पुर्णिमा मेला २०७९ महिला भलिबलको बिजेता बनेका छन् ।
त्यस्तै पुरुष भलिबल प्रतियोगितामा निसीखोला गउँपालिका ७ राजकुट र आयोजक बुर्तिबाङ राईजिङ युवा क्लव बिच भएको खेल बाट निसीखोला ७ राजकुट र निसीखोला गाउँपालिका १ हर्पे र घुम्टे युवा परिवार संघ गलकोट बिच भएको खेलबाट निसीखोला गाउँपालिका १ हर्पे फाईनलमा प्रवेश गरेको छ । पुरुष भलिबलको फाईनल खेला मंगलबार हुने आयोजकले जनाएको छ । सोमबारनै भएको रस्साकस्सा प्रतियोगितामा ४ समुहको सहभागिता रहेकोमा उत्तर गंगा दउराली होटल ढोरपाटन प्रथम र निसीखोला गाउँपालिका ६ भलकोट समुह दिृतिय भएको छ ।
पुरुष भलिबलमा प्रथम हुनेले नगद रु १ लाख ११ हजार १ सय ११ रुपैया कप मेडल र दिृतिय हुनेले ६१ हजार १ सय ११ रुयैया कप र मेडल र प्रमाण पत्र प्रप्त गर्ने छन् ।
निर्वाचनमा सक्षम र क्षमतावान उमेद्वारलाई रोज्नुहोस पौडेल : गठवन्धनको घरदैलो अभियान
असोज ३१ गते
विकास निर्माण र जनताको हक अधिकार स्थापित गराउनका निम्ती गठवन्धनको जित आवस्यक रहेको साझा गठवन्धनका प्रतिनिधी सभा उमेद्वार देवेन्द्र पौडेलले बताउनु भयो ।
गठवन्धनको जित सुनिश्चत भइसकेको बताउँदै आफु र प्रदेश सभा (क) र (ख) तर्फका उमेद्वार भिजन भएको र जनताको समस्या बुझन सक्ने, काम गर्न सक्ने क्षमतावान रहेका कारण यसक्षेत्रको विकास र समृद्धिका निम्ती लोकतान्त्रिक÷वाम गठवन्धनका उमेद्वारलाई विजयी गराउन अपिल गर्नुभयो ।
आफु शिक्षा विज्ञान तथा प्रविधि मन्त्री भएको एक बर्षमा नेपालको शिक्षा प्रणालीको विकास र शैक्षिक भौतिक विकासका निम्ती धेरै काम गर्न सफल भएको बताउँदै शैक्षिक क्षेत्रको विकास भएमा मात्र समाज र देशको विकास हुने बताउनु भयो ।
उहाँले थप वोल्दै प्रदेश सभा (ख) का उमेद्वार दोर्ण कुमार कुवंर र आफु सक्षम व्याक्तित्व रहेका कारण यस क्ष्ोत्रको विकास र समृद्धिका निम्ती आफुहरुलाई जिताउन अपिल गर्नुभयो ।
कार्यक्रममा प्रदेश सभा (ख) का साझा उमेद्वार दोर्णकुमार कुवंरले वोल्दै जनताको समस्या, यहाँको विकास निर्माण र निसी, भुजी तमान ढोरपाटनको विकासका निम्ती आफु र संघिय सांसदका उमेद्वार देवेन्द्र पौडेलले सहकार्य गरेर काम गर्ने प्रतिबद्धता जनाउनु भयो । कुवंरले भन्नुभयो म कुनै पदमा नहुँदा पनी जनताको समस्याका निम्ती हरदम खटिएको हुँ अवपनी जनताको निम्ती खट्ने प्रण गर्दछु । यहाँका आवस्यक र समस्याको विकास गर्नु साझा गठवनधनको सरकारको दायित्व रहेको बताउनु भयो ।
साझा पाँचदलिय गठवन्धनको चुनावी अभियान बागलुङ क्षेत्र नं. २ प्रदेश सभा (ख) अन्र्तगत वडा नं. २ मा जभेटघाट कार्यक्रम सञ्चालन भएको छ । आगामी मंसिर ४ गते हुन लागिरहेको प्रदेश सभा र प्रतिनिधी सभा निर्वाचनको तयारी स्वरुप उमेद्वारहरु जनताकहाँ जाने र मत माग्ने अभियान सुरु गरेका छन ।
प्रदेश सभा (ख) उमेद्वार को हुन त दोर्ण कुवंर
असोज ३१ गते
नेपाली काँग्रेसमा विद्यार्थी जीवनदेखि आफनो राजनितीक यात्रा सुरु गरेका युवा नेता दोर्ण कुवंर बागलुङ जिल्लाको साविक अधिकारीचौर गाउँविकास समिती वडा नं. ९ हाल ढोरपाटन नगरपालिका ५ को दुर्गम गाउँ मस्तिमा जन्मिएका हुन ।
बुबा सालिकराम कुवंर र आमा सिता कुवंर को कोखबाट जन्मिएका कुवंर विगत २०६५÷०६६ सालदेखि नै नेपाली कांग्रेसको सक्रिय राजनिती संगै समाज सेवामा होमिएका व्यक्ति हुन ।
बागलुङ जिल्लाको क्षेत्र नं. २ अन्र्तगत धैरै स्थानमा विकासका निम्ती सक्रिय रुपमा लागेका उनि पार्टीभित्रको राजनितीमा वडा सभापती हुँदै १३ औँ महादिवेशनमा क्षेत्रीय सभापती हुँदै अहिले केन्द्रिय महाधिवेशन प्रतिनिधीमा छन । १४ औँ महाधिवेशनबाट जिल्ला सभापतीको रुपमा होमीएका कुवँर अन्तत जित बहादुर शेरचनलाई समर्थन गर्दे पछि हटेका थिए ।
यसरी सुरु हुन्छ उनको राजनैतिक र सामाजिक यात्रा
आरआर क्याम्पस काठमान्डौमा अध्ययन गर्दे गर्दा विद्यार्थी जीवन १८ बर्षदेखि राजनितीमा लागेका कुवंर विशेष गरी २०६६÷०६७ देखिनै उनी दुर्गम मानिने पश्चिम बागलुङलाई अव सुगम वनाउनु पर्छ यस क्षेत्रमा चेतना तथा विकासको बृद्धि गर्नुपर्दछ भन्ने उदेश्य सहित राजनैतिक र सञ्चार क्षेत्रको विकासमा अगाडी बढे ।
२०६७ सालदेखि गरीवी निवारणका लागी वातावरणीय स्वास्थ्य शिक्षा नामक सँस्था स्थापना गरी यहाँका व्यवसाही, बौद्धिक व्यक्तित्व, शिक्षक, राष्ट्र सेवक कर्मचारी, उद्योगी लगाएतलाई समावेश गर्दे सामुदायिक रेडियो ढोरपाटन सञ्चालनमा ल्याए जसबाट धेरै जनाले आफनो क्षमता प्रस्फुटन गर्ने अवसर संगै सुचना र सञ्चारबाट पछि परेको पश्चिम बागलुङका नागरीकले त्यो सुविधा अहिलेसम्म पाइरहेका छन ।
नेपाली काँग्रेसको १३ औँ महाधिवेशनबाट क्षेत्रीय सभापती भएका कुवँरले ३ बर्षे कार्यकाल सफलता पुर्वक बिताए पार्टीको संगठन विस्तार देखि सबैलाई समान रुपमा मिलाएर आफनो कार्यकाल सफल बनाए ।
चेम्वर अफ कमर्स बागलुङको अध्यक्ष
नेता कुवँर उद्योगी व्यवसाहीको हक अधिकारलाई स्थापित गराउन र उद्योग व्यसायको विस्तार गर्ने उदेश्य सहित २०७५ सालमा चेम्वर अफ कमर्स बागलुङको अध्यक्ष वनेका उनले पालिका स्तरमा समेत त्यसको समिती गठन गरेर उद्योगी व्यवसाहीलाई अगाडी बढ्नमा प्रेरणा दिएका हुन ।
विपद व्यवस्थापन समिती कोष सम्मोन्य जिल्ला अध्यक्ष लगाएत अन्य धेरै संघसंस्थामा लागेका उनि अधिकांस समय जनताको घरदैलोमा पुग्ने र आफु पदमा नरहँदा पनी जनताको गुनासो सुन्ने, उनिहरुका समस्या बुझ्ने र विकासका काममा तल्लिन बन्दै गए ।
जहाँ समस्या त्यहाँ दोर्ण कुवँर
पार्टीको पद वाहेक कुनै सांसद मन्त्रि नहुँदा पनी आफनो क्षेत्रको विकास र समृद्धिका निम्ती बढि मात्रामा मन्त्रालय, उच्च स्तरका कर्मचारी, नेता तथा साँसद मन्त्रीलाई निरन्तर झकझक्याने र खानेपानी, विधुत, पुल, विद्यालय, सडक , सञ्चार, टटवन्ध निर्माण जस्ता विकासका निम्ती नेता कुवँरको थुप्र्रै योगदान रहेको छ ।
हक्कि स्वभावका कुवंर सबैको सुझाव लिने र आएका सुझाव गुनासो र समस्याको तत्काल सम्वोधनका निम्ती सक्रिय रहँदै आएका व्यक्ति हुन । उनलाई चाप्लुसी मन पर्देन वोलेका कुरा व्यवहारमा उर्तानुपर्दछ भन्ने मान्यता उनिमा छ ।
कुवँरले अझै बढि अर्नाकोट एर्यरपोर्ट सञ्चालनमा ल्याउने उदेश्य सहित गरेको योगदानको चर्चा बढि सुनिन्छ । पछि परिरहेको आफनो क्षेत्रलाई चाँडै विकास निर्माण र समृद्धिको मोडेलमा देख्न चाहाने उनि अर्नाकोट एर्यरपोट निर्माणका निम्ती करिव ५ बर्ष समय खर्चिय धेरै पटक एर्यरपोर्ट निर्माणका निम्ती सम्भाब्यता अध्ययन पनी भयो धेरै क्षेत्रबाट सम्भावित हुँदाहुँदै पनी थप पहुँच र सत्तामा आफु नपुग्दाको परिणाम स्वरुप केहि पछि प¥यो । कोभिड १९ को महाविपत्ती, बाढी पहिरो जस्ता जनताका समस्यामा विभिन्न निकायमा हार गुहार गर्दे आर्थिक सहयोग देखि राहात र स्वास्थ्य सामाग्रि हस्तान्त्रण कार्यमा निकै सक्रिय कुवंंर यस क्षेत्रको निम्ती विकास निर्माण क्षमता वान र आँटिला व्यक्ति हुन ।
यसपटक बागलुङ क्षेत्र नं. २ प्रदेश सभा (ख) तर्फ साझा गठवन्धनको तर्फदेखि प्रदेश सभामा उमेद्वारी दिएका कुवंरको मुख्य उदेश्य निसी भुजी तमान र ढोरपाटन क्षेत्रको विकास र परिवर्तन चाहान्छन पदमा नहुँदा समेत केहि न केहि विकास गरेर देखाउने उनी पदमा पुगेपछि केहि गर्न सक्ने सामार्थ वोकेका व्यक्ति हुन ।
बागलुङ पश्चिम क्षेत्रलाई छुट्टै जिल्ला बनाउने, पछि परेको ढोरपाटनलाई प्रर्यटन संग जोड्न पुर्वाधार तयार गर्ने, कृर्षि, प्रर्यटनको सम्भावनालाई अगाडी उठाउने, पछि परेका सडकलाई पुरा गर्ने र कालोपत्रे गर्ने, खेलकुद शिक्षा, स्वास्थ्य, खानेपानीको पहुँचलाई प्राथमिकता दिने उनको उदेश्य रहेको छ । यस क्षेत्रका विकास र सम्भावनाको विषयमा प्रस्ट ज्ञान र भिजन भएका कुवंर यस क्षेत्रको मुहार फेर्नकै निम्ती आफु सधा सर्वधा लाग्ने बताउँदै आएका छन । युवा तथा जेष्ठ नागरीकको मन मस्तिष्कमा रहेका कुवंर यतिवेला मंसिर ४ मा हुने निर्वाचनको परिणाम आफनो हातमा लिन जनताको माझमा पुगिसकेका छन ।
जनताको समस्या सम्वोधन गर्नु गठवन्धनको दायित्व हो पुरा गरेरै छोड्छौँ : देवेन्द्र पौडेल
असोज ३० गते
पाँच दलिय गठवन्धनको बुर्तिबाङमा चुनावी सम्पर्क कार्यालयको उद्घाटन गरीएको छ ।
आगामी मंसिर ४ गते हुने आशन्न प्रतिनिधी सभा र प्रदेश सभा निर्वाचनको तयारी स्वरुप चुनावी सम्पर्क कार्यालयको उद्घाटन गर्दे संघिय सभाका साझा उमेद्वार शिक्षा विज्ञान तथा प्रविधी मन्त्री देवेन्द्र पौडेलले बागलुङ जिल्लामा लोकतान्त्रीक÷वाम गठवन्धनबाट प्रत्यक्ष तर्फका ६ वटै उमेद्वारले शानदारका साथ जित हासिल गर्ने बताउँदै भारी मतसहित जित हासिल गर्ने गरी चुनावी अभियानमा जुट्न नेता कार्यक्रतालाई आग्रह गर्नुभयो ।
देशमा प्रतिगमनकारी तत्वलाई परास्त गर्न, संविधान र लोकतन्त्रको जर्गना गर्न त्यसैगरी जनताको हक अधिकार स्थापित गर्नका निम्ती गठवन्धन भएको बताउँदै यो गठवन्धन लामो समय सम्म रहने र देशको विकास , जनताको हक अधिकार स्थापित गर्ने विषयमा कुनै दुविधा नरहेको जिकिर गर्नुभयो ।
यहाँका मुद्धा, विकास निर्माण र जनताको आवस्यकता आफुलाई राम्रो संग जानकार रहेको बताउँदै निर्वाचनमा प्रदेश र सँघिय सभामा आफुहरुको जित पश्चात यहाँका एजेन्डालाई महत्वपूर्ण स्थान दिएर अगाडी बढ्ने प्रतिबद्धता जनाउनु भयो । धेरै विकास निर्माणका काम अगाडी बढिसकेका छन यहाँको प्रर्यटन, शिक्षा, बागलुङ –घोँडावाँधे मध्यपहाडी लोकमार्ग कालोपत्रे, सालझण्डी ढोरपाटन सडक निर्माण र व्यवस्थापन, उत्तरगँगा जलाशय यूक्त आयोजना निर्माण, कृर्षि, स्वास्थ्य र शिक्षाका विषयलाई प्रदेशसभाका सांसद र सँघिय सांसदको पहलमा पुरा गर्ने प्रतिबद्धता जनाउनु भयो ।
आयोजित कार्यक्रममा प्रदेश सभा (ख) का उमेद्वार दोर्णकुमार कुवंरले वोल्दै आज आफु पांच दलिय साझा गठवन्धनको साझा उमेद्वार रहेको बताउँदै यहाँका जनताको आशा, अपेक्षा, विकास निर्माण र आम नागरीकको जिवन स्तर उकास्ने र साझा मुद्धालाई संस्थागत गर्दे सबैको अपनत्व हुने गरी आफुले काम गर्ने प्रतिबद्धता जनाउनु भयो ।
यहाँका समस्या धेरै छन प्रशासनिक समस्या देखि नागरीकको जिवन स्तर उकास्नु विकासका पूर्वाधार पुरा गर्नु आफु र गठवन्धनको तर्फबाट प्रतिनिधी सभाका उमेद्वार देवेन्द्र पौडेलको समेत रहेको बताउँदै आफुहरुले जनताका मुद्धालाई आत्मसाथ गरेर अगाडी बढ्ने प्रतिबद्धता जनाउनु भयो । यहाँको भुगोल माटो र जनताको आवस्यकता आफुले राम्रोसंग बुझेका कारण साझा समस्या, साझा मुद्धा र विकास निर्माणका कामलाई प्राथमिकताका साथ अगाडी लिएर जाने बताउनु भयो ।
नेपाली काँग्रेस क्षेत्रीय सभापती जोकलाल बुढाको अध्यक्षतामा आयोजित कार्यक्रममा नेपाली कांग्रेस जिल्ला उपसभापती तारानाथ पौडेल, गण्डकी प्रदेश सभा सदस्य खिम विक्रम शाही, नेकपा माओबादी केन्द्र वैकल्पिक केन्द्रिय सदस्य निल बहादुर पुन, राष्ट्रिय जनमोर्चा जिल्ला सचिव भिमलाल पोख्रेल, नेपाली काँग्रेस प्रदेश सभा (ख) सभापती मेशलाल सर्मा, नेपाल समाजवादी पार्टी गण्डकी प्रदेश सदस्य संकर बहादुर कुवंर लगाएत नेताहरुले वोल्दै गठवन्धका उमेद्वारलाई भारी मतका साथ विजयी बनाउन सबै नेता कार्यक्रता जिम्मेवार पूर्वक लाग्नुपर्ने बताउँदै देशको रक्षा, संविधान , लोकतन्त्रको रक्षा गर्न र प्रतिगमनकारी तत्वलाई परास्त गर्न एकजुट भएर निर्वाचनमा लाग्नुको विकल्प नरहेको बताएका हुन।
कार्यक्रम गण्डकी प्रदेश सभा सदस्य खिम विक्रम शाहीको स्वागत हेमेन्द्र घर्तिमगरको सञ्चालनमा सम्पन्न भएको हो ।
पेट ढुस्स र गडबड भएमा के गर्ने ?
चाडपर्वमा मीठोमसिनो खानाले धेरैको पेट खराब भएको हुनसक्छ । खासगरी तारेको, भुटेको, मसालेदार खानेकुरा पेटमा सहजै पच्दैन । यस्ता खानेकुराले पेट गडबड हुन्छ । ढुस्स हुने, पखाला लाग्ने, ग्याँस भरिने जस्ता समस्या हुन्छ । खानपानको कारण पेटमा के कस्ता समस्या हुन्छ ? त्यसको उपचार विधि के हो ?
चाडपर्वको खानपानले ग्यास्ट्रिक
ग्यास्ट्रिक हुने मुख्य कारण भनेको खराब खानपान नै हो । तनाव, चिन्ता र केही औषधिको सेवनले पनि ग्यास्ट्रिकको समस्या देखापर्छ । अझ चाडपर्वको बेला बढी चिल्लो पिरो खानाले त झन् ग्यास्ट्रिकको समस्या निम्ताउने सम्भावना बढी हुन्छ । चाडबाडको बेला खाना खाने समय पनि मिलेको हुँदैन ।
समयमा खाना नखाँदा र चिल्लो पिरो खानेकुरा बढी खाँदा ग्यास्ट्रिकको समस्या देखा पर्छ ।
ग्यास्ट्रिकको जटिलता
ग्यास्ट्रिक भएमा सामान्य समस्यादेखि लिएर धेरै जटिल समस्या देखा पर्न सक्छ । धेरै चिल्लो पिरो खानाको सेवनले हाम्रो आन्द्रामा असर गर्नुको साथै बढी एसिड उत्पादन गरेर आन्द्रामा घाउ नै हुन सक्छ ।
ग्यास्ट्रिकको कारण पेट फुल्ने, वाकवाक लाग्ने, ढ्याउ आउने, पेट पोल्ने, पेटमा घाउ हुने र आन्द्रा प्वाल परेर इन्फेक्सन हुने, अल्सर हुने र क्यान्सर नै पनि हुन सक्छ ।
उपचार के छ ?
ग्यास्ट्रिक भएर के गर्ने भन्दा पनि ग्यास्ट्रिक नै हुन नदिन के गर्ने भन्ने कुरा बढी महत्त्वपूर्ण हो । त्यसैले ग्यास्ट्रिक हुन नदिन खानपानमा विशेष ध्यान दिनुपर्छ । तारेको, भुटेको धेरै चिल्लो खानेकुरा खानु हुँदैन, समयमा खाना खानुपर्छ ।
ग्यास्ट्रिक भएको छ भने प्रशस्त मात्रामा पानी पिउने । जंक फुड, प्याकेट फुड नखाने, घरमै बनेको खानेकुरा खाने । ल्वाङ, सौफ र पाकेको केराको सेवन पनि गर्न सकिन्छ । ल्वाङ सौफ र केराले ग्यास्ट्रिक समस्या कम गर्न सक्छ । डाक्टरको सल्लाह लिएर एन्टासिडको झोल पनि सेवन गर्न सकिन्छ ।
अस्पताल जानुपर्ने स्थिति
चाडपर्वको बेलामा ग्यास्ट्रिकको समस्या लिएर धेरै बिरामी अस्पताल आउने गर्छन् । पहिलेदेखि नै ग्यास्ट्रिकको समस्या भएकाले यस्तो बेला झन् चिल्लो, पिरो र मसालेदार खानेकुराको सेवन गर्छन् र पेट दुखेर गम्भीर भएर अस्पताल आइपुग्छन् । इमरजेन्सीमा बढी मात्रामा आउने बिरामी ग्यास्ट्रिकको समस्या लिएर नै आएका हुन्छन् ।
पेटको दीर्घकालीन समस्या
चाडपर्वको खानपानले हुने ग्यास्ट्रिकको असर दीर्घकालसम्म पनि रहन्छ । कुनै पनि रोग लागेपछि त्यसको उपचार नगरेको खण्डमा त्यो झन् जटिल हुँदै जान्छ । चाडपर्वको बेलामा धेरै चिल्लो पिरो खानेकुरा खाएर ग्यास्ट्रिक भयो र आन्द्रामा घाउ भयो भने त्यो बढ्दै गएर अल्सर र क्यान्सर समेत हुन सक्छ ।
कस्तो खानपान गर्ने ?
ग्यास्ट्रिकको समस्या कम गर्न सन्तुलित भोजन गर्नुपर्छ । धेरैबेर भोकै नबसी समय–समयमा केही न केही खाइरहनुपर्छ । बढी नुन, अजिनोमोटो भएको, पोलेको खानेकुरा खानु हुँदैन । रक्सी, चुरोट नखाने र खानामा हरियो सागसब्जी र फलफूललाई बढी मात्रामा समावेश गरे यो समस्या बिस्तारै कम हुँदै जान्छ ।
ग्यास्ट्रिक भएकाहरूले प्रशस्त मात्रामा पानी पिउनुपर्छ । सागपात र फलफूल प्रशस्त मात्रामा खाने रेसायुक्त खानेकुरा खानुपर्छ । चिल्लो पिरो कम भएको खानेकुरा र घरमै बनेको खानेकुरा खानुपर्छ । धेरै तातो खानेकुरा पनि खानु हुँदैन । चिल्लो पदार्थ खानै नहुने भन्ने होइन, आवश्यक मात्रामा खान सकिन्छ ।
मदिरा र कोल्ड ड्रिंकको असर
मदिरा र कोल्ड ड्रिंकको सेवनले पनि ग्यास्ट्रिकको समस्या हुन सक्छ । पेटमा एसिडको मात्रा बढाएर ग्यास्ट्रिकको समस्या ल्याउने भएकाले मदिरा र कोल्ड ड्रिंक सेवन नगर्नु राम्रो हुन्छ ।
बुर्तिबाङ राईजिङ युवा क्लवको २० औँ बार्षिकोत्सव तथा कोजाग्रत पुर्णिमा मेलाको शुक्रबार औपचारिक उद्घाटन ।
बिनोद विश्वकर्मा बुर्तिबाङ
बुर्तिबाङ राईजिङ युवा क्लवको २० औँ बार्षिकोत्सव तथा कोजाग्रत पुर्णिमा मेलाको शुक्रबार औपचारिक उद्घाटन गरिएको छ ।
गत मंगलबार बाट सुरु भएको कार्यक्रमको आज औपाचारिक रुपमा नेपाली काँग्रेस बागलुङ जिल्ला सभापति तथा बागलुङ जिल्ला क्षेत्र नं २ ख का गठवन्धनका तर्फबाट प्रत्यासी जित बहादुर सेरचनले प्रमुख अतिथिकोे रुपमा उद्घाटन गर्नु भएको थियो ।
कार्यक्रममा बोल्दै सेरचनले आफु चुनावको मैदानमा रहेको हुदा जनता सङ्ग भोट माग्दै गर्दा जनताको धेरै समस्या रहेको र समस्याको समाधान गर्छु भन्दा जनतालाई पत्यार नलाग्ने भन्दै गर्दा गरिवी बेरोजगारी समस्या धेरै रहेको र त्यासलाई समाधान गर्न जनताले त्यस्तो व्याक्ति छनौट गर्नु पर्ने बताउनु भयो ।
निर्वाचन जितेर गए पछि फर्किएर गर्ने कामको योजना नबनाए जनताले नपत्याउने बताउनु भयो । कार्यक्रममा थप बोल्दै सेरचनले यो मुलुकमा अहिले ४० लाख युुवा बैदेशिक रोजगारमा जान बाध्य भएका छन् र अव ५० लाख युवा बिदेशिना बाध्य हुन सक्ने खतरा बढेकाले मञ्चमा उभिएर ठुलाठुला कुरा गर्ने सबै सचिन अवाश्यक रहेको बताउनु भयो ।
त्यस्तै कार्यक्रमका बिशिष्ट अतिथि नेपाली काँग्रेस केन्द्रीय माहाधिवेसन प्रतिनिधि तथा बागलुङ क्षेत्र नं २ ख का गठवन्धन बाट प्रत्यासी दोर्ण कुमार कुवँरले आफु यस क्षेत्रको जनताको समस्या संग प्रत्यक्ष रुपमा चिने जानेको हुदा समस्या समाधन गर्न लाई पत्यासी भएको बताउनु भयो ।
त्यस्तै कार्यक्रमा प्रदेश २ ख का का स्वातन्त्र उम्मेदवार नर बहादु गुरुङ ,क्षेत्र नं २ का स्वातन्त्र उम्मेदवार तुल्सीराम अर्ययाल,क्षेत्र नं २ ख का ज स पा बाट उम्मेदवार गंगा बहादुर घर्ती, समानुपातिक उम्मेदवार दिलमायाँ पौवी, लगायतले क्लवको लागि सुभकामना मन्तव्य राखेका थिए ।
कार्यक्रममा ढोरपाटन नगरपालिका उप प्रमुख धन बहादुर कायत ,निसीखोला गाउँपालिका प्रमुख सुर्य बहादुर घर्ति, तमानखोला गाउपालिका प्रमुख जोकलाल बुढा ,गलकोट नगरपालिकाकी पुर्व उप प्रमुख रेनुका काउछा, समाजसेवी देवेन्द्र कुमार घर्ति लगाएतको उपस्थिति रहेको थियो ।
कार्यक्रममाको बीचमा निसीखोला गाउँपालिका र ढोरपाटन नगरपालिकाका जनप्रतिनिधिको बीचमा भएको मैत्रिपुर्ण भलिबल प्रतियोगिता निसीखोला गाउँपालिकाका जनप्रतिनिधिले जित हातपारेका थिए ।
कार्यक्रम क्लवका अध्यक्ष समशेर विश्वकर्माको अध्यक्षता कल्वका कोषाध्यक्ष मिथुन विश्वकर्माको स्वागत र कलाकार राजेस बर्देवाको सञ्चालनमा सम्पन्न भएको थियो ।
कार्यक्रममा कल्वका पुर्व अध्यक्षलाई प्रमुख अतिथि द्धारा दोसल्ला र माला लगाएर अतिथसम्मान गरिएको थियो ।
कल्वले खुल्ला पुरुष भलिवल प्रतियोगिता,महिला भलिवल प्रतियोगिता,सरायँनाच प्रतियोगिता,सामुहिक नृत्य,एकल नृत्य तथा रस्साकस्सा प्रतियोगिता लगाएतका कार्यक्रम आयोजना गरेकोमा छ ।
बागलुङमा क्षेत्र नं. २ तर्फ चार सहित पाँच जनाको उमेद्वारी फिर्ता
बुर्तिबाङ असोज २६
आगामी मंसिर ४ गते हुने प्रदेश सभा र सँघिय सभा निर्वाचनमा उमेद्वारी दिएका मध्य क्षेत्र नंं २ मा ४ जना र १ मा १ जनाले आफनो उमेद्वारी फिर्ता लिएका छन । क्षेत्र नं. १ बाट प्रतिनिधी सभाका उमेद्वार कृष्ण संकर श्रेष्ठले बुधबार मुख्य निर्वाचन अधिकृतको कार्यालयमा पुगेर आफनो उमेदवारी फिर्ता लिएका हुन । क्षेत्र नंं २ मा प्रतिनिधी सभामा स्वतन्त्र उमेद्वारी दर्ता गराएका गणेश कुमार थापाले उमेद्वारी फिर्ता लिएका हुन ।
क्षेत्र नं. २ को प्रदेश सभा (क) तर्फ स्वतन्त्र उमेद्वारी दिएका भिमलाल पोख्रेल प्रदेश सभा (ख) तर्फ दिपक थापा र कर्मती पुलनले आफनो उमेद्वारी फिर्ता लिएका हुन । क्षेत्र नं. २ प्रतिनिधी सभा तर्फ ७ जनाको प्रतिस्प्रर्धा हुने छ । गठवन्धनको तर्फदेखि शिक्षा विज्ञान तथा प्रविधी मन्त्री देवेन्द्र पौडेल, नेकपा एमालेको तर्फदेखि मन्जु सर्मा, राष्ट्रिय जनमुक्ति पार्टीबाट चित्र प्रसाद गुरुङ, नेपाल दलित पार्टीबाट टेक प्रसाद कामी, राष्ट्रिय स्वतन्त्र पार्टीबाट तिला खत्री र स्वतनत्रबाट तुल्सीराम अर्याल, डिल बहादुर कार्कीको उमेद्वारी कायम रहेको हो ।
प्रदेश सभा (क) तर्फ गठवन्धनको तर्फदेखि नेपाली काँग्रेसका जिल्ला सभापती जित बहादुर शेरचन र स्वतन्त्र प्रकाश घर्ति मगर विच प्रतिस्प्रधा हुने देखिएको हो । उता क्षेत्र नं. २ प्रदेश सभा (ख) तर्फ ७ जनाको विचमा प्रतिस्प्रर्धा हुने देखिएको छ ।
गठवन्धनको तर्फदेखि नेपाली काँग्रेसका केन्द्रिय महाधिवेशन प्रतिनिधी दोर्णकुमार कुवंर, नेकपा एमालेका जिल्ला उपाध्यक्ष लक्ष्मण पुन, जनता समाजवादी पार्टीका गंगा बहादुर घर्ति, नेपाल दलीत पार्टीबाट टेक प्रसाद कामी, मंगोल नेशनल अर्गनाइजेशन बाट तारा बहादुर घर्ति मगर, स्वतन्त्र तर्फ नरबहादुर गुरुङ र दुर्गादेवी घर्तिको नाम निर्वाचन आयोगले अन्तिम नामावलीमा प्रकाशन गरेको निर्वाचन अधिकृत बावुराम पाण्डेले बताउनु भयो ।
यसैगरी उमेद्वारको निर्वाचन चिन्ह समेत आजै उपलब्ध गराइएको छ । स्वतन्त्र तर्फ प्रतिनिधी सभामा तुल्सीराम अर्याल सुर्यमुखि फुल, डिल बहादुर कार्कीको पुतली चिन्ह प्राप्त भएको हो । प्रदेश सभा (क) तर्फ प्रकाश घर्ति लालटिन प्रदेश सभा (ख) तर्फ नर बहादुर गुरुङ बिजुलीको चिम, दुर्गादेवी घर्ति जेव्रा चुनाव चिन्ह प्राप्त गर्नुभएको हो ।
बागलुङ क्ष्ँोत्र नं. १ तर्फ कार्यालयले प्रकाशित गरेको अन्तिम नामाबलीमा प्रतिनिधिसभा तर्फ ६ जना उमेदवार कायम रहेका छन् । कायम रहनेमा सत्ता गठबन्धनका तर्फबाट राष्ट्रिय जनमोर्चाका अध्यक्ष चित्रबहादुर केसी, एमालेका नेता सूर्य पाठक, राप्रपाका उमेदवार लक्ष्मी प्रसाद सापकोटा, राष्ट्रिय स्वतन्त्र पार्टीका खिमानन्द सापकोटा, नेपाली कांग्रेस बिपीका शिवलाल सापकोटा र स्वतन्त्र उमेदवार चन्द्रबहादुर क्षेत्री छन् ।
प्रदेश तर्फ १ को १ मा ५ जनाको उमेदवारी कायम छ । ती मध्ये कांग्रेसका दिपेन्द्रबहादुर थापा, एमालेका हिराबहादुर केसी, राप्रपाका डिल्लीप्रसाद आचार्य, सामाजिक एकता पार्टीका भक्तबहादुर बिक र स्वतन्त्र उमेदवार दिपेन्द्र हमाल छन् । क्षेत्र नंं १ को २ मा ४ जना मात्रै उमेदवार कायम रहेका छन् । यो क्षेत्रमा कांग्रेसका डिल्लीराम सुवेदी, एमालेका नवराज पौडेल, राप्रपाका गोबिन्द सापकोटा र मंगोल नेशनल अर्गनाइजेसनका सहबीर थापा उमेदवार छन् ।
युवा उम्मेदवार ४ प्रतिशत घटे
४० वर्षमुनिका युवा उम्मेदवारको संख्या अघिल्लो संसदीय निर्वाचनमा ३४.८४ प्रतिशत र गत स्थानीय निर्वाचनमा ४१ प्रतिशत रहेकामा यसपालि ३० प्रतिशत मात्रै
प्रतिनिधिसभा र प्रदेशसभा सदस्यको आसन्न निर्वाचनमा प्रत्यक्षतर्फ युवा उम्मेदवारको संख्या थप घटेको छ ।
प्रमुख राजनीतिक दलले आकांक्षी युवालाई टिकटमा वञ्चित गर्दा २०७४ को संसदीय र गत स्थानीय निर्वाचनमा भन्दा कम युवाको उम्मेदवारी परेको हो । प्रतिनिधिसभाको १ सय ६५ सिटमा २ हजार ५ सय ३१ र प्रदेशसभाको ३ सय ३० सिटमा ३ हजार ४ सय ८१ गरी ६ हजार १२ जना उम्मेदवार छन्, जसमध्ये २५ देखि ४० वर्षसम्म उमेर समूहका १ हजार ८ सय ५३ जना अर्थात् ३० दशमलव ८२ प्रतिशत मात्रै युवा छन् । २०७४ को निर्वाचनमा ३४.८५ प्रतिशत युवा उम्मेदवार थिए । प्रतिनिधिसभा र प्रदेशसभा सदस्यका लागि उम्मेदवारी दिएका ५ हजार १ सय ९० जनामध्ये १ हजार ८ सय ९ अर्थात् ३४ दशमलव ८५ प्रतिशत ४० वर्षमुनिका थिए ।
पाँच महिनाअघि भएको स्थानीय तहको निर्वाचनमा १ लाख ४५ हजार १३ उम्मेदवारमध्ये ५९ हजार ४ सय ७२ जना अर्थात् ४१ प्रतिशत युवा थिए । स्थानीय तहमा ४० वर्षभन्दा कम उमेरका १४ हजार ४ सय ४ जना निर्वाचित भएका छन्, जुन बहालमध्ये ४० प्रतिशत हो । यस पटक प्रतिनिधिसभा सदस्यमा २५ देखि ४० वर्षसम्म उमेर समूहका ७ सय ८३ जना उम्मेदवार छन् । २५ वर्षका उम्मेदवार २० जना छन् । ४१ देखि ९९ वर्ष उमेरसम्मका १ हजार ७ सय ४८ जना अर्थात् ६९ प्रतिशत छन् ।
८० वर्षदेखि ९९ वर्षसम्मका १० जना छन् । ९९ वर्षीय टीकादत्त पोखरेलले गोरखा–२ मा नेपाली कांग्रेस बीपीका तर्फबाट उम्मेदवारी दिएका छन् । राप्रपाका ८७ वर्षीय युवराम गौतमले तेह्रथुम, ८० वर्षका लोसपाका महन्थ ठाकुरले महोत्तरी–३, राष्ट्रिय जनमोर्चाका चित्रबहादुर केसीले बागलुङ १, स्वतन्त्रबाट हृदयनारायण प्रसाद बरैले पर्सा–१ बाट उम्मेदवारी दिएका छन् । यस्तै, माओवादीबाट ८५ वर्षीय महिन्द्रराय यादवले सर्लाही ३, स्वतन्त्रबाट ८५ वर्षकै विष्णुप्रसाद ढकालले काठमाडौं–६ र ८४ वर्षीय पशुपतिनाथ तिमिल्सिनाले स्वतन्त्रबाट कास्की–३ मा उम्मेदवारी दिएका छन् । त्यस्तै डडेलधुरामा ८४ वर्षकै कर्णसिंह रावल र ८१ वर्षका कृष्णराज गिरीले बारा–१ मा स्वतन्त्र उम्मेदवारी दिएका छन् ।
प्रदेशसभामा २५ देखि ४० वर्षसम्मका १ हजार ७० युवाले प्रत्यक्षतर्फ उम्मेदवारी दिएका छन्, यो कुल उम्मेदवारीको ३०.७३ प्रतिशत हो । २५ वर्षका उम्मेदवार ३२ जना छन् । ४० वर्षमाथिका उम्मेदवार २ हजार ४ सय ११ र ८० वर्षभन्दा माथिका ४ जना उम्मेदवार छन् । पर्वत १ (२) बाट राप्रपाका ८५ वर्षीय बालकृष्ण पौडेलले उम्मेदवारी दिएका छन् । म्याग्दी १ (२) मा ८१ वर्षीय झलकबहादुर बानियाँले राप्रपाबाटै उम्मेदवारी दिएको निर्वाचन आयोगले जनाएको छ । ८० वर्षका जयप्रसाद चौलागाईंले झापा–४ (२) मा स्वतन्त्र र दिलबहादुर सोदेम्बाले तेह्रथुम–१ (२) लोसपाबाट उम्मेदवारी दिएका छन् । प्रदेशसभाका उम्मेदवारमध्ये सबैभन्दा बढी ४० देखि ४९ वर्ष उमेर समूहका १ हजार ६८ जना छन् । ६० देखि ६९ उमेर समूहका ४ सय ८ जना छन् ।
प्रतिनिधिसभाको चुनावमा प्रत्यक्षतर्फ राप्रपाका १ सय ४५, एमालेका १ सय ४४, राष्ट्रिय स्वतन्त्र पार्टीका १ सय ३३, कांग्रेसका ९२, लोसपाका ५३, माओवादीका ४७, जसपाका ३४ र एकीकृत समाजवादीका २५ जना उम्मेदवार छन् । निर्वाचन आयोगका अनुसार प्रतिनिधिसभा सदस्यका लागि ९ सय ४४ जनाले स्वतन्त्र उम्मेदवारी दिएका छन् । प्रदेशसभा सदस्यमा स्वतन्त्र १ हजार २ सय ७८, राप्रपाका २ सय ८२, एमालेका २ सय ८६, कांग्रेसका १ सय ८७, माओवादीका १ सय १६, जसपाका १ सय ४५, एकीकृत समाजवादीका ८५ र लोसपाका ७८ जना उम्मेदवार छन् ।
प्रतिनिधिसभाको प्रत्यक्षतर्फ महिला उम्मेदवार २ सय ३५ जना अर्थात् ९.२८ प्रतिशत मात्रै छन् । कांग्रेसले ६, एमालेले १२, माओवादीले ८, एकीकृत समाजवादीले १ जना महिलालाई मात्र टिकट दिएका छन् । सबैभन्दा बढी उम्मेदवार उठाएको राप्रपाले पनि ८ जना महिला मात्र समेटेको छ । जसपाबाट ७ जना र लोसपाबाट ३ जना महिला उम्मेदवार छन् । स्वतन्त्र उम्मेदवारी दिने महिला ८५ जना छन् ।
प्रदेशमा ३ हजार १ सय ८३ पुरुष र २ सय ९७ जना महिला उम्मेदवार छन् । प्रदेशमा ८.५३ प्रतिशत मात्रै महिला उम्मेदवारी परेको हो । कांग्रेसले ५, एमालेले ११, माओवादीले ९, एकीकृत समाजवादीले ७, लोसपाले ८, जसपाले १३, राप्रपाले १८ महिला उम्मेदवार उठाएका छन् । स्वतन्त्रबाट उम्मेदवारी दिएका महिला १ सय ८ जना छन् । दुवै सभामा गरी पुरुष उम्मेदवार ५ हजार ४ सय ७९ (९१.१३ प्रतिशत) र महिला ५ सय ३२ (८.८४) छन् । तेस्रो लिंगी (प्रदेशसभा) एक जना छन् । सर्लाही–२ (२) मा नेपाली जनता पार्टीबाट उम्मेदवारी दिएका महेन्द्र साह तेली तेस्रो लिंगी हुन् ।
आमनिर्वाचनमा युवा उम्मेदवारको संख्या विगतमा भन्दा कम भए पनि राजनीतिप्रति सचेतना र जागरण बढेको राष्ट्रिय युवा परिषद्का अध्यक्ष सुरेन्द्र बस्नेत दाबी गर्छन् । ‘उम्मेदवारी दिनेको संख्या स्थानीय तहको निर्वाचनमा भन्दा कमी हो,’ उनले भने, ‘पुरानो पुस्तामा युवाको दबदबा बढेको छ तर उम्मेदवारी दिनेको संख्या अझै सन्तोषजनक छैन । कानुनमै युवा कति प्रतिशत हुने भन्ने यकिन नभएसम्म यस्तै हुन्छ । दलहरूले युवालाई मार्ग प्रशस्त्र नगरेका कारण स्वतन्त्र उम्मेदवारी पर्ने गरेको छ ।’ उनले भनेजस्तै स्वतन्त्रबाट उम्मेदवारी दिने ४० वर्षभन्दा कम उमेरका ३ सय ७३ जना छन् ।
युवा परिषद्का पूर्वउपाध्यक्ष माधव ढुंगेलले दलले विश्वास नगरेकै कारण युवा उम्मेदवार कम भएको बताए । ‘युवा उम्मेदवार कम्तीमा ४० प्रतिशत हुनुपर्थ्यो । नयाँ पुस्ता युवा प्रवेशले परिवर्तनमा आशा जगाउन सक्छ । तर युवा दलको विश्वासमा पर्न सकेनन्,’ उनले भने ।