बिनोद विश्वकर्मा बुर्तिवाङ
शाइन रेसुंगा विकास बैंक बुर्तिवाङ शाखा द्धारा देविस्थान माध्यमिक विद्यालयका ५९ छात्र छात्रालाई न्यानो कपडा वितरण गरेको छ ।
मंगलबार निसीखोला गाउँपालिका वडा नं १ स्थित विद्यालयमा पुगेर बैंकको सामाजिक उत्तरदायित्व अन्र्तगत विद्यालयमा कक्षा १ देखी कक्षा ३ सम्मका ५९ छात्र छात्रालाई न्यानो कपडा अन्र्तगतको प्रति विद्यार्थी १ थान सुइटर वितरण गरिएको छ ।
कार्यक्रममा निसीखोला गाउँपालिका वडा नं १ का वडा अध्यक्ष चन्द्रसिंह रामजालिले बैंकले गरेको कामलाई धन्यावाद दिनु भयो,अध्यक्ष रामजालिले सकरात्मक कार्यलाई निरन्तरता दिनु पर्ने बताउनु भयो ,यसखालको कामले विद्यार्थीलाई पढाईमा सहयोग पुग्ने बताउनु भयो ।
कार्यक्रममा बैंकको तर्फबाट बुर्तिवाङ शाखाका शाखा प्रवन्धक प्रेमनाथ पौडेलले बैंकको बारेमा सेवासुविधा तथा बैकंको गतिविधिको जानकारी गराउनु भएको थियो । कार्यक्रममा प्रधानध्यापक झग बहादुर क्षेत्री, विद्यालय व्यावस्थापन समिति सदस्य राम बहादुर रसाईली,समितिका आर्थिक संयोजक खिम बहादुर कार्की, शिक्षक लगायतको उपस्थिति रहेको थियो । कार्यक्रम शिक्षक पूर्ण प्रसाद सपकोटाको स्वागत शिक्षक विनोद पौडेलको सञ्चालनमा सम्पन्न भएको थियो । बैंकले बिभिन्न समयमा सामाजिक उत्तरदायित्व अन्र्तगत बिभिन्न कार्यक्रम गदै आएको छ । यस भन्दा अगाडी प्रभा माध्यामिक विद्यालय बोहरागाउँमा बृक्षरोपण देविस्थान माध्यामिक विद्यालयमा कक्षा कोठामा भित्तेलखन तथा बृक्षरोपण र ढोरपाटन नगरपालिकाको बिद्याविकास माध्यमिक विद्यालयमा बृक्षरोपण लगाएतको कार्यक्रम गरेको शाइन रेशुंगा बैंक बुर्तिवाङ शाखाका शाखा प्रबन्धक प्रेमनाथ पौडेलले जानकारी दिनु भयो ।
रुपन्देही जिल्लामा प्रधान कार्यलय रहेको बैंकले ८७ स्थानमा शाखा १ वटा एक्सटेन्शन र १६ वटा स्थानमा एटि एम मार्फत सेवा दिरहेको छ ।
