माघ ७ गते
सिवाइसी नेपाल बुर्तिबाङ शाखाको आयोजनामा केन्द्र प्रमुख उप–प्रमुख गोष्ठी तथा वित्तिय साक्षरता विषयक अन्तरक्रिया कार्यक्रम बुर्तिबाङमा शनिवार सम्पन्न भएको छ ।
बुर्तिबाङ शाखा अन्र्तगत रहेका १६१ केन्द्रका प्रमुख तथा उप–प्रमुख, जनप्रतिनिधी पत्रकार लगाएतको उपस्थितीमा आयोजित कार्यक्रमका अवसरमा प्रमुख अतिथीको रुपमा गण्डकी प्रदेश सांसद दिलमाया पौवीले वोल्दै लघुवित्तका कारण महिलाहरुको आत्मनिर्भर बन्ने वानीको विकास हुनुका साथै सक्षम, नेतृत्व विकास र समाज रुपान्तरणमा महत्वपूर्ण सहयोग पुगेको बताउनु भयो ।
सिवाइसी नेपालले लामो समयदेखि यस क्षेत्रका महिला दिदिवहिनीलाई उद्धमशिल वनाउन, सक्षम र नेतृत्व तहमा ल्याउनका निम्ती राम्रो काम गरिरहेको बताउँदै आगामी दिनमा महिला नेतृत्व विकास संगै थप सृजनशिल र उत्पादनका कार्यक्रममा जोड दिई आत्मनिर्भर बनाउने वातावरण सृजना गर्ने अभियानमा हातेमालो गर्न सञ्चालन तथा व्यवस्थापकलाई सुझाव दिनुभयो ।
आफु गण्डकी प्रदेशमा माननिय भएर गइसकेका कारण आफनो कार्यकालमा महिला तथा वालवालिकाको क्षेत्रमा काम गर्ने, वाल बिवाह, समाजमा रहेका विकृर्ति, विसंगतीको अन्त्यका निम्ती पनी काम गर्ने प्रतिबद्धता जनाउनु भयो ।
त्यस्तै विशिष्ठ अतिथीको रुपमा रहनु भएका वडिगाड गाउँपालिका अध्यक्ष गण्डकी थापा अधिकारीले वोल्दै नेतृत्व तहमा रहेका व्यक्तिले नै लघुवित्तको मर्म र भावना वुझ्न नसक्दा विभिन्न भ्रम सृजना भएको बताउँदै लघुवित्तले देशको आर्थिक बृद्धि तथा महिलालाई शसक्त बनाउन, नेतृत्व दायी भुमिकामा ल्याउन तथा आर्थिक उर्पाजनमा अगाडी बढ्न महत्वपूर्ण सहयोग पु¥याएको बताउनु भयो । राज्यले गर्न नसकेको काम लघुवित्तले गरिरहेको बताउँदै त्यसलाई नेतृत्व तहमा रहेकाहरुले अध्ययन गरेर त्यसको विषयमा नागरिकलाई सुुसुचित गराउनु पर्ने आवस्यकता रहेको बताउनु भयो ।
उहाँले थप वोल्दै विगत १५ बर्षदेखि पश्चिम बागलुङमा सेवा विस्तार गरेको सिवाईसी नेपालले यस क्षेत्रका नागरीकको जिवन स्तर उकास्न र महिला नेतृत्वको विकाशकका निम्ती महत्वपूर्ण भुमिका निर्वाह् गरेको बताउँदै महिलाहरु स्वयंम सक्षम र क्षमतावान वन्दै नेतृत्व तहमा अगाडी बढ्नु पर्ने बताउनु भयो ।
कार्यक्रममा नेपाल राष्ट्र बैकका सहायक निर्देशक रेशम बहादुर बल्छौडीले वोल्दै समाजलाई आर्थिक रुपमा अगाडी बढाउन सञ्चालक टिम, महिला वर्ग, स्थानिय जनप्रतिनिधी लगाएत सबैको महत्वपूर्ण भुमिका रहेको बताउँदै लघुवित्तमा देखिएका समस्या समाधानमा सबैको ध्यान हुन जरुरी रहेको बताउनु भयो ।
ऋणलाई सहि रुपमा प्रयोग गर्न नजान्दा र उत्पादन संग जोडिने प्रयास नगर्दा नकारात्म असर परिरहेको बताउँदै महिलाहरु सक्षम, उद्यमशिल र व्यवसाहीक बन्नुपर्नेमा जोड दिनुभयो । लघुवित्त नागरिकको सरल, सहज सेवाको माध्यम रहेको र १५ प्रतिशत भन्दा बढि कर्जा लिन नपाईने व्यवस्था सहितको माध्ययम रहेका कारण पनी सदस्यहरुले लघुवित्तबाट सहज रुपमा सेवा लिन सक्ने बताउनु भयो ।

आयोजित कार्यक्रमका अध्यक्ष एवम संस्थाका प्रवन्ध सञ्चालक डोलिन्द्र प्रसाद सर्माले सिवाईसी नेपालले समुहमा रहेका सदस्यको समस्यामा संधै हातेमालो गरेर अगाडी बढ्ने बताउनु भयो ।
सिवाइसीले ऋण लगानी र वचतको मात्र कारोवार नगरी महिलाहरुको क्षमता विकास, उद्यम विकास, तथा विभिन्न सेवा सुविधा लिएर अगाडी बढिरहेको बताउनु भयो । हुँदा खाने वर्गलाई हुनेखाने बनाउने उदेश्य सहित सञ्चालित संस्थाले समाज रुपान्तरण र आर्थिक समृद्धिको अवस्थालाई अगाडी बढाउने गरि काम गरिरहेको बताउनु भयो । देशभर ११८ शाखा कार्यलयबाट सेवा दिइरहेको संस्थाले आफना सदस्यहरुको दुःख सुखमा सहकार्य गरेर काम गर्ने बताउँदै सिवाइसीबाट ऋण लिएकै कारण ऋणीका परिवार तथा समाजलाई असर पर्ने खालका कुनै पनी काम आफुहरुले नगर्ने बताउनु भयो ।
सदस्यहरुलाई एक ठाउँमा सदस्य भएर कारोवार र सेवा सुविधा लिन सुझाव दिँदै उत्पादन र व्यवसाहिकरण बन्दै आत्मनिर्भर बन्ने कार्यमा आफुहरुले जहिले पनी सहयोग र समोन्य गर्ने बताउनु भयो ।

कार्यक्रममा ढोरपाटन नगरपालिका ४ का अध्यक्ष तिलक पुन, निसीखोला गाउँपालिका ६ का अध्यक्ष हेम बहादुर बुढा, वडिगाड गाउँपालिका ७ का अध्यक्ष दिपेन्द्र प्रताप के.सी.,विभिन्न सेवा केन्द्रका प्रमुख तथा प्रतिनिधी, लगाएतको मन्तव्य रहेको थियो ।
उत्कृष्ट वचत कर्ता, वाल वचतकर्ता, उत्कृष्ट ऋृणी, लगाएतलाई सम्मान तथा पुरस्कृत गरिएको हो । सदस्यहरुको तर्फदेखि धारणा संकलन गर्दे अन्तरक्रिया गरिएको थियो । कार्यक्रम बुर्तिबाङ शाखा प्रमुख यानु बुढाको स्वागत सिवाइसी वित्तिय बैँकका प्रवन्धक संगिता सर्माको सञ्चालनमा सम्पन्न भएको हो ।

माघ ६ गते
राष्ट्रिय जनमोर्चाद्धारा शुक्रबार देशभर गणतन्त्र, राष्ट्रियताको रक्षा र संघियताको खारेजीको माग सहित आन्दोलन गरेको छ ।
बागलुङ जिल्लामा समेत कार्यक्रम सुरु गरेको जनमोर्चाले ढोरपाटन नगरपालिकामा आयोजित कोणसभालाई केन्द्रिय सदस्य गौरीश्वर पाण्डेले सम्वोधन गर्दे देशमा भइरहेको अराजनैतिक गतिविधीका कारण गणतन्त्र राष्ट्रियता र संघियता नाजुक अवस्थामा पुगिसकेको बताउँदै सत्ता र स्वार्थको राजनैतिक भुमरिका कारण देश दिनदिनै कमजोर बन्दै गइरहेको बताउनु भयो ।

उहाँले भन्नुभयो देशमा दलिय व्यवस्था वदनामी र कमजोर भइसकेको छ । विदेशी शक्तिले आफनो स्वार्थका निम्ती आँखा लगाइरहँदा राजनैतिक दलहरु झन झन कमजोर बन्दै केवल आफनो स्वार्थमा मात्रै तल्लिन बन्दै गएको प्रस्ट पार्नुभयो । राजनैतिक दलहरुको बैमानीका कारण जनतामा निरासा छाएको छ । निर्वाचन सम्पन्न भएको दुई महिना नहुँदै गठवन्धन तितरवितर हुँदै गर्दा जनताको राजनैतिक दलप्रति हुने विश्वास गुमेको बताउँदै यतिवेला अराजक तत्व फेरी एक ठाउँमा उभिएर देशलाई व्रमाहलुट गर्न थालिसकेको बताउनु भयो ।
देशमा आर्थिक मन्दि, महंगी, भ्रष्टाचार, अनियमितता जस्ता गतिविधीले गर्दा जनताका आशा अपेक्षा र समस्या जस्ताको तस्तै रहेको बताउँदै संघियता र देशको गणतन्त्र माथी भइरहेको प्रहारलाई रोक्न राष्ट्रिय जनमोर्चाले विरोध स्वरुप कार्यक्रम गरेको बताउनु भयो ।
बुर्तिबाङ बजारमा ¥याली सहित आयोजित कार्यक्रम लक्ष्मिमार्ग चोकमा कोण सभामा आएर टुगिंएको थियो आयोजित कार्यक्रम राजमो ढोरपाटन नगर सभापती दिपक थापाद्धारा कार्यक्रमको सान्दर्भिकता माथी प्रकाश पार्नुभएको हो कार्यक्रम कुल बहादुर छन्त्यालको सञ्चालनमा सम्पन्न भएको हो ।

माघ २ गते
नेपाल बैंक लिमिटेड बुर्तिबाङ शाखाले विमान दुर्घटनामा ज्यान गुमाएकाहरुको सम्झनामा सोमवार आधा झण्डा झुकाएर दिप प्रज्वलन गर्दे शोक सभा सम्पन्न गरेको छ ।
आइतबार काठमान्डौबाट पोखराका लागी उडेको यति एयरलाइन्सको विमान पोखरा स्थित सेति नदिको खोँचका दुर्घटना हुँदा ६८ यात्र्ु सहित चालक दलका चार जना गरी ७२ जनाले ज्यान गुमाएका थिए ।
नेपाल सरकारले सोकको घडिमा आज सार्वजनिक विदा दिँदै देशभर आधा झण्डा झुकाउने निर्णय अनुसार आफनो शाखाले समेत ७२ जनाको सम्झनामा ७२ वटा दिप प्रज्वलन गर्दे स्वार्गिय आत्माको चिर शान्तीको कामना सहित स्वकाकुल परिवार जनप्रति धैर्यधारण गर्ने शक्ति प्रदान होस भन्दै सोक सभा गरिएको बैंकका सहायक शाखा प्रवन्धक तथा सुचना अधिकारी भुपेन्द्र नारायण शाहले बताउनु भयो ।

माघ १ गते
बागलुङको वडिगाड गाउँपालिका अध्यक्ष गण्डकी थापाले विमान दुर्घटनामा आफनै पालिकाको बासिन्दा चर्चित कलाकार निरा छन्त्याल र गाउँपालिका प्राविधिक प्रदिप पौडेलको श्रीमती रचना काफ्ले पौडेल र ८ महिनाका नाबालक छोरा रियान पौडेलको निधनले सिंगो गाउँपालिकालाई मर्माहत बनाएको बताउनु भएको छ । उहाँले सामाजिक सञ्जाल मार्फत दुःखद घटनाले गाउँपालिका परिवारलाई स्तव्ध वनाएको बताउँदै स्र्वगिय आत्माको चिर शान्तीको कामना सहित परिवार जनमा शोकलाई धैर्य धारण गर्ने शक्ति प्रधान सहित समवेदना व्यक्त गर्नुभएको हो ।

दुर्घटनामा परि मृत्यु हुनेमा निरा छन्त्याल वडिगाड गाउँपालिका ३ सिसाखानी घर भई लामो समयदेखि कलाकारीता क्षेत्रमा आवद्ध रहँदै आउनु भएको थियो । उहाँ काठमान्डौ देखि पोखरा , म्याग्दी र बागलुङका विभिन्न कार्यक्रममा सहभागि हुनेगरी विमान मार्फत पोखरा आउन लाग्नु भएको जनाइएको छ । त्यस्तै वडिगाड गाउँपालिका प्राविधिक प्रदिप पौडेलको श्रीमती रचना र छोरा रियान काठमान्डौ देखि पर्वत घर आउनका निम्ती विमानमा सवार रहेको बताइएको छ ।

त्यसैगरी पालिकाको तर्फदेखि वडिगाड गाउँपालिका उपाध्यक्ष भिमशेन वन र वडा नं. ३ का अध्यक्ष खडक पुन घटना स्थल पोखरा पुगिसक्नु भएको छ ।
आइतबार काठमान्डौबाट पोखराका लागी उडेको यती एयरलाइन्सको विमान दुर्घटनामा ६८ जना यात्रु सहित चालक दलका चार जना सदस्य गरी ७२ जना सवार विमान पोखरा स्थित सेती नदीको खोँचमा दुर्घटना भएको थियो । हालसम्म ६९ जनाको शव फेला परेको र बाँकी ३ जनाको खोजी भइरहेको नेपाल नागरीक उड्ड्यन प्राधिकरणले जनाएको छ ।

बागलुङ पौष २८

जिल्ला अदालत बागलुङले १६ जनालाई जन्मकैदको फैसला सुनाएको छ। दुई वर्षअघि होली खेल्ने क्रममा बल्देधुरीमा भएको झडपपछि भीरबाट खसालेर मारिएका दुई युवाको हत्या आरोपमा बागलुङको बडिगाड गाउँपालिकाका १६ जना युवालाई जन्मकैद सुनाएको हो।

जिल्ला अदालत बागलुङको आदेशले ती युवा जन्मकैदमा परेका हुन्। जिल्ला न्यायाधीश डा. दिवाकर भट्टको एकल इजलासले अभियोग लागेर पुर्पक्षमा परेका सबै युवालाई जेलको फैसला सुनाएको हो। घटनामा संलग्न एक बालकलाई भने सुधारगृह पठाइने भएको छ।

२०७७ सालको चैत १५ गते होलीको दिन बडिगाडको वडा नम्बर १० सहित छिमेकी जिल्ला गुल्मी र प्यूठानको सिमानामा रहेको बल्देधुरीमा मेला लागेको थियो। स्वतस्फूर्त रूपमा लाग्ने मेलामा रमाउन गएका युवाबीच अबीर लगाएको विषयमा विवादसँगै झडप हुँदा हत्याको घटना भएको हो।

घटनामा बागलुङको निसीखोला गाउँपालिका वडा नं. ७ का प्रकाश कुँवर र दीपक परियारको मृत्यु भएको थियो। बडिगाड गाउँपालिका वडा नं. १० का युवाले कुटपिट गरेपछि भीरबाट खसालेर हत्या गरिएको आरोप लागेको थियो। घटनापछि प्रहरी अनुसन्धानमा पनि सोही कुरा खुलेको बताइएको थियो।

घटनामा संलग्न भएको आरोपमा बडिगाड गाउँपालिका वडा नम्बर १० का १८ जना युवा पक्राउ परेका थिए। पक्राउ परेकामध्ये १५ जनालाई जन्मकैद भएको हो। दुईजना तारेखमा छुटेका थिए। एकजना उच्च अदालतको आदेश र अर्का सर्वोच्चको आदेशमा छुटेका थिए।

आदेश मानेर पुर्पक्षमा बसेका सबैलाई अदालतले जन्मकैदको फैसला सुनाएको हो। मुलुकी फौजदारी संहिताको दफा १७७ (२) अनुसार उनीहरूलाई जन्मकैद फैसला भएको हो। जन्मकैद सजाय अनुसार उनीहरू सबैलाई २५ वर्ष कैद हुनेछ। घटना हुँदाका दिन १८ वर्ष नपुगेका एक बालकलाई भने सुधारगृह पठाइने भएको हो।

समाचार साभार थाहा खवर

पौष २५ गते बुर्तिबाङ
ढोरपाटन नगर कार्यपालिकाको बैठक सोमवार भएको छ बैठकमा विभिन्न एजेन्डामाथी छलफल गर्दे हिँउदे अधिवेशनको तयारी संगै विभिन्न विधेयक र कार्यविधी बनाइएको छ । १९ सदस्य कार्यपालिका पदादिकारी रहेको नगरसभामा १८ सदस्यको उपश्थिती हुँदै गर्दा ६ जना सदस्यले भने केहि एजेन्डामा आफनो विमती रहेको भन्दै हस्ताक्षर नगरीकन कार्यपालिका बैठकबाट बाहिर निस्किएका छन ।
विभिन्न ७ एजेन्डामा छलफल गर्ने गरी कार्यपालिका सदस्यलाई पत्राचार गरिएपनी अन्य विषयमाथी समेत छलफल अगाडी बढाइएको र केही कार्यपालिका सदस्यले खर्चको अनुमोदन शिर्षक अन्र्तगत छलफल गर्दा गत साउन १ गतेदेखि हालसम्मको खर्च विवरण सार्वजनिक गर्न अनुरोध गरेका थिए तर त्यस विषयमा कुनै ध्यान नदिएपछि आफुहरु बैठक सकिनु अगाडी हस्ताक्षर नगरिकन ६ जना कार्यपालिका सदस्य बाहिर निस्किएको कार्यपालिका सदस्य दिलिप कुमार वि.क.ले बताउनु भयो ।
ढोरपाटन नगरपालिकामा गत बैशाख देखि हालसम्म जम्मा ४ वटा कार्यपालिका बैठक भएको छ । निर्वाचित भएर आएको ९ महिना सम्मपनी खासै प्रगति मुलक कार्य अगाडी बढाउन नसकेको नगर सभाले चौठो बैठकमा विभिन्न १६ वटा विधेयक र १८ कार्यविधीको प्रस्ताव अगाडी बढाएको हो ।
कानुन निर्माण, रकमान्तर, खर्चको अनुमोदन, बजेट विनीयोजन, राजश्व र खर्चको भुक्तानी, स्वास्थ्य सम्वन्धी कार्यक्रम र माग, लगाएत एजेन्डामा छलफल भएपनी खर्चको अनुमोदन शिर्षकमा केही कार्यपालिका सदस्यले नगरपालिकामा गत २०७९ साउन देखि हालसम्मको खर्च विवरण कार्यपालिका सदस्यले थाहा पाउने गरी प्रस्तुत गरेमात्रै अनुमोदन हुने अडान लिएका हुन ।
त्यस्तै बैठकले १६ विधेयक अगाडी बढाएको छ । जस अन्र्तगत ढोरपाटन नगरपालिकाबाट कर तथा गैर राजश्व लगाउने उठाउने सम्वन्धमा बनेको ऐन २०७९, कृषि व्यवसाय प्रर्वद्धन सम्वन्धमा व्यवस्था गर्न वनेको बिधेयक,खानेपानी तथा सरसफाई र स्वच्छता सम्वन्धमा बनेको बिधेयक, नगरसभा सञ्चालन कार्यविधी ऐन, पूर्वाधार व्यवस्थापन ऐन, प्रशासकिय कार्यविधी नियमित गर्ने ऐन, भुमि ऐन, मदिरा व्यवस्थापन तथा नियन्त्रण ऐन, वन व्यवस्थापन ऐन, विपद व्यवस्थापन तथा न्युनिकरण ऐन, नगरपालिका संस्था दर्ता ऐन, सार्वजनिक निजी साझेदारी ऐन, वातावरण तथा प्राकृर्तिक स्रोत संरक्षण ऐन, स्थानीय स्वास्थ्य सरसफाई , स्थानीय सेवा र विषयगत समिती ऐन २०७९ ल्याइएको छ ।
त्यसैगरी विभिन्न १८ वटा कार्यविधी माथी छलफल गरिएको हो । जसमा ढोरपाटन नगरपालिकाको अनुगमन तथा सुपरिवेक्षण समितीको कार्यसञ्चालन कार्यविधी , ढोरपाटन नगरपालिका फलोसिप तथा रिसर्च कार्यक्रम सञ्चालन कार्यविधी, नगरपालिकाको अशल शिक्षक, अशल विद्यार्थी, अशल अभिभावक छनौट कार्यविधी, करार शिक्षक, बाल बिकाश सहजकर्ता र विद्यालय कर्मचारी व्यवस्थापन कार्यविधीमाथी छलफल गरिएको छ ।

घ वर्गको निर्माण व्यवसाही इजाजतपत्र सम्वन्धी कार्यविधी, ढोरपाटन नगरपालिकाका पदादिकारीको आचारसंहिता, आधारभुत तथा माध्यमिक परिक्षा सञ्चालन कार्यविधी, स्वास्थ्य संस्था फार्मसी सेवा कार्यविधी, विद्यालय अनुगमन निरिक्षण तथा सत्यापन कार्यविधी, नगर विपद् व्यवस्थापन तथा राहत वितरण कार्यविधी, विभिन्न समुह गठन तथा सञ्चालन , सार्वजनिक सेवा प्रवाहको मापडण्ड, स्थानीय राजपत्र प्रकाशन सम्वन्धी कार्यविधी, उपभोक्ता समिती गठन सम्वन्धी कार्यविधी, महिला स्वास्थ्य स्वयंमसेविका ब्यवस्थापन कार्यविधी, स्वास्थ संस्था दर्ता, अनुमती तथा नविकरण सम्वन्धी निर्देशिका स्थानिय स्वास्थ्य संस्था सञ्चालन तथा व्यवस्थापन कार्यविधी र स्थानीय सडक मापडण्ड कार्यविधी २०७९ माथी छलफल गरि कार्यविधी निर्माण गरिएको हो