बुर्तिबाङ कात्तिक १७ गते
ढोरपाटन नगरपालिका वडा नं. १ को ११ औँ बैठकले टोल विकास सँस्था र सिमा निर्धारण गर्ने निर्णय गरेको छ । वडाको निर्णय अनुसार वडा नंं १ को बुर्तिबाङ बजार , भव्रेटा, खप्तरीबाङ, रिभरहेड लगाएत विभिन्न क्षेत्रलाई १२ कलस्टरमा विभाजन गरेर टोल विकास सँस्था गठन गर्ने र १२ कलस्टको सिमा निर्धारण गर्ने निर्णय भएको वडा सदस्य गोपाल महतले बताउनु भयो ।
कात्तिक १८ देखि २४ गतेसम्म सबै टोल विकास संस्था गठन गर्ने र सिमा निर्धारण गरी टोल विकास सँस्थाको नामाकरण गर्ने निर्णय भएको बताइएको छ । टोल विकास सँस्थाले आफनो टोलमा विकास निर्माण गर्न, सरसफाई तथा अन्य रचनात्मक गतिविधी सञ्चालन गर्नका निम्ती वडा संग सम्मोन्य गरेर काम गर्ने छ । वडामा रहेका सार्वजनिक र सामुदायिक सँस्थाको हकमा जुनसुकै टोलमा परेपनी यथास्थितीमा प्रयोग गर्ने निर्णय भएको बताइएको हो ।

बुर्तिबाङ कात्तिक १७
पश्चिम बागलुङको विकास र समृद्धिका निम्ती गठवन्धनका साझा उमेद्वार दोर्ण कुमार कुवंरको विकल्प नभएको वक्ताहरुले बताएका छन ।
तमानखोला गाउँपालिका ४ तमानमा विहिबार आयोजित चुनावी सभालाई सम्वोधन गर्दे वक्ताहरुले निसी, भुजी, तमान, ढोरपाटनको विकास समृद्धि र यहाँका जनताको समस्याको सम्वोधन गर्नका निम्ती प्रदेश र केन्द्र सम्म राम्रो पहुँच भएको र जनतासंग हातेमालो गर्ने प्रदेश सभाका उमेद्वार दोर्ण कुमार कुवंरलाई यसपटकको निर्वाचनमा जिताउनुको विकल्प नरहेको बताए ।
कुवंरसंग प्रतिस्प्रर्धा गर्न लायक उमेद्वार नरहेका कारण पनी दोर्ण कुमार कुवंरलाई भारि मत सहितविजयी गराएर यस क्षेत्रको विकास र समृद्धिमा मुहार फेर्नुपर्ने बक्ताहरुले जोड दिएकाहुन ।
उनिहरुले थप वोल्दै गाउँमा आएर जनतालाई भ्रमको खेति गर्ने, झुठो आश्वासन देखाउने, आर्थिक प्रलोभनमा सोझा साझा जनतालाई ठग्ने, झुक्याउनेको कमि नभएका कारण समयमै सचेत वनेर आगामी निर्वाचनमा पाँचदलीय गठवन्धनका साझा उमेद्वार प्रदेश सभामा दोर्ण कुमार कुवंर र प्रतिनिधी सभामा देवेन्द्र पौडेललाई भारि मत सहित विजयी गराउनु पर्नेमा उनिहरुले जोड दिएका हुन ।
आयोजित कार्यक्रममा नेपाली कांग्रेस क्षेत्रीय सभापती जोकलाल बुढा, नेकपा माओबादी केन्द्र गण्डकी प्रदेश सदस्य चन्द्रलाल अर्याल, नेपाली कांग्रेस जिल्ला सदस्य शैलेश घर्तिमगर, महादिवेशन प्रतिनिधी सोम बहादुर पौवी, नेकपाको तर्फदेखि संकर कुवंर, राष्ट्रिय जनमोर्चाको तर्फदेखि तुलबहादुर छन्त्याल नेकपामाओबादी केन्द्र समाुनपातीकउमेद्वार प्रेम बहादुर रोका मगर, नेपालीकांग्रेस तमानखोला गाउँपालिका उपसभापती खिमबहादुर छन्त्याल, नेकपा माओबादी केन्द्रका छ बहादुर श्रीपाली लगाएतले वोल्दै गठवन्धनले भारि मत सहित निर्वाचनमा परिणाम ल्याउने बताउँदै गठवन्धनका दुबै उमेद्वारलाई शानदारको जित निकाल्न सबै नेता कार्यक्रता सक्रिय पूर्वक लाग्नुपर्ने बताउनु भयो ।
कार्यक्रममा प्रमुख अतिथीका रुपमा रहनु भएका प्रदेश सभाका उमेद्वार दोर्ण कुमार कुवंरले वोल्दै आफुले यस क्षेत्रमापुल, सडक, खानेपानी, शिक्षा र स्वास्थ्यका क्षेत्रमा धेरै काम गरीसकेको बताउँदै जनताका समस्या वुलन्ध गर्दे जनताको समस्यामा मल्हम लगाउनआफु र प्रतिनिधी सभाका उमेद्वार देवेन्द्र पौडेललाई विजयी गराउन मतदातालाई अपिल गर्नुभयो । कुवंरले थप वोल्दै भन्नुभयो म झुठो आश्वासन बाँडेर जनतालाई भ्रमित पार्दिन, जे वोल्छु काम गरेर छोड्छु । जनताका मुद्धालाई संसदमा पु¥याउनका निम्ती आफनो जित आवस्यक रहेको औँल्याउनु भयो ।

बुर्तिबाङ कात्तिक १७ गते
दशै तिहार लगाएतका चाडपर्वको समयमा शनिवार पनी खुल्ला रहँदै आएको बुर्तिबाङ बजार आगामी शनिवार देखि बन्द रहने भएको छ ।
विभिन्न वस्तुगत समितीको माग अनुसार शनिवार देखि पुनह बजारका व्यापार व्यवसाय प्रत्यक शनिवार वन्द गर्ने निर्णय भएको उद्योग वाणिज्य सँघ ढोरपाटनले जनाएको हो । संस्थाका उपाध्यक्ष निमलाल पाण्डेका अनुसार चाडपर्वको समयमा ग्राहकको सेवाका लागी केहि समयका लागी खुल्ला गरीएपनी कात्तिक १९ गतेदेखि पुनह वन्द हुने भएको बताउनु भयो । केहि बर्ष पहिले देखि उद्योग वाणीज्य संघको पहलमा प्रत्यक शनिवार बजारका व्यापार व्यवसाय बन्द हुँदै आएको थियो ।

निर्वाचनलाई मर्यादित वनाउन निर्वाचन आयोगले राजनैतिक दलसंग छलफल गरेको छ । बुधबार बागलुङ क्षेत्र नं. २ को बुर्तिबाङमा दलिय प्रतिनिधी , उमेद्वार र पत्रकारको विचमा छलफल गर्दे आगामी मंसिर ४ गते हुन लागिरहेको प्रदेशसभा र प्रतिनिधीसभा निर्वाचनलाई मर्यादित रुपमा सम्पन्न गर्नका निम्ती आचार संहिताको पालना गर्न दल तथा उमेद्वारलाई आग्रह गर्दे विभिन्न ७ बुँदामा छलफल गरीएको हो ।
निर्वाचनलाई सभ्य वनाउन आचारसंहिताको पूर्ण पालना गर्ने, प्रचार प्रसारको क्रममा व्याग, टिसर्ट, ब्यानरको प्रयोगमा निर्वाचन आयोगको मापडण्डमा रहेर मात्र प्रयोग गर्नुपर्ने, ढोरपाटन २ जाल्दी प्राविमा मतदान स्थल कायम गर्न स्थान साँघुरो रहेका कारण नजिकैको नेपाल विधुत प्राधिकरणको भवन प्रयोग गरी मतदान स्थल तयार गर्ने, आम भेला, सभा तथा गोष्ठी गर्दा निर्वाचन आयोगलाई लिखित जानकारी गराउनु पर्ने, एकै स्थानमा दुई उमेद्वार तथा पार्टीको कार्यक्रम जुधाएर नगर्ने निर्णय र सहमती गरीएको हो ।
त्यस्तै निर्वाचन आयोगबाट तोके वमोजिमका सवारी साधन पास लिएर मात्र उमेद्वारले प्रयोग गर्नुपर्ने र परिचय पत्र अनिवार्य राख्नुपर्ने विषयमा छलफल भएको छ । सञ्चार माध्यमबाट निश्पक्ष समाचार सुचना सामाग्रि प्रकाशन प्रसारण गर्नुपर्ने निर्णय गर्दे निर्वाचनलाई शान्तीपूर्ण, भयरहित र मर्यादित तवरले सम्पन्न गर्नका निम्ती सबैले सम्मोन्यकारी भुमिका खेल्नुपर्ने निर्णय गरीएको हो ।
निर्वाचन अधिकृत वाबुराम पाण्डेद्धारा निर्वाचनलाई सफल पार्ने दायित्व सबैको रहेका कारण सहकार्य, सम्मोन्य र आचार संहिताको पालना गरेर अगाडी बढ्न दल तथा उमेद्वारलाई सुझाब दिनुभयो ।
आयोजित कार्यक्रममा नेपाली काँग्रेस क्षेत्रीय सभापती जोकलाल बुढा, महाधिवेशन प्रतिनिधी दिपेन्द्र श्रेष्ठ, नेकपा एमाले ढोरपाटन नगर उपसम्योजक ज्ञानप्रसाद कंडेल, नेकपा माओबादी केन्द्र गण्डकी प्रदेश सदस्य चन्द्र अर्याल, राष्ट्रिय जनमोर्चा प्रतिनिधी खिमविक्रम शाही, स्वतन्त्र उमेद्वार नर बहादुर गुरुङ, नेशनल मंगोल अर्गनाइजेशन उमेद्वार तारा घर्ति मगर, नेपाल दलीत पार्टीका उमेद्वार टेक प्रसाद कामी सुरक्षाकर्मी पत्रकार कर्मचारीको उपश्थिती रहेको थियो ।

नेपाली काँग्रेसले आउँदो निर्वाचनका लागि घोषणापत्र सार्वजनिक गरेको छ । काँग्रेसको मुख्य कार्यालय ललितपुरको सानेपामा प्रधानमन्त्री तथा पार्टी सभापति शेरबहादुर देउवा तथा पदाधिकारी र घोषणापत्र लेखन समितिका सदस्यहरूले आज घोषणापत्र सार्वजनिक गरेका हुन् । घोषणापत्रमा काँग्रेसले प्रतिनिधि सभा विघटन गर्ने अलोकतान्त्रिक र असंवैधानिक कदम नचाल्ने प्रतिवद्धता जनाएको छ । यस्तै, काँग्रेसले आफ्नो नेतृत्वमा सरकार गठन भए आगामी पाँच वर्षमा १२ लाख ५० हजार नयाँ रोजगारी सिर्जना गर्ने सङ्कल्प गरेको छ । वार्षिक २ लाख ५० हजारका दरले ५ वर्षमा १२ लाख ५० हजार रोजगारी सिर्जना गर्ने सङ्कल्प काँग्रेसले गरेको हो । व्यापक रोजगारीका सम्भावना बोकेका क्षेत्रहरूमा सूचना प्रविधि, उद्योग, पर्यटन, निर्माण र यातायात, वित्तीय क्षेत्र, खनिज, कला तथा मनोरञ्जन लगायतका अन्य सेवा क्षेत्रमा वार्षिक २ लाख ५० हजार नयाँ रोजगारी सिर्जना गर्ने सङ्कल्प गर्दछ, काँग्रेसको घोषणापत्रमा भनिएको छ ।

५ वर्षभित्र सबै नागरिकको ‘स्वास्थ्य बीमा र बीमा मार्फत् गम्भीर प्रकृतिका रोगको उपचारको सुनिश्चितता गरिने काँग्रेसले जनाएको छ। यस्तै ३ वर्ष मुनिका बालबालिका र ७३ वर्ष माथिका नागरिकलाई निःशुल्क उपचारको व्यवस्था गर्ने तथा बीमा रकमको दायरा बढाई १० लाख पु¥याइने र अति विपन्न, एकल महिला लगायतको बीमाबापतको प्रिमियम पनि सरकारले नै तिरिदिने सङ्कल्पपत्रमा उल्लेख छ । यस्तै सरकारी सम्पत्तिको दुरूपयोग तथा प्राकृतिक स्रोत साधनको दोहन नगर्ने र गर्न पनि नदिने, सार्वजनिक खर्च पुनरावलोकन आयोगका अध्ययनहरूलाई अद्यावधिक गरी उपादेयता नदेखिएका विभाग र सार्वजनिक संस्थाहरू खारेज गर्ने, कानुनको सीमा बाहिर गएर आर्थिक प्रलोभन वा व्यक्तिगत प्रभावमा परेर कुनै पनि निर्णय र काम नगर्नेलगायत सङ्कल्प पनि काँग्रेसले गरेको छ । यस्तै, राष्ट्रिय गौरबका सबै निर्माणाधीन आयोजना सम्पन्न गर्ने, कृषि मल कारखानाको स्थापना गर्ने, आधा घण्टाभित्र पक्की सडकमा पुग्ने जनसङ्ख्या ७५ प्रतिशत पु¥याउने, सुरक्षित घरमा बस्ने परिवार सङ्ख्या ५५ प्रतिशत पु¥याउने, विद्युतीय ऊर्जाको उत्पादन १० हजार मेगावाट पु¥याउने, ४ सय केभीएको पूर्वपश्चिम प्रसारण लाइन सम्पन्न गर्ने, वार्षिक २० लाख पर्यटक भित्र्याउने र दैनिक पर्यटक खर्च १ सय डलर पु¥याउने, तरकारी, फलफूल, माछा मासु, दूध, मसला र औद्योगिक बालीमा आत्मनिर्भर बनाउने,सबै स्थानीय तहमा उच्च गतिको इन्टरनेट पहुँच पु¥याउने जस्ता महत्त्वकांक्षी घोषणा पनि काँग्रेसले गरेको छ । सार्वजनिक संस्थाहरूलाई दलीय हस्तक्षेपबाट मुक्त गर्दै सार्वजनिक पदमा विषयगत योग्यता र निश्चित मापदण्डका आधारमा गर्ने, सार्वजनिक पद धारण गरेका हरेक व्यक्तिले वर्षेनी सम्पत्ति विवरण सार्वजनिक गर्ने, नागरिकलाई झन्झटरहित सार्वजनिक सेवा उपलब्ध गराउने लगायत कुरा घोषणाापत्रमा उल्लेख गरिएको छ ।महामन्त्री तथा घोषणापत्र लेखन समितिका संयोजक विश्वप्रकाश शर्माले सार्वजनिक गरेको घोषणा पत्रको मूल सार निरन्तरतामा नवीनता भएको बताउनुभयो । महामन्त्री शर्मा नेतृत्वमा अर्थशास्त्री तथा योजना आयोगका पूर्वउपाध्यक्षहरू डा.स्वर्णिम वाग्ले,डा गोविन्द पोखरेल, राजनीतिक विश्लेषक गेजा शर्मा वाग्ले, शंकर तिवारीलगायत ४१ सदस्यीय समितिले एक महिना लगाएर घोषणापत्र तयार पारेको हो । यस्तै, नेपाली काँग्रेसले सबै महिलालाई निःशुल्क गुणस्तरीय स्यानिटरी प्याडको व्यवस्था गर्ने सङ्कल्प पनि गरेको छ । विश्वविद्यालयहरूलाई राजनीतिक हस्तक्षेत्र मुक्त बनाउने, विद्यार्थीलाई शैक्षिक ऋण, सामुदायिक स्कुलको व्यवस्थापन, निजीको शुल्क अनुगमन, माध्यमिक तहसम्म आवास सहित निशुल्क शिक्षा, एक विद्यालय एक दलित शिक्षकको नीति लागू गर्ने जस्ता विषयहरूसङ्कल्प पत्रमा छ ।