ढोरपाटन नगरपालिकामा कुल ५७.१२ प्रतिशत मत खसेको छ । कुल १७ हजार ५५४ मतदाता मध्ये दश हजार २८ अर्थात ५७.१२ प्रतिशत मत खसेको हो ।

नगरपालिकाको वडा नम्बर १ स्थित उत्तरगंगा माध्यमिक विद्यालयमा मतदान केन्द्रमा भएको निर्वाचन सौहार्द पूर्ण रुपमा सम्पन्न भएको छ । जसमा कुल १६४७ मतदाता मध्ये ९२४ मत खसेको जनाइएको छ । वडा नम्बर २ स्थित जनजागृर्ति आधारभुत विद्यालय मतदान केन्द्रमा कुल १२८० मतदाता मध्ये ६७९ मत खसेको छ ।

त्यस्तै वडा नम्बर २ कै रिनाम मतदान केन्द्रमा ८५२ मतदाता मध्ये ४९० मत खसेको हो । वडा नम्बर ३ बाट ९४४ मत खसेको छ । वडा नम्बर ४ बाट १२९२ मत खसेको छ ।

वडा नम्बर ५ बाट कुल २१४२ मतदाता मध्ये १०९८ मत खसेको छ । वडा नम्बर ६ बाट १४४९ मत खसेको हो । वडा नम्बर ७ मा ८०२ , वडा नम्बर ८ मा १००० र वडा नम्बर ९ मा कुल १५०८ मतदाता मध्ये ७८९ मत खसेको जनाइएको छ ।

निसीखोला गाउँपालिकामा सौहार्द पूर्ण रुपमा निर्वाचन सम्पन्न भएको छ । कुल १५६६८ मतदाता रहेकोमा आठ हजार ८४ अर्थात ५१.६० प्रतिशत मत खसेको छ ।

जसमा निसीखोला गाउँपालिका १ स्थित देस्थिान माध्यमिक विद्यालय मतदान केन्द्रमा मा मतदान सौहार्द पूर्ण रुपमा सम्पन्न भएको छ । कुल २४५४ मतदाता मध्ये ११११ मत खसेको जनाइएको छ । वडा नम्बर २ स्थित रत्नराज्य लक्ष्मि माध्यमिक मतदान केन्द्रमा कुल २६५६ मतदाता मध्ये १२८१ म्त खसेको पाइएको छ ।

वडा नम्बर ३ स्थित प्रभा माध्यमिक विद्यालय मतदान केन्द्रमा २२२० मतदाता मध्ये ११२४ मत खसेको छ । वडा नम्बर ४ स्थित जनजिवराज शुसिला माध्यमिक विद्यालय मतदान केन्द्रमा कुल मतदाता १८२० मध्ये १०६५ मत खसेको पाइएको छ ।

वडा नम्बर ५ स्थित ज्ञानेन्द्र माध्यमिक विद्यालय मतदान केन्द्रमा भएको मतदानमा २३९० मतदाता मध्ये १२८९ मत प्राप्त भएको छ । वडा नम्बर ६ मा कुल मतदाता २२१९ मतदाता मध्ये १२४१ मत खसेको छ । वडा नम्बर ७ मा १९१८ मतदाता मध्ये ९७३ मत खसेको पाईएको छ ।

मतदान सम्पन्न भएसंगै बागलुङ २ को मतपेटिका निर्वाचन अधिकृतको कार्यालयमा ल्याउन थालिएको छ ।

साँझ पाँच बजेपछि मतदान सम्पन्न भएसंगै ४८ वटै मतदान केन्द्रबाट मतपेटिका ल्याउने तयारी भइरहेको निर्वाचन क्षेत्र नम्बर २ का अधिकृत भिम प्रसाद सुवेदीले बताउनु भयो ।

नजिकका मतदान केन्द्रबाट मतपेटिका ल्याउने क्रम सुरु भइसकेको छ । ताराखोला गाउँपालिका, गल्कोट नगरपालिका लगाएत भौगोलीक रुपमा टाढा रहेका मतदान केन्द्रबाट सुरक्षा व्यवस्था सहित मतपेटिका ल्याउन सुरु गरीएको अधिकृत सुवेदीले जानकारी दिनुभयो ।

आज रातीसम्म मतपेटिका ल्याइसकेपछि सर्वदलिय बैठक बसेर सम्भवत भोली बिहान देखि मतगणना सुरु गरिने सम्भावना रहेको निर्वाचन अधिकृत सुवेदीले बताउनु भयो ।

बागलुङको वडिगाड गाउँपालिकामा ४७.७६ प्रतिशत मत खसेको छ । बिहीबार भएको निर्वाचन सौहार्द पूर्ण रुपमा सम्पन्न भएको बताइएको छ ।
कुल एक्काईस हजार ३६ मतदाता मध्ये दश हजार ४७ अर्थात ४७.७६ प्रतिशत मतदान भएको छ । जसमध्ये वडा नम्बर १ मा २१०१ मतदाता मध्ये ९७३ अर्थात ४६.३१ प्रतिशत, वडा नम्बर २ मा १९८३ मध्ये ९७० अर्थात ४८.९१ प्रतिशत मत खसेको छ ।
त्यस्तै वडा नम्बर ३ मा १६८६ मध्ये ८२१ व्डा नम्बर ४ मा २७०० मध्ये १११४, वडा नम्बर ५ मा ३१९२ मध्ये १४४१, वडा नम्बर ६ मा १३४५ मध्ये ६७३ मत खसेको हो । वडा नम्बर ७ २४६८ मध्ये १११४, वडा नम्बर ८ मा १३४९ मध्ये ९५५, वडा नम्बर ९ मा १८७६ मध्ये ९२७ र वडा नम्बर १० मा २०६० मध्ये १०५५ मत खसेको पाइएको छ ।

२१ फागुन, काभ्रेपलाञ्चोक । दोलखाको गौरीशंकर गाउँपालिका–९ वेदिङका कोही पनि मतदाता हालसम्म मतदान प्रक्रियामा सहभागी भएका छैनन् ।

वेदिङ आधारभूत विद्यालय रोल्वालिङ मतदान केन्द्रमा मतदान अधिकृतसहितका कर्मचारी हालसम्म मतदाता कुरेर बसेका छन् । तर, हालसम्म एक जना पनि मतदाता मत हाल्न नआएको प्रमुख जिल्ला अधिकारी हरिप्रसाद घिमिरेले जानकारी दिए ।

सो केन्द्रमा ११३ जना मतदाता छन् । ‘मतदान अधिकृत सहित ५ जना कर्मचारी र १३ जनाको सुरक्षाकर्मी खटिएर मतदानको लागि तयारी अवस्थामा छन्,’ उनले भने, ‘मतदानको लागि अनुरोध गर्दा पनि हाम्रो स्वेच्छा हो भन्दै मत हाल्न कोही पनि आउनुभएको छैन  ।’

प्रमुख जिल्ला अधिकारी घिमिरेले मतदानको समय सीमासम्म मतदानमा खटिएका कर्मचारी मतदातालाई कुरेरै बस्ने जानकारी दिए ।

च्छो रोल्पाको काखमा रहेको वेदिङ भौगोलिक हिसाबले निकै विकट हिमाली गाउँ हो । उक्त गाउँका अधिकांश मतदाता काठमाडौंमा छन् । गाउँमै रहेका मतदातासमेत भोट हाल्न इन्कार गरेका छन् ।

वेदिङका मतदाताले आफ्ना आवाज अहिलेसम्म कसैले पनि नसुनेको र यस पटक कुनै उम्मेदवार मत माग्नसमेत नआएको भन्दै भोट नहाल्ने बताएका हुन् ।

बिहीबार दिउँसो २ बजेसम्म देशभरि ६२ लाख मत खसेको छ ।

देशभरिका १६५ निर्वाचन क्षेत्रमा दिउँसो २ बजेसम्म ६२ लाख २० हजार ४२ मत खसेको हो । बिहान ७ बजेदेखि मतदान भइरहको छ ।

सबैभन्दा बढी काठमाडौं उपत्यकामा ४७ प्रतिशत मत खसेको छ । त्यसपछि गण्डकी प्रदेशमा ३९ प्रतिशत मत खसेको छ ।

देशभरिका १० हजार ९६७ मतदान स्थलहरूमा छिटपुट बाहेक मतदान भइरहेको छ । अहिलेसम्म जम्मा ३३ प्रतिशत मत खसेको छ ।

तथा मौसम पूर्वानुमान महाशाखाले आज देशका अधिकांश भागमा आज मौसम सफा रहने पूर्वानुमान गरेको छ।

साथै मुलुकका पहाडी तथा हिमाली भागका केही स्थानमा हल्का वर्षा तथा हिमपातको सम्भावना रहेको महाशाखाले जनाएको छ।

कोशी प्रदेशका हिमाली, पहाडी र तराई भागमा आंशिक बदलीदेखि मुख्यतया सफा मौसम रहने जनाइएको छ भने मधेस प्रदेशका तराईका केही भागमा मुख्यतया मौसम सफा रहनेछ।

बागमती प्रदेशका हिमाल, पहाड र तराई क्षेत्रमा आंशिक बदलीदेखि मुख्यतया सफा मौसम रहने पूर्वानुमान गरिएको छ। गण्डकी प्रदेशका सबै भू–भागमा आंशिक बदली हुनेछ।

लुम्बिनी प्रदेशका हिमाली र पहाडी क्षेत्रमा आंशिक बदली रहने तथा तराई क्षेत्रमा मुख्यतया सफा मौसम रहनेछ। कर्णाली प्रदेशका हिमाली र पहाडी क्षेत्रमा मुख्यतया मौसम सफा रहने जनाइएको छ।

सुदूरपश्चिम प्रदेशका हिमाली, पहाडी र तराई भू–भागमा मुख्यतया मौसम सफा रहने महाशाखाले उल्लेख गरेको छ।

निर्वाचन आयोगले फागुन २१ गते हुने प्रतिनिधि सभा निर्वाचनको मतगणना सुरु भएको २४ घन्टा भित्रै प्रत्यक्ष तर्फको मतगणना सम्पन्न गर्ने दाबी गरेको छ।

कार्यवाहक प्रमुख निर्वाचन आयुक्त रामप्रसाद भण्डारीले निर्वाचन आयोगमा आयोजित पत्रकार सम्मेलनमा मतपेटिका संकलन भएको २४ घन्टा भित्रै प्रत्यक्ष तर्फको मतगणना सम्पन्न हुने बताएका हुन्। त्यसपछि समानुपातिक तर्फको मतगणना गर्ने आयोजकले जनाएको छ।

निर्वाचन आयोगले १ सय ६५ निर्वाचन क्षेत्रलाई मतगणनाका सम्बन्धी परिपत्र जारी गरिसकेको छ। आयोगले मतगणना छिटो बनाउन प्राविधिक व्यवस्था गरेको जनाएको छ। मतगणना स्थलको सुरक्षाका लागि तारजाली र सिसिटिभी राख्ने काम सम्पन्न भएको आयोगले जनाएको छ।

‘पहाडी भूभागबाट मतपेटिका संकलन छिटो भन्दा छिटो गर्ने हाम्रो प्रयास हुन्छ। सम्भव भए हेलीबाट गरिन्छ,’  भण्डारीले भने, ‘मतगणना सुरु भएको २४ घन्टामा मतपरिणाम पहिलो हुनेको प्रकाशित गरि सक्नेछौं।’

निर्वाचन आयोगले १५ जिल्लाका ६१ स्थानबाट मतदानपछिका ब्यालेट बक्स हेलीकप्टरबाट संकलन गरिने जनाएको छ। मतपेटिका संकलन नेपाली सेनाको हेलिकप्टरबाट हुनेछ।

आयोगले मतपेटिका सुरक्षामा परम्परादेखिको प्रचलनमा कुनै परिवर्तन नगरेको जनाएको छ। साथै सेना तेस्रो घेरामा रहने जनाएको छ।

‘मतपेटिका संकलन गरेर आर्मीले ल्याउने किञ्चित होइन। नेपाली सेनासँग रहेको हेलिकप्टरबाट मतपेटिका संकलन गरिन्छ’, भण्डारीले भने, ‘मतपेटिकामा दलका प्रतिनिधिको लाह छाप लगाएको हुन्छ। मतगणनाको कार्यक्रम सुरु गर्दा दलका प्रतिनिधिले त्यो छाप ठिक छ भनेपछि सुरु हुन्छ।’

बिहिबार हुने निर्वाचनका लागि बुधबार मतदान केन्द्रहरु निर्माण गरिएको छ । निर्वाचनमा खटिएका कर्मचारी र स्थानीय मिलेर केन्द्र निर्माण गरेका छन् ।

उनीहरुले तोकिएको सिमा भित्र मतदान गर्ने, भीड हुन नदिने रेखांकन गरीएको हो ‘मतदान केन्द्र भित्र भीड हुन नदिने गरी काम गरीएको छ । ‘गेट बाहिरै बाट रुजु भएको मतदाता आएर फर्कने व्यवस्था बनेको छ ।’ त्यसका लागि राजनीतिक दलको एजेन्टहरुलाई समेत जानकारी गराइएको हो ।मंगलवार मतदान केन्द्रमा राजनीतिक दल र स्थानीय अगुवाहरुको सर्वपक्षिय भेला गरेर आवस्यक आचारसंहिता पनि बनाइएको छ । निर्वाचन आयोगले तोकेका आचारसंहितालाईपनि पुर्ण पालना गर्ने गरी सर्बपक्षिय भेला सहमतिमा आएको हो । बिहिवार सबै मतदान केन्द्र व्यवस्थित रुपमा बनाइसकिएको क्षेत्र नंं १ का सहायक निर्वाचन अधिकृत पूर्णप्रसाद शर्माले जानकारी दिए ।

यस अघि मतगणनास्थलमा सिसि क्यामेरा जडान गरेर फलामे तार लगाइसकिएको छ । मतदान अघि शान्तिपुर्ण भएपनि मतगणनामा बढी समस्या आउन सक्ने भन्दै पक्की तारबार लगाइएको हो । त्यसकालागि सभाहलमा ड्रिल मेसिन लगाएर फलामका पोल गाडिएको र सोही पोलमा जाली समेत लगाएपछि सुरक्षित बनाइएको हो ।

क्षेत्र नंं २ कालागि पनि ढोरपाटन नगरपालिका १ को कुतथाप्लामा रहेको साना सहरी बिकास आयोजनाको कार्यालयमा फलामे तार लगाएर मतगणना स्थल बनाइएको हो । यो कार्यालयमा डेढ महिना देखि निर्वाचन अधिकृतको कार्यालय स्थापना भएको छ । निर्वाचनमा हुन सक्ने सबैखाले समस्या समाधानकालागि अन्तिम तयारी भैसकेको निर्वाचन अधिकृत भीमप्रसाद सुवेदीले जानकारी दिए । निर्वाचन अधिकृतको कार्यालय र मतगणना केन्द्र सशष्त्र प्रहरीले सुरक्षा दिइरहेको छ ।

बगलुङमा ९४ हजार ८ सय ६ जना पुरुष र ९८ हजार ५ सय ७४ महिला गरी १ लाख ९३ हजार ३ सय ८१ मतदाता छन् । बिहिवारको निर्वाचनकालागि १ सय ३२ मतदान स्थल तोकिएको छ । जिल्ला कारागार र जिल्ला समन्वय समितिमा अस्थायी मतदान केन्द्र तोकिएको मुख्य निर्वाचन अधिकृत सीता शर्मा अधिकारीले जानकारी दिइन् ।