निर्माणाधीन मध्य ताराखोला जलविद्युत आयोजनाको पाइपलाइन जडानको क्रममा फलामे पाईपले च्यापेर एक मजदुरको मृत्यु भएको छ ।
बागलुङ जिल्लाको ताराखोला गाउँपालिका–५ धस्मर स्थित विद्युतको टर्नेल पाईपमा काम गर्ने क्रममा पाइपले च्यापेर आज बिहान ११ बजे रोल्पा जिल्लाको सुनछाहरी गाउँपालिका–३ घरभएका दिल बिक गम्भिर घाइते हुनुभएको थियो ।
घाइतेको उद्दार गरी गलकोट स्थित इमर्जेन्सी अस्पताल प्रा.लि.मा लगिएकामा चिकित्सकले मृत घोषणा गरिएको जिल्ला प्रहरी कार्यालय बागलुङका प्रमुख प्रहरी उपरिक्षक फरिन्द्र प्रसाईले जानकारी दिनुभयो । वेल्डिङको काम गरिरहेका मजदुरमाथी पाइपले च्यापेको थियो ।
