टीडीएच बि.एम.जेट.जर्मन सरकारको सहयोग र विवाईसी बागलुङको विकास साझेदारीमा निसिखोला गाउपालिका र ढोरपाटन नगरपालिकामा संचालित दिगो पर्यटन प्रवर्द्धन परियोजना अन्तर्गत ढोरपाटन नगरपालिका वडा नं. ७ मा स्थापित ढोरपाटन बोबाङ बहुउद्देश्यीय सहकारी संस्था लिमिटेडको प्रारिम्भक साधारण सभा कार्यक्रम सम्पन्न भएको छ ।

उक्त प्रारिम्भक साधारण सभा कार्यक्रममा ढोरपाटन नगरपालिका वडा नं. ७ बोबाङमा स्थापित ढोरपाटन बोबाङ बहुउद्देश्यीय सहकारी संस्था लिमिटेडका अध्यक्ष श्री निरिता कुमाई भण्डारीको अध्यक्षता र ढोरपाटन नगरपालिका वडा नं. ७ का वडा अध्यक्ष श्री धनवहादुर अदैको प्रमुख अथिति र विवाईसी बागलुङका उद्यम विकास अधिकृत टेक वहादुर वि.के. को विशेष उपस्थितीमा उक्त कार्यक्रम संचालन भएको थियो । 

कार्यक्रममा विवाईसी बागलुङका सामाजिक परिचालन अधिकृत ओमप्रकास सिर्पाली, सहकारी संस्थाका  सदस्य तथा विभिन्न सरोकारवाला निकायको उपस्थिती रहेको थियो । कार्यक्रममा विशेष गरी सहकारी संस्था दर्ता भएपछि सहकारी संस्थाले गरेका गतिबिधि तथा उपलब्धीहरुको विषयमा संस्थागत प्रस्तुतीकरण संचालक समितिका अध्यक्ष श्री निरिता कुमाई भण्डारी गर्नुभएको थियो भने आर्थिक प्रतिवेदन प्रस्तुतीकरण कोषाध्यक्ष श्री अनिता अदैले गर्नुभएको थियो ।

सहकारी संस्थाको संस्थागत प्रतिवेदनमा उल्लेख भएबमोजिम हालसम्म सहकारी संस्थाले ३२ जना शेयर सदस्य निर्माण गरेको उक्त ३२ जनावाट प्रबेश शुल्क १६ हजार, शेयर रकम १६ हजार र मासिक बचत १७ हजार ४ सय गरी जम्मा ४९ हजार ४ सय जम्मा भएको, विवाईसी बागलुङसंगको समन्वय तथा सहजीकरणमा यस वडा नं. ७ को सेलिखोलामा रहेको सार्वजनिक जग्गा सहकारी संस्थाको नाममा लिएको, आलु चिप्स भवन निर्माणको लागि विवाईसी बागलुङसंग भवन माग गरिएको, आलु चिप्स संचालनको लागि निर्माण गरिने भवनको जग्गालाई जेसिबि मार्फत सम्याईनुका साथै उक्त भवन वनाउने जग्गाको लेआउट गरिएको र डिजाई भईरहेको सहकारी  संचालक समितिका अध्यक्षले गराउनु भयो ।

कार्यक्रमका प्रमुख अथितिले अदैले बोल्दै सहकारी संस्थालाई जिल्ला कै नमुना सहकारी बनाउने विशेष गरी आलुलाई बिबिधिकरण गरी आलुको चिप्स, आलुको मस्यौरा, आलुको सोया, आलुको रक्सी, आलुको भुजिया जस्ता वस्तु तथा आईटमहरु बनाउन सकिएमा यहाँको श्रोतहरुको सहि रुपमा सदुपयोग र यहाँका युवाहरुले यही रोजगार पाउने सम्भावना हुने, यहाँको पैसा यही रहने बताउनु भयो  ।

त्यस्तै गरी यस क्षेत्रमा अर्गानिक रुपमा उत्पादन भएको वस्तु तथा सेवालाई सहकारी मार्फत बजारीकरण गर्नुपर्ने र सहकारीको माध्यमबाट आर्थिक उर्पाजन गर्न सकिने विवाईसी बागलुङका सामाजिक परिचालन अधिकृत ओम सिर्पालीले जानकारी गराउनु भयो ।  कार्यक्रमको संचालन सहकारी संस्थाका सचिव तिर्सना अदैले गर्नुभएको थियो ।

ढोरपाटन उद्योग वाणिज्य संघले आफनो भवन निर्माणका निम्ती पचास लाख बढि रकममा जग्गा खरिद गरेको छ ।

यसै बर्ष संस्थाको भवन निर्माण गर्ने उद्देश्य सहित ढोरपाटन नगरपालिका २ बगरमा १० आना ३ दाम जग्गा पचास लाख ८१ हजार रुपैयाँमा खरिद गरिएको उद्योग वाणिज्य संघ ढोरपाटनका अध्यक्ष ढालेन्द्र छन्त्यालले बताउनु भयो ।

अध्यक्ष छन्त्यालले भन्नुभयो ‘संस्थामा रहेको कोष, क्यालेन्डर निर्माण र सदस्यता शुल्क लगायतको शिर्षक बाट पन्ध्र लाख रुपैयाँ र ४१ लाख रुपैयाँ कार्यसमितिबाट सङ्कलन गर्ने गरी आर्थिक व्यवस्थापन गरेर जग्गा खरिद गरेका छौँ ।’

खरिद गरिएको जग्गाको लालपूर्जा

अब चाँडै भवन निर्माण गर्ने गरी अगाडि बढिने बताइएको छ । उद्योग वाणिज्य संघको भवन निर्माणका निम्ती ढोरपाटन नगरपालिकाले चालु आर्थिक बर्षका लागी बिसलाख रुपैयाँ बजेट विनियोजन गरेको हो । अन्य श्रोत जुटाएर तिन तला सम्मको भवन निर्माण गरिने अध्यक्ष छन्त्यालले बताउनु भयो । संस्थाले बुर्तिबाङ बजार नजिकै वगर भन्ने स्थानमा ढोरपाटन जाने सडक छेउमा जग्गा खरिद गरेको हो ।

संस्था स्थापना पश्चात भाडाको घरमा बस्दै आएको र बैठक, कार्यक्रम लगायतका गतिविधि गर्नलाई समस्या भएपछि आफ्नै भवन निर्माणमा जग्गा खरिदका निम्ती अध्यक्ष छन्त्याल लगायत पदाधिकारीको सक्रिय भूमिका रहेको हो ।

ढोरपाटन नगरपालिका १ बुर्तिबाङमा रहेको उत्तरगंगा माध्यमिक विद्यालयमा प्रधानाध्यापकको रुपमा हरिचन पाण्डे चयन हुनुभएको छ ।
निवर्तमान प्रधानाध्यापक ईश्वरी प्रसाद पौडेलले स्वेच्छिक रुपमा राजिनामा दिएपछि विद्यालय व्यवस्थापन समितिको बैठकले बरिष्ठताको आधारमा प्रधानाध्यापकको रुपमा शुक्रबार हरिचन पाण्डेलाई चयन गरिएको जनाईएको हो ।

आफूले प्रधानाध्यापकको जिम्मेवारी पाएसँगै विद्यालयको शैक्षिक गुणस्तर वृद्धि र भौतिक व्यवस्थापनमा सबैलाई मिलाएर अगाडि बढ्ने प्रधानाध्यापक हरिचन पाण्डेले बताउनु भयो । 

विज्ञापन मार्फत खुल्ला प्रतिस्पर्धाबाट प्रधानाध्यापकको चयन गरिनुपर्ने प्रावधान रहेपनि शिक्षा नियमावली २०५९ को नियम ९३ को उपनियम १२ बमोजिम विद्यालयको प्रशासनिक र आर्थिक अधिकार सहित चयन गरिएको विद्यालय व्यवस्थापन समिति सदस्य गोपाल महतले बताउनु भयो । 

इलाका प्रशासन कार्यालय बुर्तिबाङबाट आर्थिक बर्ष २०८१÷०८२ मा दुई हजार ९ सय ७६ जना व्यक्तिले नयाँ नागरिकता लिँदा दुई हजार ६ सय ९४ जनाले नयाँ राहदानी लिएका छन ।

कार्यालयबाट वार्षिक रुपमा दिइएको सेवा अन्तरगत राहदानी लिने र नागरिकता लिनेको सङ्ख्या नजिक नजिक रहेको पाइएको हो । कार्यालयले राष्ट्रिय परिचयपत्र बनाउने ७ हजार १७५ जना व्यक्तिलाई सेवा दिएको छ ।

नाबालक परिचय पत्र लिने १७३ जना, नागरिकता प्रतिलिपि लिने २ हजार ९५ जना रहेको इलाका प्रशासन कार्यालय बुर्तिबाङका प्रमुख सरोज सिग्देलले बताउनु भयो । त्यस्तै कार्यालयबाट दलित, जनजाति, खस, आर्य तथा अन्य सिफारिस लिनेको सङ्ख्या ६७६ जना रहेको पाइएको हो ।

कार्यालयले गत आर्थिक वर्षमा १ करोड ४४ लाख ६७ हजार ५०० रुपैयाँ राजश्व सङ्कलन गर्न सफल भएको छ । चालू तर्फ ८१।१८ प्रतिशत र पुँजीगत तर्फ ९५।५७ प्रतिशत खर्च गर्न सफल भएको जनाइएको हो ।

इलाका प्रशासन कार्यालय हालसम्म पनी भाडाको घरमा रहँदै आएको हो । भाडाको घरमा रहँदा कार्यालय अत्यन्तै साँघुरो हुँदा सेवाग्राहीलाई सहज रुपमा सेवा प्रवाह गर्न नसकिएको बताउँदै बैकल्पिक व्यवस्था गर्न आवस्यक रहेको कार्यालय प्रमुख सिग्देलको भनाई छ । कार्यालयका कोठा र बाहिर बस्ने ठाउँ साँघुरो हुनु र सेवा ग्राहीको अत्याधिक चाप हुने हुँदा पालो कुरेर बस्न समेत समस्या हुने गरेको सेवाग्राही नागरिकको गुनासो रहेको छ ।

ढोरपाटन साउन १ गते
मालपोत कार्यालय बुर्तिबाङले आर्थिक बर्ष २०८१÷०८२ मा घरजग्गा पूँजिगत र अन्य करबाट कुल दुई करोड ३४ लाख २० हजार चारसय छयासी रुपैयाँ राजश्व संकलन गर्न सफल भएको छ ।
कार्यालयले गत आर्थिक बर्ष २०८०÷०८१ को तुलनामा ४३.७३ प्रतिशत बढि राजस्व संकलन गर्न सफल भएको हो ।

पालिकागत रुपमा ढोरपाटन नगरपालिका ९१ लाख ३६ हजार १ सय ९१, निसीखोला गाउँपालिका १४ लाख ६६ हजार २ सय ६२, बडिगाड गाउँपालिका १२ लाख ९५ हजार ५५८ र तमानखोला गाउँपालिकाको ३ लाख १४ हजार ५०९ रुपैयाँ राजश्व सँकलन भएको मालपोत कार्यालय बुर्तिबाङका प्रमुख काशीराम खड्काले बताउनु भयो ।

ढोरपाटन नगरपालिका, निसीखोला गाउँपालिका, तमानखोला गाउँपालिका र वडिगाड गाउँपालिका कार्यक्षेत्र रहेको कार्यालयमा आर्थिक बर्ष २०८१÷०८२ मा पूँजिगत कर ६३ लाख ५३ हजार ७५९ रुपैयाँ र अन्य मोठ, मुद्धा, धितो बापत ४८ लाख ५४ हजार २०७ रुपैयाँ गरी कुल १ करोड १२ लाख सात हजार ९ सय ६६ रुपैयाँ संकलन भएको छ ।

संकलित रकममध्ये पालिकागत राजश्वको ६० प्रतिशत सम्बन्धित पालिकालाई र ४० प्रतिशत गण्डकी प्रदेश सरकारमा जाने भएको हो । त्यस्तै पुँजिगत कर संघिय सरकार र मोठ, मुद्धा, धितो वापत संकलित रकम प्रदेश सरकारलाई जाने गरेको हो ।

यतिबेला ढोरपाटन पुग्ने आन्तरिक पर्यटकको सङ्ख्या बढ्दो क्रममा छ । लहलह ढोरपाटनका फाँट र बुकिमा फुलिरहेका फूल र नजिकै देखिने हिमशृङखला हेर्न तथा बर्सातका सिजनमा जताततै देखिने हरियाली फाँट हेर्नका निम्ती समेत पर्यटकहरू ढोरपाटन पुग्ने गरेका छन ।

ढोरपाटनको प्रचार प्रसार र ब्याख्या जति गरेपनी कम हुने प्राकृतिक मोहले मानिसलाई रनभुल्ल बनाउने गर्दछ । यौ सँगै पछिल्लो समय ढोरपाटनमा प्लास्टिक जन्य फोहोरले उपत्यका, नदि, मन्दिर लगाएत विभिन्न प्राकृतिक र संस्कृतिक सम्पदालाई गिज्याउन थालिरहेको हो ।

ढोरपाटन पुग्ने पर्यटक संगै स्थानीय नागरिकले समेत सरसफाइमा ध्यान दिन नसक्दा फोहोरको थुप्रो बढ्न थालेको स्थानीय रमिता पुन मगरले बताउनु भयो । आज बिहान स्थानीय जनप्रतिनिधि, सामाजिक अगुवा लगायतको सक्रियतामा ढोरपाटन उपत्यका, ढोरबराह  मन्दिर आसपासमा फोहोर सङ्कलन गरी व्यवस्थापन गरिएको छ ।

केही महिना अगाडि यस्तै सरसफाइ कार्यक्रम गरिएपनि पुनः उस्तै प्लास्टिक जन्य फोहोरले दुर्गन्धित बन्दै जाँदा पर्यटक र स्थानीय नागरिकले सरसफाइमा ध्यानदिनुपर्ने अवस्था सृजना भएको हो ।

 गिफ्ट ढोरपाटन नामक संस्थाको स्थापना गर्दे ढोरपाटनको सौन्दर्यता लाई कम हुन नदिने गरी सरसफाइ अभियानमा लागिएको रमिता पुन मगरको भनाई छ । संस्थाले “प्लास्टिक हटाऔँ, ढोरपाटन बचाऔँ ”भन्ने नाराका साथ ढोरपाटन उपत्यका क्षेत्रमा सरसफाई तथा प्लास्टिकजन्य फोहोर व्यवस्थापन कार्यक्रम सञ्चालन गरेको हो । 

ढोरपाटन नगरपालिका ९ का वडा सदस्य मोहन पुन, निवर्तमान वडा सदस्य यम बहादुर वि.क. लगायत स्थानीय सामाजिक व्यक्तिहरूको सक्रियतामा सरसफाइ कार्यक्रम गरिएको जनाइएको हो ।